港馬攻略 Racing Hot Talk

上週末喺蘭域跑咗1400米嘅一級賽雲絲仙子錦標，今個星期六都係跑1400米一級賽，不過就會移師到考菲爾德馬場睇文星錦標，其中兩匹近屆冠軍「珍惜當下」以及「樂觀派」將會力爭第二度贏呢場一級賽，佢哋能唔能夠如願？

「珍惜當下」至今已經四勝一級賽，當中就係包括上屆嘅文星錦標，雖然其後再冇一級賽頭馬進賬，但佢一路都維持住好高嘅穩定度，加上久休復出特佳，今次季內首戰有冇機會成功衛冕？

同主嘅「天使資金」相反到而加都仲為首勝一級賽而努力，不過本身佢都經常喺一級賽衝一段，更加已經喺季內熱咗身，會唔會佔到先機攞到佢G1首勝？

「占美新星」雖然都已經見得八八九九，但佢嘅實力都係毋庸置疑，而且佢一早贏過1400米嘅一級賽，長力唔使擔心，繼續夥拍好拍檔布浩榮能唔能夠再添功績？

「倍留神」以及「赤星球」都係今場賽事嘅三歲代表，前者已經係一級賽盟主，而且跑法主動好啱考菲爾德馬場，就算第一次跑呢個馬場都可以留意；至於「赤星球」上季話晒都係喺一級賽同緊「觀察家」以及「深秋暖男」呢啲勁敵跑，試閘輕描淡寫會唔會係扮豬食老虎？

究竟今屆嘅文星錦標會係之前做過冠軍嘅可以再下一城，抑或後浪可以成功推到前浪？即刻去片，聽吓主持點睇今屆賽事啦！
-
Photo Credit: Internet
-
Link: https://youtu.be/BwQkvJZvpKA
-
#香港賽馬 #賽馬 #海外賽馬 #澳洲賽馬 #文星錦標 #考菲爾德馬場 #珍惜當下 #天使資金 #占美新星 #倍留神 #赤星球

《港馬攻略》EP398 - 大賽論戰攻略：文星錦標2026 上週末喺蘭域跑咗1400米嘅一級賽雲絲仙子錦標，今個星期六都係跑1400米一級賽，不過就會移師到考菲爾德馬場睇文星錦標，其中兩匹近屆冠...

話咁快今個約克伊波賽期就嚟到最後一日，今年終於可以睇到約克市錦標，上年開始升格成為一級賽，今年有好多1400米專家嚟爭大賽，邊匹可以笑到最後？

里諾斯錦標作為近屆約克市錦標嘅重點戰線，今屆嘅頭二名都會出戰，「對外手段」上場初次面對高級別對手，末段狂追之下只係輸比「湖林麗城」少少，之前更加可以喺皇家狩獵盃贏馬，終於出戰一級賽，戴煥先同佢可唔可以齊齊首度踏進一級賽嘅凱旋門？

至於「湖林麗城」跑1400米直情非常首本，啱啱喺里諾斯錦標成功報返上年飲恨之仇，匆匆再跑薩塞克斯錦標梗係唔得，今次唞一唞嚟返強項路程，有冇機會成為今屆約克市錦標盟主？

講到薩塞克斯錦標，今年兩匹三歲馬「波多黎島」同「華麗樂章」都係行呢條線上嚟，其中「波多黎島」上年兩歲其實都掃咗兩場一級賽，但踏入今年好似進步唔多，上兩場更加被安排做副車或開路，不過今次做返正選兼比返莫雅跑，1400米變化地佢贏過，能唔能夠重現真身？

「華麗樂章」嘅級數當然唔會喺「波多黎島」之下，話晒佢喺國家錦標係K.O.到「雪嶽區」，今年喺格拉咸錦標跑完傷咗要唞，但復出喺薩塞克斯錦標初跑1600米一啲都唔差，熱咗身跑返擅長嘅1400米，又會唔會係真命天子？

卓普斯錦標雖然只係膠沙地嘅分級賽，但近年都出咗唔少唔錯嘅馬，今年頭二名「澎湃浪」同埋「猛威俠」都希望喺呢度分一杯羮。「澎湃浪」出道以嚟其實都好盡，而且跑得唔多絕對仲有憧憬空間；「猛威俠」本身都係二級賽盟主，今次跑返草地可唔可以反先「澎湃浪」甚至贏埋一級賽？

究竟今屆約克市錦標第一次轉播，會由邊匹馬成功跑出兼為呢個約克伊波賽期畫上完美句號？想知兩位主持點睇，即刻去片啦！
-
Photo Credit: Internet
-
Link: https://youtu.be/2DLGbQ1QFu8
-
#香港賽馬 #賽馬 #海外賽馬 #英國賽馬 #約克伊波 #約克市錦標 #約克馬場 #對外手段 #澎湃浪 #波多黎島 #湖林麗城 #猛威俠 #華麗樂章

《港馬攻略》EP397B - 大賽論戰攻略：約克伊波 Day 4 - 約克市錦標2026 話咁快今個約克伊波賽期就嚟到最後一日，今年終於可以睇到約克市錦標，上年開始升格成為一級賽，今年有好多1400米專家嚟爭大賽，邊匹可以笑...

英國嘅賽事進行得如火如荼，澳洲春季一級賽亦都正式揭幕，打頭陣就有1400米雲絲仙子錦標，兩大星級雌馬「秋暉」同「紅妝力證」竟然季初就正面對決，係佢哋之爭定有人壞佢哋好事？

「秋暉」上年一直延續佢嘅不敗紀錄，直接去到最後一戰增程跑女皇伊利沙伯錦標首嚐敗績，幕後直情話唔應該比佢上2000米，復出由擅長嘅1400米跑起，睇吓可唔可以繼續稱霸，然後再去更大目標進發。

至於佢嘅最大對手，當然就係「紅妝力證」，上季喺唐加士打一哩賽玩敵姿態大炒一眾年長馬夠晒誇張，今季大一歲少咗讓磅固然係考驗，首次同「秋暉」正面交鋒，佢能唔能夠打低埋強敵？

有啲馬就一定要好好趁季初階段搶咗一級賽功績先，「巫師銀行」就係其中一匹，上季成日都要孭好重磅又唔係去跑一級賽，肯德百里錦標佢都爆最快末段，今次賽前試閘fit到爆，布浩榮夾呢件衫有冇機會再贏G1？

季初亦有唔少長途馬揀呢啲賽事熱身，其中一匹就係應屆澳洲打吡冠軍「綠化空間」，上年睇住佢越跑越進步，最後仲以出色姿態贏打吡，今次復出跑1400米當然嫌短，但試閘走勢好又有級數，會唔會都有驚喜表現？

究竟今屆雲集咁多一級賽冠軍嘅雲絲仙子錦標，會係兩大名雌對決，定會有第三勢力抬頭？即刻去片，等兩位主持同大家傾吓啦！
-
Photo Credit: Internet
-
Link: https://youtu.be/RHSdOP2ze_Q
-
#香港賽馬 #賽馬 #海外賽馬 #澳洲賽馬 #雲絲仙子錦標 #蘭域馬場 #秋暉 #紅妝力證 #巫師銀行 #綠化空間

《港馬攻略》EP397A - 大賽論戰攻略：雲絲仙子錦標2026 英國嘅賽事進行得如火如荼，澳洲春季一級賽亦都正式揭幕，打頭陣就有1400米雲絲仙子錦標，兩大星級雌馬「秋暉」同「紅妝力證」竟然季初就正...

約克伊波賽期第三日，將會上演最短途嘅楠索普錦標，成日都話短途賽最易爆冷，今屆其實都有唔少一級賽冠軍列陣，究竟最後會開返有級數嘅，定又會有石破天驚嘅賽果？

其中一匹一級賽冠軍，就係岳伯仁旗下嘅「重心密令」，呢匹應屆英皇查理斯三世錦標冠軍，嗰場賽事佢段後勁真係唔講得笑，上次跑七月盃一早望空擺前走梗係唔得，今次返嚟贏馬路程，可唔可以施展返相同後勁再贏一級賽？

「鯉躍駒」上場喺英皇查理斯三世錦標跑到一絕咁靚，最後都係比「重心密令」啱啱追到，不過佢整體喺級際賽嘅表現都幾好，加埋呢個騎練馬主三角組合近期旺到發紫，重遇「重心密令」能唔能夠復仇成功？

「艾拉音色」喺當地一路都備受冷落，不過佢啱啱喺英聯邦盃嘅第五名其實唔係輸比「水都艷日」唔係好遠，而且今屆英聯邦盃嘅水準而加睇返又幾好，佢拍住嘅「文化名蹟」仲要贏埋一級賽，要爆冷唔通係佢？

「悠閒時光」同「美利事」兩匹昔日一級賽冠軍，上場喺英皇佐治錦標齊齊跑得好，總算有返啲起色，前者雖然跑1000米次數唔多但上名率都唔錯，同宋文赫亦夾過檔，今次可唔可以再進一步？「美利事」啱啱就更加重入凱旋門，佢試過打疊贏㗎，既然跑得返，又能唔能夠重溫一級賽勝利滋味？

不過今場最受矚目嘅，應該係嚟自美國嘅「吻一吻」，上場嚟到跑荷里雷德宮錦標用高速領放結果大勝而回，賽後立即劍指呢場一級賽，不過跑慣快地嘅佢今次要喺變化地作賽可唔可以再次一放到底？

加埋最近喺青玉錦標贏得出色嘅「掩藏」，佢就同布宜學極度合拍，又能唔能夠攞到佢首項一級賽冠軍？究竟今屆楠索普錦標會花落誰家，即刻去片，等兩位主持同大家一齊分析啦！
-
Photo Credit: Internet
-
Link: https://youtu.be/BTaOIv-CL8A
-
#香港賽馬 #賽馬 #海外賽馬 #英國賽馬 #約克伊波 #楠索普錦標 #約克馬場 #重心密令 #艾拉音色 #鯉躍駒 #悠閒時光 #掩藏 #美利事 #吻一吻

《港馬攻略》EP396 - 大賽論戰攻略：約克伊波 Day 3 - 楠索普錦標2026 約克伊波賽期第三日，將會上演最短途嘅楠索普錦標，成日都話短途賽最易爆冷，今屆其實都有唔少一級賽冠軍列陣，究竟最後會開返有級數嘅，定又會...

嚟到約克賽期第二日，有雌馬限定嘅約克郡橡樹大賽，過往有唔少呢項賽事嘅冠軍其後都成為馬后或者進軍凱旋門大賽，今年成堆三歲馬挑戰兩匹馬后，又能唔能夠成功？

上年「劇唱一姐」以三歲馬兼三料橡樹冠軍嚟跑呢場馬，最後成功再下一城成為橡樹四冠，其後更喺凱旋門大賽奪亞，今年大咗一歲表現反而冇上季咁大鋒芒亦飄忽咗，不過終於返嚟雌馬賽兼回配莫雅，可唔可以衛冕呢場一級賽？

另一匹級數超高嘅，當然就係應屆英皇錦標盟主「幻夢逸想」，上場對住一群老虎都可以贏到，本身亦贏過兩屆英國冠軍雌馬錦標，擺喺雌馬組當然惡，加埋近期朱德望陣營都十分大旺，會唔會再下一城？

兩匹年長馬惡氣十足，但都無阻一眾三歲馬嚟挑戰，當中最強嘅應該都係應屆愛爾蘭橡樹大賽冠軍「早行飛雪」，上場贏馬姿態可以話不費吹灰之力，而且時間亦係近屆最快，今次終於要挑戰年長馬，呢匹後起之秀有冇機會一戰功成？

「阿倫大島」雖然仍未贏過一級賽，不過都接連喺法國橡樹同埋愛爾蘭橡樹上名，續攻一級賽能唔能夠有好成績？「倔強侍女」上場喺蘭開夏郡橡樹大賽大勝「蹄風麗」絕對唔簡單，後者再出更喺一級賽補中，佢會唔會係最強黑馬？究竟今屆約克郡橡樹大賽最後會由邊匹馬力壓群芳？兩位主持又點睇？即刻去片睇吓啦！
-
Photo Credit: Internet
-
Link: https://youtu.be/qualjWm3CJo
-
#香港賽馬 #賽馬 #海外賽馬 #英國賽馬 #約克伊波 #約克郡橡樹大賽 #約克馬場 #劇唱一姐 #早行飛雪 #幻夢逸想 #阿倫大島 #倔強侍女

《港馬攻略》EP395 - 大賽論戰攻略：約克伊波 Day 2 - 約克郡橡樹大賽2026 嚟到約克賽期第二日，有雌馬限定嘅約克郡橡樹大賽，過往有唔少呢項賽事嘅冠軍其後都成為馬后或者進軍凱旋門大賽，今年成堆三歲馬挑戰兩匹馬后，...

光榮古活賽期啱啱先完結冇耐，話咁快約克伊波賽期又即將展開，今年更加會轉播到第四日賽事，四場一級賽全放送，邊路人馬會成為今屆大贏家？

打頭陣將會有世一「監察官」有份出戰嘅朱德望國際錦標，呢匹新世一今年成功衛冕威爾斯親王錦標，之後刻意唔跑日蝕大賽直接等到今次先再上陣，心意好明顯，究竟可唔可以再衛冕埋呢場國際錦標？

佢要面對嘅挑戰者，當然係已經橫掃咗法國打吡大賽同日蝕大賽兩項G1嘅「巴貝多河」，呢匹被莫雅高度評價嘅三歲馬，今次將會首度挑戰年長馬，仲要一嚟就挑世一機，佢能唔能夠成為新一任2000米皇者？

主人家朱德望育馬集團，對上一隻贏呢場賽事竟然已經要數到2012年嘅世界馬王「范高爾」，而今年佢哋就希望「重大事項」可以幫佢哋重溫舊夢，出道至今五戰四勝，跑兩次約克仲要贏晒，呢匹係咪最大黑馬？

古摩亞今場除咗有「巴貝多河」係一級賽冠軍之外，「蒼鷹山」亦都贏過G1，上年喺變化地捧走未來錦標，今年三戰冠亞季各一之外，亦兩度喺一級賽上名，今次繼續同「巴貝多河」拍住上，佢有冇機會攞到好成績？

加埋上次喺約克錦標輸比「重大事項」嘅「古鎮驕子」都會力求首勝一級賽，究竟今屆朱德望國際錦標嘅世紀之戰會係邊匹馬做最後贏家？即刻去片，等兩位主持同大家一齊分析啦！
-
Photo Credit: Internet
-
Link: https://youtu.be/S4Z_0xPAKp4
-
#香港賽馬 #賽馬 #海外賽馬 #英國賽馬 #約克伊波 #監察官 #巴貝多河 #蒼鷹山 #重大事項 #古鎮驕子 #約克馬場

《港馬攻略》EP394 - 大賽論戰攻略：約克伊波 Day 1 - 朱德望國際錦標2026 ========================================================Facebook ...

今個星期繼續同大家睇多維爾賽馬節，就係獎金兼地位都夠高嘅傑克莫華大賽，原本諗住「劇烈氣象」同「雪嶽區」一對冤家又再交手，點知前者因傷退役，後者就有傷要唞，「神山宙斯」同「精確」分別臨危受命，呢場冠軍係咪會喺佢哋之間誕生？

「精確」其實啱啱先喺羅斯齊爾德大賽跑第二，咁急再跑就當然係因為要頂替「雪嶽區」啦，不過上場睇住佢同「藍電擊」距離又收窄咗確實有進步，有過多維爾馬場經驗，加埋三歲雌馬受讓磅，「精確」攞唔攞到佢服役第五場G1？

「神山宙斯」上年保持不敗，嚟到今年自然受到期待，不過到而加都未贏到G1當然有啲失望，不過上場喺夏日一哩錦標贏起上嚟都幾出色，今次首次嚟到法國出戰一級賽，可唔可以交出水準贏馬？

另一匹仲喺度敲緊一級賽門嘅「雷再響」，將會繼上年森林大賽後再戰法國，出道以來呢匹馬都相當準繩，不過又係一路都贏唔到一級賽，啱啱喺夏日一哩錦標追唔切「神山宙斯」，轉戰法國有冇機會反先？

「暗敵」喺愛爾蘭二千堅尼失利後，接連攻下澤西錦標以及一級賽莊柏德大賽，而且上場嘅蹄下敗將「文化名蹟」更即刻喺紀爾斯大賽補中，水準睇嚟幾高，能唔能夠連捷一級賽？

日本代表對上一次贏傑克莫華大賽已經係好多年前嘅「大樹快車」，今屆佢哋會有「幸運銀幣」以及「一束芳花」一對同主馬爭功，當中後者都已經遠征不只一次，今次繼續用莫雷拉，可唔可以幫日本隊攞到久違勝利？想知兩位主持點睇今屆賽事，即刻去片睇吓啦！
-
Photo Credit: Internet
-
Link: https://youtu.be/fkDUmzrkatE
-
#香港賽馬 #賽馬 #海外賽馬 #法國賽馬 #傑克莫華大賽 #多維爾馬場 #精確 #神山宙斯 #雷再響 #暗敵 #一束芳花

《港馬攻略》EP393 - 大賽論戰攻略：傑克莫華大賽2026 今個星期繼續同大家睇多維爾賽馬節，就係獎金兼地位都夠高嘅傑克莫華大賽，原本諗住「劇烈氣象」同「雪嶽區」一對冤家又再交手，點知前者因傷退...

法國紀爾斯大賽向來都好易爆冷，今年嘅參戰馬當中近績好嘅都相當多，甚至有一級賽冠軍在陣，到底今屆賽事會唔會繼續熱倒冷爆？

所講嘅一級賽冠軍，最受注目嘅當然係「純愛」，呢匹應屆英國一千堅尼盟主，近期亦連續三場喺一級賽上名，包括啱啱喺莊柏德大賽跑第二，今次估唔到會降呢嚟跑紀爾斯大賽，揸住咁強勁嘅賽績，可唔可以幫大熱門一受近年頹風？

佢嘅最大勁敵，應該就係主隊嘅「偷偷吻」，上場出戰女皇伊利沙伯二世禧年誌慶錦標幾乎以為贏得，而同組對手亦勁到爆，今次返到嚟主場原裝配搭，多維爾馬場亦都早贏過馬，「純愛」過唔過到佢呢關？

其餘法國主隊方面，最睇唔透應該就係呢匹「尊長」，出道以嚟得一次甩三甲，而且仲要係出戰分級賽，有過一次經驗今次嚟挑戰一級賽，續配杜滿樂有冇機會更進一步？「文化名蹟」同「盒中放」就分別輸過比「純愛」同「偷偷吻」，不過前者喺莊柏德大賽都跑得唔差，後者輸完比「偷偷吻」之後即刻喺三級賽補中，呢兩匹馬又幫唔幫到主隊攞到好成績？

至於「掌控星」以及「紅花戀」兩匹英愛代表，前者上場喺澤西錦標突如其來力迫「暗敵」，「暗敵」之後喺莊柏德大賽贏到「純愛」，可唔可以再次有好表現？「紅花戀」喺英皇查理斯三世錦標都跑得好好，上場受阻先冇咗第三，到而加未甩過前四嘅佢久違再戰法國又攞唔攞到佢G1首勝？

究竟今屆紀爾斯大賽嘅賽果能唔能夠正路返次，抑或又係爆冷收場？想知兩位主持點睇，即刻去片聽吓啦！
-
Photo Credit: Internet
-
Link: https://youtu.be/jNOflGRnQM8
-
#香港賽馬 #賽馬 #海外賽馬 #法國賽馬 #紀爾斯大賽 #多維爾馬場 #純愛 #偷偷吻 #尊長 #盒中放 #文化名蹟 #掌控星 #紅花戀

《港馬攻略》EP392B - 大賽論戰攻略：紀爾斯大賽2026 法國紀爾斯大賽向來都好易爆冷，今年嘅參戰馬當中近績好嘅都相當多，甚至有一級賽冠軍在陣，到底今屆賽事會唔會繼續熱倒冷爆？所講嘅一級賽...

睇完識價盃之後，又繼續嚟到暑期嘅德法混合賽，打頭陣有哩半嘅德國柏林大賽，今年嘅陣容好似又再弱咗，唞咗超過一年復出嘅「颶風警戒」，會唔會有機會即刻贏到一級賽？

上年贏完巴伐利亞大賽之後，「颶風警戒」就冇再上陣，當然都係有啲嘢棘住咗，不過幕後對呢匹一級賽盟主嘅復出已經準備就緒，雖然今次久休後重上哩半，但同組對手都好參差，後補加入用埋地膽韓新能唔能復出即贏G1？

「蹄風麗」喺德國G1嘅經驗可以話相當豐富，但同時次次都只跑亞軍，名副其實嘅二奶命，不過對比起「颶風警戒」佢喺久休後就已經熱好晒身，雖然用莫萊斯大家都唔安心，但人馬合拍會唔會終於比佢贏返次一級賽？

另一匹英國代表「國王力攻」同樣爭取緊首項G1，最近一連兩場分別輸比級數同樣極高嘅「監察官」以及「桀驁之戀」跑第三，雖然兩次第三都冇威脅，但擺落呢組應該都夠用？

「全球安康」如果講狀態就真係全組數一數二，本來只係喺法國贏中班賽嘅佢，上場一落地德國即刻喺漢沙錦標大勝，睇嚟適應得相當快，今次正式挑戰一級賽，能唔能夠乘勝追擊？

高多芬陣營喺呢場賽事確係幾有心得，今年除咗「颶風警戒」之外，亦有十歲老黃忠「杜拜前景」出戰，今年都仲可以喺級際賽贏馬絕對值得致敬，夠晒長氣嘅佢有冇機會比佢喺前面走順返嚟你哋追唔到佢？

今年柏林大賽睇落都係英愛代表實力佔先，究竟係咪繼續佢哋掌控大局？即刻去片，聽吓兩位主持點講啦！
-
Photo Credit: Internet
-
Link: https://youtu.be/39E3W0cfcvQ
-
#香港賽馬 #賽馬 #海外賽馬 #德國賽馬 #柏林大賽 #霍珀加滕馬場 #颶風警戒 #國王力攻 #蹄風麗 #全球安康 #杜拜前景

《港馬攻略》EP392A - 大賽論戰攻略：柏林大賽2026 睇完識價盃之後，又繼續嚟到暑期嘅德法混合賽，打頭陣有哩半嘅德國柏林大賽，今年嘅陣容好似又再弱咗，唞咗超過一年復出嘅「颶風警戒」，會唔會...

雲集全球精英騎師，喺雅士谷馬場上演嘅歷史悠久騎師錦標賽識價盃，今年將會第一次同大家睇，近年英愛隊同女騎師嘅表現同成績都極之出色，今年嘅團隊獎同個人榮譽銀鞍獎會唔會喺佢哋之間誕生？

英愛隊方面會由近期手風極旺嘅奧璇璧領軍，加埋天下第一高手莫雅久違參戰，以及近年崛起嘅愛爾蘭新星麥文堅，戰力都十分強勁；歐洲隊就將會由三位同法國有關嘅騎師組成，包括兩位法國籍騎師李慕華同埋溫蘿，加上喺法國發展嘅挪威女將韋秀姬，都相當引人注目。

而今年香港騎師更會自組一隊，由何澤堯擔任隊長，帶領周俊樂同霍宏聲力爭為港隊贏取隊伍勝利；世界隊今年就會係澳洲嘅苗傑美做隊長，加上日本殿堂級騎師武豊同埋上屆成名嘅印度騎師納依度組成。

究竟今屆識價盃會由邊隊摘下最終勝利？阿韓同S君兩位主持將會同大家講吓佢哋睇好邊隊攞團體獎，以及邊位騎師有力贏到銀鞍獎，即刻去片聽吓啦！
-
Photo Credit: Internet
-
Link: https://youtu.be/diC7HNHIo7M
-
#香港賽馬 #賽馬 #海外賽馬 #英國賽馬 #識價盃 #雅士谷馬場 #莫雅 #麥文堅 #奧璇璧 #李慕華 #韋秀姬 #溫蘿 #何澤堯 #周俊樂 #霍宏聲 #苗傑美 #武豊 #納依度

《港馬攻略》EP391 - 大賽論戰攻略：識價盃2026 雲集全球精英騎師，喺雅士谷馬場上演嘅歷史悠久騎師錦標賽識價盃，今年將會第一次同大家睇，近年英愛隊同女騎師嘅表現同成績都極之出色，今年嘅...