04/10/2026
ഏഷ്യൻ രാജ്യങ്ങളുടെ ഒളിമ്പിക്സിന് ഏഷ്യൻ ഗെയിംസ് എന്ന പേര് നൽകിയത് പണ്ഡിറ്റ് ജവഹർലാൽ നെഹ്റുവാണ്. ഏഷ്യയിലെ ഏറ്റവും വലിയ കായിക മാമാങ്കത്തിന്റെ ആദ്യ പതിപ്പ് മുപ്പതിനായിരത്തോളം കാണികളെ സാക്ഷികളാക്കി നിർത്തി 1951 മാർച്ച് 4ന് സ്വതന്ത്ര ഇന്ത്യയുടെ ആദ്യ പ്രസിഡന്റ് Dr. രാജേന്ദ്രപ്രസാദ് ഡൽഹിയിൽ ഉദ്ഘാടനം ചെയ്തു. അവിടുന്നിങ്ങോട്ട് കൃത്യം നാല് കൊല്ലത്തിന്റെ ഇടവേളകളിൽ മുടക്കമില്ലാതെ ഏഷ്യൻ ഗെയിംസ് തുടർന്നു.
2026ലെ ഐച്ചി- നഗോയ ഏഷ്യൻ ഗെയിംസിന് തിരശ്ശീല വീഴുകയാണ്. 2022ലെ ഹാങ്ചൗ ഏഷ്യൻ ഗെയിംസിനെ അപേക്ഷിച്ച് മെഡലുകളുടെ എണ്ണത്തിൽ കുറവുണ്ടായി എങ്കിലും, നാലാം സ്ഥാനം നിലനിർത്താൻ ഇന്ത്യക്ക് കഴിഞ്ഞിട്ടുണ്ട്. രാജ്യത്തിന് വേണ്ടി ഒൻപത് മലയാളികൾ മെഡലുകൾ നേടി. ക്രിക്കറ്റിൽ ഇന്ത്യക്ക് സുവർണ നേട്ടം സമ്മാനിച്ച സഞ്ജു സാംസൺ, ഷൂട്ടിങ്ങിൽ ഇരട്ട വെള്ളിയുമായി വിദർശ കെ.വിനോദ്, ലോങ് ജമ്പിൽ ശ്രീശങ്കറും ആൻസിയും റിലേയിൽ ടി.എസ് മനു, സെയ്‌ലിങ്ങിൽ പ്രിൻസ് നോബിളും മനു ഫ്രാൻസിസും, ബാഡ്മിന്റണിൽ എംആർ അർജുനും എച്ച്എസ് പ്രണോയിയും ഇന്ത്യക്കായി മെഡലുകൾ നേടി.
പരിമിതികളെയും പ്രതിസന്ധികളെയും നിശ്ചയദാർഢ്യം കൊണ്ട് മറികടന്ന് അന്താരാഷ്ട്ര വേദികളിൽ വിജയഗാഥ രചിക്കുന്ന നമ്മുടെ യുവതലമുറ നാടിന് വലിയ ഊർജ്ജമാണ്. രാജ്യത്തിന്റേയും കേരളത്തിന്റേയും അഭിമാനമുയർത്തിയ നമ്മുടെ എല്ലാ പ്രിയ കായികതാരങ്ങൾക്കും ഹൃദയം നിറഞ്ഞ അഭിനന്ദനങ്ങളും തുടർവിജയങ്ങളും നേരുന്നു.
