綠魔行山

觀景山之旅🌸（一）

由東涌地鐵站出發，穿過昂坪360纜車站，經行人天橋，往赤鱲角南路方向走。這條橋跨越東涌灣，一邊是機場島，另一邊是大嶼山。沿途不時看見在慢跑的人，看來東涌的居民喜歡聽著飛機聲做運動🤭。

多數人印象中的機場島就是機場、跑道、飛機，沒了。其實島上還有一座77米高的「觀景山」，在1990年代興建機場時，大部分赤鱲角島被夷平，唯獨這座小山丘和白沙咀被保留下來，成為今日機場島的「最高峰」。

登山口在昂坪360機場島轉向站旁邊，沿石級往上走。沿途發現一隻可愛的黃色甲蟲，是春天的氣息😌。山頂有地政總署的二等三角測量站。從山頂可以觀看平坦的機場跑道，遠眺對岸的東涌市鎮和背後的群山，難怪成為飛機愛好者和攝影師的熱點之一。

在山頂西面的長椅附近，有大石堆，可以觀賞油庫。石頭上，不知哪位善信用藍漆寫了「仁愛」、「喜樂」，但找了半天也找不到「和平」......

（待續）

路線詳情見留言區🗺️

🐦‍🔥鳳鳥石脊之旅（四：最終回）

小休完☕，接上「北巖棧道」⛓️，先後經過滴水岩💦同旄盔石🪖（個名同舊石一樣咁有霸氣），之後就進入比較多樹嘅路段🌳🌳。呢度要打醒十二分精神👀，路胚喺樹叢中冇咁清晰，千祈唔好心急亂闖🙅，慢慢搵清楚路跡先繼續落山。

最後慢慢落返山，向昂坪進發🚶。本來雄心壯志想去搵傳說中嘅「羊角杜鵑王」🌺，但兜咗幾個圈都搵唔到😅，算啦，留返個藉口下次再嚟。經小徑走到昂坪營地，再走到昂坪廣場，即刻畫風一轉🎭，由山林探險家變返做遊客。見到嗰啲「昂坪尋秦記」嘅擺設🏺，再望吓周圍……咦，點解平日下午嘅昂坪，都會比想像中咁多人嘅👨‍👩‍👧‍👦？熱鬧程度同頭先山上面嘅清靜形成強烈對比，都幾有趣🤭。

（待續）

路線詳情見留言區🗺️

今日天氣咁熱都係休腳🫠，去銅鑼灣hea下先~
欸？O...😅

🐦‍🔥鳳鳥石脊之旅（三）

依依不捨離開呢個“地塘仔峰火台”👋，繼續上山。景觀突然開揚🌄，整個東涌市同赤鱲角機場都喺眼前✈️，豁然開朗！跟住，就見到今日嘅主角——「鳳鳥石」🐦‍🔥啦。

佢真係好似一隻正在仰起頭望嘅神鳥，栩栩如生。我就爬上佢「背脊」坐低🧗，吹住微風🍃，一個人獨享呢片360度無敵靚景，Chill到唔想郁😎。

（待續）

路線詳情見留言區🗺️

投票結束，有89位網友投票，結果如下🙌：
- 照行：41票
- 轉澗線：26票
- 休腳嘆冷氣：22票
果然大家都係唔行唔舒服個隻🏃

#香港行山 #投票

🐦‍🔥鳳鳥石脊之旅（二）

沿法門古道向西行，好快就到咗「中道亭」⛩️。跟住，戲肉嚟喇🔥——「鳳鳥石脊」入口。一嚟就有兩個警告牌⚠️⚠️「迎接」你，提醒你前面嘅路唔簡單，氣氛即刻變得有啲緊張😬。

行入去冇幾耐，我遇到咗今日第一個大驚喜🤩。穿過樹林，面前竟然出現一道有一定規模嘅石牆🧱！心諗：「唔通係傳說中嘅秘景廢村？」呢種石砌結構，我真係第一次見！有天然嘅岩穴🕳️，旁邊仲有一間依住大石而建嘅大屋🏠，非常特別。

我捐入去探個究竟。個岩穴入面，竟然有石磚砌成嘅儲物空間📦，間隔分明，我嘅天呀，真係完全未見過咁樣起！讚歎前人嘅智慧。屋外仲有個小小建築物，我望咗好耐，茅廁又唔多似🚽❓，可能係儲物或者燒嘢用嘅？！

急不及待返去要上網查💻，原來呢度就係山界前輩們所講嘅「地塘仔峰火台」🔥！最初係由朱翁喺60年代發現㗎，估唔到今日畀我誤打誤撞遇上，真係好興奮！走入大廳，你會發現間屋有一大舊天然大石喺度🪨，成間屋根本係圍住嚿石去起，感覺好raw好有型💪。最搞笑係大廳隔籬嘅廚房🍳，門口窄到一個點，我自問都算瘦，都要側晒身先入到去🚶‍♂️💨，以前住喺度嘅人到底有幾苗條呀？

（待續）

路線詳情見留言區🗺️

咩玩法？😅

睇黎係山路都要睇車...😅

#香港行山 #衛奕信徑

🐦‍🔥鳳鳥石脊之旅（一）

筆者一朝早跳上通往石門甲嘅34號大嶼山巴士，開始咗呢次充滿驚喜嘅獨行旅程。

喺石門甲村落車，冇咗假日嘅人潮，成條村靜英英🫥，空氣清涼，感覺好舒服。沿住車路向西南方向行，冇幾耐就見到路邊有間廢屋🏚️，好似個沉默嘅老人家咁守住條村，即刻有種「人在野」探險mode啟動嘅感覺。

正式轉入小徑🌿，開始登上255米山頭⛰️。起步冇耐就有啲樹藤攔路🌳，好似大自然SET嘅小障礙賽咁，幾好玩。不過整體條路胚都好清晰✅，完全唔難行。途中經過一個大石堆🪨，企上去可以俯視下面嘅地塘仔澗（曹溪）💧，聽到微弱嘅流水聲，喺呢個半晴半陰嘅天色下，特別有靈氣✨。

上到255山頭嘅頂部，可惜被樹木包圍🌲，冇乜景觀，所以就冇停低，繼續沿山徑向南走。穿多一陣林，就見到一座「何氏墓穴」安安靜靜咁坐喺山邊🪦，之後好快就接返水泥路，沿住石級路一直上，就接駁返「法門古道」啦🛤️。

（待續）

路線詳情見留言區🗺️

#香港行山 #大嶼山 #鳳鳥石脊