21/08/2026
أوقات، لما الناس يسمعوني بحكي عن الكابويرا، عن حبي إلها، وعن قدرتها لتغيّر حياة الناس، وعن السحر المجنون والمميز اللي فيها… بفكروا إني بس “رومانسي زيادة عن اللزوم”.
فخلوني أخليكم تشوفوا شوي من هالسحر بنفسكم:
كلشي بلّش بمجموعة بنات بعمر حوالي 20. كبروا وتربّوا مع بعض بعالم الكابويرا, من أيام البستان والصفوف الأولى بالمدرسة.
ومع السنين، الحياة أخدت كل واحدة منهن باتجاه مختلف، زي ما الحياة بتعرف تعمل. وكل واحدة، لسبب من أسبابها، اضطرت توقف تدريباتها حوالي بالإعدادية أو الثانوية.
نرجع لليوم- بعمر 20، وبعد سنين من غير إطار تدريبي، وبعد ما صارت الكابويرا بعيدة عن حياتهن من زمان — اخذوا قرار.
بعثوا رسالة لمدرّبهن وطلبوا منه يفتحلهن مجموعة خاصة فيهن، زي زمان.
مجموعة من البنات المتقدمات (ومعهن صديقة جديد) اللي تدربوا سنين، واشتاقوا للكابويرا أكتر من أي اشي.
وبعضهن حتى ما بعثوا رسالة… بس فجأة ظهروا على باب الستوديو، بعد كل هالسنين، ومعهن رغبة قوية يرجعوا للاشي اللي حبّوه لهالدرجة.
للسحر.
وفجأة… الموضوع صار حقيقة.
وكلنا حسّينا بنفس الطاقة القديمة. نفس المشاعر. نفس الموقف المؤثر — بس ×100.
سنة تدريبات جديدة على وشك تبدأ، وكمدرّب، أحلى اشي كان ممكن يصير قبل بداية هالسنة هو إنه حلم يتحقق قدام عيوني.
شكرًا إلكن، طالباتي القويات والمميزات، على حبكن المستمر للكابويرا.
شكرًا على إنكن حققتن حلم.
هسا فهمتوا شوي عن شو عم بحكي؟
سحر. ❤️🔥
NOOR🌸 qamarbishara 𝗡𝗮𝗯𝗮𝗮💕
#كابويرا
