卓嘉單線滾軸溜冰學校

今個weekend，我哋帶隊出戰「2026年『一帶一路』中國．東盟城市速度輪滑邀請賽」。今次非常榮幸獲得 Micro 贊助，並以「邁古國際速滑隊」名義出賽！

賽事陣容鼎盛，除咗本地隊伍，仲有來自台灣、韓國、印尼、越南、泰國等地嘅選手參與，高手雲集，每一場比賽都節奏緊湊、相當刺激。

可惜颱風逼近，大會需要臨時調整賽程，將原定安排提前至星期五晚開賽，令整體賽程更加緊密，對運動員嘅體能同比賽節奏分配帶來更高挑戰。

面對呢啲變數，我哋隊員依然沉著應戰、不負眾望，喺多個組別交出亮眼成績。特別係長途項目，更加明顯見到大家嘅進步同突破。

所以話，比賽其實就係最好嘅練習，期待大家下一次更精彩嘅表現🥇

準備落波喇 ~~今日(26/7) 2pm 開始有返班喇 ~

天文台：
今晚8時40分發出一號戒備信號
明天 (星期六) 下午考慮改發更高信號

各位同學可以到網頁了解課程安排
https://bit.ly/3ud96OQ

雖然我地三號風球都開，但係同學都要自己留意返身處地區適唔適合外出呀 ~~

特別天氣安排 - 卓嘉單線滾軸溜冰學校 | 踩Roller | 滾軸溜冰 | 凡因惡劣天氣而暫停之活動，中心將另行通知有關改期或取消之安排。如參加者不能 出席改期的活動，恕不另行安排補堂，而有關款項恕不退還（中心取消活動除外）。

三個同學上咗新城電台接受訪問，講佢地去法國 24小時耐力賽 經歷，到時記得收聽喇！

尋日 ViuTV 99 台「雙線運動人生」有我地呀，如果未睇就快D去重溫喇 ~

雙線運動人生 | 第50集 | 單線速度滾軸溜冰運動員 | ViuTV 《雙線運動人生》聚焦香港兼職運動員的故事。每集邀請一位從事普通職業、卻在閒暇投身運動的嘉賓，分享他們如何在繁忙的香港生活中平衡工作與熱情。他們用汗水與毅力詮釋「雙重身份」的精彩。節目呈現他們的起點、低...

今年，卓嘉再度領軍，帶住一支34人團隊遠征法國，出戰 24h Rollers du Mans。

面對歐洲熱浪同大會臨時改制，原本部署好嘅計劃全部要即時重整。難度升級，挑戰加倍，但我哋冇退縮，反而愈戰愈勇，最終交出兩冠一亞，揚威海外！

Prestige Enterprise 組別，Checker Formula 交出一場極具代表性嘅逆轉勝，由落後、反超，到再度陷入劣勢，最後頂住壓力完成逆轉，呢面金牌充分反映咗我哋喺逆境中嘅韌力同信念。

女子組方面，Checker Fempower 全程領先，穩守優勢，強勢封后！

少年組方面，Checker Dreadnought 鬥到最後一刻，雖然只差十多秒飲恨，但表現同樣精彩，雖敗猶榮！

今屆 Le Mans，對卓嘉嚟講，唔只係一場比賽，而係一次關於應變、信任同團隊精神嘅考驗。面對熱浪同變化，34人遠征法國，最後換嚟嘅唔只係成績，仲有一段難忘而深刻嘅共同經歷。

#耐力賽

滾軸飛龍正式衝出香港，揚威海外！

今次除咗帶隊出戰 Le Mans 24小時拉力賽，我哋仲將滾軸飛龍一齊帶到法國。有幸獲大會邀請，呢條陪住我哋一路成長嘅「龍」，成為賽事開幕表演之一，喺國際舞台上亮相！

由香港出發，千里迢迢將成條龍運到法國，唔單止係一次表演，更加係一次文化交流——將香港嘅創意同精神帶到世界面前。

其實卓嘉早喺2002年已經開始舞「滾軸飛龍」，將速度滾軸溜冰結合中國傳統舞龍，發展成一種獨特嘅表演形式。一路走來，到今次登上 Le Mans 呢個舞台，對我哋嚟講別具意義。

一條龍，由香港出發，踩到世界舞台！

Photo Credit:

過多幾日，等我地大隊休息多少少，先再出多D相俾大家睇 ~

卓嘉相隔三年，再戰 Le Mans 24小時拉力賽！

今年天氣真係極限挑戰——法國熱浪來襲，日間氣溫高達 40°C，賽車場地面溫度更加接近 50°C。喺咁誇張嘅情況下，賽方都要臨時調整，將賽事縮短，仲要延後到晚上10點先開始。

不過，再熱都阻唔到我哋發揮！

卓嘉派出嘅隊伍今年終於成功登頂：
公開組、女子組雙雙奪冠；少年組攞亞軍；Master 組亦取得第四名！

今年賽事節奏好緊湊，排名一路拉鋸，真係去到最後一刻先知邊個贏。

更多比賽入面嘅細節，遲啲再同大家慢慢分享！