單車SUNday

Directions

單車SUNday 「單車Sunday」為每位粉絲定期速遞各大單車賽事消息，仲會有各類型單車知識，希望成為每位單車友喜愛嘅地方！

【恭喜單車港隊目標達成 以2銀3銅完成亞運之旅🎉 ！第20屆亞運會迎來尾聲，所有單車賽事已經完成，單車港隊23人大軍連日出戰多項賽事，最後完成教練賽前訂下嘅五面獎牌目標，以2銀3銅佳績完成本屆亞運！除咗李思穎，梁穎儀亦同樣取得兩面獎牌，由杜...
02/10/2026

【恭喜單車港隊目標達成 以2銀3銅完成亞運之旅🎉 ！

第20屆亞運會迎來尾聲，所有單車賽事已經完成，單車港隊23人大軍連日出戰多項賽事，最後完成教練賽前訂下嘅五面獎牌目標，以2銀3銅佳績完成本屆亞運！除咗李思穎，梁穎儀亦同樣取得兩面獎牌，由杜棹熙、莫沚駿、翁浚浩組成嘅隊伍更喺男子場地團體競速賽踩出破香港紀錄時間，歷史性為港隊取得男子短組首面亞運獎牌，而朱浚瑋亦不負眾望取得個人首面全能賽獎牌！

除咗得獎車手，所有港隊成員嘅努力都值得大家俾啲掌聲👏🏼 ！多謝你哋嘅努力同拼勁，為大家帶嚟一場又一場精采嘅賽事！辛苦哂！

再次恭喜以下獲獎運動員：
李思穎 Success EZ Rolling Club
梁穎儀 SHKP Supernova Cycling Team
朱浚瑋 Cyclone Cycling Club
翁浚皓 Cyclone Cycling Club
莫沚駿 SCAA Cycling Team
杜棹熙 SCAA Cycling Team

#第20屆亞運會

Photo: 港協暨奧委會、AINAGOC

【恭喜小女車神李思穎再奪亞運獎牌！🎉】第20屆亞運會今日進行最後一日場地單車賽事，棄戰公路賽嘅李思穎 (Success EZ Rolling Club) 出戰主項女子全能賽，喺經過捕捉賽、配速賽及淘汰賽後，以4分之差屈居日本選手排喺第二位。...
02/10/2026

【恭喜小女車神李思穎再奪亞運獎牌！🎉】
第20屆亞運會今日進行最後一日場地單車賽事，棄戰公路賽嘅李思穎 (Success EZ Rolling Club) 出戰主項女子全能賽，喺經過捕捉賽、配速賽及淘汰賽後，以4分之差屈居日本選手排喺第二位。最後一項記分賽，雖然Ceci面對強敵下喺八輪入面只有四輪得到分數，但最後都成功以3分之差力壓中國隊選手，獲得一面銅牌！單車港隊最終以兩銀三銅成所有單車賽事，辛苦哂！

Team Success Ezrolling
#第20屆亞運會

Photo: AINAGOC

【恭喜港隊朱浚瑋男子全能賽摘銀！🎉】第20屆亞運會今日上演嘅仲有場地單車男子全能賽，第二屆征戰亞運嘅港隊代表朱浚瑋 ℂ𝕙𝕦 𝕋𝕤𝕦𝕟 𝕎𝕒𝕚🐖 首戰全能賽即勇奪銀牌，除咗係佢生涯首面亞運獎牌，亦係單車港隊今屆第四面獎牌！恭喜 Franco👏...
01/10/2026

【恭喜港隊朱浚瑋男子全能賽摘銀！🎉】
第20屆亞運會今日上演嘅仲有場地單車男子全能賽，第二屆征戰亞運嘅港隊代表朱浚瑋 ℂ𝕙𝕦 𝕋𝕤𝕦𝕟 𝕎𝕒𝕚🐖 首戰全能賽即勇奪銀牌，除咗係佢生涯首面亞運獎牌，亦係單車港隊今屆第四面獎牌！恭喜 Franco👏🏼！

單車港隊聽日會出戰最後一日場地單車賽事，希望港隊可以達成教練賽前目標，獲得至少五面獎牌！記得支持佢哋到最後呀！

10月2日
09:00 女子全能賽 - 李思穎
09:30 男子凱林賽 - 杜棹熙、翁浚皓
14:46 男子麥迪遜賽 - 朱浚瑋、曹棨光

#第20屆亞運會

Photo: 港協暨奧委會、AINAGOC

【恭喜SHKP Supervona成員梁穎儀再奪亞運獎牌！🎉】港隊單車代表梁穎儀 Chloe Leung 繼早前喺個人女子公路賽勇奪銅牌後，今日喺場地單車項目夥拍李思穎 Ceci Lee Sze Wing 李思穎 出戰麥迪遜賽，呢對全運會金...
01/10/2026

【恭喜SHKP Supervona成員梁穎儀再奪亞運獎牌！🎉】
港隊單車代表梁穎儀 Chloe Leung 繼早前喺個人女子公路賽勇奪銅牌後，今日喺場地單車項目夥拍李思穎 Ceci Lee Sze Wing 李思穎 出戰麥迪遜賽，呢對全運會金牌組合合作無間，雖然未能擊敗強敵日本隊，但仍能以一分之微力壓中國隊奪得銀牌，取得單車港隊今屆第三面獎牌！

Chloe賽後表示每次比賽後一定會諗到好多可以做得更好嘅嘢，但相信喺場上已經係做咗當時最好嘅決定！佢今屆出戰公路賽及場地單車共三項賽事，最後取得一銀一銅佳績，為佢第三次亞運之旅畫上精采句號！恭喜Chloe！👏🏼

李思穎聽日會喺女子全能賽，全力衝金，大家密切留意戰況為Ceci打氣！

#第20屆亞運會

Photo: Sportsoho - Samuel

【港隊亞運場地單車首日報捷 男子團體競速賽摘銅！🎉】一連四日嘅亞運場地單車賽事今日正式展開，杜棹熙 、莫沚駿同翁浚浩出戰男子團體競速賽，先喺資格賽得到第四名晉級，同第五名嘅韓國隊爭入獎牌戰。首圈賽事港隊成功以0.25之微擊敗對手晉身銅牌戰，...
29/09/2026

【港隊亞運場地單車首日報捷 男子團體競速賽摘銅！🎉】
一連四日嘅亞運場地單車賽事今日正式展開，杜棹熙 、莫沚駿同翁浚浩出戰男子團體競速賽，先喺資格賽得到第四名晉級，同第五名嘅韓國隊爭入獎牌戰。首圈賽事港隊成功以0.25之微擊敗對手晉身銅牌戰，最後喺銅牌戰以43.507秒，超過0.8秒嘅時間擊敗馬來西亞勇奪銅牌！

至於女子隊方面，程嬿姍、楊礎搖、吳思穎合組嘅港隊喺資格賽得到第五名，首圈對戰日本，僅以0.014之微落敗出局，無緣獎牌戰。

港隊將會喺嚟緊三日陸續出戰不同賽事，密切留意佢哋嘅戰況！
9月30日
09:00 男子爭先賽 - 杜棹熙
09:26 女子凱林賽 - 童森、楊礎搖

10月1日
09:00 男子全能賽 - 朱浚瑋
09:30 女子爭先賽 - 童森、楊礎搖
14:48 女子麥迪遜賽 - 李思穎、梁穎儀

10月2日
09:00 女子全能賽 - 李思穎
09:30 男子凱林賽 - 杜棹熙、翁浚皓
14:46 男子麥迪遜賽 - 朱浚瑋、曹棨光

#第20屆亞運會

Photo: AINAGOC

28/09/2026

【亞運場地單車代表李思穎賽前分享💭】
愛知名古屋亞運嘅場地單車賽事將會喺29/9 – 2/10舉行，全力備戰全能賽衝金嘅李思穎早前就分享咗佢今屆亞運嘅展望，希望佢可以如願開心咁離開日本！

Mark低港隊場地單車嘅出戰時間表，一齊支持佢哋！

📅 場地賽港隊賽程
9月29日
09:00 女子團體競速賽 - 童森、楊礎搖、吳思穎、程嬿珊
09:21 男子團體競速賽 - 莫沚駿、杜棹熙、翁浚皓、吳保利
10:23 男子團體追逐賽 - 繆正賢、伍柏亨、朱浚瑋、曹棨光、馬繹斐

9月30日
09:00 男子爭先賽 - 杜棹熙
09:26 女子凱林賽 - 童森、楊礎搖

10月1日
09:00 男子全能賽 - 朱浚瑋
09:30 女子爭先賽 - 童森、楊礎搖
14:48 女子麥迪遜賽 - 李思穎、梁穎儀

10月2日
09:00 女子全能賽 - 李思穎
09:30 男子凱林賽 - 杜棹熙、翁浚皓
14:46 男子麥迪遜賽 - 朱浚瑋、曹棨光

#名古屋亞運

【恭喜SHKP Supervona成員梁穎儀連續三屆奪得亞運獎牌！🎊】港隊單車代表梁穎儀 Chloe Leung 今早出戰女子公路單車個人賽，以2:50:46完賽，勇奪銅牌，除咗係單車隊喺名古屋亞運嘅第一面獎牌，仲係Chloe連續三屆得到嘅...
22/09/2026

【恭喜SHKP Supervona成員梁穎儀連續三屆奪得亞運獎牌！🎊】
港隊單車代表梁穎儀 Chloe Leung 今早出戰女子公路單車個人賽，以2:50:46完賽，勇奪銅牌，除咗係單車隊喺名古屋亞運嘅第一面獎牌，仲係Chloe連續三屆得到嘅亞運獎牌！Chloe喺賽後感動落淚，坦言近月訓練狀態反覆，加上連續兩年喺個人公路計時賽以第四名完成而感到非常失落，但經過同教練認真檢視比賽策略同調整心態，Chloe今日以「唔理喇！我要將所有嘢發揮哂出嚟！」嘅決心作賽，成功喺公路賽擠身三甲，為港隊增添一面銅牌！🔥 恭喜哂！👏🏻

對集團贊助車隊成員獲得佳績，新鴻基地產執行董事郭基煇表示非常高興能夠為Chloe提供支持，並見證Chloe多年以嚟嘅成長同蜕變，成為獨當一面嘅港隊代表。而SHKP Supernova領隊曾曉彤同教練袁智浩就表示小穎為中國香港隊奮鬥多年，一直非常堅持，係SHKP Supernova車隊成員嘅榜樣！亞運前嘅不順，無阻礙佢盡力發揮，喺早幾日T.T賽雖然發揮未如理想，但佢能夠喺短時間內收拾心情，再喺今日個人公路賽取得銅牌，車隊所有成員都為佢嘅表現感到驕傲。希望小穎同其他出戰亞運嘅中國香港隊成員繼續努力取得好成績，為港爭光！

嚟緊 Chloe 會夥拍李思穎出戰 1/10 進行嘅場地單車麥迪遜賽，佢期望可以再下一城贏得獎牌，大家到時記得支持喇！

#第20屆亞運會

Photo: AINAGOC

【梁穎儀劉允𧙗第四名完成亞運個人公路計時賽】港隊亞運單車代表梁穎儀 Chloe Leung 、劉允𧙗 Lau Wan Yau Vincent 今日率先喺男、女子個人公路計時賽登場，分別踩出第四及第九名佳績！同獎牌擦身而過嘅Chloe喺賽後難...
20/09/2026

【梁穎儀劉允𧙗第四名完成亞運個人公路計時賽】
港隊亞運單車代表梁穎儀 Chloe Leung 、劉允𧙗 Lau Wan Yau Vincent 今日率先喺男、女子個人公路計時賽登場，分別踩出第四及第九名佳績！同獎牌擦身而過嘅Chloe喺賽後難掩失望，但相信佢休息一日後，會喺個人公路賽捲土重來！Chloe將會喺 22/9 同隊友張履檾、關旨君一齊出戰女子個人公路賽，而Vincent 就會喺 23/9 率領兩位小師弟葉漢文、胡俊賢出戰男子個人公路賽，大家一齊支持港隊呀！

#名古屋亞運

18/09/2026

【亞運公路單車港將賽前分享💭】
第20屆亞運會嘅公路單車賽事將會喺20-23/9期間舉行，早前我哋就採訪咗公路賽代表梁穎儀 、葉漢文、胡俊賢分享佢哋出戰亞運嘅感想！年紀輕輕嘅小將葉漢文同胡俊賢都係首次出戰亞運，對佢哋嚟講意義特別重大！Mark低佢哋嘅出戰時間表，一齊支持佢哋喇！

📅 公路賽港隊賽程
9 月 20 日
08:00 女子公路個人計時賽 - 梁穎儀
12:30 男子公路個人計時賽 - 劉允祐

9 月 22 日
08:00 女子個人公路賽 - 梁穎儀、張履檾、關旨君

9 月 23 日
08:00 男子個人公路賽 - 劉允祐、葉漢文、胡俊賢

#第20屆亞運會

Ride Smart．Ride Safe．Enjoy Hong Kong 🚴今年2026新鴻基地產香港單車節路線更長、橋隧更多，無論是首次參加，還是已有長途騎行經驗，出發前做好技術、安全及節奏上的準備，都能讓大家更安心享受這場年度單車盛事！...
17/09/2026

Ride Smart．Ride Safe．Enjoy Hong Kong 🚴

今年2026新鴻基地產香港單車節路線更長、橋隧更多，無論是首次參加，還是已有長途騎行經驗，出發前做好技術、安全及節奏上的準備，都能讓大家更安心享受這場年度單車盛事！

GO PARK Sports 即將舉辦「2026新鴻基地產香港單車節預習特別班」，將由香港單車中心及總教練仇多明親自擔任導師，按參加者經驗分為初階及進階班，從基本操控、車群安全，到大型活動的節奏及體力管理，分享多年單車訓練及實戰經驗。

【2026新鴻基地產香港單車節預習特別班】
活動詳情
日期： 2026年9月27日 (星期日)
時間：
上午 6:00 至 上午 8:00 - 進階班
上午 8:00 至 上午 10:00 - 初階班
地點： GO PARK Sports 共享徑
年齡：16-70
名額：20 / 一節
費用： $100 / 一節
報名方法：https://form.jotform.com/sdgoparksports/prep-for-2026cyclothon

#新鴻基地產香港單車節

Address

9 Hoi Ying Road, Sai Sha
Ma On Shan

Website

Alerts

Be the first to know and let us send you an email when 單車SUNday posts news and promotions. Your email address will not be used for any other purpose, and you can unsubscribe at any time.

Shortcuts

Share

Category