香港車路士球迷會 - 香港車官 Chelsea F.C. Supporters Club Hong Kong

【Fantasy Premier League FPL車迷爭霸戰 26/27】暨【香港球迷會英超fantasy league 26/27】

最後召集！！！

新一季英超又返黎喇。秉承過去傳統，香港車路士官方球迷會今季繼續有【Fantasy Premier League FPL車迷爭霸戰 26/27】俾一眾會員參加。

今年我地仲聯同香港幾個其他球隊既球迷會，包括︰皇馬、利物浦、阿仙奴同紐卡素一齊舉辦【香港球迷會英超fantasy league 26/27】，大家除左可以同車迷切磋外，仲可以挑戰埋其他球隊既球迷，睇下到季尾時究竟邊個先係眼光最獨到既球迷⚽️‼️

有興趣既會員快D將你既領隊名稱同隊名WHATSAPP俾我地，我地就會俾條賽事LINK你架喇~~~

比賽今晚就截止架喇‼️‼️

*參加者必須為本會2026/27年度會員
**本會參加者將可獲Loyalty Point_HK 1分

【Fantasy Premier League FPL車迷爭霸戰 26/27】

新一季英超又返黎喇。秉承過去傳統，香港車路士官方球迷會都會喺今季推出【Fantasy Premier League FPL車迷爭霸戰 26/27】俾一眾會員參加。大家可以透過呢個比賽組隊考下自己既眼光，同時又可以同其他車迷切磋一下，睇下到季尾時究竟邊個先係眼光最獨到既車迷。
如果你想挑戰我地上季既三甲︰Billy Wai、Chris Yuen同Calvin Chu，只要你係我地香港車路士官方球迷會本年度既會員，你就已經符合挑戰佢地既資格。
參加既辦法非常簡單，喺FPL建立自己既球隊後，將你既領隊名稱同隊名WHATSAPP去4679 9200俾我地，我地就會俾條賽事LINK你~~~
球季過後，累積分數最高既頭三位將會獲得禮物一份，有興趣既車迷記得唔好錯過呀！！！

P.S. 此項比賽只接受香港車路士官方球迷會2026/2027年度會員參加。所有參加者將獲得LOYALTY POINT HK 1分

Fantasy Premier League FPL官網︰https://fantasy.premierleague.com/

#香港車路士官方球迷會


#只限會員參加呀
#上季獎品之後再聯絡你地拎

香港車路士球迷會 - 香港車官 Chelsea F.C. Supporters Club Hong Kong
香港車路士官方球迷會（球迷討論區）Official Chelsea F.C. Supporters Club Hong Kong

p.s. 新一季香港車路士官方球迷會會員招募已經展開，歡迎各位車迷加入，做個同路藍血人！！
入會表格：https://forms.gle/v3qNs3Cvz3UMgDqGA

致 所有經球迷會購票入場的所有會員

球賽落幕，希望大家琴晚享受賽事。

琴晚場波好多意外。

1. Tifo爛了。本來我地準備左十幾位helper協助球會於開賽前幫助大家一齊玩，但係3點左右球會先通知我地原來tifo係sydney俾人整爛左😑，所以尋晚冇得用
2. 球迷會準備既打氣用品全部都用唔到。兩星期前球會已發電郵俾全球球迷會，內容係叫我地將所有會帶入場用既打氣物資及運載物資用既車輛資料交俾佢地，由佢地向場館申請。我地當時都按時俾晒佢地。但去到賽日，車到場時場地話球會無通知，打氣用品包括鼓同大聲公，場地又話球會冇申請，最後只能放左係度全部唔俾用。所以都感謝一班熱心球迷一直為球迷區帶住氣氛☺️
3. 球員都係人，將心比心，見到一大班球迷唱晒歌打氣打足90分鐘，老實講直到最後一位球員步入更衣室一刻之前，我都深信總會有一個半個球員過黎回饋返大家的。可惜最後都係冇過黎。唔估佢地咩原因，但我知道球迷區既所有人唔多唔少都有d失望。

Anyway，衷心感謝大家對球迷會既支持🙇🏻‍♂️
亦借機會感謝一眾呢幾日大大力幫手既會員同Committee🙇🏻‍♂️

香港車路士官方球迷會今年已經創立30周年，宗旨只有一個，就係為會員及球會建立良好的溝通橋樑。
所以如果有關於任何呢次球會香港站既意見想我地幫忙反映，我地呢兩日會收集好晒一次過同球會反映。

如有意見就pm我地講啦。

香港車路士官方球迷會

已經可以入場喇
大家去到邊呀？

#球星們已喺看台前準備好

仲有2個鐘開波喇
我地一班球迷會工作人員頭先已經入左主場館擺放應援物品俾大家

不過剛剛收到球會通知我地一個壞消息，球會本身帶黎既Tifo，喺上一站悉尼站俾當地球迷整爛左，大家今次同張Tifo緣慳一面了😭😭😭

不過唔緊要，大家落力啲打氣，要keep住個氣氛呀！

#健絡通盃

健絡通盃

經歷個幾星期，我地終於將一大堆會員購票既訂單處理好，亦都由主辦方手上將呢堆飛完完全全咁分發晒去各購票會員既手上！所有飛已經派晒俾購票既會員喇‼️‼️‼️

只能夠講成個過程係非常艱巨、複雜同難頂既😭😭😭但總算終於捱過左喇。。喺呢度要多謝一直幫手分飛派飛既幹事，各位耐心等待又合作遷就既會員同埋最緊要就係兩位合作伙伴：長沙灣森記牛雜粉麵同埋PartyDroid借出地方俾我地同會員交收門票🙇‍♂️🙇‍♂️🙇‍♂️

而家就淨返聽日咋(嚴格黎講係今晚😅)，會入場既車迷一於咩都唔好理，享受左聽晚既Party先‼️
記得要著車仔既波衫，最好盡量係主場，將啟德主場館染成一片藍海💙💙💙仲有記得到時跟住我地負責帶領既helper，仲有遠道而喺既Cathy同埋Kkyuahri一齊💥💥炒熱啟德‼️‼️‼️

先旨聲明：🈲️唔好著其他隊波衫入黎挑機呀！一有發現，後果自負！！！

＃森記牛雜粉麵

💥💥號外💥💥

今次健絡通杯，我地香港車路士官方球迷會既特邀嘉賓 韓國女車迷，IG坐擁超過8萬followers既Kkyuahri已經到左啟德主場館入場睇球隊公開訓練喇～～～


#啟德主場館

季前熱身賽

車路士 對 熱刺

出場陣容
沙文路維，柏利斯查，科芬拿，高維，哈圖，艾素古，拉維亞，艾斯迪華奧，彭馬，傑廷斯，祖奧柏度

💥💥重要通告💥💥
健絡通杯取票安排

到目前為止仲有大約30名會員未聯絡我地預約拎飛，麻煩如果你未預約既話快D聯絡我地喇~~

提多一次，比賽當日係 唔會 安排到派飛俾你，因為我地所有幹事同helper都要提早入場準備，唔可能安排到人手果日先等你黎俾飛你
亦都唔好諗住果日開波前先慢慢黎拎，我地都係安排唔到人自己唔睇走去拎飛俾你既...
幫手派飛既會長又好HELPER都好，大家都係義務，要用自己既工餘時間去派飛俾大家，只係因為大家都係車迷，大家都鍾意呢隊波。佢地自己都要俾錢買飛就係諗住入場睇愛隊，冇理由要佢地為左拎飛俾你而犧牲自己睇愛隊既機會同時間架嘛，所以希望大家明白，多多合作。如果真係自己黎唔到拎既，都希望你安排親友代你拎，我地到時會確認左之後先放飛既。

如果你仲未通知我地你既取票選擇既話，請你盡快聯絡我地喇‼️‼️

另外，好抱歉，由於貨期問題，球迷會30週年紀念套裝將會稍遲再向大家發放，而今季既會員卡我地正催促印刷商，期望可以喺5/8晚派俾大家🙇‍♂️🙇‍♂️🙇‍♂️

1️⃣28/7 星期二 1900-2000 青衣東北球場⚽ （已完）

2️⃣1/8 星期六
1830-2200
森記牛雜粉麵🍜
長沙灣東沙島街

3️⃣4/8 星期二 1600-1830
PartyDroid Pop Up Store
啟德零售館 2🏟️

4️⃣4/8 星期二
1845-1930及車路士公開訓練完結後30分鐘內
啟德主場館看台🏟️

特別鳴謝森記牛什粉麵及PartyDroid為我地提供地方派飛🙏🙏🙏

如有查詢，請whatsapp 4679 9200 聯絡我地🙏🙏🙏

香港車路士官方球迷會足球隊
第二次隊員選拔

各位車迷，我地香港車路士官方球迷會足球隊黎緊將會有第二次既選拔喇~~

日期︰ 10/8/2026 (星期一)
時間︰ 晚上21:30 – 23:00
地點︰ 九龍仔公園2號仿草足球場
費用︰ $30
報名方法︰ 請WHATSAPP 46799200聯絡本會，註明「球迷會足球隊隊員選拔」並提供你最擅長踢既位置

⚽參加者必須為本會2026/27年度會員
⚽參加者請自備藍色及白色球衣各一件及自備飲用水
⚽切勿穿著其他球會球衣

如果你有興趣，又想參加我地球隊，同一大班車迷一齊代表球迷會去比賽，就唔好錯過呢個機會喇‼️


#香港車路士官方球迷會足球隊
#隊員選拔