10/08/2026
பிறந்தநாளை முன்னிட்டு அடுக்கடுக்காய் 5 கட்டளைகள்,
அவனின் பிஞ்சு மொழியில்
கொஞ்சம் அன்பாய்...
கொஞ்சம் அதட்டலாய்...
ஒவ்வொன்றையும் நிறைவேற்ற எனக்கு
கொஞ்சம் கூடுதல் பொறுப்புகள்...
முதலிரண்டு சுலபமாய்
முடிய...
மூன்றாம் கட்டளை...
"தூரப் பயணத்தில்
வளைந்து நெளிந்த
மலைப் பாதைகளில் செல்ல
வேண்டுமாம் "
அவன் தினந்தோறும்
வீட்டிலிருந்து ரசிக்கும்
ஒரு மலையை
அருகில் காண வேண்டுமாம் "
இதுவே நான்காம் கட்டளை...
அதை அருகில் கண்டதும்... ஆனந்தத்தில் கவிதைகளாய்
அவன் செயல்கள்... பேரானந்தம் அவனுக்குள்ளே...
ஒரு தந்தையாய்
அவனாசை நிறைவேற்றிய மனநிம்மதி எனக்குள்ளே...
ஒருவழியாய் அவனோடு... அவனுக்காக... அவன்தாள் பணிந்து
பிறந்தநாளை சிறந்தநாளாய்
தந்திட்ட இன்பம் மனதிற்கு...
5ம் கட்டளை சுலபமாய்
முடிய...
சுற்றிய களைப்பில்
இப்போது
ஆழ்ந்து உறக்கத்தில்
என்னவளும்... என்னவனும்...
ஒரு தந்தையாய்
இன்னும்
பொறுப்பு கூடுகிறது எனக்கு...
-தமிழ் சங்கர்
16/07/2026