07/09/2026
പ്രിയപ്പെട്ട നടുഭാഗം കരക്കാരോടും പുന്നമട കരക്കാരോടും ഹൃദയത്തിൽ നിന്ന് ആദ്യം തന്നെ മാപ്പ് ചോദിക്കുന്നു.
കഴിഞ്ഞ രണ്ട് വർഷമായി നമ്മളോടൊപ്പം നിന്ന്, നമ്മളാൽ കഴിയുന്ന രീതിയിൽ നമ്മുടെ വള്ളത്തിനും ടീമിനും വേണ്ടി കൂടെ നിന്ന ഓരോരുത്തരുടെയും സ്നേഹത്തിനും പിന്തുണയ്ക്കും ഒരുപാട് നന്ദി. 100 ആയാലും 500 ആയാലും 1000 രൂപ ആയാലും, നിങ്ങളോരോരുത്തരും നൽകിയ ചെറിയ ചെറിയ സഹായങ്ങളാണ് ഈ യാത്രയ്ക്ക് ഇത്രയും വലിയ ശക്തിയായത്. ❤️
ഈ വർഷം കപ്പ് കൈവിട്ടുപോയത് വെറും കുറച്ച് മില്ലിസെക്കൻഡുകൾക്കാണ്. അതിന്റെ വേദന നമ്മളോരോരുത്തരും അനുഭവിച്ചു. മത്സരത്തിന് ശേഷമുണ്ടായ ചില കാര്യങ്ങൾക്ക് NCFCയുടെ ഫാൻ പേജിലൂടെ തന്നെ മറുപടി നൽകിയിട്ടുണ്ട്. അതുകൊണ്ട് അതിനെക്കുറിച്ച് കൂടുതൽ പറയുന്നില്ല.
ഈ വർഷം ആദ്യമായി രണ്ട് പെൺകുട്ടികൾ കൂടി നമ്മുടെ ഈ യാത്രയുടെ ഭാഗമായി. അവരുടെ ആത്മാർത്ഥമായ സ്നേഹവും വള്ളത്തോടുള്ള സമർപ്പണവും എല്ലാവരും തിരിച്ചറിഞ്ഞു.
ക്യാപ്റ്റൻ അനു ആൽബർട്ട് പുലിക്കാട്ടിലിനും, വൈസ് ക്യാപ്റ്റൻ അന്ന റോസ് ജിന്റോയ്ക്കും NCFCയുടെ ഹൃദയം നിറഞ്ഞ നന്ദി. അതോടൊപ്പം ആൽബർട്ട് പുലിക്കാട്ടിലും ജിന്റോ കണ്ടംകളവും നൽകിയ പിന്തുണയും സ്നേഹവും ഞങ്ങൾ ഒരിക്കലും മറക്കില്ല. ❤️
കളി കൈവിട്ടുപോയ ആ രാത്രി… വേദനയിലും നിരാശയിലും എല്ലാവരും നിൽക്കുമ്പോൾ, ആൽബർട്ടും ജിന്റോ യും അനുവും അന്നയും ക്യാമ്പിലെത്തി, തകർന്നുനിന്ന കുട്ടികളെ ചേർത്തുപിടിച്ച് ആത്മവിശ്വാസം നൽകുകയും ചെയ്ത ആ കാഴ്ച ഇന്നും ഞങ്ങളുടെ കണ്ണിലുണ്ട്. വളരെ വികാരഭരിതമായ ഒരു നിമിഷമായിരുന്നു അത്.
ഇവരാണ് യഥാർത്ഥ ക്യാപ്റ്റന്മാർ. ജയിക്കുമ്പോൾ ടീമിനൊപ്പം നിൽക്കുന്നത് എളുപ്പമാണ്. പക്ഷേ തോൽവിയുടെ സമയത്ത് ടീമിനൊപ്പം നിന്ന്, അവരുടെ അധ്വാനത്തെ അംഗീകരിച്ച്, ചേർത്തുപിടിച്ച് ആത്മവിശ്വാസം നൽകുന്നവരാണ് യഥാർത്ഥ ക്യാപ്റ്റന്മാർ. ❤️
അന്നത്തെ ദിവസം പല തിരക്കുകളും മാറ്റിവെച്ച് ഞങ്ങളോടൊപ്പം എത്തിയ ഏഞ്ചലോ അച്ചായനോടും, അനുവിന്റെ പിതാവിനോടും ഹൃദയം നിറഞ്ഞ നന്ദി. 🙏
NCFCയുടെ ഭാഗമായി ഈ യാത്രയിലുടനീളം ഏകദേശം മുപ്പത്തഞ്ച് ദിവസത്തോളം ടീമിനൊപ്പം നിന്ന് എല്ലാ കാര്യങ്ങളിലും കൂടെ നിന്ന ഡിജോയ്ക്കും ജിയോയ്ക്കും ഹൃദയം നിറഞ്ഞ നന്ദി. നിങ്ങളുടെ പിന്തുണയും സ്നേഹവും ഈ യാത്രയുടെ വലിയൊരു ഭാഗമായിരുന്നു. ❤️
കൂടാതെ കൂടെ കട്ടക്ക് നിന്ന എല്ലാ ടീം അംഗങ്ങളോടും, പ്രിയ തുഴച്ചിൽ താരങ്ങൾ, പങ്കായക്കാർ, താളക്കാർ എല്ലാവരോടും ഉള്ള സ്നേഹം അറിയിക്കുന്നു, കൂടാതെ ടീമിന്റെ എല്ലാ കാര്യത്തിനും കൂടെ നിന്നു സഹകരിച്ചു നല്ല ടീം കോർഡിനേഷൻ ചെയ്ത ആൽബിനോടുള്ള സ്നേഹവും നന്ദിയും അറിയിക്കുന്നു.❤️
അതുപോലെ തന്നെ ടീമിനായി ആത്മാർത്ഥമായി അധ്വാനിച്ച കോച്ചുമാരായ പിജൂഷ് സാറിനും ലതീഷ് സാറിനും പ്രത്യേക സ്നേഹവും നന്ദിയും❤️ 🙏
ഞങ്ങളുടെ വള്ളം നെഹ്‌റു ട്രോഫിക്കായി ഏറ്റവും നന്നായി ഒരുക്കി തന്ന ബിനോയ്‌ ചേട്ടൻ & ടീം നോടുള്ള സ്നേഹം അറിയിക്കുന്നു ❤️
പുന്നമട ബോട്ട് ക്ലബ്ബിന്റെ രക്ഷാധികാരിയായ തങ്കച്ചായനോടും ഞങ്ങളുടെ പ്രത്യേക നന്ദിയും സ്നേഹവും അറിയിക്കുന്നു. ഈ യാത്രയിലുടനീളം നൽകിയ പിന്തുണയും കരുതലും ഞങ്ങൾ ഒരിക്കലും മറക്കില്ല. ❤️🙏
അതോടൊപ്പം പുന്നമട ബോട്ട് ക്ലബ്ബിന്റെ പ്രസിഡന്റ് പ്രെറ്റി ചേട്ടനും, സെക്രട്ടറി ഷിബു ചേട്ടനും, കെവിൻ, ജിജോയ്ക്കും ടീമിനൊപ്പം നിന്ന് നൽകിയ എല്ലാ പിന്തുണയ്ക്കും സ്നേഹത്തിനും ഹൃദയം നിറഞ്ഞ നന്ദി. ❤️
ഞങ്ങളുടെ ഈ യാത്രക്ക് ഒഫീഷ്യൽ സ്പോൺസർസ് ആയിരുന്ന RSW Group നും , NAVIO കമ്പിനികളോടുള്ള നിസ്സിമമായ നന്ദിയും സ്നേഹവും അറിയിക്കുന്നു കേരളത്തിന്റെ തനതു കായിക രംഗതിനു നിങ്ങളുടെ സംഭാവന വളരെ വിലപ്പെട്ടതാണ് 🙏
അതുപോലെ ഞങ്ങളെ വിശ്വസിച്ചു വള്ളം കളിക്കുവാൻ തന്ന NBC യുടെ എല്ലാ അംഗങ്ങളെയും നന്ദിയോടെ ഓർക്കുന്നു,❤️ നാട്ടിൽ കപ്പ് എത്തിക്കുവാൻ നമ്മുക്ക് കഴിഞ്ഞില്ല എങ്കിലും നമ്മുടെ വള്ളം തല ഉയർത്തി തന്നെ ആണ് പുന്നമടയിൽ നിന്നും തിരിച്ചെത്തിയത് എന്ന തല മുതിർന്ന നിങ്ങൾ ഓരോരുത്തരുടെ ആശ്വസിപ്പിക്കൽ ഞങ്ങൾക്ക് മുന്നോട്ടു പോകുവാനുള്ള ശക്തി തന്നെ ആണ് 💪
ഇവർക്കൊപ്പം ഈ യാത്രയിൽ ഞങ്ങളെ സഹായിച്ച മറ്റാരുടെയെങ്കിലും പേര് അറിയാതെ വിട്ടുപോയിട്ടുണ്ടെങ്കിൽ ഹൃദയപൂർവം മാപ്പ് ചോദിക്കുന്നു. ❤️🙏
കുറച്ച് മില്ലിസെക്കൻഡുകൾ കൊണ്ട് കപ്പ് നഷ്ടപ്പെട്ടതുകൊണ്ട് നമ്മുടെ സ്വപ്നം അവസാനിച്ചിട്ടില്ല.
നമ്മൾ തിരിച്ചു വരും. കൂടുതൽ ശക്തിയായി. കൂടുതൽ ഒരുമയോടെ.
🏆 കപ്പ് തിരിച്ചെടുക്കാനുള്ള പോരാട്ടം ഇവിടെ അവസാനിക്കുന്നില്ല. NCFCയുടെ ചുണക്കുട്ടിക്കൾ പോരാടിക്കൊണ്ടിരിക്കും. 🔥കപ്പ് തിരിച്ചെടുക്കുക തന്നെ ചെയ്യും. ❤️🏆
വള്ളം കളിയോടുള്ള ഈ സ്നേഹവും കൂട്ടായ്മയും എന്നും നിലനിൽക്കട്ടെ. ❤️
അതേസമയം, മറ്റ് എല്ലാ ഫാൻസ് ക്ലബ്ബുകളെയും അവരുടെ വള്ളങ്ങളോടുള്ള സ്നേഹത്തെയും ആത്മാർത്ഥതയെയും ഞങ്ങൾ എന്നും ബഹുമാനിക്കുന്നു. ഓരോരുത്തരും അവരുടെ വള്ളത്തിനായി ചെയ്യുന്ന പ്രയത്നം അഭിനന്ദനാർഹമാണ്. ❤️
സ്നേഹത്തോടെ NCFC
