海風人夢計劃

始終要入院食番兩餐飯🥺

20260705大日子，過往幾年呢個活動我都好enjoy扮義工食花生，但原定承辦今年唔知攪乜，最終活動由我頂上😅

雖然活動安排不時有更改：參加者人數、工作人員及項目，以使準備物資、膳食、獎杯獎牌及紀念品等都要執生及配合緊迫時間性：活動約十日前仲決定加個設施開幕典禮，機構最高管理層都會出席；咁我要加自己一個角色做泊車佬😝
縱使以上有啲挑戰，個人內心都沒有太多擔心，因為實在有強大的團隊在背後支持，優秀加感謝🙏

但舉辦戶外活動，真擔心只有天氣，天氣唔配合，好多小問題都會變大挑戰。前人曾講過，攪活動要睇心哋，我深信；當日呢片天空下一定聚了很多心哋好的人🥹

場地加建了新設施，大大改善整體運作，善政德政😘。但與此同時，中心其他設施設備，都須要因此作調度，作為一個機會主義者，我把握承接呢個活動機會，大膽用自身管理中心經驗，將設施設備作不少調度，希望活動及之後運作都暢順合理。加兩個月清潔、通渠同除草，差不多醫好自己強迫症。但實事求是講，呢個中心有好好條件，可以成為世界最好水上活動中心之一😉

而最大嘅挑戰竟然是活動兩星期前自己大病一埸，身體情況從未試過咁弱，醫生話我中咗暑，相信個肝、腎在病初期都曾炒過，好彩後來驗血回復正常，完全無胃口卧床休息9日，人生未試過；活動前3日，都要頂住身體繼續準備工作，活動前1日，強大的團隊支援下，準備工作基本完成。當然，個人計劃準備工作可以再做多啲好啲，但不竟自己病倒了，下次有機會再努力。而在活動日個人角色好細，除咗安排VIP泊車，其他都只是行行企企，但抱歉身體仍未復原，連卡都無多打😞

活動日十幾個鐘完全無落雨，除咗典禮金豬遲到20分鐘，其他比賽程序因為無受天氣影響，運作暢順。今年我改食到會食物，款式多，有VIP話參加者好餸過佢哋😆，Waterfront茶水檔服務一流，飲品充足，再另加特飲。天際泳池客似雲來，攤位遊戲獎品雪條亦當然好受歡迎😙

昨日天公造美🤗，平安順利🥹

Hobie艇電推個人睇兩款😅，但推薦人用就穩陣啲揀Bixpy😉，Trolling speed 10hrs，電池浮水，藍牙Remote，Magnetic Kill Switch。
另一款大家可睇下是Texas Power😊

現在西貢行雷閃電，海面工作朋友注意安全🥹
而星期一有出艇，都算碧海藍天，當然海水水質受呢排大雨有所影響，但參加者都enjoy旅程😊
但同時碧海藍天下，其實都係有風險，就是天氣酷熱🥵
睇醫生就話我中咗暑，可能之前有啲感冒底，病情有兩日都嚴重😵‍💫，但有良好照顧下總算逐步康復中。須要再認真考慮酷熱天氣出艇安排🤔

係不穩定天氣夾縫中出到一日艇😅；多謝有經驗有實力參加者😉，難得有艇出就搏下破邊洲😆，點知出咗鎖匙門就有啲湧，穿gap行動要留下次😝，但參加者好似好有興趣下次去大嶼山😁
若各位都有興趣享受一次美國Hobie Pedal Kayak海上之旅，可留言、電話或WhatsApp 6128 9010與Maurice聯絡。

今日條gap有啲情緒😅
我都係唔埋去😝

今日黃昏另有任務，所以要求參加者提早開始😅，好順利係起風前完成穿洞😎。但其實參加者掌握超好，多謝配合🙏🏻
若各位都有興趣享受一次美國Hobie Pedal Kayak海上之旅，可留言、電話或WhatsApp 6128 9010與Maurice聯絡。