Ashley Ma FitCoach

想有靚線條💜用 Pilates Ring 鍛鍊，一個簡單嘅圈，配合呼吸、核心控制同正確發力，Core、手臂、腰腹、大腿都可以練得好仔細🔥唔係淨係要瘦，係要識得用啱身體發力✨

Pilates 好嘅地方，就係唔追求「做得幾辛苦」，
而係慢慢建立力量、控制同身體線條。

教學生係咁，自己練都係咁。
身體嘅改變，係一次一次練返嚟🌿

💚A Wellness 收新學生
想修線條、練 Core，或者一直想運動但唔知點開始，歡迎 DM 我📩跟我一齊練

#普拉提 #核心訓練 #荃灣運動 #普拉提教練

【改變．係由一個細小習慣開始🤌🏻✨】
Carman 以前一直話自己唔鍾意做運動。有一次，我同佢分享兩年前睇過本暢銷書📚《Atomic Habits原子習慣》，我鼓勵佢唔需要一下子做好多，只要每日做少少，將運動慢慢融入生活。每日慢慢調節，到今日嘅佢，已經習慣咗每日朝早起身做運動🔋Power Up!!

我感恩遇到一位願意相信方法、願意努力嘅學生。👏🏻見證佢由「迫自己做」，變成「真心鍾意做」。作為教練，收到一句：「多謝你推動」。我真係好感動🥹💚

我深信，改變唔係靠意志力，而係靠建立一個可以持續嘅習慣。當運動融入生活，健康就會變成一世嘅禮物🎁



#運動教練
#運動習慣
#原子習慣

【最靚嘅妳🌿係心態改變✨俾自己發光發亮】
Janet 以前成日覺得自己做唔到，亦好容易放棄。但今次佢選擇相信自己💪🏻相信方法，亦相信我💚由飲食開始調整，到每星期穩定做運動，一步一步，堅持咗3個月，有進步既成績👏🏻

今日最令我感動嘅，除左佢身形同心態嘅改變，而係佢親口同我講：「我開始鍾意做運動，已經變成習慣。」🤩
作為教練，收到一句：「感恩遇到你。」
我真係好感動🥹💚

真正改變一個人嘅，係一次又一次願意同堅持🙌🏻
謝謝你對我嘅信任🥹😘

我哋繼續一齊努力，令身體更健康、更有力量🔋🌿



#運動教練
#運動習慣
#健康生活

💚我一直相信，真正嘅健康，唔只一個人走得有幾快🙌🏻
當你開始願意照顧自己🙂‍↕️身邊又有一班人陪你同行🙌🏻改變就會慢慢發生☀️

我哋會一齊運動、研究飲食、分享生活，更有力量、成為更有能量嘅自己🔋

𝑨 𝑾𝒆𝒍𝒍𝒏𝒆𝒔𝒔 🌿唔只係Fitness💚係一種生活，一種由內到外都舒服、健康、有力量嘅狀態🔋




#教練日常
#健康生活

🙌🏻收到嘅唔只係禮物🖤
係一份「去旅行都記得你」嘅心意✈️🥹

謝謝我174cm高嘅女孩，
日本空運 Chiikawa 兔哥俾我🐰💛

仲有一個健康好消息——私教學生回歸啦🙌🏻
好期待我哋繼續一齊訓練、一齊變強、一齊享受健康生活🌿✨

#教練日常 #私教

教班後自我修行✨教練都要持續鍛鍊自己💚

核心、平衡、柔軟度、控制力，
都係一點一滴累積返嚟🫰🏻
照顧好自己，可以更好陪伴學生進步💪🏻❤️‍🔥

#核心訓練 #教練日常 #身體覺察 #健康生活

🤍 白色、笑容、歡呼聲🎉 大家雙眼閃閃發光✨

4星期挑戰完成！🎯 好欣賞每位同學仔嘅努力💪🏻一齊研究餐單、一齊做運動、一起跑步🏃🏻‍♀️
有太陽☀️就出街燃脂，落雨🌧️就喺屋企墊上鍛練。

最終成功減重 3kg - 3.6kg👏🏻👏🏻
作為教練，最開心唔止係減重目標，
見到大家變得更健康、更精神、更有自信✨
達成目標🎯，一齊喺科學園慶祝🍽️🥂

生活最美好，就係有一班人互相支持、一起進步，成為更好嘅自己🌿🤍

#一起進步 #健康生活 #運動習慣 #互相成就 #教練日常 ✨🏃🏻‍♀️🤍