Mizoram Football Association - MFA

THE HOME OF FOOTBALL

Catch Your Favourite Celebrities on the Pitch ⚽💥

⚔️July 01, 2026

AIFF FUTSAL CLUB CHAMPIONSHIP 2025-26 CHAMPIONS MIZORAM AIAWH TLANGNUAM FUTSAL CLUB

June 17, 2026 atanga Bhavnagar Indoor Stadium, Gujarat a khelh, AIFF Futsal Club Championship 2025-26 chu vawiin (June 28, 2026) tlai khan Final khelh a ni a, Mizoram aiawha khel Tlangnuam FC chuan Progressive SA (Gujarat FA) 9-5 a hnehin, a vawikhat nan Mizoram Club kan champion!

India rama Futsal Club intihsiakna sang bera champion kan nei hi Mizoram Football Association chuan lawmawm a tiin, kan lawmpui tak zet a. Tin, mimal lawmman 'Best Player' dawngtu Mizo tlangval Lalsawmpuia (Electric Veng), Progresive SA pawh kan lawmpui tak zet.

Issued by Information, Publicity & Documentation Committee, Mizoram Football Association

I KAWT KAIAH WORLD CUP BALL 'TRIONDA'

Adidas leh Mizoram Football Association chuan FIFA World Cup 2026 pualin "Adidas The Home of Football" chu July ni 1, 2026 chawhnu dar 2:00 ah, Rajiv Gandhi Stadium-ah buatsaih a ni dawn.
Mizo Footballer lar ISL leh IFL player te inkhel tur hi kal chhan tlak. World Cup official match ball "Trionda" i kawtkaiah a hmuh theih dawn bawk e.

Inkhel en turin Mizo mipuite kan sawm vek a che u.

The countdown begins. ⚽

Join us on 1 July 2026 for a special football celebration.

More details soon.

AIFF FUTSAL CLUB CHAMPIONSHIP 2025-26 FINAL-AH MIZORAM AIAWH TLANGNUAM FUTSAL CLUB

June 17, 2026 atanga Bhavnagar Indoor Stadium, Gujarat a khelh, AIFF Futsal Club Championship 2025-26-ah Mizoram aiawha tel Tlangnuam FC chuan, vawiin khan Champion lai Goal Hunterz (Delhi FA) chu Semi Final ah 10-4 in an hneh a, Final an lut!
Final hi July 28, 2026 (Sun) zan dar 6:00-ah khelh a ni dawn a, Progressive SA (Gujarat FA) an hmachhawn ang.

Champion nomawi chawi ngei turin duhsakna kan hlan e.

Issued by Information, Publicity & Documentation Committee, Mizoram Football Association

OPEN TRIAL FOR SUB JR. GIRLS
MIZORAM TEAM

1) Trial thei chin : January 1, 2013 leh December 31, 2014 inkara piangte tan

2) Trial hun : June 30, 2026 (Tue) | Lammual, Aizawl
Zing dar 9:00-ah Trial turte Lammual ah thlen vek tur

3) Digital Birth Certificate leh Aadhaar Card Original ken tur

4) Full Sports Dress (Shin pad, mawza sei ken tel tur)

5) Ei leh in mahni intum tur

6) Zawhfiah duh nei tan - 8131934027 / 9856561504

Issued by Information, Publicity & Documentation Committee, Mizoram Football Association,

MFA Elite Football Academy chuan 2026-27 atan Admission a hawng leh dawn a, Admission hi Trials kaltlang a tih tur a ni ang.

Trials hi June ni 27, 2026 (Inrinni) hian RG stadium, Mualpui ah neih tur a ni a, dar 9:30 ah registration tih tan a ni ang. A tel tur te chu hemi hma hian a hmun thleng hman vek tura beisei kan ni.

He Trial a tel thei tur chin te chu Jan ni 1, 2010 leh 31 Dec, 2013 inkar a piang an ni tur a ni a, a hmunah hian Digital Birth Certificate & Aadhar Card ken tur a ni. Players te hian tui in tur leh sports dress (ball boot & shin guard tel in) an rawn in ken tur a ni bawk. A hrechiang duh tan Phone No 9877398429 ah zawhfiah theih a ni.

MFA Elite Football Academy hi August 2025 atanga tan niin, 2026-27 Season hi July 2025 atangin Lammual ah zingkar a practice tan nghal tum a ni a, AFC Licensed Coach ten uluk takin an vil thin a ni.

-Issued by Information, Publicity & Documentation Committee, Mizoram Football Association-

Pa te Ni-ah hian pa zawng zawngte zahna chibai kan buk che u a. In inpekna, thawhrimna leh in hmangaihna avangin nun hi a hlu a.

Pathian malsawmna leh awmpuina lo chang zel turin duhsakna kan hlan a che u.

———

On this Father’s Day, we extend our heartfelt respect and greetings to all fathers. Your sacrifices, hard work, and love make life truly meaningful.

May God continue to bless you and be with you always.

🇾🇪YMA DAY CHIBAI🇾🇪

YMA Day vawi 91-na chibai kan buk a che u.

Mizoram Football Association Calendar for 2026-27