Prativa Yoga World

18/10/2026

🙏

18/10/2026

🙏ৱাস্তৱ : এটি অনুভৱ🙏

আজি দুৰ্গোৎসৱৰ ষষ্ঠী । ঘৰৰ সন্মুখৰ বেলজোপাত বেল বোধন পূজা কৰিবলৈ ঢাক-ঢোল-তাল বজায় সমদল আহি থকা কাণত পৰিল ।

 পুণৰ এটি শাৰদীয় উৎসৱমুখৰ বৰ্ষ শেতা-সেমেকা বৰ্ষ হিচাপে পাৰ হ'ব । জীৱনৰ দুকুৰি বৰ্ষৰ জন্মৰ পিছৰ প্ৰথম দুই তিনিতা বৰ্ষহে চাগে তাইৰ একো পোৱা নোপোৱাৰ অনুভৱ নোহোৱাকৈ পাৰ হৈছে । তাই আগৰ জন্মত কি পাপ কৰিছিল যাৰ বাবে তাইৰ এই বৰ্তমান জীৱনত ৰামধেনুৰ এটা ৰঙো ইশ্বৰে সমাহিত নকৰিলে তাই আজিও নুবুজিলে অথবা বুজিও অবুজন হৈ নিজক অনুভৱ কৰি থাকিব বিচাৰিলে । 

জীৱন সংগ্ৰাম মানে কি তাই জন্মৰ তিনিবছৰ মানৰ পৰা বুজিব পাৰিছিল। তেতিয়া বহু কুমলীয়া অৱস্থা । এনেকুৱাওটো নাছিল যে তাহাতৰ ঘৰখনত তাইক অলপ সা-সুবিধা দিব পৰাকৈ অভাৱ-অনাটন আছিল! দেউতাকৰ চৰকাৰী চাকৰি এসোপামান ভাড়াঘৰৰ আয় । ভালেইতো চলিছিল পৰিয়ালটো । অৱশ্যে ঘৰখনত নাছিল তাইৰ প্ৰতি সদিচ্ছা ,অলপ মৰম । মৰম ,আত্মীয়তাৰ অভাৱত এগৰাকী ব্যক্তি সি লাগিলে পুৰুষেই হওঁক বা মহিলাই হওঁক মানসিক ভাৱে কেতিয়াবা দূৰ্বল হয় কেতিয়াবা খুব শক্তিশালী হৈ পৰে ।
তাইৰ মন পূৰ্বৰ উৎসৱৰ দিনবোৰলৈ উৰা মাৰিলে। পিতৃ-মাতৃৰ ঔৰষত ভুলক্ৰমে ভূমিস্থ হোৱা তাই ৯ নম্বৰ সন্তান । তাইৰ জন্মৰ সময়ত আটাইতকৈ ডাঙৰ বায়েক আৰু ডাঙৰ নবৌয়েক পাচঁ-ছয় মাহৰ গৰ্ভৱতী আছিল । যিহেতু ডাঙৰ বায়েকক বিয়াৰ পিছতো ঘৰতেই ৰাখিছিল গতিকে মাক আৰু শাহুও সিহঁতৰ আগত গৰ্ভৱতী হোৱা সিহঁতৰ সহ্যৰ বাহিৰত আছিল । সেই সময়ছোৱাই এনেকুৱা আছিল এপাল সন্তানৰ ঘৰ নহ'লে যেন কাৰো ভাল নালাগিছিল । অৱশ্যে গৰ্ভত শেষ কৰাৰ চেষ্টা নকৰাকৈ থকা নাছিল কিন্তু তাইৰো কপাল মা কামাখ্যাই লিখাই থৈছিল গতিকে ৰাখে হৰি মাৰে কোনে । তাই ভালে কুশলে কোনোধৰণৰ অংগখুত নথকাকৈ নীলাচল পাহাৰৰ বিপৰীতে থকা পাহাৰৰ তলীত থকা সিহঁতৰ ঘৰত জন্ম পালে । কিন্তু জন্মমূহূৰ্তৰ পৰাই যেন অৱহেলিত ,অনাদৃত, অনাহুত এটি জীৱ হিচাপেই দুকুৰি পাৰ কৰিও ৰৈ গ'ল । সকলোতকৈ বেছি তাইৰ মনত দুখৰ দাগ বহিছিল যেতিয়া বিহু-পূজাত তাইৰ সমনীয়া ভাগিন-ভতিজা বোৰৰ মাকে তাইৰ মাক আৰু বাকী থকা বায়েক কেইজনীক ভালৰ ভাল দামী ৰেডিমেড কাপোৰবোৰ আনি দেখুৱাই ফুটনি মাৰিছিল । তাইক বায়েকে ঘৰত চিলায় কৰি কাপোৰ পিন্ধায়ছিল । পূজা-বিহুত একেলগে ফুৰিব ওলালেও তাই সদায় ভীৰৰ মাজত অকলশৰীয়া অনুভৱৰ পৰা বাহিৰ ওলাব নোৱাৰিছিল । সৰুৰে পৰা কাকো একো নিবিচৰাকৈয়ে তাইৰ দিন-মাহ-বছৰবোৰ শেষ হৈ এতিয়া জীৱনৰ বিয়লি বেলাতো সেই নিসংগ জীৱনৰ মাদকতা ৰৈ গ'ল ।

ঘৰৰ পৰা বিয়া-বাৰুও দিলে মানুহজনো সময়ৰ বহু আগত ফুটা কড়ি এটাও নৰখাকৈ তিনিবছৰীয়া সন্তান এটি কোলাত দি ইহলীলা সম্বৰণ কৰি গুছি গৈছিল । স্বামীগৃহৰ অত্যাচাৰত দিক্‌বিদিক্‌ হেৰুৱাই পুণৰ পিতৃগৃহত আশ্ৰয় লৈছিল । এই আশ্ৰয়ো সহজ নাছিল । ককায়েক-নবৌয়েক-ভতিজা বোৰৰ লগত যুদ্ধ লাগি আজিও নিজৰ লগতে একমাত্ৰ সন্তানৰ বাবে জীৱনৰ নিৰাপত্তাৰ বাবে একেৰাহে যুঁজ দি যাব লগা হৈছে । আজিও নিয়তিৰ পৰিহাস চাব যি কষ্ট মাকে পায়ছিল সেই একে কষ্ট একমাত্ৰ পুত্ৰয়ো পাই আছে । একেখনই ঘৰ য'ত তাক মাকৰ বাদে মৰমৰ মাত এষাৰ দিয়া মানুহ এজন নাই। হয় ইচ্ছা কৰিলে তাই সন্তানক লৈ হয়তো ভাড়াঘৰ লৈ সুখত থাকিব পাৰিলে হয় । কিন্তু পিতৃ-মাতৃৰ মৃত্যুৰ পিছত নিজৰ ঘৰখনত তেজ-মঙহৰ সম্পৰ্কীয়বোৰে যেতিয়া ঘৰৰ পৰা তাইৰ বস্তু-বাহানি চোতালত দলিয়াইছিল সেই মূহূৰ্তত তাই শপত লৈছিল জন্মঘৰ এৰি নিদিও । পুণৰ তাই মন শক্তিশালী কৰি বস্তুবোৰ ঘৰত সোমায়ছিল । আজি ১০ বছৰতো পৰিয়ালৰ কাৰো তাইৰ আৰু সন্তানটিৰ প্ৰতিও কিঞ্চিৎ অনুকম্পা জন্মা নাছিল । তাইৰ অন্তৰৰ গভীৰ কোণৰ পৰা এটি দীঘল হুমূনীয়াহ ওলায় আহিল । সময়ৰ ওপৰত সকলো এৰি তাই আগৰ দৰেই জীৱনত কৰ্মক সংগী কৰি লৈ আগবাঢ়ি থাকিব বুলি পুণৰ এই শাৰদীয় ষষ্ঠীত ঢাকৰ তালত মা দূৰ্গা'ক আৱাহন কৰিলে।

প্ৰতিভা টেৰণপী । 🙏

05/10/2026

দিয়া-লোৱা , প্ৰশ্ন-উত্তৰ চলি থাকিব । কাম হ'লে অসমত ছাত্ৰৰ বাবে একো নহ'ব । স্কুল,কলেজ বিশ্ববিদ্যালয়ত যিটো হাৰত মাচুল বৃদ্ধি হৈ আছে সেইবোৰৰ গুৰিবোৰ খাণ্ডক । অনাহকত কৈ থকা কথাবোৰ শুনি থাকিবৰ সময় আমাৰ নাই । বৰ্তমানৰ কলে বিশ্ববিদ্যালয়ৰ হৈ যোৱা ছাত্ৰ একতা সভা নিৰ্বাচনত জয়ী হৈ অহা সমূহ ছাত্ৰসমাজলৈ অনুৰোধ অলপ মন দিবা নিজৰ শিক্ষানুষ্ঠান খনৰ কাম-কাজৰ উন্নিতকৰণত । এই সমূহত যে অকল ছাত্ৰসমাজেই উৎপীড়িত হয় তেনেকুৱাও নহয় বহব ক্ষেত্ৰত তাত কৰ্মৰত তলতীয়া বহু কৰ্মচাৰীও শোষিত হয় । মন দিলে অলপ যদি পৰিৱৰ্তন আহে কিনো বেয়া

04/08/2026

মাননীয়
গুৱাহাটী পৌৰ নিগমৰ হৰ্তা-কৰ্তা বিধাতা সকলোলৈ মোৰ এটি কৰ্‌যোৰ অনুৰোধ আপোনালোকে যেতিয়া জাৱৰৰ দম বোৰ ডাম্পাৰ বোৰত ৰাষ্টাৰে নিয়ে কাবৌ কৰিছো সমগ্ৰ জাৱৰ বোৰ ট্ৰিপাল বা ডাঙৰ প্লাষ্টিকেৰে ঢাকি লৈ যাওঁক । সেই ট্ৰাকৰ পিছে পিছে গৈ থকা অন্যান্য দুচকীয়া বাহনবাহী সকলৰ উশাহ বন্ধ হৈ বমি হোৱাৰ উপক্ৰম হয় । প্ৰায়ে এনেকুৱা হয় যে জাৱৰ বোৰ জেগাত গৈ পোৱাৰ আগতেই আধা বাটতেই পৰি পৰি গৈ শেষ হয় । ইয়াৰ ফলত বাট-পথ পুণৰ লেতেৰা হয় । বহু বাৰ এই বিষয়ে লিখিছো দুদিনমান ঢাকি নিয়ে ঠিকেই কিন্তু আকৌ একেই পৰিস্থিতি । অলপটো নাগৰিকৰ স্বাস্থ্য'ৰ প্ৰতিও সজাগ হওঁক । জাৱৰ উঠোৱাৰ পৰা নমোৱালৈ পদ্ধতিটো সঠিক ভাবে কৰক । কাৰণ সেইবোৰৰ বাবেও নাগৰিকে কৰ্‌ দি আছে । জনসাধাৰণৰ কষ্টৰ ধনৰ মূল্য ৰাখিব বুলি আশা ৰাখিছো । ধন্যবাদ

প্ৰতিভা টেৰণ । গুৱাহাটী ।

26/06/2026

Join us

06/06/2026

*জনজাতীয় হাইস্কুল*

গুৱাহাটী মহানগৰৰ মাজমজিয়া উলুবাৰী স্থিত এইখন এখন জনজাতীয় সমাজকৰ্মী সকলৰ দ্বাৰা জনজাতি লোকসকলৰ শিক্ষাৰ প্ৰয়োজনীয়তা প্ৰতি লক্ষ্য ৰাখি ১৯৬৫তেই গঠণ কৰা এখন বিদ্যালয় । এইখন বিদ্যালয় গঢ় দিওঁতা বহু সমাজকৰ্মী আজি জীৱিত নাই । যিসকল লোকে এইখনৰ জন্মবৃত্তান্ত জানে তেওঁলোক কিধৰণে বিদ্যালয়খন কষ্ট কৰি ঠণ ধৰায়ছিল জানিব পৰা যায় । বিদ্যালয়খনৰ জন্মদাতা বহুতৰে নাম নাজানো যদিও আমাৰ পিতৃ ৺ ৰতিকান্ত টেৰণ আৰু ঁ লতিশ ৰাভাদেৱ ওতঃপ্ৰোত ভাৱে লাগি থকা বুলি আমি জানিছিলো । বৰ্তমান ৬১ বছৰ অতিক্ৰম কৰা বিদ্যালয়খনৰ দূৰৱস্থা দেখি চকুৰ পানী ওলায় , দুখ লাগে । বিদ্যালয়খনে সকলো চৰকাৰী নিয়ম-নীতিসমূহ পালন কৰিব লগা হয় কিন্তু চৰকাৰী সকলো সা-সুবিধাৰ পৰা লজ্জাজনক ভাৱে বঞ্চিত । ইমান পুৰণি এখন স্কুল তাকো জনজাতিৰ বাবে গঠিত জনজাতীয় হাইস্কুল কিন্তু সকলো ফালৰ পৰাই বঞ্চিত । বৰ্তমান স্কুল পৰিসৰত বিভিন্ন লোকে অবৈধভাৱে দখল লোৱাও আৰম্ভ কৰিছে । কিছুদিন আগত স্কুলৰ মাটি দখল ল'বলৈ অহা এদল ৰাজনৈতিক লোকৰ সৈতে স্কুলৰ শিক্ষক-শিক্ষয়ত্ৰীৰ সৈতে ছাত্ৰ-ছাত্ৰীয়েও যুঁজ দিব লগা পৰিস্থিতিৰ উদ্ভৱ হৈছিল । আৰম্ভণিৰে পৰা স্বেচ্ছাই শিক্ষাদান কৰি অহা বহু নমস্য শিক্ষক-শিক্ষয়ত্ৰী বিনা বেতনে অৱসৰো ল'লে । তেওঁলোকে একমাত্ৰ স্কুলখন বচায় ৰখাৰ স্বাৰ্থত নিজৰ জীৱনৰ অমূল্য সময় স্কুলখনক দি গৈছে । বৰ্তমান স্কুলখনৰ প্ৰধান শিক্ষক গৰাকীয়ে তেখেতৰ ব্যক্তিগত সাধ্যানুসাৰে যিমান পাৰে স্কুলখন চলায় লৈ গৈ আছে । কিন্তু তেখেতো অহা বছৰলৈ অৱসৰ ল'ব তেতিয়া কি হ'ব এইখন শিক্ষানুষ্ঠানৰ ভাবিয়ে ভয় লাগিছে । বিশেষকৈ ছাত্ৰ-ছাত্ৰীৰ অৱস্থা পানীত হাঁহ নচৰা হ'ব সেয়া ধূৰূপ । বহু কথা চিন্তা কৰি বৰ্তমানৰ পুণৰ শিক্ষামন্ত্ৰীৰ দায়িত্বত অহা মাননীয় শিক্ষামন্ত্ৰী ড° ৰণোজ পেগু ডাঙৰীয়াৰ জ্ঞাতাৰ্থে জনাব বিচাৰো উক্ত বিদ্যালয়খনৰ প্ৰতি সামান্য গুৰুত্ব যদি দিয়ে এইখনো এখন জাকতজিলিকা জনজাতি হাইস্কুল আমাৰ জনজাতি মানুহখিনিয়ে পাব । লাগে মাথো সদিচ্ছা 🙏

04/11/2025

শ্ৰদ্ধাঞ্জলি ৰতিকান্ত টেৰণদেৱলৈ
জীৱন-পঞ্জী

জন্মস্থান : পামহী ,গুৱাহাটী।

জন্ম চন : ২৫ আগষ্ট ১৯৩৩ চন , দেওবাৰ ।

গোত্ৰ - টেৰণ মিলিক ।

পিতৃ : নাডু টেৰণ

মাতৃ : নৰ্মেবালা ইংতিপী ।

ককাইদেউ : আনন্দ টেৰণ ।
ভাতৃ : বটিৰাম টেৰণ , মায়াৰাম টেৰণ ।

বাইদেউ : সবে টেৰণপী ।
ভগ্নী : সুন্দৰী টেৰণপী ।

শিক্ষা : ১৯৪০ চনত ছয়বছৰ বয়সত মইনাখোৰোং এল'পি স্কুলৰ পৰা ১৯৪৭ চনত আজাৰা এম'ই স্কুল শেষ কৰি চম্পাৱতী হাইস্কুলতো শিক্ষা লয় । শিক্ষকতা কৰি থকা অৱস্থাত হাইস্কুল শিক্ষান্ত পৰীক্ষাত উত্তীৰ্ণ হয় । শিক্ষকতা কৰি থকা সময়ত ১৯৯০-৯১ চনত ৰঙিয়াত শিক্ষক প্ৰশিক্ষণতো অংশ লয় ।

বিবাহ : ৫ মাৰ্চ ১৯৫৬ চন ,বুধবাৰ ।
পত্নী : স্বৰ্গীয়া ধনেশ্বৰী মুৰাৰী ইংতিপী ।

সন্তান : ৯ টা । বিমলা, সুমন্ত, জয়াৰাণী ,ঁবিজয়া, ঁপ্ৰফুল্ল, বসন্ত, কুঞ্জলতা , ঁঅমৰেন্দ্ৰ আৰু প্ৰতিভা ।

কৰ্মস্থলী : গোপীনাথ নগৰ প্ৰাথমিক বিদ্যালয়ৰ(বিৰুবাৰী) পৰা প্ৰধান শিক্ষক হিচাপে অৱসৰ গ্ৰহণ ।

অৱসৰ : ১৯৯৭ চন ।

সামাজিক কৰ্মস্থলী :
১। অসম ভৈয়াম কাৰ্‌বি আদৰবাৰৰ প্ৰতিষ্ঠাপক সম্পাদক , প্ৰাক্তন উপ-সভাপতি তথা প্ৰাক্তন সভাপতি ।
২। ১৯৫২ চনৰ পৰা ট্ৰাইবেল লীগ বৰ্তমান সদৌ অসম ট্ৰাইবেল সংঘৰ কাৰ্যালয় সহায়ক, যুটীয়া সম্পাদক, সাধাৰণ সম্পাদক আৰু উপ-সভাপতিৰ পদত কাৰ্যনিৰ্বাহ কৰিছিল ।
৩। সদৌ অসম পাৰ্বত্য জনজাতি পৰিষদৰ প্ৰতিষ্ঠাপক সভাপতি ।
৪। জনজাতি স্মৃতি জাগৰণ সমিতি , অসম প্ৰতিষ্ঠাপক সভাপতি ।
৫। নাগৰিক ঐক্য মঞ্চ , বৃহত্তৰ দক্ষিণ-পশ্চিম গুৱাহাটী প্ৰতিস্থাপক উপদেষ্টা।
৬। কাৰ্বি ভাষা শিক্ষাৰ হেতু থলুৱা কাৰ্বি জাতি এলেকাধীন স্কুল সমূহত পোণপ্ৰথমবাৰৰ বাবে কাৰ্‌বি "ভাষা শিক্ষক" নিযুক্তি দিয়া হৈছিল ।
৭। কাৰ্বি বাংথে আচেম্‌ , কাৰ্বি কৰ্মচাৰী পৰিষদ, জননেতা ভীমবৰ দেউৰী'ৰ মৃত্যুবাৰ্ষিকীৰ লগত সংগতি ৰাখি জনজাতি স্মৃতি জাগৰণ সমিটি গঠণত উদ্যোগ লওঁতা ।
৮। তেখেত আমবাৰী অঞ্চলত বন্ধু-বৰ্গৰ সৈতে ওতঃপ্ৰোত ভাৱে জড়িত হৈ আমবাৰী সমবায় ভাণ্ডাৰ , আমবাৰী সাৰ্বজনীন বিহু , দূৰ্গা মন্দিৰ , আমবাৰী শিক্ষানুষ্ঠান সমূহ( আমবাৰী নৱযুগ প্ৰাথমিক বিদ্যালয় , আমবাৰী হাইস্কুল , ৰাধা গোবিন্দ বৰুৱা কলেজ , বি এড কলেজ), জনজাতি শ্মশান , ৰেনেচা ক্লাৱ , ৰংপথাৰ আদি অনুষ্ঠান সমূহৰ গঢ় দিওঁতা আছিল ।
৯। তেখেতৰ দূৰদৃষ্টিৰ বলত আমবাৰী বাসগৃহস্থিত তেখেতৰ টিলাটোত সমগ্ৰ অসমৰ পৰা গুৱাহাটীলৈ পঢ়িবলৈ বা কৰ্মসংস্থান বিচাৰি অহা দুখীয়া পৰিয়ালৰ যুৱক সকলৰ বাবে কম খৰচৰ ভাড়াঘৰৰ ব্যৱস্থাও পৰিবাৰৰ সৈতে মিলি তৈয়াৰ কৰিছিল । আজিও তেখেতৰ ভাড়াঘৰত থাকি নিজৰ জীৱন গঢ়া সেই যুৱক সকল বৃদ্ধ হ'লেও বিচাৰি আহে " টেৰণ ভৱন"ক।
১০। গুৱাহাটী ট্ৰাইবেল ইণ্ডাষ্ট্ৰীয়েল কোঃ অঃ ছ'চাইটি লিমিটেডৰ গুৰিধৰোতা ।

সৃষ্টি : কাৰ্বি ভাষাৰ উন্নতিৰ কথা চিন্তা কৰি তেঁও দুখন কিতাপ লিখিছিল : কাৰ্বি ওৱাৰ্ড বুক আৰু কাৰ্বি ব্যাকৰণ শিক্ষা । তাৰোপৰি বিভিন্ন সময়ত তেখেতৰ লিখা লিখনি বিভিন্ন অসমীয়া বাতৰি কাকত, আলোচনী সমূহত প্ৰকাশিত হৈছিল ।

ঠিকনা : প্ৰায় ১৯৫০ চনৰ পৰা স্থায়ী ঠিকনা । দীলিপ হুজুৰি পথ, ফটাশিল আমবাৰী , ঘৰ নং ১৭৩ ,গুৱাহাটী - ২৫ ।

ইহলীলা সম্বৰণ : ৪ নৱেম্বৰ ২০১১ চন, শুক্ৰবাৰ (১৬ কাতি ) নিশা ৮.১৭ বজাত ,৭৮ বছৰ বয়স।

বিঃদ্ৰঃ : সংগ্ৰহিত তথ্যৰে লিখা লেখন । ভুল-ক্ৰূটি থাকিলে আঙুলিয়াই দিব বুলি অনুৰোধ জনালো। 🙏
প্ৰতিভা টেৰণপী

01/05/2025

28/02/2024

This is my Dream Book .
Tital - Yog darsan
Biswa Cintadhara parivartsnar ati Marg .
Language - Assamese .
Cont. No 7576811676 .
🙏🙏🙏🙏🙏🙏
Interested people contact me directly . Thank you
Prativa Teron
Yoga Therapist .

06/02/2024

আকাশবাণী , গুৱাহাটী কেন্দ্ৰৰ নিমন্ত্ৰনত আজি মহিলাৰ অনুষ্ঠান "আইদেউৰ বুলনিৰ"ৰ বাবে " যোগৰ দ্বাৰা মহিলাৰ শাৰিৰীক-মানসিক বিকাশ " সম্পৰ্কীয় সাক্ষাৎকাৰ ৰেকৰ্ড কৰা হ'ল। উক্ত অনুষ্ঠান ১৪ ফেব্ৰুৱাৰীত অসমৰ ৰাইজে শুনিবলৈ পাব বুলি আশা ৰাখিলো । মোক নিমন্ত্ৰন দিয়াৰ বাবে পৰিণীতা বাইদেউ আৰু জোনালী বাউদেউ লৈ অশেষ ধন্যবাদ জনালো 🙏🙏🙏
Today an interview is taken at All India Redio ,Guwahati . sub:Yoga for woman