27/09/2026
【Another achievement of 2026🥋】
減咗成個月肥，終於有啲成果。
今天有幸通過世界糸東流空手道連盟黑帶六段審查。
坦白講，知道結果嗰一刻，開心之餘更多嘅係感恩。因為回想對上一次考段係我退役前一年，啱啱教咗第一批學生去國際賽。過去三年，我發現令我進步最多嘅，其實係教學。
突然諗起當日摩文仁宗家喺我哋考試前同我哋講：「今日嘅考試只係反映返你日常嘅練習。」每個星期同學生一齊練習、示範、拆解技術、修正動作，看似係我教大家，但其實學生同樣俾咗機會我重溫最基本嘅技術。令我更加感受到應付考試從來都唔係背幾多書，最理想嘅訓練就係日復日咁不斷進行，慢慢地「入血」。
所以今次我特別想多謝我每一位學生。因為有你哋，我先能夠喺過去三年間幾乎每個星期都持續修練、反思、進步。
能夠喺呢個年紀獲得六段資格，對我嚟講最大的意義唔係成就，而係提醒自己未來仲有好長嘅路要學。
感謝一直以來指導我嘅教練、支持我嘅家人朋友、同行嘅前輩，以及每一位陪伴我成長嘅學生。仲有俾我放手行呢段修練之路嘅師父。
未來，繼續修練，繼續學習。
