Little Dragons Football Club 九龍仔足球會

《凱旋歸來！由全港冠軍到全國冠軍🏆》

星期五香港五人足球代表隊U13決賽擊敗杭州，決賽中，浚翹取得入球為港隊拉開比分、炘熙把守大門在尾段力保不失，港隊U13成功捧着全國錦標賽冠軍凱旋而歸！

昨日落機回港，炘熙和浚翹家長即與我聯繫報喜！能夠見到昔日由細培養的球員，由地區比賽冠軍走到今日全國冠軍、從當日九龍仔之最佳球員進化至今日港隊之代表，我心中之感動和興奮，實在難以形容！再次恭喜你哋！盼望球員們能夠繼續努力、創造歷史！

#香港五人足球代表隊 #五人足球 #九龍仔足球 #何炘熙 #陳浚翹

出處：
圖1及圖2: 浚翹、炘熙家長提供
圖4及圖5: 2022-23年 HKYFL賽會

Little Dragons 五人足球隊出產之兩位球員 - 何炘熙、陳浚翹，早年經球會提名入選地域隊後，今年更上一層樓，入選中國香港五人足球代表隊，並在今星期隨隊赴中國內地，代表香港隊參加2026全國五人制足球青少年錦標賽U13。

今日稍後下午5點鐘，中國香港U13 將會踢決賽，與杭州保俶塔爭奪冠軍！

從幾年前九龍仔，到今日走到全國決賽舞台，對球隊來說是鼓舞和振奮！

⚽直播LIVE：微信小程式搜尋「FTV足球」/ 微信公眾號：中國社會足球
https://weibo.com/l/wblive/p/show/1022:2321325331605261779496

請大家為港隊打氣，一起見證冠軍誕生！💪🏻
#五人足球 #中國香港五人足球代表隊 #九龍仔足球

第1、2張相片來源：香港五人足球發展 Facebook 專頁

剛剛從廣西回港一週，喺岩岩既週日，我地馬不停蹄咁參加左於天水圍舉行既「元朗各界盃」，今次有幸受主辦單位邀請，派出一支u14出賽💪🏾💪🏾

今次由傷癒回歸既揚皓，帶領住一班師弟以挑戰者姿態，與各支勁旅競逐，分組賽以兩勝一和首名晉級，去到盃賽階段，雖然三戰皆北，但面對著各支強隊，我地仍然展示無窮既韌力，戰鬥到最後一刻👍🏾

最後喺十五支球隊入面以第四名完結，周sir賽後強調，勝負間，我地要有所得着，喺強隊身上學習、減少重複嘅犯錯，而最重要係，保持初心，繼續enjoy⚽️⚽️⚽️⚽️

廣西之旅花絮

今次去到廣西，除左密集既比賽外，大會仲額外安排咗多支外隊去到市中心，品嘗當地美食，經過數日比賽後，小球員們見到眾多嘅美食都大快朵頤👍🏾👍🏾充滿電之後就可以繼續上陣💪🏾💪🏾💪🏾

於晚上，由於有多場比賽既完整錄影，所以周sir及ka sir決定召集所有球員，一齊做一個簡單既球賽分析，可以慢鏡仔細搵出問題所在，以備明天比賽時不再犯同樣錯誤，一步一步令球隊表現進一步提升💪🏾💪🏾同時亦令球員沉浸在集訓營嘅氛圍，集中精神準備挑戰各支強隊

另一方面，大會亦安排左教練之間嘅足球友誼賽及晚宴，令我哋教練團能夠有幸與其他地區及國家嘅教練切磋交流，有助增進球隊之間嘅友誼👍🏾👍🏾👍🏾

比賽總結‼️

上星期，我地派出兩支u隊遠征廣西，參加由廣西梧州足協主辦既「夢想成真國際足球邀請賽」，喺呢一個星期裏面，U12及U14分途出擊，分別參加8人及11人既賽事

U12方面，分組賽分別遇上來自廣洲、深圳、封開、茂名等等既對手，喺一日兩賽既高強度賽事下，我地仍然以第三名晉級，第二階段賽事，喺最後一日需要挑戰來自俄羅斯🇷🇺既球隊，俄羅斯球員無論係力量定速度都遠勝我地，喺60分鐘既苦戰，帶着疲倦嘅身軀，憑着意志戰至最後一刻，最後以2:3飲恨😫喺十二支球隊裏以第5名完結

而U14戰線，就遇上惠洲、深圳等對手，國內球員既對抗性符合預期地強🫣🫣其中茂名省運會代表隊既體力化既打法，令我地完全被壓制，最後以三勝兩負既成績，在十支球隊入面同樣以第5名完成賽事

今次要多謝梧州足協邀請，交通及住宿都安排得非常周到👍🏾👍🏾令我哋嘅小球員能夠出外見識、擴闊視野、更加能夠獲取寶貴嘅比賽經驗，期待下次既冬訓😊😊😊😊

辛苦爸爸們💪🏾💪🏾💪🏾

五人足球快閃一日主題班

題目：2人關係配合：邊直線、撞牆
日期：6月19日（星期五 紅日）
時間：09:00-10:30
地點：摩士公園五人足球場
費用：快閃價$90（原價$180）

是次班別為進階深化水平，參加球員必須有基本足球技術

希望聽日會好天

#五人足球 #足球班 #暑期班