大孖醬料（網上商店）

【啟市公告】遲來的新年祝福！因為大孖同屋企人一放假已經沉迷玩樂了🧨

各位街坊、老友記、貴客們，恭喜發財！！🧧

首先同大家講聲「唔好意思」！因為全年得初一到初六呢短短幾日可以真正抖一抖，我哋一家人一放假就即刻「進入玩樂模式」，周圍去拜年、去玩，完全沉迷咗，搞到今日初四先至記起同大家報告開市訊息！😂

趁住年初四接財神，同大家公佈新一年的營運安排：

🏮 八間分店｜年初六（本月22號）正式啟市
想買靚豉油、秘製醬料煮開年飯，記得嗰日過嚟幫襯！

💻 網上商店｜年初八（本月24號）恢復運作
想足不出戶的客人，初八起落單就會正常安排發貨啦！

新的一年，最大的心願唔係話要賺幾多錢，而係希望各位客人心無煩惱，幸福每一天！

我哋初六見！！

【感動再次來襲！大孖醬園 x 籽陽烘焙 賀年聯乘，啖啖都係香港人情味！】
喂喂！各位街坊老友，仲記唔記得呀？

聖誕前我哋同聖雅各福群會「籽陽烘焙」合作嗰批曲奇，嗰種震撼同感動，仍然在心中激盪。本來諗住試吓反應同大家的接受程度，點知大家嘅反應熱烈到嚇親我，好多分店都係一陣風咁就賣晒，好多朋友仔買唔到仲話好可惜。見到大家用行動去撐班會員，嗰份肯定，我同聖雅各福群會的同事都十分興奮和溫暖。

食過返尋味，梗係要encore啦！上次嘅相遇咁美好，點可以俾佢停？

所以，喺農曆新年前呢個大日子，我哋大孖醬園再接再厲，同籽陽烘焙嚟一次真正嘅「深度聯乘」，誠意獻上呢份獨一無二嘅 【賀年堅果曲奇禮盒】！

上次，我哋係將佢哋嘅好嘢帶俾大家。而今次，我哋行多一步，將我哋嘅心機都擺埋入去！

今次合作，我哋大孖醬園用返我哋最拿手嘅本領——揀靚料同埋自家製堅果醬！禮盒入面每一款曲奇所用嘅堅果醬，都係我地大孖醬園精心挑選各國的靚堅果，再在九龍灣廠房做成堅果醬，保證啖啖都係真材實料嘅濃郁果香。

跟住，我哋將呢啲心機結晶，交俾「籽陽烘焙」班專業導師同會員，用佢哋嘅巧手，係觀塘工場入面，一塊一塊，用心機烘焙出嚟。全程香港製造，冇花冇假！

一盒有齊七款驚喜，款款都係誠意之作：

杏仁曲奇 & 杏仁酥：美國杏仁嘅甘香

腰果曲奇 & 腰果酥：越南腰果嘅清甜

花生曲奇 & 花生酥：山東花生嘅濃郁

開心果醬曲奇：全城至hit嘅美國開心果

上次參觀工場嘅畫面仲喺我腦入面，佢哋嗰種「直面問題，解決問題」嘅精神，嗰啲為會員度身訂造嘅工具，真係香港精神嘅極致體現。

所以，當你買緊呢盒曲奇，你食到嘅，唔單止係頂級堅果同牛油香。你手上拎住嘅，係佢哋日復日努力不懈嘅成果，係一份尊嚴，一份「我做得到」嘅自我價值證明。

農曆新年就到，無論係買嚟同屋企人開心share，定係送俾親朋戚友做賀禮，都絕對係最有心思、最有意義嘅選擇。$168一盒18塊，可能唔係最平，但呢份價值，遠遠唔可以用錢去衡量。

再次誠邀您，用您嘅支持，去延續呢個「香港製造」嘅溫暖故事。等我們一齊，將呢份用生命烘焙的動人滋味，係新一年，傳得更遠、更廣！

大孖醬園八家分店全部有售！！

*大孖醬料總店: 觀唐祟仁街33號地下
營業時間0900-1900. 查詢電話：57876162

*黃埔分店: 黃埔船澳街99-109號紅磡商場地下17號A 鋪
營業時間0900-2030 查詢電話：59932173

*元朗分店: 元朗紅綿圍3號厚德樓地下1號C鋪
營業時間0830-1900查詢電話：57871409

*屯門分店: 屯門鄉事會路107-111 號. 明藝街4 號
營業時間0830-1930查詢電話：59960570

*大埔分店: 大埔寶鄉街47號地下C鋪
營業時間0800-1900 查詢電話：59913675

*北角分店: 北角英皇道301號麗宮大廈地下1號鋪
營業時間0900-2000 查詢電話：59926727

*西營盤分店：西營盤第三街68-72號福滿大廈地下K號鋪
營業時間0900-1900 查詢電話：46577553

*荃灣分店: 荃灣川龍街88號聯薈商場地下G10號鋪
營業時間0900-1900 查詢電話：59911503

荃灣分店終於可以開張啦！！！！！超興奮！

籌備已久的荃灣分店，終於明天可以開張了！因為要整個商場一同開張，所以比起之前所說的時間推遲了不少，真的非常抱歉🙏🙏

明天1月23號，早上11點半會有商場開幕儀式，大概進行一個小時左右，商場正式對外開放時間是下午一點鐘，大家明天有空記得過來參觀參觀😘😘😘

荃灣一直都是我心心念念的區域，奈何以前租金太貴，根本超出能力範圍，這次慶幸受到地產經紀向商場推薦進駐，成為大孖醬園第一家開在商場裡面的分店。而荃灣區一直有很多大孖的支持者，經常問我荃灣什麼時候有分店，這次終於夢想實現了～～💃💃💃

明天開張優惠非常豐富，出了每次大孖新店開張都會有滿$100，有9折優惠，而且買任何貨品都會送一包澳洲海鹽，明天商場門口還會派發滿$50，減$10的優惠券！兩個優惠可以同時使用😱😱😱😱太瘋狂了😘😘非常建議明天大家來掃貨😂😂當然也同時建議大家有需要才買啦，畢竟我們的醬料沒有添加劑，用完再買就最好❤️

荃灣分店
地址：荃灣川龍街88號聯薈商場地下G 10號舖
電話：59911503
營業時間：0900-1900
星期一至日照常營業

地理位置非常方便，就在楊屋道旁😋😋😋

和聖雅各福群會的一次洽談，一場震撼心靈的相遇

早前，我應邀到訪聖雅各福群會位於觀塘的綜合服務大樓洽談事宜。原本以為這只是一次普通的商務會面，卻沒想到，這趟旅程竟成為一場讓我大開眼界、深受觸動的心靈洗禮。

在幾位熱情而專業的負責人介紹完機構的服務與宗旨後，我們走進了大樓內的生產工場。眼前的一幕，讓我徹底震撼——工場內每一位正在專注工作的會員，都是傷健人士或有特殊需要的朋友。在我們的社會中，他們或許常被貼上「無法正常工作」的標籤，但此刻，他們正熟練而精準地進行著食品包裝與製作，生產效率之高，令人讚嘆。

這一切並非偶然。我了解到，這裡的成就，極大程度上歸功於機構出色的管理團隊。其中一位負責人更是工廠管理出身，他並非要求會員去適應工作，而是反過來，細緻入微地觀察每位會員的能力與特徵，為他們「度身訂造」最合適的工作崗位，甚至利用工場內的3D打印機、木工器材，由專業設計師創造出獨一無二的輔助工具。

這裡，我看到了一種我極為欣賞的工作哲學：「直面問題，解決問題，而非繞道而行。」說來輕鬆，實踐卻需要無比的耐心與創意。例如，工場為半身不便的中風會員，設計了一個能用身體壓在桌上、單手便能擰開瓶蓋的3D打印工具；為了讓手腳協調或專注力稍遜的會員能精準地在包裝上打印日期，他們製作了能完美固定產品和日期槍的裝置。這些充滿智慧與溫度的例子多不勝數，真正讓我感動的，是在這個講求效率與利潤的香港商業社會，竟有這樣一個機構，全心全意地去創造條件，讓這群朋友能夠發揮所長，創造屬於自己的價值。

工場內還有一個由專業烘焙師傅帶領的「籽陽烘焙」工場。其衛生標準之高，甚至比我引以為傲的醬料工場還要乾淨，實在令我拜服。會議期間，負責人端來一盤由會員親手製作的曲奇，我嚐了一塊後，便厚著臉皮停不了口——那份美味，真實而純粹。

當下，我便決定，必須將這份美味與它背後的故事，分享給更多人。

我們已採購了一批由「籽陽烘焙」會員親手製作的聖誕曲奇禮盒，並將於我們所有分店銷售。這份禮盒售價為$168，我知道價格或許比一般曲奇稍貴，但當您了解這背後的故事，您會明白，這份禮盒的意義，早已超越了它的價值。

您的每一次支持，都是對他們工作成果的直接肯定，也是延續這份「香港製造」的溫暖與可能。誠邀您，一同來品嚐這份，用生命烘焙的動人滋味。

12月23日，聖雅各福群會會有會員由導師帶領，在大孖醬園的北角及西營盤分店，帶著曲奇供大家試食及為大家介紹曲奇，今日19號已經進行了一次，想不到大孖的客人都非常支持這個活動，真的很開心!!

為免不要影響會員，我只拍攝了小量沒有會員的場地照片，以保護會員的私隱。

感謝沙田友的抬舉❤️❤️

上一個Post留言區講到我地沙田無分銷點，我地自己係沙田又無開分店，沙田友們入大埔又太遠，所以就問了沙田友沙田哪裡方便買野，當我準備去沙田物識分銷商時，沙角邨街市的蔡小姐已經率先打了我的電話，話好多客人想佢賣大孖的醬料😆😆我知道肯定是親愛的沙田友們在背後默默發功😋😋

在此再次感謝沙田友們的抬舉❤️❤️❤️
亦感謝蔡小姐對大孖醬園的信任🫡

沙田分銷店地址：

沙田沙角邨街市49至50號舖 新興隆

一口氣出四款新產品！！我夠膽講係最高性價比😋😋

想生產堅果醬的原因，其實是為了我的星星，星星好鐘意食麵包，所以早上同下午茶都會食麵包，正當我想買些適合小朋友食的麵包塗抹醬時，發現塗抹醬內有太多的糖分及添加劑，小朋友咁早攝取太多糖及添加劑，是比較不利的。致於有哪些不利，相信各位專業級爸爸媽媽會比我更清楚😂😂

今次4款新生產的堅果醬，包括花生醬、杏仁醬、腰果醬及開心果醬，全部都是無添加的，不止沒有添加任何添加劑，更沒有添加額外的油鹽糖的調味，100%呈現天然純粹的堅果味。

生產前的幾個月，一直在研究各款堅果的最佳烤焗時間，到底哪個時間和溫度最能激發出堅果的最大風味，嘗試多次後才夠膽大量生產。我相信各個牌子的堅果醬都有自己的最佳時間和溫度，這也造就了各個牌子風味的不同。

今次最大的驚喜就是價錢！我夠膽講係最高的性價比，價錢最後會詳述，我諗其實大家的堅果成本都大同小異，最重要是人工，幸好有生產線的幫手，工廠姐姐們企定定睇住個堅果醬磨醬、入樽、擰蓋、抽真空，然後一樽樽成品出黎，是非常過癮的😂😂因為人工平左，生產速度快左，所以價錢都會平👍👍

純開心果醬 190克 $95 開心果來自美國
純杏仁醬 190克 $ 80 杏仁來自美國
純腰果醬 190克 $80 腰果來自越南
純花生醬 190克 $36 花生來自中國

堅果醬用途：塗抹麵包、整烘焙甜品、曲奇、蛋糕、沖奶沖咖啡、食麥皮、撈沙律、撈酸奶乳酪

不用放雪櫃，記得蓋好蓋子，每次取醬都要用乾淨的刀和匙羹！！

觀塘和黃埔店今天已經到貨了！其他分店這個星期會陸續到貨！再次感謝我的生產部姐姐，學習能力超強！我教了一次，已經掌握到時間溫度和研磨的粗細，厲害💪也要感謝我的生產線😂😂雖然他是部機器，但我對它也是充滿感激之情❤️❤️

今晚小弟在翡翠台有個節目是關於匠人製作的，有幸在鏡頭下呈現傳統豉油製造的過程，及我如何煮製秘撈魚蛋醬，大家有興趣可以支持下😋😋😋

今晚10月3日晚上10:30，節目「美食匠人」

終於知道點解上電視的藝人要瘋狂減肥，因為上左電視體形會膨脹1.5倍😂😂😂看到小弟的身形，見笑了見笑了🥹🥹

芷珊姐姐超級Nice!!

超級感謝澳洲的總代理商，成日搞活動去推廣大孖的醬料，今個星期日又有活動啦！澳洲悉尼香港人市集！！

召集一眾在澳洲悉尼的香港人💪💪💪

888hkasiangrocery 星期日見喇
悉尼香港人市集 2025
HongKonger Street Market 2025
17 Sep 28, 2025 (Sun)
10am - 8pm
° Sydney Victoria Avenue

想吃用大孖魚蛋醬做的正宗香港咖哩魚蛋，咁就要出動啦！！代理商好用心，連張等候卡都有心思過人😋😋

颱風？！未驚過！做好曬防水膜了！不過呢幾晚都要係度過夜😂😂😂

旺角分店-我的滑鐵盧之役

曾經，旺角分店是我最寄予厚望的分店，人流極之多，開店裝修時期，人流洶湧到師傅上料都上不到，心裡暗暗竊喜。

自大學畢業，踏入醬料行業差不多十年，以我今天的經驗和眼光，可能不會選擇這個位置開店。有句說話是「人是賺不到認知以外的錢」，今時今日我非常認同這句說話，三年前租下這間鋪，絕對是自己認知不足，覺得有人流就是皇道，忽略了其他重要的細節，旺角分店給我這個年輕人上了重要的一課。

深深知道旺角分店的客人是以熟客為主，都是熟悉我們品牌的客人，在此非常感激這一群熟客的支持❤️❤️對於未聽過我們品牌的新客人，我估計即使路經旺角分店，也不會進入門市一看，因為門面實在太窄了，入了一個客人基本上進不了第二個人，購物選購體驗不佳，在門口見到擁擠狹窄，自然不想內進。

旺角分店3年的租期終於捱完，租期到今個月即9月7日，為了報答各位支持大孖的客人，今天開始至9月7日，全店貨品8折酬賓，有會員的客人更加可以折上折，大孖旺角店會作最後努力，服務好客人！

旺角分店的結業並不可惜，感謝它為我帶來經驗和智慧，並在我發展路上成為一好老師！感謝旺角店，感謝曾經支持旺角店的客人❤️❤️

不過還有一個好好好消息🎉🎉🎊🎊
旺角結業後，在10月份大孖醬園將會在荃灣開設新分店！！地點非常就腳方便，正式開業時間，到時會在Facebook和大家公佈💪💪

大孖醬園旺角分店最後營業日為9月7日🎉🎊

以往幫襯開旺角店的客人，可能最近要到黃埔分店了🙏🙏

秘撈魚蛋醬新招紙投票！！！

我地隻魚蛋醬出名好食就大家都知，但收到好多意見話我地魚蛋醬招紙撞色撞得好嚴重，太暗，所以唔容易睇得清楚，我自己睇一睇，又真係太暗，所以做左幾個新設計，大家可以比比意見❤️❤️大家係留言到話我知邊個最岩心水，盡快收集完意見我就會印架啦😘😘

1-車仔檔圖案

2-經典舊香港帆船案

3-香港夜景萬家燈火

4-原本的設計

如果大家有咩構思，都可以話我知架！！