Navy Blue Sports Pro Shop - 藍羽體育用品

Please note that our stringing prices will be adjusted in 2026. Labour-only stringing will be £12. String + labour will remain at the current price of £20. Thank you very much for your continued support.

店長好少介紹客人用嘅線，不過出奇地受歡迎，要補補貨

自從八月後，已經三個月沒有穿線了，在新的地方，沒有準備重新開業的情況下，收了兩支拍，原來穿拍嘅感覺喺咁好😭，雞同鴨講都收到拍，應該都係神積🙏🏼🙇🏻

久違的穿線機，終於setup返好啦😎

一轉眼就五年幾，終於去到收爐嘅時候！好感謝！好感謝！好感謝你哋一直以來嘅支持，知道店長要收爐，就算線未斷都比我穿埋最後一次，多謝你哋呢班亦客亦友嘅朋友，有緣球場再見☺️，NavyBlue正式無限期休業，後會有期😭

Navy Blue 不經不覺已經五年幾，好多謝大家一直以來嘅信任同支持，真係好多謝你哋嚟班忠實嘅客人朋友，嚟緊將會無限期休業，如果重想搵店長穿拍記得八月前來我啦🙏🏼🙏🏼🙏🏼

今日係店長的破財日，轉眼間穿線機已經用咗五年幾開始不斷有啲小毛病，其實我可以當睇佢唔到，直到機器完全跪低，不過為咗穿拍嘅質素，同埋一班一直比拍店長穿嘅客人朋友，跌錢都要啦😫今次一口氣換咗支臂同新嘅重力底座，可以令支拍架得穩定啲，同埋夾線夾得更穩，當然主角係換咗部新嘅電腦頭，一句講晒新嘢係唔同啲😭

話說店長就唔會用「張人專業」同客人穿拍，因為風險問題，而且店長自己試過又唔係特別好打，所以從不出售呢個服務，不過客人再三問可否一試，好啦！破例一次咁多，冇第二支😂，不過穿之前確保風險，搵支拍試試先😎

一隻好冷門嘅線，但店長極愛，買少見少，見所淨冇幾入埋返來，都冇咩好講，用過就明😂

客人見店長代工的運動舖冇開，就求其搵咗另一間舖穿，由於手感不合，又返返來我到再穿過，客人問咗我一個驚世難題，就係我之前幫佢穿幾多磅呀，心諗你自己要幾多磅我咪穿幾多磅，鬼記得咩😅，由於客人唔知自己要幾多磅經過一番了解後，應該係上一問舖穿得太低磅，於是同佢穿過條，經此一次後客人終於深深記住適合自己嘅磅數啦，係到都為另一家店舖平反一下，「唔好打唔啱手感」唔係代表人哋唔識穿，穿得差，有時候客人係需要知道自己要咩嘢，最基本要幾多磅都要講，唔係人哋又點會知你想要咩，唔係下下咁好彩遇到個終極無聊嘅店長同你推考出適合嘅磅數😂

圖片係網上截圖，今日店長純粹發洩一下，店長從來都唔介意幫我嘅客人包grip, 不過近來收到一啲拍係客人需要包grip, 發覺有一啲打羽毛球嘅人，個人衛生意識十分差，條grip唔霉唔溶唔粉碎都唔換，場面十分之驚嚇，啲千年汗溶埋條grip, 店長換完都成手黑加「痴立立」，其實一條grip 平起上嚟十蚊八蚊條，係咪非要等到佢粉碎先換，其實慳啲洗，兩三個月換一條十蚊八蚊唔係太過份嘛，到你自己都頂唔順，重要叫人同你換，己所不欲 勿施於人，依家打波都要講文明，完！
#羽毛球拍 #穿線服務 #穿線 #張人基本 #藍羽體育用品

近來線材好緊張又加價價到痴晒線，小本生意嘅店長，真係冇辦法好似其他店舖咁入大貨去保持住線嘅供應，只能同客人講我冇線，等到就等😂，客人自己走去買左一盤返來👍🏼，係開心嘅，搞到咁麻煩都要買埋線比我穿，真係多謝支持🙏🏼🙇🏻
張人基本32x33
預拉10%

#羽毛球拍 #穿線服務 #穿線 #張人基本 #藍羽體育用品