BLAB Fitness

六年了～

開張第二個星期，因為疫情防疫政策，強制關閉。
嗰一刻嘅無力感，我哋到而家都仲記得。

2020年7月3日開張嗰日，充滿喜悅同希望！
好多好朋友嚟支持，祝賀嘅花籃果籃30幾個，放到去𨋢口都放唔晒～
一星期後，轉眼變成冰冷，無奈與彷徨。
漫長而斷斷續續嘅等待
前前後後 共關閉了225天

呢條路，比想像中難行。
六年間，我哋經歷過大小起落、考驗、重組。
每一次都係一次學習，
每一次都係一次選擇——
選擇繼續，選擇相信。

但原來呢條路同行學生嘅路，好相似。

佢哋帶住痛症、帶住失望、
帶住「唔知好唔好得返」嘅疑問嚟到。
每一步都係力氣，每一步都係勇氣。
由唔肯定，到慢慢見到改變，
再到重新變好——
我哋都係咁樣行過嚟。

每一次見到學生由大大小小嘅痛楚中走出來，
我哋就更加確定：
運動治療，就係我哋想繼續行嘅路。

多謝每一位曾經踏入過 B Lab 嘅您。
您嘅信任、您嘅堅持與進步，
撐住我哋行過每一個難關。
關關難過關關過！

六年後嘅今日，已經愈來愈清晰
係一個更加堅定嘅另一階段開始。
大家 一齊努力！不比較 做最好的自己 ！！
Be A Better Me！💪

Sharing is Caring

良久前嘅一個周末下午，
我哋獲沙田蘇淅公學校長邀請，
走進校園，與教職員們分享拉筋伸展嘅知識。

課堂上，我哋唔只教授動作，
更希望傳遞一個理念：
無論幾忙，都要好好照顧自己嘅身體，
先可以走得更遠，幫到更多學生。

時間過去，呢份回憶依然溫暖。
我哋一直好好保存。

能夠為每天用心教導下一代嘅老師們出一分力，
係我哋嘅榮幸。
願運動治療可以走進更多地方，
為更多需要嘅人，帶嚟放鬆與希望。💪

#校園分享 #拉筋伸展 #運動治療

筋膜刀，不是一刀走天涯～

深造正規筋膜刀課堂
老師清楚指出每一把刀，都有佢對應嘅位置同深度。
更說出
坊間好多廣告，一刀亂刮，以為愈痛就愈有效！
其實，正規嘅筋膜刀手法，係唔會造成不必要嘅劇痛。係慢慢找出黏連位置去放鬆拆解～

用刀痛，唔等於有用；
亂用，反而會令筋膜更加緊張

真正專業嘅做法係先評估、揀啱刀、用啱角度、落啱力度。
逐層處理，先可以真正釋放黏連、恢復活動能力。

刀不只是工具，刀係手法放鬆筋腱嘅延伸。
各有用途，互相配合 互相輔助。
正規手法，先對得住學員嘅信任。

唔追求「痛到出痧」，
追求「做完真係鬆咗解決問題」。

#筋膜刀 #正規手法 #運動治療 #痛症治療

「針灸3次都鬆唔到，教練一按就處理好了。」

熱愛瑜伽嘅學員，旅行期間做瑜伽時扭親手，返嚟即刻去針灸，但隻手始終扯住扯住。

佢搵BLab教練急救～

我哋知道，受傷後肌肉會收緊，所以要慢慢搵黏連住嘅位置，再幫佢按鬆。
就係咁，佢隻手即刻鬆返好多，唔需要再睇醫生了。

您嘅信任、您嘅回饋，係我哋最珍貴嘅禮物。
真正幫到人，就係呢種感覺。

運動治療唔係倒模，
而係真正對人、對症、對心。

#運動治療 #筋膜黏連 #真實個案

「鬆完之後，落地有力咗，唔係拖住行㗎。」

65歲嘅「姐姐」，舊年做完腳踝融合手術之後，一直行得好差、好痛。

佢決定嚟BLab試堂
第二堂，先生都一齊上堂做埋學員添～
我哋冇講太多，只係一步一步慢慢教。

第二堂之後，「姐姐」錄咗段說話俾我哋：
「鬆完之後，而家落地行路有力咗，唔係拖住行嘅。我都明白，係要時間嘅⋯⋯」

多謝「姐姐」嘅信任。
您嘅每一步進步，都係我哋最大嘅動力。💪
呢啲回饋，係我哋同教練最珍貴嘅禮物。

真正幫到人，就係呢種感覺。

運動治療唔係倒模
而係真正對人、對症、對心。

#運動治療 #術後康復 #真實個案

耳鳴手痺幾個月，OL走過好幾間耳鼻喉專科，做過詳細檢查。

結果出嚟，一切正常。
醫生問左句：「您係咪好耐冇郁？條頸好緊呢。去按下」

就係呢一句，帶左OL小姐嚟到 B Lab Fitness

教練靜靜評估，細心尋找，
發現原來係某一條深層筋腱繃緊咗，
無聲無息，影響全身。

一堂之後，佢傳嚟訊息：
「淨返好少手痺，耳鳴都有好咗好多。」

原來，身體有發出嘅訊息，於有人細心聆聽。

#痛症治療 #都市痛症 #身體關聯好奧妙

Sharing is Caring
多謝邀請～專業肯定
每一步努力，都係被看見嘅足跡。
B Lab 將運動治療帶到企業
讓我哋有機會將運動治療嘅價值，分享比更多人
願運動治療走得更遠，為更多人帶來希望