Mizoram Table Tennis Association

India Independence Day vawi 80-na pualin nimin August ni 15, 2026 khan Mizoram hmun hrang hrang-ah One Day Table Tennis Tournament neih a ni. Hriat theih chinah Champhai District Table Tennis Association, Kolasib District TT Association, Serchhip District TT Association, Thenzawl Table Tennis Club, Tlangnuam Table Tennis Club leh Ramhlun Vengthar Table Tennis Club te'n I-Day TT Tournament hi an nei a ni.

National Ranking August ni 16 - 23 chhunga Kanpur, UP a neih tura, Mizoram aiawha khel turte.
Medal hlawh chhuak ngei turin duhsakna kan hlan e...🏓👍

UTT MTTA SEASON OPENING TABLE TENNIS CHAMPIONSHIPS 2026 ZAWHFEL A NI

UTT MTTA Season Opening Table Tennis Championships 2026 chu August ni 5–7, 2026 chhung khan Mizoram Table Tennis Hall; Kawltheihuan, Mission Veng-ah khelh ani a, tournament hi hlawhtling takin khelh zawh a ni.
He championship ah hian Mizoram District hmun hrang hrang leh Aizawl North leh Aizawl South hnuaia club hrang hrang te atangin infiammi te an tel a, an thiamna leh theihna te nasa takin an lantir a ni. Mizoram No. 1 leh India No. 9 nilai, Jeho Himnakulhpuingheta mizo zinga Commonwealth Table Tennis Championships khel awmchhun chuan, UTT MTTA Season Opening Championship-ah hian rawn inlanin Men's Singles Finalh ah Alberto LR. Ruata chu inkhel inhnehtawk takin 4-3 in a chak a, Champion nihna a arawn hlawh chhuak leh a ni. Hmeichhe lamah pawh Mizoram No. 1 lo ni tawh thin, Lalthansangi Sailo pawh he tournament ah hian rawn inlan leh in a rawn Champion leh nghe nghe ani.
District hrang hrang, Aizawl North leh Aizawl South atanga infiammi player 196 zet mai inkhel hmuh tur leh hmuhnawm tak mai a awm bawk. Gold Medal 7, Silver Medal 4 leh Bronze Medal 5 la Hopes TT Club te chu Overall Champion an ni. Infiammi te zawng zawng leh he tournament tluang taka buaipui a, buatsaih tute chungah MTTA chuan lawmthu kan sawi tak meuh ani.

Issued by
Media & Communication Committee
Mizoram Table Tennis Association (MTTA)

NIS chhuak Table Tennis Coach kan neih belh leh ta!

MTTA Joint Secretary Nl Lalthansangi Sailo (Tebawihi) chuan Diploma in Sports Coaching (Table Tennis) chu National Institute of Sports(NIS) Netaji Subhash Eastern Centre, Kolkata atangin B Grade-ah a pass. Mizoram Table Tennis Association chuan kan chhuangin kan lawmpui takzet.

Nl Tebawihi hi Mizo hmeichhia zinga NIS atanga TT Coach zir chhuak pahnihna niin Mizo zingah NIS TT Coach pariatna a ni.

NIS TT Coach kan lo neih tawh te :

1. F. Zokima(L)
2. C. Lalrinsanga(L)
3. F. Lalnunpuia(L)
4. Lalparmawii
5. R. Lallunghnema
6. Lalsangliana
7. Lalhunhlua
8. Lalthansangi Sailo

UTT MTTA Season Opening Championships, 2026 chu Naktuk August Ni 5 atanga Ni 7 thlengin neih a ni leh dawn a. Mi zawng zawng rawn chhim turin kan in sawm e 😊

Date - 28.07.2026
Khelo India State Centre of Excellence, Goa a Mizo naupang Table Tennis zirlaite chu Pu Sailoliana Sailo, Senior Vice President leh Pu R. Lalsangzuala, General Secretary, Mizoram Table Tennis Association te chuan an awmna hmunah an tlawh. He Academy-ah hian Mizo naupang mipa - 5 leh hmeichhia - 3 an awm a ni.

Commonwealth Table Tennis Championship, 2026 New Delhi-a khelh mekah Mizo Table Tennis player chhuanvawr Jeho Himnakulhpuingheta-a India aiawhin a tel.

India aiawh tur hian Mipa leh hmechhia, Team player tur 5 ve ve thlan an ni a, chu bakah, top 16 chinte hi Singles, Doubles leh Mixed Doubles kher tura thlan chhuah an ni bawk.

Jeho-a hi Qualifying Round (group stage)-ah Group no. 9-ah Payas Jalal (New Zealand), Jutras Vigneault Laurent (Canada) te nen awm hoin, anni pahnih hi 3-0 leh 3-1 a hnehin Main Draw (round of 64) a lut.

Round of 64-ah hian a bye vangin round of 32-ah a Indian pui, Mudit Dani nen zanin (31.07.2026) dar 6:15 hian an khel ang.

Thu belh: Jutras Vigneault Laurent (Canada) hi 2025 kuma Canada U-19 champion a nia, PAN American Cup, 2026-ah Canada tan a khel tawh bawk. 2026 North American Men’s Doubles Championship-ah pawh gold a la tawh. Tunah hian ITTF Men’s Singles World No. 165 a ni mek. Player theuneu lo tak a ni.
Round of 32-a Jehoa tum tur hi nikum Ranchi National Ranking neih-ah khan 3-0 a a lo hneh tawh hnu a ni e.

LAWMPUINA

Dt. 24.07.2026 (Friday) khan Hawla Indoor Stadium-ah Mizoram Olympic Association (MOA), Office Bearers Election 2026–2030 chu hlawhtling takin neih a ni.

He election-ah hian kan MTTA President, Pu C. LALRINZUALA Lalrinzuala chu Mizoram Olympic Association (MOA), Senior Vice President atan chuhtu awm lovin thlan tlin a ni a.

MTTA chuan he hna pawimawh tak a chan avang hian kan lawmpui tak zet a, hma lam hunah sports hmasawnna atan hna tha leh hlawhtling tak a thawk zel turin kan duhsak em em a ni.

Mizoram Olympic Association Office Bearers (2026–2030):

President: Pu Lalnghinglova Hmar
Senior Vice President: Pu C. Lalrinzuala
Vice President: Pu Ronnie Rosanga Varte
Secretary General: Pu V. Lalzawmliana
Joint Secretary: Pu Rosangliana
Treasurer: Pu Joseph Thansanga

Issued by:
Media & Communication Committee, Mizoram Table Tennis Association (MTTA)

🏓 MIZORAM TABLE TENNIS ASSOCIATION MEDIA & COMMUNICATION COMMITTEE-TEN WORKSHOP AN NEI

Dt. 03.07.2026 (Zirtawpni) khan Mizoram Table Tennis Association (MTTA) Media & Communication Committee chuan Heritage Lounge, Falkland Veng ah Media & Communication Workshop hlawhtling takin an nei.

Workshop-ah hian Resource Person atan Dr. C. Zorammuana (MTTA ECM) chuan, MTTA Tournament leh a kaihhnawih programme-te chu MTTA YouTube Channel hmanga Live theih dan chungchang member-te hnenah zirtirna a pe a. workshop-a tel zawng zawngten an hlawkpui hle a ni.

He Workshop in a tum ber chu Media Committee member-te media lam a hma kan sawn leh zual theih nan leh MTTA thil tihte mipui hnena zau zawk a puan zar kawnga hma kan sawn theih nan a ni.

Workshop hman zawh hian Pi Janet Lalrinngheti, Chairman, Media & Communication Committee chuan a inah zanriah tui tak a buatsaih bawk ani.

*Issued by:Media & Communication Committee, MTTA*