港馬攻略 Racing Hot Talk

跑完英國同南非都未完㗎，大家好熟悉嘅日本安田記念又返嚟喇！今年喺「遠觀天象」缺陣之下頓變大混戰，加埋日本都受天雨影響，今屆會唔會爆到九彩？

冇咗「遠觀天象」在陣，最開心就梗係「地神力」，因為已經兩度喺一級賽飲恨，當然都希望趁呢個機會贏返次，上場遠征杜拜跑1800米可能都係長咗啲，返嚟上屆攞亞軍嘅賽事，呢次輪到佢坐正未？

另一匹同「地神力」一樣喺中東遠征返嚟嘅就係跑沙特盃嘅「樂蜀茶座」，上次對住「青春永駐」呢匹馬王跑第五名其實一啲都唔失禮，而且睇血統其實草地冇話唔得㗎，嚟緊仲有機會落埋雨，哥哥「法老茶座」挑戰失敗，細佬可唔可以成功？

「橡木城」同「詩歌遊子」上場喺葉森盃短兵相接，最後「詩歌遊子」險勝，雖然上屆跑第十七名，但近兩場贏晒氣勢十足，而且拍住李慕華成績又好，有冇機會幫Sunday Racing贏多屆？而「橡木城」昔日當然戰績彪炳，但上年低沉得好緊要，直到上場終於有起色，加埋賽前操練回勇，往日櫻花賞冠軍有冇機會重開勝門？

「天懸絕壁」以及「拼勝堡」就係後起之秀希望接到棒，前者出道以嚟都幾忠心，而且跑法主動，上次京王盃春季盃贏起上嚟似難實易，會唔會有驚喜？「拼勝堡」上場跑高松宮記念始終短咗啲，上返嚟佢當年贏NHK一哩賽嘅路程場地又可唔可以再贏？

加埋上年喺一哩冠軍賽跑第四名嘅「越野跑」，次次直路都左塞右撞，雖然以往跑東京競馬場唔好，但呢場雨對歐洲血統嘅佢又會唔會係一場及時雨？究竟今屆安田記念會係熱門收場定爆個石破天驚？兩位主持又睇好邊匹多啲？即刻去片聽吓啦！
-
Photo Credit: Internet
-
Link: https://youtu.be/ZzLY29c0hi4
-
#香港賽馬 #海外賽馬 #日本賽馬 #安田記念 #東京競馬場 #地神力 #樂蜀茶座 #拼勝堡 #天懸絕壁 #橡木城 #詩歌遊子 #越野跑 #ガイアフォース #ルクソールカフェ #パンジャタワー #ワールズエンド #ステレンボッシュ #トロヴァトーレ #オフトレイル

《港馬攻略》EP378E - 大賽論戰攻略：安田記念2026 跑完英國同南非都未完㗎，大家好熟悉嘅日本安田記念又返嚟喇！今年喺「遠觀天象」缺陣之下頓變大混戰，加埋日本都受天雨影響，今屆會唔會爆到九...

一跑完葉森打吡大賽，好快就會有南非金挑戰大賽睇，今年啲參戰馬大家都係見慣見熟，近兩屆都係由「戴夫大王」贏，有冇機會直落三屆？

不過講勢頭，三歲馬「叮咚巷」近排都真係好好，栗馬錦標挑戰年長馬已經可以擊敗今場幾匹對手贏甩，上場喺基維爾堅尼雖然只跑第二，但頭馬「主要之星」再出贏一級賽水準夠高，今次可唔可以再下一城？

訓練館錦標向來都係呢場賽事嘅前哨戰，今年冠軍就落咗喺「發問」身上，而呢匹馬最近已經三連勝，勢頭可以話一時無兩，有冇機會直落贏四場兼首嚐一級賽冠軍滋味？

「再度遇見」而加喺南非可以話係中流砥柱，而轉咗去史奈斯馬房後更成功搵到第二春，近排就算贏唔到都場場衝得好，今次繼續跑一哩或者都仲係會短啲，但繼續用富志昌憑級數絕對係爭勝要角。

「角鬥士」本身都係一級賽南非冠軍盃盟主，上場跑嫌短嘅1400米表現一啲都唔差，上屆就後上追唔到「戴夫大王」只能夠上名，今年捲土重來可唔可以成功復仇？

至於兩屆盟主「戴夫大王」今年當然要力求創紀錄三連霸，之前「彩虹橋」都只可以兩屆，難度一啲都唔低，上場熱身跑第三就不過不失啦，嚟返正賽能唔能夠及時推高狀態再贏一屆？想知今屆金挑戰大賽兩位主持點睇，即刻去片聽吓啦！
-
Photo Credit: Internet
-
Link: https://youtu.be/Z_qwf8MYbbI
-
#香港賽馬 #海外賽馬 #南非賽馬 #金挑戰大賽 #基維爾馬場 #發問 #叮咚巷 #再度遇見 #角鬥士 #戴夫大王

《港馬攻略》EP378D - 大賽論戰攻略：金挑戰大賽2026 ========================================================Facebook ...

嚟喇嚟喇重頭戲嚟喇！葉森打吡大賽呢項經典大賽即將上演，今屆十四匹雄馬參戰，古摩亞已經直落贏咗三屆，今年四箭齊發有冇機會連贏四屆？

四枝箭當中，主帥莫雅最終就揀咗應屆車士達銀瓶冠軍「切利尼」，呢匹「范高爾」子嗣上年喺金羊毛錦標已經大勝，未來錦標亦上到名，今年一復出即刻大勝車士達銀瓶，同上年「佳駿之村」跑同一場預賽，岳伯仁對「切利尼」評價極高，可唔可以順利幫岳伯仁再下一城之餘，亦幫馬主補償返當年「石器時代」贏唔到打吡嘅心願？

廐侶「波納異彩」今次終於重召佢贏一級賽嘅拍檔蘇銘倫，雖然年內復出兩場都贏唔到好似有啲失望，但嚟到正本戲加強返配搭，而且血統上加程都啱，呢件衫會唔會繼「名戰古城」同「佳駿之村」之後連贏第三屆打吡？

而喺「名戰古城」之前贏嘅「多產巨匠」，同綵衣今年亦有「大有作為」參戰，講賽績佢上年都係未來錦標嘅亞軍，計名次仲前過「切利尼」返嚟，復出亦喺東帝錦標上名，佢又係用咗羅敦㗎，會唔會比佢擺喺前面又走到返嚟？

古摩亞擺到個陣咁樣，要攻破嘅話當然難度都好高，但嶺飛打吡預賽嘅冠亞軍「聖十字徽」以及「桂樹騰芳」都唔係完全冇機會，兩匹馬出道以來都係越跑越進步，上次喺嶺飛真係單打獨鬥足一條直路掟甩晒所有對手，鬥心一樣咁強橫，長力充沛嘅情況下有冇機會擊破到古摩亞強陣？

究竟今屆葉森打吡大賽會繼續由古摩亞集團稱霸，定係會有其他勢力崛起？想知兩位主持睇好邊匹馬？即刻去片聽吓啦！
-
Photo Credit: Internet
-
Link: https://youtu.be/CP9bgDQJ11k
-
#香港賽馬 #海外賽馬 #英國賽馬 #葉森打吡大賽 #葉森馬場 #切利尼 #波納異彩 #大有作為 #聖十字徽 #桂樹騰芳

《港馬攻略》EP378C - 大賽論戰攻略：葉森打吡大賽2026 ========================================================Facebook ...

星期五睇完橡樹大賽，星期六就嚟到葉森打吡大賽日，不過跑打吡之前就先睇同路程嘅加冕盃，係咪三強鼎立嘅局面？

上年世一「格倫島」今年復出即遠征杜拜，雖然喺杜拜司馬經典賽贏得驚險咗啲，但都已經一級賽五連勝，上屆跑呢場就飲恨亞軍，今年捲土重來可唔可以復仇成功？

喺上屆贏咗世一嘅就係「唯妙唯肖」，睇佢而加都係要專攻左轉跑道，上年死裡逃生克服到嚴重健康問題，復出戰贏得有板有眼，有冇機會雙殺「格倫島」？

今屆賽事係古摩亞冠名贊助，而除咗「唯妙唯肖」之外，上年英愛打吡雙料盟主「佳駿之村」都會參戰，佢啱啱都係喺車士達復出贏馬，比返羅敦跑唔一定係副車嚟㗎。

究竟2026年加冕盃「格倫島」大戰古摩亞雙雄，勝利女神會眷顧邊一方？即刻去片聽吓兩位主持點睇啦！
-
Photo Credit: Internet
-
Link: https://youtu.be/LTIwDC406ig
-
#香港賽馬 #海外賽馬 #英國賽馬 #加冕盃 #葉森馬場 #唯妙唯肖 #佳駿之村 #格倫島 #名樂隊 #大草原州

《港馬攻略》EP378B - 大賽論戰攻略：加冕盃2026 ========================================================Facebook ...

一踏入六月，即係葉森打吡同橡樹大賽終於嚟喇！呢兩項享負盛名嘅歐洲經典系列賽，今年繼續吸引到好多精英賽駒參戰，下一顆馬壇新星又會係邊匹做到？

先睇葉森橡樹大賽，上年「劇唱一姐」大戰「旋乾轉坤」真係夠晒精彩，而佢哋所屬嘅古摩亞陣營今年同樣大軍壓境派出三匹馬應戰，而主帥莫雅就揀咗應屆車士達橡樹冠軍「嬌飛天下」，行嘅路同上年「劇唱一姐」一樣，而且增程威力好似仲勁，今次能唔能夠一飛沖天？

至於佢嘅廐侶「搶鏡客串」上場同樣復出大幅加程都係大勝而回，而且睇佢啲跑姿其實未係好成熟得晒㗎，但都展現咗好好嘅能力，上年大家焦點放喺「劇唱一姐」身上但幾乎比「旋乾轉坤」擒低，同綵衣嘅「搶鏡客串」今年又會唔會做到呢個角色？

上年「旋乾轉坤」係行慕絲多拉錦標呢條戰線上嚟，今年白祈達旗下嘅「隨緣而過」就挾慕絲多拉錦標季軍而臨，呢匹「古鎮驕子」嘅妹妹睇上場末段睇嚟加程仲好，係咪今屆古摩亞兵團最大勁敵？

除咗上述三匹爭勝要角，喺車士達橡樹輸比「嬌飛天下」跑第三嘅「下次見」、表列賽冠軍「雷鳴續響」以及英國一千堅尼季軍「花樣奢華」都會加入戰團，究竟佢哋對三匹要角又會唔會構成重大威脅？兩位主持又有咩睇法？即刻去片聽下啦！
-
Photo Credit: Internet
-
Link: https://youtu.be/WrBqW4d_91U
-
#香港賽馬 #海外賽馬 #英國賽馬 #葉森橡樹大賽 #葉森馬場 #嬌飛天下 #搶鏡客串 #隨緣而過 #下次見 #雷鳴續響 #花樣奢華

《港馬攻略》EP378A - 大賽論戰攻略：葉森橡樹大賽2026 ========================================================Facebook ...

睇完日本打吡，就輪到睇法國打吡大賽喇，今屆除咗法國主隊之外，英愛德三地都派出精銳部隊參戰，最後勝利女神會眷顧邊一隊？

古摩亞上年憑「印象創新」繼「金教堂」後再贏法國打吡，今年佢哋三大巨頭各派一隻馬嚟力求衛冕，睇吓係咪真係做得到。其中一匹就係只跑過三次嘅「蒙特利爾」，呢匹出自「海都之星」嘅子嗣上年尾以八個馬位大勝開齋，上次年內復出初戰法國喺蘇理斯錦標跑第二，跑法主動應該好啱法國模式，羅敦今年成績咁好有冇機會繼「佳駿之村」後再幫呢件衫贏打吡大賽？

另一匹極受注目嘅當然係同「印象創新」同綵衣嘅「巴貝多河」，四戰三勝嘅佢上場喺迪河錦標大炒對手七個馬位，睇血統又係「活頓鎮」跑法國當然冇問題啦，當然今次抽到15檔幕後可能睇到都頭暈，不過信佢嘅潛力加埋莫雅揀騎，能唔能夠克服劣勢登頂？

要講古摩亞最大對手，一定係喺呢兩年喺中長距離可以分庭抗禮嘅阿加汗陣營，今年佢哋嗰匹「獨木林」都絕對唔講得笑，至今未輸過嘅佢上場正正就喺蘇理斯錦標交出最快末段擊敗「蒙特利爾」，大家焦點放晒喺「得利星」嗰陣話唔定佢先真命天子！

德國馬過往不時喺法國交出佳作，但都估唔到今年法國打吡會見到應屆德國馬王出戰，講緊就係不敗之師「愛好」，上場初跑二級賽初跑2000米先睇落好似贏少咗距離，但而加真係未輸過，加埋今次係由柏祖誠換到劉見龍，有埋個靚檔，有冇機會延續不敗紀錄？

至於今屆法國二千堅尼都有唔少參戰馬過嚟跑打吡，包括「丘中村子」同埋「葉間陽光」，前者上場走去自己放返嚟都唔停，今次抽到1檔好位話唔定可以跟住放頭馬後面仲好跑；至於「葉間陽光」就幾有上年「樣樣合格」嘅感覺，忠心場場近，但又能唔能夠贏得到？

加埋一級賽未來錦標盟主「蒼鷹山」會合兩匹同主馬齊齊出擊，究竟今年嘅法國打吡大賽會係繼續由大陣營稱霸，抑或有黑馬乘機跑出？想知兩位主持睇好邊匹馬多啲，即刻去片聽吓啦！
-
Photo Credit: Internet
-
Link: https://youtu.be/zUAUqPKWz34
-
#香港賽馬 #海外賽馬 #法國賽馬 #法國打吡大賽 #尚蒂伊馬場 #蒙特利爾 #獨木林 #愛好 #丘中村子 #巴貝多河 #葉間陽光 #蒼鷹山

《港馬攻略》EP377B - 大賽論戰攻略：法國打吡大賽2026 睇完日本打吡，就輪到睇法國打吡大賽喇，今屆除咗法國主隊之外，英愛德三地都派出精銳部隊參戰，最後勝利女神會眷顧邊一隊？古摩亞上年憑「印象創新」繼「金教堂」後再贏法國打吡，今年佢哋三大巨頭各派一隻馬嚟力求...

話咁快，各地打吡大賽即將陸續開打！今個星期日先同大家睇日本同埋法國嘅打吡，而打頭陣就係日本打吡大賽，今年睇落好多馬都有得爭，大亂鬥一場賽果會唔會難以預料？

上次皐月賞嗰集講過絲綢會咁耐以嚟都未贏過，原來佢哋連打吡都係冇入過球，今屆佢哋三路興兵都唔係講玩：彌生賞冠軍「海外小城」上場檔差連際遇都差，今次抽到個歷來贏最多嘅5檔，川田將雅可唔可以幫馬主首奪打吡之餘，亦幫自己繼十年前「豐收節」後再贏打吡？

三戰三勝嘅「塔狀高雲」同埋希望錦標亞軍「強勢神使」同樣都係絲綢會嘅爭勝武器，前者出自三冠馬王「鐵鳥翱天」，贏京都新聞盃姿態出色，雖然第一次跑左轉但老豆識跑，兼睇佢跑右轉衝得唔算順，話唔定左轉更勁！至於「強勢神使」上場皐月賞改跑法後上都做最快末段，出自「氣自豪」嘅佢氣量唔使擔心，又交唔交到好表現？

「駿天宮」同「駿天潮城」都係公認好馬，可惜都未能夠幫馬主贏打吡，今年幕後就將希望擺喺希望錦標第八名嘅「駿宏圖」，嗰場末段都係hea跑，今次強配坂井瑠星，年內冇任何熱身之下會唔會係最暗牌嘅黑馬？

「鷹之徽紋」以及「清潔能量」都跑咗皐月賞，前者就繼續展現一貫嘅忠心本色跑入一席第三名，嚟到正本戲有埋個1檔會唔會憑主動跑法又闖入三甲一席？「清潔能源」上場其實同「海外小城」一樣蝕，睇佢又似同「塔狀高雲」一樣跑左轉更好，有冇機會幫戶崎圭太初嚐打吡滋味？

日本國寶級騎師武豊係歷來贏得最多打吡嘅騎師，今年佢就會夥拍「通天飛」力爭第七次贏打吡，上場可以話睇住對手嚟食，不過對上一匹喺打吡跑得好嘅青葉賞冠軍都已經要數到跑第二名嘅2011年冠軍「凱旋芭蕾」，「通天飛」可唔可以幫豊叔再創紀錄？

加埋應屆皐月賞冠軍「洛夫琴山」爭取過兩關，今屆日本打吡大賽會唔會係大混戰一場？兩位主持嘅心水又會唔會截然不同？即刻去片，聽吓佢哋點揀啦！
-
Photo Credit: Internet
-
Link: https://youtu.be/LdIVS8sEoTg
-
#香港賽馬 #海外賽馬 #日本賽馬 #日本打吡大賽 #東京優駿 #東京競馬場 #清潔能源 #海外小城 #塔狀高雲 #駿宏圖 #強勢神使 #洛夫琴山 #鷹之徽紋 #通天飛 #グリーンエナジー #バステール #コンジェスタス #ジャスティンビスタ #フォルテアンジェロ #ロブチェン #ライヒスアドラー #ゴーイントゥスカイ

《港馬攻略》EP377A - 大賽論戰攻略：日本打吡大賽2026 話咁快，各地打吡大賽即將陸續開打！今個星期日先同大家睇日本同埋法國嘅打吡，而打頭陣就係日本打吡大賽，今年睇落好多馬都有得爭，大亂鬥一場賽果會唔會難以預料？上次皐月賞嗰集講過絲綢會咁耐以嚟都未贏過，原來...

嚟到愛爾蘭堅尼週嘅最後一項一級賽，馬女限定愛爾蘭一千堅尼，對比起二千堅尼古摩亞喺呢場賽事近年成績更好，今年更出動到兩匹一級賽冠軍，係咪志在必得？

雙箭頭當中，「純愛」今年復出後兩戰全勝，當中包括上場喺英國一千堅尼彈甩贏馬，證明可以承接到兩歲時嘅進度，今次返到嚟自己主場，氣勢正勢嘅佢抽到好檔兼主帥莫雅揀佢跑，有冇機會成為雙料一千堅尼盟主？

而佢嘅廐侶「精確」兩歲時嘅賽績比「純愛」更亮眼，先後攻下莫格雅育馬錦標同埋雌馬一哩賽，可惜年尾想遠征美國健康就出現問題，不過上場英國一千堅尼雖然輸咗，但師姐「維多湖」當年都係先輸英國後贏返愛爾蘭，「精確」做唔做到？

兩匹古摩亞賽駒睇落都惡氣十足，其他參戰馬係咪無招架之力？「艷壓全美」嘅練馬師夏偉卓講過呢匹係佢從練以來最好嘅雌馬，評價高到咁佢嘅季內首戰亦都唔失禮，今次初戰一哩同愛爾蘭，可唔可以擊敗強手？

「名賽車道」以及「珍饌金」季內首戰喺李奧柏一千堅尼預賽碰過頭，而大家都輸比過比「純愛」，要反先難度當然大，不過前者以處女馬身分嚟講都有啲越跑越進步嘅感覺，後者再出都可以喺級際賽上名，兩匹會唔會係今場嘅黑馬？

到底邊匹馬女可以突圍而出成為今屆愛爾蘭一千堅尼盟主？兩位主持又有咩心水？即刻去片聽吓啦！
-
Photo Credit: Internet
-
Link: https://youtu.be/WjAzvXqEe40
-
#香港賽馬 #海外賽馬 #愛爾蘭賽馬 #愛爾蘭一千堅尼 #卻拉馬場 #純愛 #精確 #艷壓全美 #珍饌金 #名賽車道

《港馬攻略》EP376D - 大賽論戰攻略：愛爾蘭一千堅尼2026 嚟到愛爾蘭堅尼週嘅最後一項一級賽，馬女限定愛爾蘭一千堅尼，對比起二千堅尼古摩亞喺呢場賽事近年成績更好，今年更出動到兩匹一級賽冠軍，係咪志在必得？雙箭頭當中，「純愛」今年復出後兩戰全勝，當中包括上場喺英...

跑完遮打盃之後，又返翻嚟愛爾蘭賽事，跑一千堅尼之前先有年長馬一級賽達德素金盃，「劇唱一姐」今年首戰一級賽，可唔可以保持強勢？

上年「劇唱一姐」當然係光芒萬丈，成為四料橡樹盟主之餘喺凱旋門大賽亦只係以短距離屈居亞軍，上場喺莫爾斯橋錦標復出唔贏都講唔過去，嚟到正本戲達德素金盃，一姐可唔可以順利打響今年一級賽頭炮，為今年嘅鴻圖大計開個好頭？

喺呢組如果講級數上可以比到「劇唱一姐」一啲威脅嘅，咁應該都要數到「旋律套曲」㗎喇，話晒上年係可以分別跑贏過「監察官」同「懾人巨作」，縱使歷來好似都要熱過身會好啲，但對住一姐以外嘅其他對手，應該都綽綽有餘？

「名樂隊」上年尾終於去德國拜仁大賽打開一級賽勝利之門，雖然今場未必跳得成求雨舞，但復出戰喺克斯利錦標同「佳駿之村」鬥得難分難解都好收貨，初戰愛爾蘭可唔可以憑級數發起挑戰？

「旋律套曲」嘅馬主今場仲會有另一匹「精誠所致」出擊，呢匹馬到而加都未甩過三甲十分忠心，不過之前面對嘅對手同今場當然係差天共地，今場要上名當然都要佢自己繼續進步！

「劇唱一姐」固然係今場嘅主角，不過廐侶「海軍大將」上場喺莫爾斯橋錦標都相當有驚喜，大逃返嚟跑第二，今次又有冇機會照辦煮碗再炮製多次驚喜？想知兩位主持點睇今屆達德素金盃嘅形勢，即刻去片聽吓啦！
-
Photo Credit: Internet
-
Link: https://youtu.be/l_F8mSNAr84
-
#香港賽馬 #海外賽馬 #愛爾蘭賽馬 #達德素金盃 #卻拉馬場 #劇唱一姐 #旋律套曲 #精誠所至 #名樂隊 #海軍大將

《港馬攻略》EP376C - 大賽論戰攻略：達德素金盃2026 跑完遮打盃之後，又返翻嚟愛爾蘭賽事，跑一千堅尼之前先有年長馬一級賽達德素金盃，「劇唱一姐」今年首戰一級賽，可唔可以保持強勢？上年「劇唱一姐」當然係光芒萬丈，成為四料橡樹盟主之餘喺凱旋門大賽亦只係以短距...

星期六睇完愛爾蘭二千堅尼，喺睇埋愛爾蘭一千堅尼同埋達德素金盃之前，星期日嘅沙田日賽就有一場壓軸重頭戲，香港冠軍暨遮打盃，究竟香港會唔會連續兩年誕生長途三冠馬王？

「浪漫勇士」戰績有幾彪炳都唔使多講，而加每贏多場大賽都係錦上添花，不過手執三冠大賽頭兩關嘅佢，當然都希望可以贏埋遮打盃做埋三冠王，究竟再度挑戰哩半嘅佢，可唔可以用呢場嘅勝仗，為佢光輝嘅競賽生涯再添精彩一筆？

佢嘅挑戰者，相信大家都係睇住日本代表「大怪奇」，DMM呢件綵衣當年兩度憑「唯獨愛你」征戰香江都順利贏馬，今次呢匹雖然唔係一級賽盟主，但啱啱喺卡塔爾酋長錦標可以打敗「遠飛標槍」同「歌利巨人」都唔簡單，呢隻Monster可唔可以揮低勇士？

另一匹日本代表「利森名園」過往都有過好好表現，好似去過美國跑育馬者盃草地大賽都係僅敗，亦唔只嚟過香港一次，近排好似有啲跑唔返咁，但重臨香江兼第一次配布文，喺新鮮感之下會唔會跑得返？

其他香港代表雖然要贏「浪漫勇士」都可以話係不可能嘅任務，但一對喺皇太后紀念盃跑得好嘅「浪漫戰神」以及「天將龍駒」近況就真係好好，前者既克服咗傷患又終於適應環境，後者就今年大熟大勇人馬鬥志高，佢哋又可唔可以闖入三甲一席？

香港馬季壓軸一級賽香港冠軍暨遮打盃，究竟「浪漫勇士」可以再創傳奇，定係「大怪奇」同「利森名園」一對日本馬可以繼「桀驁之戀」後成為另一匹奪冠外隊馬？即刻去片，聽吓兩位主持嘅分析啦！
-
Photo Credit: Internet
-
Link: https://youtu.be/n6TM457Tn70
-
#香港賽馬 #本地賽馬 #三冠大賽 #香港冠軍暨遮打盃 #沙田馬場 #大怪奇 #浪漫勇士 #浪漫戰神 #利森名園 #天將龍駒

《港馬攻略》EP376B - 大賽論戰攻略：香港冠軍暨遮打盃2026 星期六睇完愛爾蘭二千堅尼，喺睇埋愛爾蘭一千堅尼同埋達德素金盃之前，星期日嘅沙田日賽就有一場壓軸重頭戲，香港冠軍暨遮打盃，究竟香港會唔會連續兩年誕生長途三冠馬王？「浪漫勇士」戰績有幾彪炳都唔使多講，而加...