敗家露營

Merry Christmas!

等左成年先買到footprint

Fitz 政府打手嚟？
支持啲乜？
康文處搞左咁耐都有黃牛，
你點解覺得漁記會搞得成功？
重要有一半位留比境外人，重支持得落？
Fitz寫嗰個坐住左個腦？

文章from Fitz.hk

小弟用嘅營
純粹打卡
更新下個page

香港人希望日日都係
愚人節，如果下年
愚人節大家重未死，
我地再慶祝

所有營地明天下午6時關閉，直至四月十一日下午6時。
係時候要留係屋企露營救世界

露營必須酒

（條八婆take左幾多野先諗到禁酒令?）

大家有無諗過點解露營必須酒?
今次講下點解露營必須酒。

「露營必須酒」一句出自《馴獸師之王》，網民應用左空耳（Mishearing）嘅技巧。
空耳（Mishearing）即指對語音再行詮釋，達致惡搞的做法。在常見的惡搞中，創作者通常會歌詞改寫成發音相似、但意義卻完全不同的版本。
（from 香港網絡大典）
歌詞：
要攻要守
不顫抖
「路仍必須走」－＞「露營必須酒」

著名空耳例子有：
《櫻花樹下》
如有天置地門外
「乘電車跨過大海」－＞「成碟青瓜過大海」

大家了解左露營必須酒，咁露營飲乜酒好?

啤酒，常出現於solo camping，各大營地都有啤酒出沒。獨自chill不二之選。

Whisky同Whiskey，多數出現係自稱唔係酒鬼嘅營友手中。
唔知點解出現得係營地嘅Whisky都唔係平野，有機會小弟都想jam翻杯試下。

香檳，多數出現係一大班人露營，有男有女。
小弟露營年資尚淺，未見過一大班麻甩佬著住背心一齊飲香檳。如果有請分享下，想JOIN。

白酒，有平有貴，多數出現係一大班人露營，一齊飲一齊吹水。十分Chill。

日本酒，種類太多，有清酒、燒酎、甘酒等等。通常都有營友帶大枝裝一齊飲，係營地十分受歡迎。

梅酒，酸酸甜甜，受到大部份女性營友喜愛。
如果一大班人去玩，可以帶梅酒，多數人都入到口。

紹興酒，具有和血、行氣、行神、驅寒、壯筋骨等諸多保健功效。
唔知點解咁正都無人帶去露營飲，係咪「新型」整就唔帶先?歧視?
（有人帶去露營請介紹比小弟）

茅台，一酒多用，可以當酒精爐燃料，又可以飲完唔驚比人嘈醒。實在是居家旅行、露營點火，必備良酒！

如有酒聚，懇請邀請埋小弟一齊去，想痴酒飲。

圖片出處Ultra Heavy Team 極重豚 UHT
圖片由Ultra Heavy Team 極重豚 UHT受權使用。

燒地，露營燒地，露營燒烤，營地破壞，燒地後補救 – bugology

火

營火定燒地，前者型，後者仆街。但兩者通常都有關係。

露營Facebook group （XX樂）成日見人post 燒地相，但都少人講解下成因同壞處。今日講下呢個Topic。

成因
營火係外國露營好常見，YouTube 都多影片講點樣係戶外生火，仲有埋大量教學。
最常見就係用石頭係地上整個圈，斬樹，放啲木係中間，之後點著佢。 完

問題就此衍生
1.香港人嘅睇YouTube嘅習慣係普遍唔會睇一條片超過10分鐘，
有超過10分鐘嘅片就會係咁飛，睇啲唔睇啲，冇睇到最後離開時嘅處理手法。
2.另外有啲YouTuber只會剪一啲精華同埋精彩嘅片段比觀眾，有時會有頭冇尾，
之後大家就學咗個手法生火，學唔到離開時候應該要注意嘅問題。
3.當大家睇完YouTube之後，大家就會當自己做完資料蒐集，以為下次去露營就可以活學活用。

身為一位男性，去到營地就見到有女女／帶左女女去，唔想失威，想型。
之後就地取材起火，無木，就斬樹（DLLM)。起到火，型！
如果有一班friend一齊去，起完火，Post IG。

以上只係情節只係鳩寫，如有雷同實屬巧合。

其實成因得一個，就係一知半解。
岩岩上面都有講香港人中意睇啲唔睇啲 ，查啲唔查啲 。
以為香港可以外國咁隨地生火，可以斬樹等等。
如果去露營之前可以去google 查「露營生火」，而唔係去YouTube 睇外國人camping，就可以避免燒地事件發生。

係香港係唔可以隨地生火，要係指定燒烤爐生火，生火後切勿置之不理。
漁護處有樣野叫做「露營守則及法例」，大家上網查營地嗰時一定見到，建議睇下。

燒地壤處
燒地同山火係兩樣野，係度要引用下bugology前輩嘅文章。
“野火燒不盡，春風吹又生"這話多數會在燒草地者口中反駁,其實這句話完全不適用於圍爐燒地，原因是野火/山火相對低溫（最大殺傷力是煙）只會燒毀地面稙物并不會傷及土壤深層。而用石頭圍爐會令熱力集中，再不斷加助燃物燒幾個鐘玻璃都溶石屎地都頂唔順啦！何況帶黏性的田土在極高溫下會引發土壤硬化同製磚或陶瓷等），減弱土壤吸水性殺死土中各類生物令植物所須要的元素毁滅而形成禿地一塊。當變成硬地後數年不會生長任何植物在下雨天土壤排水不能引致水浸長久下只會成為蟻竇，更何況不斷有人重複燒地?

以上講解得好清楚山火同燒地嘅分別，同埋解釋埋燒地嘅問題。小弟係度補充少少資料。
土壤一般分成六層：O層是枯枝落葉層，A層是腐殖質層。E層是淋溶層。以上三層為表土層。B層是澱積層。C層是風化層。R層是岩石層。以上三層為心土層。
前輩文中提及山火破壞係土壤中嘅表土層，而燒地令到土地陶瓷化係會影響到成個土壤，嚴重少少可以影響到生態食物鏈。
土地陶瓷化後係無得逆轉，因為泥土無曬營養同微生物，即係會變左禿地。
禿地即係係營地見到地下白色一噠噠嗰啲 。

所以係香港露營想玩火，一係係燒烤爐玩，一係帶焚火台，無其他方法架啦。
係香港玩柴火，邊有咁易。大家記得做下資料蒐集先啦！

https://bugology.wordpress.com/tag/%E7%87%92%E5%9C%B0%EF%BC%8C%E9%9C%B2%E7%87%9F%E7%87%92%E5%9C%B0%EF%BC%8C%E9%9C%B2%E7%87%9F%E7%87%92%E7%83%A4%EF%BC%8C%E7%87%9F%E5%9C%B0%E7%A0%B4%E5%A3%9E%EF%BC%8C%E7%87%92%E5%9C%B0%E5%BE%8C%E8%A3%9C/

bugology.wordpress.com bugsyho 所撰寫有關 燒地，露營燒地，露營燒烤，營地破壞，燒地後補救 的文章

煮食

食色性也
入面個食字解想要吃好吃的東西（而不只是填飽肚子而已）（Google）
自問好中意食，每次露營都拎一大個冰箱食食食，
，由日頭食到夜晚，第二朝再食。

新手都係會覺得，露營公仔麵，麵包，罐頭就ok。
其實又唔洗咁辛苦，今次分享下小弟煮野食嘅經驗（簡易版）。

常用技巧
Premade
1. 早一晚醃定晒啲嘢食，放入密實袋，放入雪櫃。第二日帶去煮。
2. 早一晚切完配料，放入密實袋／盒，第二日拎去就一開就煮。

煎，炒
1. 煎係露營最常見，煎牛排，煎魚，煎午餐肉等等，
9成無伏，除非零經驗，唔係都放得入口。
2. 炒，呢個要有個大少少嘅 pan先好炒，上至炒龍蝦，下至炒蛋都見過。
煎炒都要係落多啲油，新手個cookset好食油，無油9成痴底。

進階版
焗爐
係重裝露營都時不時見到，用嚟焗pizza，焗麵包食都有。
焗飯焗麵類都可以用焗爐去整。

柴火煮食
用柴火煮食前提一係自己有一個焚火枱，一係喺燒烤爐入邊整（離開前請確定火種已經熄滅）。
錯誤例子：Gang Gang YouTube 東龍島
唔好喺地下就咁起火，呢一個動作叫做「燒地」，
會嚴重破壞生態環境，比人屌唔好問點解。
柴火煮食好處就係唔使帶Gas，同埋聽聞用柴火燒嘅嘢食會有一浸香味。
記得用翻啲可以落柴火嘅爐具
需要有技巧先起到火，童軍我估應該有經驗。

食譜
自己上YouTube搵，無野係露營煮唔到，係睇係帶唔帶到咁多嘢去。
推介高質YouTube channel
Bushman Kitchen
記得CLS

爐具推介
市面所有cookset 都可以煲飯的！
建議你買咗响屋企練習吓先！重點係火力控制！
記住買工具係唔包技術的！
以上金句From 網友Hau Chi Chiu
YouTube 睇下人地點用，再去露營鋪睇 。
新手建議用Gas 爐，容易控制火力。
酒精爐就小心搶火同埋唔好打瀉。詳細可以睇 Billy

如果有用可以share 同埋Like 個Page，有問題都可以係comment度問

背囊

呢排買左新玩具，掛住研究，少左出文。

背囊去露營係必須品，無背囊無得拎野。（揸車例外）
咁點先買到個岩自己嘅背囊呢?

第一，睇下自己應該買幾大嘅背囊先。
背囊用公升（Litre）做單位
30－45L 中型背囊
45+ 大型背囊
1-3天要用40-56L
3-5天要用60-80L
（from osprey)
以上只係大約估計。
情侶去，通常都係男仔拎多少少，女仔拎少啲，
呢個時間男朋友背囊同女朋友背囊又會有唔同L數。
當然大L數用少啲日數都得，小弟用緊70L去2D1N。

第二，要買翻個岩自己size嘅背囊，唔同廠出嘅背囊有分size，
呢個要跟翻自已頸椎突起處至最後一節腰椎的距離。
建議親身落去露營鋪量度。
有分 L,M,S.
自己揀翻適合自己嘅背囊，係度唔講得多了，唔同廠個標準有唔同。

第三，買邊種背囊好?
市面上有2種背囊，一種就分LMS size,另一種就係有得調較。
即係一個背囊可以比全部size嘅人用。
當然價錢上會有唔同，後者會比較貴。
全憑個人喜好。

第四，買咩 brand好?
撐香港Lowe Alpine，雖然唔係本地牌子，係英國牌子，但撐香港人。
見得最多應該係機場，外國人backpacker寄倉成日見。
新手都係建議用Osprey，方便購買，無伏，size去鋪頭睇一定岩。
當然追牌子用嘅可以用 Arcteryx，Mystery ranch，Fjallraven 等等，
但建議㩒定錢先，比你想像中貴。

呢排大家都好中意問買乜好買乜好，但希望大家有明確目標先去問。
例如要清楚自己係咩情況下用，咩季節用，男定女用等等。
唔係嘅話就會買完再買，到時就真係敗家露營。

如果有用可以share 同埋Like 個Page，有問題都可以係comment度問

天幕

天幕對新手嚟講都係難在點起個得好，YouTube太多video教學了，係度唔多講。想睇就支持下本地youtuber Billy。

今次講下天幕有乜野要注意。

基本上，街出面買翻嚟用都係2枝杆加一個天幕，
當然有啲唔包杆 。
對新手嚟講，要注意嘅位得3個，型狀，重量，大細。
拉風繩睇翻「營嘅 配件」。

型狀
普遍都係方型同埋蝶形。

方型天幕
睇說明書先
正正常常就中間2枝杆，拉4角風繩就起到。

簡易變化起法
4枝杆係4角，拉風繩。
但唔好落雨起，因為無水線，中間會積水。

蝶形天幕
睇說明書先
有6隻角，中間兩邊落柱，拉其餘4角。
變化起法同上面無乜分別，杆嘅數量隨自己喜好加減。
講得太深比你都唔識用，用錯重死。

重量
會揸車去營地就唔洗理。
自己拎嘅唔該量力而為，重有重玩，輕有輕玩，
我無得一概而論。

大細
最少都要買翻個遮得曬自己個營嘅天幕，
比我就會買一個天幕比自己個營大1.5倍嘅 ，
一嚟可以遮曬個營（或擋雨），無咁熱，
二嚟可以有空間可以休閒同煮食。
利申見過天幕細過個營。

用天幕會遇到嘅情況
1.係天幕下面玩柴火或BBQ，如果個天幕起得太底，
有機會燒穿天幕。
2.天幕啲釘落得唔好，大風嗰時會容易甩左一個角，
過多一陣就會成個天幕比風吹甩。
大風嗰時記得定時睇下啲釘，最好訓前check多次啲釘。
3.記得睇下天幕附近有無樹枝，
一大風個天幕fing下fing下插左落枝樹枝就收皮。
4.見到超大風要收翻個天幕，唔好覺得枝杆會頂到，
吹斷杆時不時都有。
5.點解個天幕起完都係咁低? 因為你枝杆唔夠高。
想綁繩係棵樹上面? 小心觸犯郊野公園條例。

天幕比新手都無得講得太深，盡力簡化令到大家易明。
打完又見到人出片燒地啦，真係無錢買焚火台?
無咪用燒烤爐，都係唔撚明點解要係草地上起火。
去露營就尊重翻個大自然啦，做翻啲基本research先出發都得掛。
Keyword:郊野公園 營地起火

無痕山林 七大原則應用法｜Metropop

營嘅配件

營嘅配件種類多到數唔晒，今次講下新手最常遇到嘅配件。
（以下稱得上新手落釘速成班）

營釘
營釘嘅種類數數埋埋都有十幾款，今次主要講新手通常會用到嘅技巧同埋會常見到嘅釘。

技巧
1.拉拫個營落釘個角位，將枝釘放係個角位，向個營用45度角打落去，打到入曬地下先得，唔好打一半唔打一半，唔係嘅話大風就一定碌柒。
2.拉風繩有人落左釘再拉，都有人同時做2個動作。小弟偏向用後者個方法，因為我會容易啲去調較。
一樣都係拉拫風繩，整到營釘同風繩大約90度角，再調整營釘同地下係45度角，之後落釘。

釘嘅種類

鐵釘
鐵釘通常會係買營嘅時候送埋，鐵製，有啲差嘅營就送一種90度角嘅鐵釘，有啲好少少嘅，就會送彎頭嘅鐵釘。
前者又細又易彎，後者比前者好少少就係可以留個位比你較風繩。質量一樣麻麻，可以稱得上一次性營釘。

Y形營釘
聽名就係Y型，睇圖就明。平靚正，新手已經好夠用。 唔同物料製造，硬度都會唔一樣，當然重量都會唔一樣。大家可以隨心選擇。
下半部份會講下唔同物料製造嘅營釘會有乜嘢唔同。

重有大量唔同形嘅營釘，X，V，U型都有。新手用Y形比較容易入手。

沙釘
除非你去沙灘露營，否則喺香港都比較少機會會用到沙釘。
喺香港買到嘅沙釘一般都比較大同埋用膠造。
落釘方法大致上一樣，但都會有人將成枝釘埋入沙中。

營釘嘅物料

鐵
最平，係新營比較常見。因為比較幼細，所以容易彎。
一次性營釘物料。。

鋁
輕而強度高，常見整唔同形釘，差唔多係喺香港最常見。

鋼
鋼硬過鐵，常見會係整長營釘，例如20cm,30 cm等等。
鋼營釘適用係起天幕用。
P.S. snowpeak嗰枝釘正到飛起（小弟打手嚟 ）

營繩扣(調節片)

塑膠三孔繩扣應該係最常見，原廠應該會跟係條繩上面，但新手都比較少用。
使用方法：拉長繩尾嗰2個繩洞，勾係個營釘度。落左釘後再用繩扣位調教鬆緊度（前後移繩扣）。
真係唔識上下YouTube大把。

營底墊Footprint
唔係每個營都會送，有啲要另外買。營底墊作用係隔地氣，令到你第二朝訓醒無咁攰 ，同埋可以保護你個營底。
無記得去買張，其實唔貴，但記得要買翻同自己個營size嘅底墊。

大致上有基本嘅知識同技巧，第一次去露營都知要帶乜去同埋唔會手忙腳亂。

呢排上山大家見到垃圾幫手執下，減少對環境嘅污染。自己帶嘅垃圾自己帶翻落山，三萬thx！
Leave No Trace 好值得我地露營嘅人去遵守。
參考網址 http://www.metropop.com.hk/%E7%84%A1%E7%97%95%E5%B1%B1%E6%9E%97-%E4%B8%83%E5%A4%A7%E5%8E%9F%E5%89%87%E6%87%89%E7%94%A8%E6%B3%95-
題外話，今日小弟岩岩行完昂坪就有山火，屌 ！

如果有用可以share 同埋Like 個Page，有問題都可以係comment度問

metropop.com.hk 行山將垃圾帶走，以為做得夠，原來只是表面一小步。美國、台灣甚至世界各地都提倡「無痕山林」，從心態到行動，減少對自然做成的衝擊和傷害，不製造垃圾、不生火，甚至小心每一步足印對土地的影響。路過無痕，因為人...

社會責任 - Fjällräven瑞典北極狐官方網站 – Fjällräven

營

呢篇文比新手睇，未必解釋到好深入，師兄們手下留情。

又係嗰句，新手買咩營好?
老實講比唔到建議比你，睇下呢篇文之後再決定唔到，再comment 問下。

一個營，由一百幾十到幾千蚊都有，下面分開幾part介紹。

營嘅種類

蒙古包式，圓頂帳篷，即係我地叫做 Dome。呢啲款一定係最常見，D記大把。最少就有2枝骨，多就有4枝骨。係香港常見都係正方型，有單門同雙門，再正啲嘅就有埋前庭。�講得深入啲，Dome有分自立型(Freestanding)同輔助支撐型 (Self Supporting)。自立型嘅營唔洗落營釘都企得到，但輔助支撐型嘅營就一定要靠帳篷的前庭空間先企到。�自立型比新手就最容易用，輔助支撐型係香港比較少見，但係外國野營就多啲見。
優點：容易起，對新手無難度，3枝骨嘅dome抗風勁好多。（係有原因，有機會再講）
缺點：太大風容易收皮，除非起個營起得好。

金字塔，我地叫做金仔。呢款一支杆就起到，但就要一定落釘，同埋有內帳先用到（當然唔用都得，新手就唔太建議）。
輕，可以真係好輕，但又抗風唔錯。中間枝杆可以用行山丈做代替，唔一定要用杆 。
如果想玩輕裝備嘅新手可以考慮下。
優點：抗風能力一流，輕。
缺點：中間條濕鳩柱你一整冧左就係咁先，同埋條柱會阻住你係營入面嘅活動。無dome咁舒服。
P.S 可以買A字架解決一枝骨嘅問題

隧道營，香港應該比較少人用，正面抗風能力一流，細嘅一定要落釘先起到，大嘅家庭營就可以free standing。新手就比較少用。
呢種營有大有細啦，細就多數係登山營，大就大到家庭營咁。�優點：正面抗風能力頂級，多數有前庭
缺點：橫風穩定差，要落多釘

人數問題

新手伏位：2個人去係咪買2人營就得?
得，你買1人營2個人用都得。但我會建議你2個人去用3人營，3個人去用4人營。人數＋1就係你要買嘅營。
前提係你想訓得舒服啲 ，如果唔信都可以買翻人頭數嘅營。唔好唔記得你會係個營入面放裝備，但唔好放食物入營。

三季營同四季營

三季營係香港用係比較好，三季營focus通風，輕。內帳通常會用紗網。香
港天氣濕熱，落雨多，通風係香港比較重要。如果你覺得會凍，係香港嘅話會建議你買個暖啲嘅睡袋，多過建議你買四季營。

四季營係香港比較少見。香港對比外國係無咁凍，四季營多數出現係雪地，高山多，focus係硬淨同保暖。
當然香港冬天用都得，但夏天用會熱撚死。

以上呢三點都應該比大家對營有初步嘅認識，以下介紹下唔同嘅brand

品牌
點都講左本土brand先
Luxe
小弟都係玩耐左先第一次聽呢個brand，外國佬好中意用，相反香港比較少用。
屌你老味原來好撚正，營，天幕都有，價錢重要係正常價。
外國師兄想支持香港brand都買得，有出雪地營。
支持本地brand首選

Decathlon（下稱D記）
法國公司
利申小弟都係喺 Decathlon買人生第一個營。
D記嘅露營product偏重，car camping比較適合。但D記開始出啲輕量嘅營，但overall啲裝備都偏重。
唔計秒開嗰啲營，D記4人營都開始偏重，但勝在夠平。

Nature Hike（下稱臭Hike)
大陸野，抄曬外國大brand設計，自己係大陸再整，當自己design。劣幣驅逐良幣，真係垃撚圾 。
平係平，質料係點自己諗諗佢。

SnowPeak－露營界嘅 LV
日本brand
新手識snowpeak多數都係見到隻杯，一係見到同line合作過。但snowpeak點只咁少野。
Snowpeak 玩得起都非富則貴，9成重課師兄。 Snowpeak呢個brand裝備十分齊全，由營釘到天幕乜都有，你露營需要嘅野佢都有出，當然都唔平。
一樣野加左snowpeak個名就可以升價，同supreme一樣。
一分錢一分貨，snowpeak嘅營買得過，但都幾撚重下。

MSR
美國brand(臭hike中意抄嗰間）
出名行山高山營，同snowpeak一樣有自家一系例自家裝備。
MSR營都多師兄用，因為都容易起同輕，通風正，但因為香港天氣會令到個coating甩。
最常見就係MSR鎚仔。

Hilleberg(下稱Hill仔)
神奇，頂級，超卓！
歐洲帳篷之王（from offcial website)
勁撚到無野好講，頂級帳篷，內帳同外帳一體式。風速112km/h（31m/s)之下都可以起到個營。
外國高山及極地探險隊常用。北極，南極探險都用hilll仔，你就知道呢個brand有幾勁。
道理同醫生用咩口罩，你用醫生嗰款口罩一定唔會死一樣。
價錢都 神奇，頂級，超卓！

Fjallraven
呢個Brand你一定見過，港女好撚中意佢個書包,Kanken。 Kanken其實唔係品牌名，佢個品牌名叫Fjallraven，Kanken只係嗰一系列書包。
如果你真係想做一個對大自然負責嘅露營撚，真係建議你去http://www.fjallraven.tw/responsibility 睇下。
佢啲營都係北歐有名，大品牌。Fjallraven製造機能性、不退流行、經久耐用的戶外配備，一切是為了盡可能降低對環境產生的負面衝擊。（offical website)
環保，對大自然負責，保育，Fjallraven一個品牌做到曬。
價錢貴，但我覺得佢啲野係值嘅。

露營都係想體驗下大自然生活姐，無話物資享受唔得嘅，至少唔好影響大自然，做每一步都諗下會唔會影響大自然先。

如果有用可以share 同埋Like 個Page，有問題都可以係comment度問

fjallraven.tw 「我們的目標是提倡更健康的戶外生活，不只是現在，也為了將來的世世代代。」Fjällräven的永續發展總長Aiko Bode說明了公司全體如何致力於推行永續發展。

睡袋

睡袋，新手都會問，買幾多度好?買乜嘢牌子好？

懶人答案比伸手黨: 任何牌子嘅 0℃睡袋，怕凍買-5℃睡袋，牌子:Reecho
利申唔係hardsell，睇落去就知點解。

個人覺得睡袋係露營裝備入面最重要嘅。
想知道睡袋點解咁重要，首先我哋要明白有一樣野叫做溫度等級(Temperature Ratings)，即係係睡袋上面成日見到嘅三個溫度，comfort , limit , extreme.
Comfort即最理想的溫度，在這溫度下使用該睡袋能擁有最舒適的睡眠。
Limit即最低的臨界溫度，在這溫度下用家能有溫暖感，並提供合適的睡眠環境。在這個範圍的溫度下，用家毋須特地穿上其他配件也會感到舒適。
Extreme即最低極限的溫度，需配合保暖衣物一同使用該睡袋，否則長時間處於此溫度可能產生危險。
From reecho

理論上睡袋Comfort同Limit之間嘅溫度先可以用來參考，唔好用咗extreme 嘅溫度做購物指南。
例子:
Comfort 5度, Limit 0度, Extreme -5度
睡袋上會標明係0℃睡袋，但你唔好當左-5℃嘅睡袋訓，一定會凍撚死你。

新手又會問，香港有冇咁凍？
香港係市區梗係唔凍，但你上到山，已經唔係入新界低兩度咁簡單。
天文台嘅溫度，同你體感溫度爭好遠，同埋香港濕凍世界第一，買0℃睡袋真係無伏你。

重要性

即使你冇個營，剩係得睡袋，你都未必會凍死。
調返轉就好難講

睡袋個重要性成日比新手忽略，新手常犯嘅錯誤就係覺得一個營，比睡袋重要，但事實正正相反。
營係保唔到暖，個營成晚比風吹，營內嘅溫度會慢慢下降，直到內外嘅溫度一致。而睡袋入邊嘅羽絨可以隔熱，幫你防止身體溫度下降，長期保持體溫，唔會半夜凍撚死。

到最後講下有咩牌子值得大家買。
一分錢一分貨，你買都係比自己用，
估你都唔想買左件垃圾翻嚟之後又要買過一件新。咁不如一開始買好啲。
最大眾化就REECHO, 本土牌子，係本土！支持本地品牌！
課金玩家mont bell ，日本牌子

第一次出介紹，希望大家多啲交流，幫到新手。
下次講個營先。
如果有用可以share 同埋Like 個Page，有問題都可以係comment度問

呢排停課，多左人去露營，人人都問買乜裝備好。見呢排多時間，開個page分享下經驗比大家。希望新手唔好誤入歧途，順利入坑！

敗家露營