Jeffrey rehab performance 運動治療

五月 六月開診時間

打網球打到有 網球肘？
點知唔打網球都有網球肘…

點解網球肘狀態經常咁反覆？
因為結構根本冇被還原過！

打波痛
唔打波 拎嘢都痛

喺日常診症當中
有恆常打球拍運動既球員
有每天照顧屋企既家庭主婦
亦有係咁打字既辦公室一族

上網搜尋一啲自救運動
不外乎係先拉筋
之後做isometric eccentric
同你講練返好啲力
每個運動梗係有佢既意義啦
但係唔該請喺適合嘅時期做適當嘅嘢

網球肘=前臂伸肌發炎
無啦啦點解發炎呀？
肯定係你用得太多啦！
講經咩
我又唔打波 點會用得多
講經咩
我淨係飛膊 又唔練前臂

先排除有部份人 真係用錯力
再排除有部份人
真係打網球嘅發力錯鬼晒 (請搵網球教練)
有冇發覺其實有網球肘嘅你
唔單止 前臂嘅伸展肌肉緊
二頭肌 老鼠仔都好鬼緊

長期嘅二頭肌緊張
其實已經將你嘅橈骨(跟手指公嗰條前臂骨)拉歪咗
變咗你係一個唔啱嘅骨架上
(打樁已經歪咗 幢樓點樣起都係歪)
不斷做每一件日常好簡單嘅事
最終隻手咪收檔囉

而我成日都話網球肘麻煩
因為要考慮上半身 手臂 前臂 嘅相對位置同埋張力
手踭痛要搞嘅
其實係膊頭先
如果唔係點樣搞
都係治標不治本

快啲跟住我上面嘅測試
Check吓自己嘅前臂嗰兩條骨係咪已經kick住咗？
如果係不如試吓鬆咗你個老鼠仔先？

jack_space
sports_therapy

ec





#好難搞 #網球 #網球肘 #手踭痛

唔跑唔知身體好 運動治療x中醫工作坊 Recap
今次同黃希如醫師一齊
善念學舍邀請講呢個workshop

係運動治療既部分
講到跑手彈性 與 身體手腳限制嘅關係
簡單透過簡單嘅檢查
零參加者可以同朋友一齊追踨身體狀況
係不論賽季中段
定係 最後加loading衝刺嘅階段
都可以避免係出現傷痛 到達閾值之前
就已經得到處理

最靚既肌肉
應該係放鬆既時候
鬆拋拋 好似拜拜肉咁
係你用力嘅時候
肌肉先至收緊 線條先至出嚟
係日常你應該會見到你身邊嘅跑步勁人
佢哋隻腳就係咁

配埋核心呼吸練習DNS
教返肌肉 咩時候熄機？咩時候着機？
咁樣先可以用最少嘅力跑最遠嘅路

上個星期好開心又走咗去讀書
今次上Ivy 既師傅Roberto 老師嘅堂
Neural Manipulation 神經鬆動術
預料之中再次俾老師嘅解剖知識震撼教育
（要努力啲溫書
今次Roberto老師嘅教學框架非常之好
感覺上對於使用這套Approach有更透徹嘅理解
而我最欣賞嘅係
老師對於自身治療師嘅要求
每一個治療都應該要有效果
每一下都應該好清楚自己做緊啲乜嘢嘢
直程係我一貫努力秉持嘅原則
上堂嘅同學越嚟越變得熟絡
因為嚟嚟去去會上堂嘅都係嗰班人
感覺真係好正
可以一齊上堂學嘢
你都好開心有一班人
互相勉勵 繼續努力進步
今個聖誕節俾心機溫書
下個月繼續進修🙇🏻‍♂️
jack_space

ec

進修扎記-內臟筋膜鬆動術 Abdominal 1 & 2

八天既課程令我看診的角度擴闊不少，老師Damian Kitcheman (DO, BI-D) 清晰既講解，豐厚既解剖知識，確切既手感，仲有經驗豐富嘅助教 Ivy ，手把手的教學，令課程加分不少。

日常治療上主要係手法同neuromuscular approach，間中會發現除咗四肢張力扭曲身體而影響結構，肌肉發力次序錯亂，亦都會有一啲俗稱唔啱數嘅張力，即係唔跟人體力學所出現既張力，大多數都係腹部既位置出現，而依個手法正正就可以處理腹部由內而外既張力。

可以由個肝緊到去橫膈膜再去膊頭，由條腸緊到壓到腳嘅神經線，個腎緊到腰大肌都緊埋，可以透過解剖學探究器官同不同身體痛症有何關係！

單腳企唔穩 跑步扭pat pat

依排多左朋友
話自己練唔到單腳穩定性
跑步扭pat pat，ITB扯住
:Jeffrey，我應該點好呀

有勤力既朋友仔上網search完先問我
Msg我 點樣練好 Lateral Subsystem 側向系統
Gait Subsystem 中的一員
一般而言指將Hip向外向內既力平衡好，練好
好多都係練臂中肌，放鬆內收肌
其實本意冇錯

不過不過不過
重要的事情講三次

你D骨根本都唔係一條直線
點樣平衡姐
格硬拉到一條直線咁樣

你係啱啱開始練跑，本身肌力應付跑已經攰，更何況再去練
你跑50K 100K 毅行
點樣可以每步都active 多D Hip

100%力
一開波就扣左20%純粹企直D
點練呢

係單腳企中
通常可以見到兩個位炒粉
Hip 同 Ankle
一個係會個Pat Pat 飛左出去
一個係腳板係咁左右反起，腳指抓實/飛起

係之前上峰而老師手法班中
老師提到拆足弓、受力系統
一方面其實係可以令足弓可以活動
做到扁平足、高弓足，令ankle 可以react 更好
另一方面
排正
跟骨與距骨
距骨與舟狀骨
距骨與骰骨
距骨與脛腓骨
脛骨與股骨
股骨與骨盆
令隻腳可以唔洗比不同的肌肉張力拉扯
唔使刻意比力
就不動如山😌

簡單D黎講
如果你單腳企唔到
或者要做一大輪activation先得
你應該本身隻腳已經東歪西倒
如果想有表現既提升
應該減少不必要既資源運用
留番D力做其他嘢
而唔係係咁focus係mid stance 同單腳企到

jack_space

sports_therapy

performance
ec




#跑步 #渣馬 #馬拉松 #運動治療 #健身 #膝頭痛 #運動 #臀中肌 #行山 #矯正運動 #預防傷患 #穩定性 #單腳蹲 #平衡力

如果你
成日小腿爆曬
成日覺得feel唔到pat pat
咁你要繼續睇依個post
因為依個情況
其實好普遍

好多時候
依兩個情況 會一齊出現

你按摩放鬆
你每日foam roll
你係咁拉佢
但佢鬆完又緊返🙃
因為 你用唔到Hip
就係咁用小腿

依家D跑鞋個heel位咁厚
其實好少人真係因為ankle 受到影響
受限既人好多係之前 #拗柴
導致腓骨移位了
所以腳腕運動得唔順暢

而髖關節限制既朋友
好多人係內收肌既位置緊左
放鬆又係痛到阿媽都唔認得
依類朋友好多時跑步
都會好似吊起左個人
膊頭縮起左

碌唔鬆既朋友
可以試吓先foam roll外側既Hamstring
尤其係近屁股既位置
再用手慢慢橫向撥動Adductor 內收肌
配合 慢慢呼吸 同 輕輕既小便/大便比力

有問題可以DM我😉

jack_space

sports_therapy

performance
ec

最近不論短跑定長跑問題既詢問度都高左，短跑比賽既有；
新手準備渣馬10K既有；
練開跑進入高loading/跑返快既都有！

係診所有兩個好常見既情況：
1. 條腰好易攰，跑到腰都痛
2. 用唔到pat pat，推唔到髖，小腿爆曬

係今個post，我哋會講左第一個情況先！
情況一 條腰好易攰，跑到腰都痛
通常有兩類型人士：
1. 本身條腰已經緊
2. 本身還可以，跑到咁上下就緊

我地條腰係上身同下身既交匯處
換言之，無論上身緊左=有扭曲
定係下身緊左=有扭曲
又或者why not both 上下都有扭曲
佢都會令到你成條腰扯住曬，硬曬

所以你如果係第一類人士：本身條腰已經緊
不況試吓用按摩球/滾筒鬆開
大腿前後肌肉，手臂既肌肉
減低上下身各自既扭曲
等於減低 條腰 交匯處既扭曲
先再去跑步

第二類人士：本身還可以，跑到咁上下就緊
你要回想一下
你過去有冇拗過柴？有冇扭親個膝頭哥？

如果有，既話你小腿外側既腓骨好有可能移左位，影響咗動力鏈，依個情況遲D開post 再講

如果冇，你比較大可能係核心穩定性嘅問題
即係你既core跑到咁上下就冇左，唔夠支撐你既里數
核心，即是紅色部份包括多裂肌、頸深屈肌、橫隔肌、腹橫肌、腹內斜肌 和骨盆底肌等

可以做一D練習，例如：DNS動態神經穩定術 去拿返核心既穩定性

今個post 講左情況一，下個post 將會講埋情況二
1. 條腰好易攰，跑到腰都痛
2. 用唔到pat pat，推唔到髖，小腿爆曬

有問題可以DM我😉，記得留意下個post!

jack_space

sports_therapy

performance
ec





#跑步 #馬拉松 #短跑 #長跑 #田徑 #運動 #路跑

不能拉的Hamstring

你hamstring 好緊？
你deadlift feel唔feel到hamstring?
有冇人每日都要拉hamstring 先安樂？
只要拉少一日都覺得好緊

其實有冇諗過兇手竟然係你自己？
想像一下你嘅大腿後肌係一條橡筋
橡筋可以好緊
但係橡筋俾人拉到最盡頭
佢只會更加緊
直程係緊到就嚟斷咁樣

香港人好多都係咁坐
Hold唔住core
好多人會關注盆骨前傾
但係上網一搵
通常都係叫你去拉筋

假如你本身已經係盆骨前傾嘅依個狀態
你係放鬆嘅狀態下
Hamstring其實已經拉長左
試想想你再係咁拉佢
佢幾咁慘

或者係宏觀嘅角度
思考返「核心」問題
建立良好既腹內壓
由根本着手
先是真正解決hamstring 緊既方法

如果你真係好習慣拉hamstring
可以做動態熱身 active stretching 先
然後先做返運動

jack_space
sports_therapy
ec






#拉筋 #伸展 #運動放鬆 #運動治療 #跑步 #大腿後肌 #拉傷 #熱身運動 #熱身

圓玄學院妙法寺內明陳呂重德紀念中學 x Space運動矯正 by Jack Lee

23/8 運動傷患處理及恢復工作坊
24/8 運動彈性貼布工作坊

主講: 何冲 運動治療師 & 三鐵教練

上星期去到中學協助講座及工作坊的進行
阿冲用簡單易明既情景題去解釋常見既傷患
用遊戲解釋 #筋膜 嘅概念
即刻實試用 手法 按摩球 滾筒 #自教 同 #救人

第二日就教用運動彈性貼布
為第一日講到常見嘅運動傷患
提供幫助 #穩定關節 #加速循環

開心可以係講座同工作坊幫手
識我既朋友知我比較老成
朋友成日都好鍾意同我傾人生 傾未來
其實我都幾享受傾計既時光
有朋友係傾完之後
諗到人生方向
真係好開心

之前都有教吓師弟們打波
係佢地未知點解努力
未知點樣努力既時候
將自己既過去
分享比佢哋
等佢哋可以走得更好更遠

其實之所以今日好似目標清晰
全靠身邊唔同既人陪我認清
有中學、大學、臨床上嘅老師
有教練、治療師
有師兄師姐
有親朋好友
每一個人嘅經驗對話都或多或少造成咗少少嘅影響
如果冇遇到其中一個人
而家都可能會有所改變

係依一刻
有朋友因為對話後得到啟發
作出影響佢一生嘅決定
真係好難講果種感受

係治療上
我都繼續努力緊
希望可以幫助更多人
無論係 #遠離痛症
定係 #提升表現
我地一齊努力！

#用生命影響生命

2022年10月5日

凝動香港體育基金
香港理工大學設計學院
SPACE 運動矯正by Jack Lee

「坐姿有腰求」講座 21/8/2022

治療師 Jack 同 Enoch 當日講解坐姿對學童的影響
連結手、眼、頸 同 不良坐姿既關係
解釋坐姿如何影響 #腹內壓 依個 #天然腰封
提到 #盆骨前傾 #肋骨外翻 #駝背 係常見失去天然腰封既例子

當中令我最印象深刻既係Jack同家長提到
今日未有問題出現係應該！
因為 「他們只是個小孩」
今日小朋友既坐姿以及運動能力
係唔應該即時影響到佢哋
#痛症 #活動度受限制 會係今日一步步去堆砌出黎

讀書投放既時間多D，理論上收獲都會多D。
但如果淨係讀書，唔好既坐姿加過長既時間，可能仲可以得到 #周身骨痛。

我中學有位同學係做咩運動都差少少
打波冇球感
跑步姿勢好似阿甘正傳
細問之下
原來佢係幼稚園、小學既時期
#好少落街玩
#冇玩捉伊因
#冇踩單車
#冇係滑梯下面跑返上去
佢部分既 #成長發展階段 (Development Milestone) 應該未好好發展
可能存在差距

即使佢係中學再努力練習籃球
再努力追返細個應該要有嘅進度
都會 #輸在起跑線

係努力讀書為未來努力嘅時候
都唔好忘記為身體、健康去努力
坐好，玩好，生活好！

圖6 係一個關於 #成長發展階段表格

#運動治療 #動態矯正 #運動矯正 #受傷 #復健 #羽毛球🏸️ #物理治療 #坐姿 #人體工學 #凝動香港體育基金 #理工大學

2022年8月27日