香港傷健桌球協會 Hong Kong Phab Snooker Association

1.06.2026 「香港傷殘青年協會」5、6月份桌球體驗班經過幾位義務導師指導下順利完成，今次有幾位新面孔上完體驗班後對桌球更加有興趣，並期待協會有更多訓練班俾佢哋參與，導師們亦承諾如有訓練班會即時通知佢哋！

#香港傷健桌球協會 #香港傷殘青年協會 #殘疾桌球 #義務導師

香港傷健桌球協會「2026世界殘疾桌球錦標賽」運動員團隊整裝待發！協會及各位球員特別要多謝以下單位：
🙏🏻Tailor Pro - 為幾位球員度身訂造比賽嘅戰衣
🙏🏻Cubic Shop Eyewear - 俾球員有最佳視力向比賽目標挑戰
🙏🏻InnoForge Studio - 其Designer一直為協會義務製作活動宣傳品，亦為今次比賽球員經費提供部份資助
🙏🏻海龍桌球會 - 一直以嚟無條件提供場地俾協會作訓練班及練習場地
🙏🏻中國香港殘疾人奧委會 - 為四位代表中國香港出賽球員 林啟明、馬華強、程子俊、伍卓邦及兩位隨團人員提供由國泰航空贊助來回泰國機票
最後亦多謝多位教練向球員們分享
技術及比賽心得，讓無論參與今次比賽定係有志將來參與嘅球員一同成長！
#香港傷健桌球協會 #特別鳴謝 #中國香港殘疾人奧委會 #國泰航空 #世界殘疾桌球錦標賽 #2026

工欲善其事 必先利其器，球桿佔打桌球非常重要嘅一環。非常感謝義務導師們為一眾Daypass學員更換球桿嘅tip及作出適當修整，令各人可以喺球枱上有更佳發揮！

#香港傷健桌球協會 #義務活動

23.05.2026
本協會會員有幸參加由中國香港殘疾人奧委會主辦的「第二屆級別鑑定研討會暨工作坊」，透過今次活動，各人加深對殘疾運動員級別鑑定了解，從中亦理解更多對本地與國際鑑定工作的未來發展方向。
#中國香港殘疾人奧委會 #香港傷健桌球協會 #殘疾運動員 #級別鑑定

23.05.2026 香港專業教育學院（葵涌）舉行「玩創市集」期間，本協會代表到現場為年青人打氣並與該學院導師交流活動心得並相討日後互相合協辦的可行性。
#香港傷健桌球協會 #香港專業教育學院

21.05.2026
「東涌鄰舍輔導會」邀請本協會合辦嘅桌球體驗班，一眾小朋友透過六堂簡單嘅練習，對桌球活動加深咗認識，亦對桌球嘅興趣更加提高！最後小朋友們亦送上心意卡俾各位義工導師，完滿結束今次活動！
#香港傷健桌球協會 #東涌鄰舍輔導會 #桌球體驗 #傷健共融 #義工服務

桌球運動員除咗要有良好桌球技術，良好視力亦十分重要！Cubic Shop Eyewear知道本協會四位球員將參加六月嘅「2026世界殘疾桌球錦標賽」，主動提出贊助幾位球員配一副可於桌球比賽使用嘅眼鏡之外，更多配一副日常使用眼鏡，讓各人可任何時候都保持視力清𥇦，於比賽時目標更加明確！力爭佳績！

#香港傷健桌球協會 #2026世界殘疾桌球錦標賽 #特別嗚謝

Snooker作為”紳士運動”, 喺正規比賽衣着更加係有嚴格規定，本協會有幸得到服裝公司「Tailor Pro」贊助並親身到海龍桌球會為幾位將會出戰六月喺泰國舉辦「2026世界殘疾桌球錦標賽」嘅運動員度身，為各人訂製一套合身又醒神嘅團隊戰衣一齊喺比賽中無往而不利！

#香港傷健桌球協會 #2026世界殘疾桌球錦標賽 #香港運動員 #特別嗚謝 #海龍桌球會

16.04.2026
東涌鄰舍輔導會再次邀請本協會合作向一班小朋友分享桌球活動，今次亦有新加入殘疾桌球教練參與，除咗桌球玩法亦向新一代灌輸傷健共融理念，一班初時怕醜嘅小朋友喺教練們細心指導下到活動進行期間各人充滿歡樂地嘗試，期待稍後嘅幾堂大家會玩得更開心及投入！

#香港傷健桌球協會 #鄰舍輔導會 #義工活動 #傷健共融

11.04.2026
協會教練不定期為學員設計各種課程，令各人透過練習之餘亦增加團隊之間互相合作嘅機會，嚟緊會有更多攻守訓練課程，令Daypass學員技術不斷進步！
#香港傷健桌球協會 #殘疾桌球訓練