Jack On 運動與心理

Call Directions Website Contact the business

Jack On 運動與心理 想喺呢道同大家傾下「體壇消息」、「運動心理」、 「訓練資訊」，全方位享受體育樂趣~

小編： #吳國佃 #曾健威
老編：

#崇德飛鷹 雖然最後贏唔到，但好肯定嘅佢哋嘅實力係「上弦」嘅水平。老編唔係飛鷹嘅球迷，但都不禁想講有幾個對佢哋不利嘅判決，係有商榷嘅餘地。但係喺張結果向外歸因之前，都應該不忘睇睇自己可以做得好啲嘅地方，例如最後拉鋸階段，Austin射球三...
15/10/2026

#崇德飛鷹 雖然最後贏唔到，但好肯定嘅佢哋嘅實力係「上弦」嘅水平。

老編唔係飛鷹嘅球迷，但都不禁想講有幾個對佢哋不利嘅判決，係有商榷嘅餘地。但係喺張結果向外歸因之前，都應該不忘睇睇自己可以做得好啲嘅地方，例如最後拉鋸階段，Austin射球三分(但係airball)呢個決定、Kupsas諗住快攻outlet但交咗俾CJ、Kupsas跑住loop俾Austin被tip走等等。如果呢幾球處理得好啲可能勝負已經唔同。

而 #永倫 追得返上嚟，都係反映佢哋嘅韌力、體力、板櫈深度都比對手強，Adam、Ryan攞分唔算多但入嘅都係關鍵氣勢波，基拔就係照樣嘅屈機拔，CJ赢唔到中鋒對碰但亦都勝在無錯誤；所以佢哋贏唔單只係有爭議嘅判決同埋對手自爆，都係有佢值得贏嘅理由。

而講到值得，老編覺得大佬 #吳松峻 同埋 #陳張敏 真係值得大家去安慰。

#香港籃球 甲一

今晚呢場 #永倫 對 #飛鷹 嘅大戰，老編原本嘅焦點係中鋒對決，點知結果焦點又係球證，Q1基本係阿DOM對飛鷹，Q2開始永倫民淇、嘉顯、DOM接連三分得手最後半場追返平；大佬咁就四犯真係唔抵，但阿行打得超勁！完場先出片同comment喇...
15/10/2026

今晚呢場 #永倫 對 #飛鷹 嘅大戰，老編原本嘅焦點係中鋒對決，點知結果焦點又係球證，Q1基本係阿DOM對飛鷹，Q2開始永倫民淇、嘉顯、DOM接連三分得手最後半場追返平；大佬咁就四犯真係唔抵，但阿行打得超勁！完場先出片同comment喇！

永倫對飛鷹都咁多球迷入場證明真係多咗好多人關心香港籃球👍🏻

#香港籃球 #甲一

13/10/2026

第二次問AI被誤導以為有直播趕返屋企睇，結果氣沖沖又喺屋企趕返修頓。老編都唔明自己點解唔直接check東網要走去問AI。。。不過嬲都冇用，既然選擇得返去，就要返得值，所以打算同大家分享多啲嘢(有片，in case東網冇highlight...)：

雖然最後比分係相差21分，但呢個分叉絕對唔反映比賽嘅緊湊程度。上半場漢友嘅精神面貌相當好，雖然落後但係冇畀香港東方拉開比分，其中一個關鍵就係第一次已經攞到15分嘅連加特因為已經有兩份所以要坐低，令到東方喺籃底無論攻同守都打咗折扣。不過始終東方板等深度都係比較強，整體身高以致攻守籃板嘅能力都輾壓對手(連加特同Ivan /Anthony打高低位或者走back door都係屈機)，加上大將Maxwell下半場心情同表現都明顯被動，所以最終比賽都係大手交易。兩隊整體客觀條件唔同，所以論勝負又係冇乜意思，老編反而想圍繞兩位外援中鋒講多少少。

先講今日表現比上場好咗好多嘅連加特。今日佢進攻變化多咗好多亦都明顯更加積極，有佢一開季就展現過嘅三分波，有多次pick and roll成功食餅，更加有低位技術成功單打(睇片)。防守方面除咗有球硬生生籃底守死咗Maxwell，協防干擾其他進攻球員亦都做得相當好。呢場連加特嘅好表現絕對有含金量，因為Maxwell都係一個手長同積極補位嘅防守球員(以下會詳細講)，防守端絕對比起上一場嘅麥洛連難應付，所以今個禮拜嘅Big Man ranking一定會加返好多分畀連加特。

跟住要講Maxwell，雖然輸波兼下半場情緒、鬥心似乎都因為唔認同球證判決而受到影響，但係有一樣嘢必須必須要讚佢，就係佢喺守聯防嘅情況掌控中路嘅空間做得非常好。協防嘅距離、時機，加上佢嘅臂展，防禦對方進攻籃底有明顯嘅影響力，據老編不專業觀察佢應該有四個封波，封唔到波都干擾到對手進攻(呢方面連加特都做得好，但老編認為Maxwell係做得非常好)。可惜嘅係當連加特個犯纏身嘅時候似乎球隊整

第二次問AI被誤導以為有直播趕返屋企睇，結果氣沖沖又喺屋企趕返修頓。老編都唔明點解唔直接check東網要走去問AI。。。不過嬲都冇用，既然選擇得返去，就要返得值，所以打算同大家分享多啲嘢(有片在留言，in case東網冇highlight....
13/10/2026

第二次問AI被誤導以為有直播趕返屋企睇，結果氣沖沖又喺屋企趕返修頓。老編都唔明點解唔直接check東網要走去問AI。。。不過嬲都冇用，既然選擇得返去，就要返得值，所以打算同大家分享多啲嘢(有片在留言，in case東網冇highlight...)：

雖然最後比分係相差21分，但呢個分叉絕對唔反映比賽嘅緊湊程度。上半場漢友嘅精神面貌相當好，雖然落後但係冇畀香港東方拉開比分，其中一個關鍵就係第一次已經攞到15分嘅連加特因為已經有兩份所以要坐低，令到東方喺籃底無論攻同守都打咗折扣。不過始終東方板等深度都係比較強，整體身高以致攻守籃板嘅能力都輾壓對手(連加特同Ivan /Anthony打高低位或者走back door都係屈機)，加上大將Maxwell下半場心情同表現都明顯被動，所以最終比賽都係大手交易。兩隊整體客觀條件唔同，所以論勝負又係冇乜意思，老編反而想圍繞兩位外援中鋒講多少少。

先講今日表現比上場好咗好多嘅連加特。今日佢進攻變化多咗好多亦都明顯更加積極，有佢一開季就展現過嘅三分波，有多次pick and roll成功食餅，更加有低位技術成功單打(睇片)。防守方面除咗有球硬生生籃底守死咗Maxwell，協防干擾其他進攻球員亦都做得相當好。呢場連加特嘅好表現絕對有含金量，因為Maxwell都係一個手長同積極補位嘅防守球員(以下會詳細講)，防守端絕對比起上一場嘅麥洛連難應付，所以今個禮拜嘅Big Man ranking一定會加返好多分畀連加特。

跟住要講Maxwell，雖然輸波兼下半場情緒、鬥心似乎都因為唔認同球證判決而受到影響，但係有一樣嘢必須必須要讚佢，就係佢喺守聯防嘅情況掌控中路嘅空間做得非常好。協防嘅距離、時機，加上佢嘅臂展，防禦對方進攻籃底有明顯嘅影響力，據老編不專業觀察佢應該有四個封波，封唔到波都干擾到對手進攻(呢方面連加特都做得好，但老編認為Maxwell係做得非常好)。可惜嘅係當連加特個犯纏身嘅時候似乎球隊整體冇把握到機會畀佢盡量硬食對手，以佢中距離嘅手感加上喺籃底嘅身高優勢，絕對可以影響大局，如果呢方面做得再狠啲嘅話賽果可能有機會改寫。講開佢嘅進攻，今日連加特喺進攻端展現到嘅身體對抗能力比佢強，到比賽後段佢開始心急嘅時候勉強做咗幾次身體對抗更加係唔成功(睇片)。佢嘅心急，按老編嘅觀察，除咗因為唔同意球證嘅判決而覺得無助同憤慨，估計亦都有機會係懊悔自己早段做得唔夠多所以尾段就急躁。希望日後佢如果選擇籃底強攻嘅話，注意要控制自己少用情緒驅動行為，而係要運用一啲吻合自己沉穩個性(睇落似)較有計算同節奏變化嘅碰撞。講咁多關於佢嘅睇法可能因為佢打過金州勇士，所以老編自動對佢有好感；見佢都有幾位忠實fans為佢吶喊，希望佢繼續爭取好表現啦。

今日時間同錢用多咗所以唔抵得就講多咗，冷靜落嚟再諗諗...聽晚究竟仲入唔入場呢...希望有緣路過嘅朋友畀啲意見。

#香港籃球 #甲一

噚晚 喺亞冠聯(ACLElite)入到第981球，幫助球隊喺呢項賽事打開勝利之門。當大家幫佢倒數邁向一千球嘅時候，有冇諗過當正一個41歲嘅人一季入廿幾球登千好似件必然會發生嘅事係一種好癲嘅諗法？即使佢唔係打緊四大聯賽，又「唔使」踢國家隊...
13/10/2026

噚晚 喺亞冠聯(ACLElite)入到第981球，幫助球隊喺呢項賽事打開勝利之門。當大家幫佢倒數邁向一千球嘅時候，有冇諗過當正一個41歲嘅人一季入廿幾球登千好似件必然會發生嘅事係一種好癲嘅諗法？

即使佢唔係打緊四大聯賽，又「唔使」踢國家隊，喺呢個年紀又要場場出又要唔傷唔病其實已經唔係一件易事，當中點可能冇計算(計自己又要計市場)；所以老編覺得大家睇呢件事嘅時候，要企喺高過淨係考慮足球因素嘅層次嚟理解佢嘅行徑，41歲入1000球直情係體壇同大健康產業嘅一個理程碑，相信稍後一定會有好多足球以外嘅效益。

上季奪冠功臣所羅門宣佈回歸，提醒咗老編又關心返香港金牛。雖然過去兩季香港金牛已經超哂班，大部分比賽都冇乜競爭，不過都唔代表今個賽季賽事無嘢睇，因為BCL嘅MVP楊和加盟、爭CBA升班，都又話題性。而講起楊和，老編更加關心佢加入慣用五人輪換兩...
12/10/2026

上季奪冠功臣所羅門宣佈回歸，提醒咗老編又關心返香港金牛。

雖然過去兩季香港金牛已經超哂班，大部分比賽都冇乜競爭，不過都唔代表今個賽季賽事無嘢睇，因為BCL嘅MVP楊和加盟、爭CBA升班，都又話題性。

而講起楊和，老編更加關心佢加入慣用五人輪換兩個位嘅金牛後場(兩個外援加董建、孫晨然、Ricky/盧杜偉/Rex三揀一)會以咩身份登場。據聞來季NBL嘅外援名額會減少到三人，無型係留多咗上陣機會畀華人球員，而老編估計三個外援名額應該係中鋒、前鋒、後衛各一，即係好大機會由一名未知外援+董健+孫晨然+楊和+石奎(新加盟清華大學主力)五人輪換。如果情況真係咁嘅話，究竟楊和會係正選定後備呢？原本輪第五個位嗰三個人係咪又要順住褪後多一格呢？當然老篇認為石奎嘅實力唔一定直接排喺Ricky前面，但客觀歸納返解Sir用人習慣大概都估到一二。

有冇機會一個中鋒搭一個Tweener再搭三個後衛呢？如果係嘅話叫返阿洛斯基咁就fit喇，打三個後場咁香港球員上陣嘅機會應該多啲喎😋

#香港金牛

#曼聯 對住榜尾 #熱刺 打到對手好似真係斑霸咁，畀人撳住嚟打上半場得一次射門(人哋六次)，打多一個照樣失分，仲要係輸球人哋腳軟跌喺度都入到你嘅無厘頭波搞到臨天光瀨尿。。。上次已經用曼聯做例子講過 #習得無力感 嘅成因同埋應對，今次老...
11/10/2026

#曼聯 對住榜尾 #熱刺 打到對手好似真係斑霸咁，畀人撳住嚟打上半場得一次射門(人哋六次)，打多一個照樣失分，仲要係輸球人哋腳軟跌喺度都入到你嘅無厘頭波搞到臨天光瀨尿。。。

上次已經用曼聯做例子講過 #習得無力感 嘅成因同埋應對，今次老編都真係冇嘢補充。老編淨係想再再再三強調，輸嗰球好似係倒霉，但淪落到輸嗰個局面絕對唔單止係因為倒霉。依家咁嘅田地絕對冇資格講成績，應該要探討返目標同重建信心先。如果唔再相信自己嘅部署可以贏、知道咁嘅人腳想守都唔會穩，倒不如靠大數法則，簡單嘅事重複做，以量變製造質變。

具體要點樣做老編都唔想紙上談波，避免跌落叫人「入佢中路」嘅俗套，諗到最簡單直接嘅出路就係放開嚟踢，積極進攻，話知佢有前冇後，因為入波係贏嘅最基本條件，入到波嘅話就算唔贏信心都肯定會唔同。

#英超

恭喜 喺葡萄牙國家隊風波仍然熱辣辣嘅時候回歸球會攻入職業生涯第980球，協助球會3比0擊敗對手！恭喜佢之餘，最近喺佢身上發生嘅事亦都令老編有所感悟。人生去到唔同階段都總係會有唔同角色，唔係淨係運動員因為隨著年齡增長體能技術開始有機會跟唔...
10/10/2026

恭喜 喺葡萄牙國家隊風波仍然熱辣辣嘅時候回歸球會攻入職業生涯第980球，協助球會3比0擊敗對手！

恭喜佢之餘，最近喺佢身上發生嘅事亦都令老編有所感悟。人生去到唔同階段都總係會有唔同角色，唔係淨係運動員因為隨著年齡增長體能技術開始有機會跟唔上所以要轉型，就算一般人都好，即使個人能力保持到，客觀環境都會要求你變，例如拍拖、結婚、生仔、細路大個、轉工、升職、搵食、炒魷、退休。。。角色同需要嘅技能都不停轉變。一般人俾生活推住走根本唔會需要思考或者選擇接唔接受轉變。

但係點解有啲人轉念/轉型咁難？老編觀察過嘅眾多案例之中最想分享嘅兩個情況就係：

1. 本人其實不知不覺已經轉咗形，但係唔察覺/唔承認自己嘅改變，當外間對佢嘅評價同佢自我評估出現落差嘅時候，感到自我價值被挑戰，而為咗保護自己就更加唔願意轉念；

2. 仲有市場或者社會價值所以唔可以轉，例如喺大銀幕同埋演唱會市場仍然擔緊男女一/票房嘅經典巨星、政治/社會/文化領袖；

C朗咁啱係咪兩樣都中？

要重建自己用好多年建立嘅自我價值當然難，所以老編覺得要鼓勵自己轉念嗰個位唔係要說服自己接受自己渣咗/唔得/冇人要/委曲求全，而係嘗試了解轉變咗嘅係週圍人事同埋環境，接受現況同新崗位可以成就到一個更有效率更適合環境嘅自己，同時亦都傳承俾其他人又成全自己嘅昇華。如果做得到呢一點相信市場社會價值都會跟住轉化，唔會跌落神壇冇嘢撈(你睇幾多女神由賣化妝品廣告到埋護膚品到賣保健品，都係收緊廣告費吖)。

本星期十隊出齊，對每位Import Big Man都可以不專業評價一番啦🤣：1. Kupsas(飛鷹)--對住南華嘅比賽雖然最後贏唔到，但作為七尺一寸嘅中鋒恰如其份嘅表現非常值得讚賞：有cut in有背打有中距離，夫復何求？唯一可以挑剔嘅就...
09/10/2026

本星期十隊出齊，對每位Import Big Man都可以不專業評價一番啦🤣：

1. Kupsas(飛鷹)--對住南華嘅比賽雖然最後贏唔到，但作為七尺一寸嘅中鋒恰如其份嘅表現非常值得讚賞：有cut in有背打有中距離，夫復何求？唯一可以挑剔嘅就係防守補位/換防唔夠快，遲啲對住麥洛連會拉出高位傳波畀隊友入攝嗰隻應該有機會會露餡。

2. Gettys(永倫)-- 唯一有機會對手挑戰嘅可能就係體力，但由於整體實力有明顯優勢，所以佢冇乜機會受挑戰而有表現亦都係預期之內。Sorry我對佢好似係有啲harsh，畢竟佢同基拔都一人攞27分，仲要係贏波嗰個，但我真係諗唔到有咩好讚，反而仲畀輸波嗰個排第一添🤣

3. Maxwell(漢友)-- 知佢有中距離，但對福建嘅比賽所展現嘅準繩度同穩定度更加令人欣賞(雖然防守壓力唔高都係一個加乘)。 利用佢嘅身高臂展只係行住咁去協防都已經做到咁好嘅效果，如果佢係會跑住去補位嘅話相信 應該會更有水準。

4. Davenport(南華)--雖然對手Kupsas攞咗35分，亦冇展現到喺BCL面對Alec Brown、Artino嗰陣嘅防守靈活度，但係對住Kupsas擺明硬食身高差都保住冇foul trouble，仲為球隊貢獻17分已經相當成功。第二場對住Laughlin哥咁啱又係攞17分，不過由於分差好大所以乜表現都唔多關鍵喇。

5. 麥洛連(晉裕)--Laughlin哥對陣連加特盡顯經驗，自己得分同串聯進攻都非常稱職，不過同第二場對南華一樣，頭一節都係好慢熱，唔知純粹係狀態唔好定係傷患未癒喇。當球隊比對手全場緊迫嘅時候佢連波都要幫手帶埋真係睇到都戥佢辛苦。

6. Polius(福建)-- 表現比第一場更全面，有剷籃、有三分、有拼搏， 係欠咗啲運球能力啫。

7. 連加特(東方)--對住老經驗嘅對手露出缺點，進攻板斧少參與度不足；還好防守補位、transition、護框仍然展露到一定實力。

8. 科懷斯(滿貫)--Kevon Harris單嘢純粹籃總打錯字，冇畀人炒魷、冇挑戰、冇失誤，輕輕鬆鬆球隊炒雙， 所以冇讚亦冇彈。

9. 卡頓布列(愉園)--對住永倫同埋蓋蒂斯， 無論整體實力 同個人能力都係有明顯同可以理解嘅差距，所以冇咩追加評論喇，值得為佢高興嘅係嘗試多咗參與進攻，有一球背打、兩球倒三角、兩球pick and roll都顯示到佢有能力做得更好，希望佢加油，大家畀多啲鼓勵。

10. Hatton(晉龍)-- 頭嗰三幾分鐘係威係勢， pick and roll入樽、單打Duncan，點知原來淨係得咁多貨仔， 對面一個簡單調整守high pick唔換防照樣用高佬阻止佢入攝就已經抵消咗佢嘅影響力，結果啲攻勢做唔出嚟就浪射 都幾肉酸。雖然繼續勤力做單檔同埋補位，但比數拉開咗教練唔再用佢始終都係冇表現。

下一齊腳要到10月27日喇，13/10一輪有三隊唔使出場；睇埋嗰一輪再亂噏啦😎。

#香港籃球 #甲一

睇完頭場食個飯先再返入去睇尾場 #南華 對 #晉裕，預期會有一場大戰慢慢未遲。一入到去見到南華打緊full court press，逼到晉裕嗰邊都做唔到outlet連續好多失誤，再望一望個分牌。。。嘩！26：5！！完第一節已經39比10...
09/10/2026

睇完頭場食個飯先再返入去睇尾場 #南華 對 #晉裕，預期會有一場大戰慢慢未遲。一入到去見到南華打緊full court press，逼到晉裕嗰邊都做唔到outlet連續好多失誤，再望一望個分牌。。。嘩！26：5！！完第一節已經39比10，打到第二節中段晉裕亦都只係有兩個球員攞過分；完全同前晚贏東方畀到老編嘅預期差天共地。

睇返晉裕到而家打咗三場，可以輸畀愉園但係又贏到東方，跟住又大比數輸畀南華，真係唔知點解佢哋嘅狀態咁飄忽；老編唯一觀察到嘅就係Laughlin哥每一場都比較慢熱，通常第一節都會唔多上力，究竟係咪有傷未好返？希望佢哋可以打得穩定啲，畀到多啲壓力四大軍閥，咁我哋球迷就有多啲好波睇喇。

講返南華今晚全員有波入歡天喜地，個full court press盡顯霸氣，期待佢哋12月10日對滿貫會係一場真正嘅大戰。

#香港籃球 #甲一

Address

Hong Kong

Telephone

+85267045995

Website

Alerts

Be the first to know and let us send you an email when Jack On 運動與心理 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Jack On 運動與心理:

Shortcuts

Share

Category