Mizoram Table Tennis Association

Mizoram Table Tennis Association chuan Jeho-a telna India 🇮🇳 Team chu ITTF World Team Championship, London a neih turah duhsakna sang ber a hlan e

MIZORAM TABLE TENNIS ASSOCIATION-IN WORLD TABLE TENNIS DAY, 2026 LAWM

Mizoram Table Tennis Association (MTTA) buatsaihin April Ni 23, 2026 Ningani khan MTT Hall, Mission Veng-ah World Table Tennis Day 2026 lawmna hun hman a ni.

Chawhnu dar 2:00-ah WTTD League ṭan niin, Mizorama mipa leh hmeichhe player ṭha pariat ten inelna an nei. Zan dar 7:00-ah lawmna inkhawm neih a ni a, President Pu C. Lalrinzuala’n inkhawm a kaihruai a, General Secretary Pu R. Lalsangzuala’n report pein, khuallian Er. C. Duhkima, Central YMA Treasurer & MTTA Patron-in fuihna thu tha tak a sawi a ni.

He hunah hian chawimawina hlan a ni a:
Certificate of Appreciation – India rama Men’s Singles-a ranking No. 9 ni mek leh World Table Tennis Championships, 2026-a India Team a koh Jeho Himnakulhpuingheta hnenah hlan a ni.
Ranking Awards – Mipa leh hmeichhia Ranking pakhatna a season khar te chawimawimna hlan an ni a. Mipa lamah Jeho Himnakulhpuingheta, hmeichhe lamah Caroline Malsawmkimi.

League Result:
Mipa: Champion – Lalruatfela | Pahnihna – Thangsiansanga
Hmeichhia: Champion – Caroline Malsawmkimi | Pahnihna – Moumita Saha

Issued by:
Media & Communication Committee
Mizoram Table Tennis Association

World TT Day 2026 Celebration Programme

World Table Tennis Day Chibai vek ule
🤝 🏓