西波達人

千奴官宣坐正港隊教頭！
今晚係過咗Probation後首戰🇭🇰🇲🇳
香港 vs 蒙古
20:00
Hong Kong Stadium

2026 中超頂上對決
上海申花 對 成都蓉城
一場觀賞性極高嘅比賽
有一哥世界波 有Felipe cls倒掛 有租租後備落場
有6萬人Full House 有補時成都入兩球絕地反勝
申花踢咗半場好波 下半場幾次黃金機會都冇把握好
後備入嚟嘅無表現 最後倒輸係失望嘅
但呢場比賽都算充滿張力 絕對值回票價👍🏼👍🏼

日本J1百年構想聯賽🇯🇵
千葉市原 對 東京綠茵
再次感受日本足球文化 除咗有莫名奇妙嘅戰況
仲有球會喺地區嘅黏附力同產生球迷嘅歸屬感
週末下晝男女老少 家庭活動 拍拖活動
就係去睇場波支持自己居住地嘅球隊
比賽日同時帶旺球場周圍嘅商戶 互惠互利

大埔呢隊波，雖然爭岀線最後都係差少少，但唔知大家有冇同我有同一種感覺，雖然大埔好多時都係外援佔正選陣容極大比重，但係睇佢哋踢ACL2嗰種精神好似睇緊港隊咁，感覺佢哋都背負住一份使命感。

代表香港岀戰對外隊，就算場比賽輸緊，鬥志同態度都唔輸得，話比對手知作客香港絕對唔容易。主場第一場爆冷贏咗麥克阿瑟、第二場幾乎殺低北京國安，黎到今場即使係一場例行公事仍然拼盡全力，隊波話你知佢哋想贏、佢哋要贏，不論係人定係「鬼」都比哂所有嘢你對手後段排山倒海嘅攻勢，每個球員都係盡力頂住，一人跑多步，踢到尾韋法頓拉傷都唔理都要追埋佢，今日場波絕對係成隊將士用命贏返嚟。

以熱血、團結同充滿鬥志去總結今屆大埔嘅亞洲賽旅程係最好不過。即使止步小組賽，你哋嘅表現大家係有目共睹，感謝大埔足球隊為近期被悲傷情緒籠罩住既香港帶嚟一點點嘅喜悅。