邱比快活賽馬台

單W 心水
5場 6 勇眼光
7場 12 威之星
8場 5 勇創派對

今日做個簡單心水Q/QP提供
2場 2 陽明冠爵 5 怪獸媽媽
5場 6 勇眼光 2 飛雲騅

4月6號賽事簡左第4、7、8場比大家參考

第4場推介 < 3 喜駿駒 ‧ 5 歡欣福星 ‧ 4 安采 ‧ 2 發財先鋒>
#喜駿駒 今季尚未交代，戰意十足，晨操夥拍焱焱元帥兩隻狀態十分好但求起孖。145場次中段發力好岩隻馬發揮，今場5檔走二疊睇岩時機發力最好，1800更合發揮， 電訊巴打不是對手
#歡欣福星 抖足一個幾月先出，體力有優勢，一月盃1800米贏玖寶輸比超級軍團證明實力，重配巴度唔洗比何澤堯蝕位出大外檔會更好
#安采 大摩年代已證明實力，開竅穩定可以再入位，預計單騎領放電訊巴打會跟後，形勢好跑
#發財先鋒 1800米暫時最合發揮，初跑谷草應先觀望，惟打吡季軍實力不俗，放第四選
其他馬電訊巴打242場次1800米順放都唔到，今場要追馬唔太睇好， 快益善無長直路唔易追，路路醒蔡明紹騎會較合拍

第7場推介 < 6 得意佳作 ‧ 3 闖一 ‧ 11 對衡之星 ‧ 10 大醇威>
#得意佳作 換上莫雷拉戰意十足，三歲馬大師傅騎無論發揮或者教馬都會有好大幫助，上場輸三疊，今場雖然排8檔，內側馬董大快快有好瑪好馬正本雄心會較慢，輗多福大醇威會搶放，變相至少在對衡之星的二疊或者埋到欄，形勢會好，呢隻馬谷草好勁，惟一擔心上場跌17磅未有回升
#闖一 薛恩一直摸實呢隻馬，有一定實力，上場加速力未算最強，希望一個月內提供狀態且進步，預計今場快放馬輗多福大醇威有利闖一跟三四位不用頂出三疊，臨場應該會有分頭
#對衡之星 重配希威森當然要秤高，初配鼻箍，預計今場會居中前疊競跑，第五六位，原因係1200其實會路短，太後好難追，田草1400實力希望係呢組可以蝦對手
#大醇威 失望左好多場既大醇威小編認為今場係天時地利人和，第一評分新低，第二呢隻馬試閘試過追馬會好，但次次都搶放，今場有輗多福快放會有幫助，第三換人陳嘉熙有戰鬥英雄既感覺，第四114磅好好跑，由於失望過太多次而對手都比較有質素，會放第四選，但值得留意此馬出道未贏但有8個第二
其他馬快快有彎左啲野，董大一檔值得留意，輗多福1200仲難，好瑪好馬未上力，競駿高歌試閘一般，勁快聯盟外檔蝕唔起，寶貝兒沙田較好，正本雄心等落班

第8場推介 < 9 峰爭 ‧ 8 鴻圖巨星 ‧ 1 富高八斗 ‧ 2 國士無雙>
#峰爭 蔡神羅富全平頭冠軍數目，預計蔡約翰會有2W在手，羅富全一定靠峰爭縮窄差距，上場無遮擋走二疊未算最好發揮，今場有喜駿之星擺前預計有Box，相隔一個月絕對辣操無跌磅，轉配開縫眼罩有心思，打王牌穩勝
#鴻圖巨星 雖然中長途馬跑左三場1200都唔知咩胡蘆賣咩藥，志在評分新低47分而且狀態非常好，換騎師希望有啲新鮮感
#富高八斗 133磅8檔唔易跑，近仗前速唔太銳利，騎練配搭無得唔簡，放第三位
#國士無雙 一檔其實好好跑，但外側峰爭一定快一步殺埋欄然後拉慢比喜駿之星放，變相國士無雙可能會守第5-6位競跑，直路要追前置馬比起上場難度增加，所以放第四位
其他馬游戲人間12檔陪跑，童話老退而且路短，勇進齊心福祐仍未上力，騰龍超影唔易追到前置後生馬，喜駿之星重配羊毛面箍但之前用過好差，極爽無晒前速兼外檔，合夥贛勁路短落班等轉場


#喜駿駒峰爭無得輸
#熱頭冷腳闖一鴻圖巨星

#隔沙跑馬地再出擊
#三大師傅無得走

3月23號賽事簡左第2、5、9場比大家參考

第2場推介 < 9 紅褲之王 ‧ 5 鼓浪順風 ‧ 4 大師級 ‧ 12 獵狐者威>
#紅褲之王 潘頓跑左兩場照渣住黎跑，縮程重回贏馬路程，試閘輕抒步頭，預計今場因外檔會留後，希望中段踏油直奔終點
#鼓浪順風 外地有1400贏馬賽績，今場增程1650問題不大，由田草1000至泥地都是熱身減分，換場谷草最合發揮，有冷賠率一於拖埋
#大師級 出閘後越來越慢腳，增程希望能擺番較前位置，減夠分出擊
#獵狐者威 預計今場有好檔位跟前競跑，操練十足，巴度一手摸住，會走近
其他馬開懷大少銳氣已過，綠登再長路程，三劍俠場場輸遠，甲烷未到時候，翡翠鳳凰 唔知彎左啲咩，又享耆成打疊三場頭馬加得多分且馬房次選，銀亮威龍馬雅騎沙田先諗，日就月將兩個月無跑重新操起要時間，

第5場推介 < 9 電子傳奇 ‧ 6 專一 ‧ 2 爆谷 ‧ 12 幸運飛彈>
#電子傳奇 上場跟得太前，1650最岩發揮，繼續抽內檔非常好跑，創建群英一樣滿意鵲橋飛渡三駒會擔起步速，文家良配合金鑽貴人而來
#專一 人馬非常合拍，1650首本路程兼梁家俊騎專一跑此程兩戰兩第二，睇番影片梁家俊每步推騎都令隻馬大步上前，所以擺係二選
#爆谷 潘頓重騎，預計又會採取中段發力戰略，潘頓會比周俊樂的決心更強，上場發力至轉彎前三疊，希望騎師能夠幫呢隻馬再入位
#幸運飛彈 輕磅配上莫雷拉，分數仍然有水位，快步速利後上可爭一席
其他馬成才12檔難搞，童話有啲退步，冰雪奇遇長力成疑，觔斗雲田草較好且換人，創建群英一樣滿意鵲橋飛渡三馬快放不利發揮，八騎士表現反覆

第9場推介 < 11 怪獸奇兵 ‧ 7 芙蓉莊 ‧ 9 包裝大獎 ‧ 1 確妙星>
#怪獸奇兵 上場初跑三班力拚二雋，適應左一場磅再輕過後者必定反先，莫雷拉晨課摸實，1650試準為最佳路程，4歲馬會再有進步，坐二望一
#芙蓉莊 勝出當銳而且有內檔，賀銘年發揮得幾好，直路大鞭打落去都唔會斜跑，交出凌厲後勁，可再度入位
#包裝大獎 上場初跑1650邱比貼中5.8倍W，何良要爭頭馬會繼續去馬，惟初上三班有少挑戰
#確妙星 414場次令我比較失望，大好形勢衝到最後50米乏力，希望潘頓發力點能夠幫到呢隻馬岩岩好衝到1650米，抽一檔唔洗蝕腳程會有幫助，狀態一直擺左係度
其他馬二雋換人負磅重且體重上升9磅未知好定唔好，美麗邂逅逐漸上力，健康在望例無打疊，合夥芙蓉上場賺變化地，勁駒四班先諗，鋒芒勁露增程外檔可以考慮，超趣路合有權入位，超勁勇士田草較好


#開心星期三
#繼續有馬跑
#推介得既唔會係全熱門

#潘莫田三大師傅

#支持邱比小品

3月16號賽事簡左第1、3、4場比大家參考

第1場推介 < 1 請讓路 ‧ 5 高高 ‧ 6 銀亮之星 ‧ 4 有苗頭>
#請讓路 今場快馬兩隻請讓路有苗頭會孭起整個步速，以請讓路既前速分分鐘會快過有苗頭埋欄搶放，上仗谷草1200 Last 150米乏力，證明比起初出連直路1000都唔到得800米力有明顯進步，今場落班繼續配眼罩，一放而回
#高高 2月25試閘可以擺到第三位最後持續走勢，近幾仗高高跑法居於較後位置，今場有權改變跑法跟前，5班有優勢而且苗禮德馬雅配合尾場冠寶駒出擊
#銀亮之星 坦白講1000米路短實在簡唔落手，惟分數已減到歷史新低35分，配莫雷拉執外檔拖番一席，要後上殺晒前置馬唔容易
#有苗頭 最大既問號放左係3月8號試完閘3月11又再試，點解要相隔3日試兩課閘和體力能否保持呢? 好在無跌磅而且216場次跑第二的確有說服力，但基於操練過於頻密我會放第四選
其他馬陽明冠爵216場次117磅贏馬但現時132磅，負磅好大考驗，濃有久休復出熱身，怪獸媽媽預計熱門，236場次莫雅唔放頭明顯隻馬唔太識追馬，今場快馬前速一定比怪獸媽媽高，直路可能會散晒，怪獸厨神外檔唔諗， 隨喜1000太短，大紅星未識追馬，精算赤焰上場潘頓騎追勢都係咁上下，海王駒1650馬

第3場推介 < 3 包裝風雲 ‧ 2 自然力量 ‧ 7 勝利波幅 ‧ 9 錶之皇者>
#包裝風雲 由季初63分減到53分跑四班賽，狀態持續提升其實好有優勢，上場轉彎前4疊發力6疊入直路蝕好多腳程但仍然保持追勢，今仗強配莫雷拉增程1800排內檔會更好發揮
#自然力量 呢隻馬1800米最準，上仗初跑谷草長路程2200米難度甚高，今季只跑四場體力上佔優，稍嫌梁家俊手風唔算順，三甲之材
#勝利波幅 1800首本路程，換上田泰安可以打起呢匹均速馬，過往跑得最好係莫雷拉，體重稍有上升應該係好事黎，邊線份子
#錶之皇者 勤跑希望幫馬匹提升狀態，藉著內檔之利比起前幾仗11-12檔可以慳番啲腳程，既然上場都算跑近第六，今場應該可以提升名次，奈何右前腿肌腱受傷後無以前果種追勁，放第四位較穩陣
其他馬瑪神滿紛預計熱門份子，均速重磅唔易發揮，雖然我預佢唯一一隻放頭，但未證明過呢個跑法係咪最好，所以有唔少疑點，請飲茶1650都唔追1800更難，御風超影贏完季初彎左啲野，活力得勝馬房次選一再失望無走勢，勁力威龍薛恩跑近又走去轉騎師，赤子雄心遲熟要跑再長啲

第4場推介 < 6 得意佳作 ‧ 1 人和家盛 ‧ 8 國士無雙 ‧ 5 魅力星光>
#得意佳作 上場爆冷入位隨即加緊操練，3歲仔直路跑姿幾好無閃，今場抽外檔早段稍留會合發揮。試閘與中華盛景同速番黎，實力無容置疑，唯一一樣擔心係跌左16磅
#人和家盛 最銳係季初頭四場但巧合地全抽外檔，上次跑沙田減分目標無疑放係今場落，排五檔名次一定有所提升，沈何合作尚算可以，喜快幸福至上偶有佳作
#國士無雙 純粹渣住上一場賽績輸比金鑽貴人辣得驕，贏已有頭馬的秒秒精彩，呢組絕對夠用，難得方嘉柏無將呢匹馬轉場轉路程，一檔更加秤先
#魅力星光 放頭馬可以控制步速，預計極爽喜旺財放頭但無魅力星光咁快，純粹前置馬有利，評分無優勢，故放第四選
其他馬騰飛塔跑過一場谷草唔係太岩跑，勇眼光預計三疊，徐雨石初出馬慢熱的喜旺財可以不理，勁快聯盟未有追勢，福滿寶外檔難跑，時時奪綵試緊馬，喜駿之星極爽四班無優勢等落班

#邱比過三關
#請讓路
#包裝風雲
#得意佳作
#有時間留意埋邱比9串1


#然後留言支持下新晉評馬員

#包裝風雲增程對手轉弱
#得意佳作唔簡單
#股票傳奇好跑過伊臣
#冠寶駒換人交代谷草1650好勁
#請讓路試準谷草1000

#心水唔會比全熱門係人都識度

3月9號賽事簡左第2、7、9場比大家參考
第2場推介 < 5 紅磚閃耀 ‧ 3 各取所需 ‧ 6 雪茄之友 ‧ 10 鼓浪陽光>
#紅磚閃耀 368場次快活谷同程已走光，上場路短黃俊騎直路無位可以有籍口，12檔縮後爆一段會岩霍宏聲重鞭跑，3歲馬逐有進步面對其他五班舊馬會有著數
#各取所需 處女馬角逐，評分已經由70分減左一半，上場沙田有腳影，雖然爆炸力唔算勁，勝在騎練合拍可以入位
#雪茄之友 睇番141,329場次勝出和跑第二都係貼欄順走，今場快馬旋里多彩無可估計前速無雪茄之友咁快，而且重磅，可以輕鬆搶放，上場跑泥大家都估佢可能唔鐘意食沙，練馬師咁快安排再次出賽證明馬匹狀態仍勇
#鼓浪陽光 莫雷拉摸住操三課誠意搭夠，上場末段有餘未盡，增程200路合要拖，始終只入過一次位，所以要更多證明
其他馬旋里多彩唔叻既馬，無可估計無走勢兼外檔，吉利大勝1000沙田好啲，得福仲試緊馬，坪山新星有邊線機會，帝豪精彩外檔難跑，鑲藍旗上場好勉強第三，威力喜增程先考慮

第7場推介
#電子傳奇 重心獨贏兼臨場應有分頭，上場1200同包裝大獎同速追上，再出1650已經勝出，證明電子傳奇1650會更合發揮。今場形勢電子傳奇可走6-7位貼欄跟跑，操練極之積極周俊樂換實試埋草閘，繼神速奔馳後騎練可再度贏馬
#龍來了 上場同芙蓉莊一齊追近，初次跑1650已經好好，今次強配潘頓無疑想交代
#天空之城 預計田泰安12檔會縮後競跑，好多時何澤堯騎都會盡力幫呢隻馬貼欄慳位跑，今次換人大外欄追上黎睇下會唔會有轉機，對手唔算好強，所以一拖無妨
#鎂之妙 計後勁會好過天空之城，上場初跑谷草已經有好強追勁，但係傷患紀錄太過嚴重，心水不宜放太前
其他馬觔斗雲初跑谷草，形勢上會無遮檔放頭，唔係呢隻馬擅長跑法，仲要遇上急彎，唔覺得岩跑，噴火龍狀態未夠，晉神1650唔到，怡昌勇士無左追勁，八騎士等跑泥地，盈嘉輝老馬已退，荷花福星彎左啲野，恆駿之寶再跑下先

第9場推介
#喜快 上次433場次當晚極利放頭，全場唯一一隻凌厲好勁追上，仲要最後50米愈追愈開心，增程必合，亦證明配備羊毛面箍好有幫助，只要何澤堯唔係包尾入直路，以佢既追勢大外一氣贏兩三個馬位唔難，唔通係翻版幸福至上?
#得勝多 往往蔡明紹騎姚廐馬會有驚喜發揮，外檔都可以入到一疊，我相信皇寶友港友笑都會快，守第三位入直路116輕磅轉133磅我覺得係唔難既事，贏完上場升班特登操足隔一個月有多先出，再轉谷草希望對手較弱，正路同喜快串Q
#焱焱元帥 皇寶133磅太蝕章，所以三甲都簡番後追輕磅馬，焱焱元帥上場極度不滿佢既跑法，隻馬要中段留守尾三四，轉彎入直路已守6-7位會係最好，增程1800我相信蔡神有信心先會安排
#皇寶 再講多次呢隻馬133磅真係唔太想簡，但上場好輕鬆贏兩個馬位，而事實上友港友笑亦係405場次輸過比佢，就算有負磅差距都唔易追呢隻大隻馬皇寶，所以呢場擺番四選，預計輕磅馬末段會追過佢
其他馬好好心得轉場12檔可以不理，狂舞派前仗慳晒位贏唔夠說服力，美麗邂逅馬有質但要再證明，皇帝金預走三疊，跑開泥地有好表現轉番谷草唔鐘意，友港友笑驚最好狀態已過，飛輪鑽皇無追勢，齊喜、悅風雲再觀望
#過三關不是夢
#電子傳奇
#喜快

#應該幾好分頭 #快活谷 #長途利後追

今日簡左第5、6、8場比大家參考

第5場推介 < 3 友心友型 ‧ 2 威武覺醒 ‧ 11 八心之威 ‧ 7 世澤歆星>
#友心友型 係110場次輕鬆取勝，及後兩場輸外檔和跑田草，今場抽2檔預計中置型跑法，7課快操積極，可再下一城
#威武覺醒 上場S型走位有啲似威力奔騰，腳法似係快活谷專家，今次應該抽出大外欄一口氣追上黎，只要唔好轉彎太外應該會再追得勁，晨操何澤堯摸實
#八心之威 1200米始終無1000米咁挨得，但勝在主動搶放，上場唔算斷得好快，希望頂到一席
#世澤歆星 潘頓騎會秤高一線，跑過三場加速力都比較遲，增程1650會較合發揮，今場戴羊毛面箍未必幫到隻馬太多，馬有質所以放第四選
其他馬駿天使上場唔追仲要今場重磅排外檔好難跑，冰雪奇遇連續2場內閃，周俊樂騎需要時間修正會影響直路追勁，桃花多3歲馬會表現反覆，騰龍超影老退無追勢，同盟力量會比八心之威走先，要追馬唔叻，投資有利開心有利未到位，仍然贏操練唔似去馬

第6場推介
#極速奔馳 沙田績係呢一組夠曬用，預計快馬有帝豪之星，守二三位幸運旅程新威力，我相信極速奔馳會快過呢兩隻馬埋到二疊，直路過帝豪之星就贏得，馬房正選，唔洗擔心12檔
#帝豪之星 羊毛面箍有幫助，上場放頭即勝，今場亦都可以單騎領放，只係負磅多重6磅要留意
#幸運旅程 131磅係最大既挑戰，前仗129磅爆得唔算好勁，上場留得太後可以抹左佢
#新威力 馬既質素唔算好高，但對住呢組好多弱既對手都留後跑，預計新威力守第四位，只要後面啲弱馬追唔到都可以有第四位
其他馬發贏喜如果唔係留太後都有機會，但2檔後追就好易塞車，駿爵士留後預三至四疊，協奏曲青春向前未熟，莫丹尼跑大衛希斯既開心蔬菜配搭一路唔好，喜悅精靈上場潘頓打左30鞭都唔追，超組合身型唔壯，精明勇駿上1650較好，有邊線機會

第8場推介
#十二馬 今場馬質素相當參差，好多馬好難簡得上手，今場得一隻放頭馬就係十二馬，呢隻馬壯態去唔番季初上評，而且評分飽和，但面對今場弱對手可以一放到底
#銘記知心 連續三場走三疊而輸，上一次贏馬63分，呢家68分相差唔大，預計可以走二疊入圍，馬房次選
#南莊之歌 最初以為366場次連1000都跑第四位追近飛凡應該跑快活谷會好勁，但梁家俊騎近前落敗有點失望，今場用周俊樂減磅比起當時初轉快活谷孭少10磅，希望衝得好啲
#有主意 純粹一點，重配贏馬拍檔班德禮，上場1檔唔追確係有啲失望，希望今場輕磅有唔同發揮
其他馬閃耀榮光分盡，增有12檔要縮到最後有待證明追勢，高明駿將上場潘頓騎盡發揮一絕，簹多福上場無追勢，常常有餘試閘追勢唔算好強，木火同明分盡銳氣已過，牽旺加富非此程馬，風流人物騎練配搭成疑

#過三關 #首位馬評家每隻馬匹重點分析 #多多支持

#開台第一擊 #快活谷 #希望有朝一日做到專業馬評家