Veda samskruti

20/10/2026

When a man is free from the clutches of the ego and its desires, in whatever
field of activity he may be engaged, karma cannot bind him.

- Swami Ramdas

ૐ _/\_ ૐ _/\_ ૐ _/\_ ૐ _/\_ ૐ

20/10/2026

శివయోగసాధన - 1

పంచాక్షరీ రహస్యం (1)

నమశ్శివాయ అనే ఐదు అక్షరాలు కల మహామంత్రం పంచాక్షరి. తనను మననం చేసేవారికి సకల విఘ్నాలను, బాధలను తొలగించి, ఆత్మానందాన్ని, అమరత్వాన్ని ఇచ్చేది మంత్రము. సప్తకోటి మంత్రాల్లో పంచాక్షరి ఉత్తమమైనది. యజుర్వేదంలో ఏడు స్కందాలు ఉన్నాయి. మధ్యస్కందంలోని మధ్యలో రుద్రాధ్యాయం ఉంది. ఈ రుద్రాధ్యాయంలో 1,000 రుద్రమంత్రాలున్నాయి. నమశ్శివాయ లేదా శివపంచాక్షరి మంత్రం ఈ వేయి రుద్రమంత్రాల మధ్యలో అలరారుతోంది.

యజుర్వేదం వేదపురుషుడైన పరమేశ్వరిని తల. దాని మధ్యలో ఉన్న రుద్రం ఆయన ముఖము, పంచాక్షరి ఆయన కన్ను, నమశ్శివాయ మధ్యలో ఉన్న శివ ఆయన కనుగుడ్డు. ఈ పంచాక్షరీ మంత్రాన్ని జపించేవాడు జనన మరణాల నుంచి విముక్తుడై శాశ్వత కైవల్యాన్ని పొందుతాడు. ఇది వేదాల స్పష్టమైన ప్రకటన. ఈ పంచాక్షరియే నటరాజు శరీరం. ఇదే శివపథం. మీరు నమశ్శివాయకు ప్రారంభంలో ఓం ను జత చేస్తే, అది షడక్షర మంత్రం (ఆరు అక్షరాల మంత్రం) అవుతుంది. ఓం నమో మహాదేవాయ అనేది 8 అక్షరాల లేక అష్టాక్షర మంత్రం.

ఇంకా ఉంది ......

Siva Yoga Sadhana

Secret of Panchakshara

Panchakshara is a Mahamantra which is composed of five letters, Namassivaya. A Mantra is that which removes all obstacles and miseries of one who reflects on it and bestows eternal bliss and immortality. Panchakshara is the best among seven crores of Mantras. There are seven Skandhas in Yajurveda. There is Rudradhyayi in the centre of the middle Skandha. In this Rudradhyayi there are one thousand Rudra Mantras. Namassivaya or the Siva Panchakshara Mantra shines in the centre of these one thousand Rudra Mantras.

Yajurveda is the head of Paramesvara, who is the Veda Purusha. Rudram which is in the middle is the face, Panchakshara is His eye, Siva which is in the centre of the ‘Namassivaya’ is the apple of the eye. He who does Japa of this Panchakshara is freed from births and deaths and attains eternal bliss. This is the emphatic declaration of the Vedas. This Panchakshara is the body of Lord Nataraja. This is the abode of Lord Siva. If you add ‘Om’ to the ‘Namassivaya’ in the beginning, then it becomes Shadakshara or six-lettered Mantra. ‘Om Namo Mahadevaya’ is the eight-lettered Mantra or Ashtakshara.

- Swami Sivananda

To be continued......

స్వామి శివానంద గారి Lord Siva and His Worship పుస్తకంలో ప్రచురించిన విషయమిది. 1996 లో ఈ పుస్తకం ముద్రితమైంది. ఒక మిత్రుడు అడిగారని నేటి నుంచి కార్తీకమాసం సందర్భంగా తెలుగులోకి అనువదించి పోస్ట్ చేయడం జరుగుతోంది. (Scroll down for English text)

శివయోగసాధన - 1

పంచాక్షరీ రహస్యం (1)

నమశ్శివాయ అనే ఐదు అక్షరాలు కల మహామంత్రం పంచాక్షరి. తనను మననం చేసేవారికి సకల విఘ్నాలను, బాధలను తొలగించి, ఆత్మానందాన్ని, అమరత్వాన్ని ఇచ్చేది మంత్రము. సప్తకోటి మంత్రాల్లో పంచాక్షరి ఉత్తమమైనది. యజుర్వేదంలో ఏడు స్కందాలు ఉన్నాయి. మధ్యస్కందంలోని మధ్యలో రుద్రాధ్యాయం ఉంది. ఈ రుద్రాధ్యాయంలో 1,000 రుద్రమంత్రాలున్నాయి. నమశ్శివాయ లేదా శివపంచాక్షరి మంత్రం ఈ వేయి రుద్రమంత్రాల మధ్యలో అలరారుతోంది.

యజుర్వేదం వేదపురుషుడైన పరమేశ్వరిని తల. దాని మధ్యలో ఉన్న రుద్రం ఆయన ముఖము, పంచాక్షరి ఆయన కన్ను, నమశ్శివాయ మధ్యలో ఉన్న శివ ఆయన కనుగుడ్డు. ఈ పంచాక్షరీ మంత్రాన్ని జపించేవాడు జనన మరణాల నుంచి విముక్తుడై శాశ్వత కైవల్యాన్ని పొందుతాడు. ఇది వేదాల స్పష్టమైన ప్రకటన. ఈ పంచాక్షరియే నటరాజు శరీరం. ఇదే శివపథం. మీరు నమశ్శివాయకు ప్రారంభంలో ఓం ను జత చేస్తే, అది షడక్షర మంత్రం (ఆరు అక్షరాల మంత్రం) అవుతుంది. ఓం నమో మహాదేవాయ అనేది 8 అక్షరాల లేక అష్టాక్షర మంత్రం.

ఇంకా ఉంది ......

Siva Yoga Sadhana

Secret of Panchakshara

Panchakshara is a Mahamantra which is composed of five letters, Namassivaya. A Mantra is that which removes all obstacles and miseries of one who reflects on it and bestows eternal bliss and immortality. Panchakshara is the best among seven crores of Mantras. There are seven Skandhas in Yajurveda. There is Rudradhyayi in the centre of the middle Skandha. In this Rudradhyayi there are one thousand Rudra Mantras. Namassivaya or the Siva Panchakshara Mantra shines in the centre of these one thousand Rudra Mantras.

Yajurveda is the head of Paramesvara, who is the Veda Purusha. Rudram which is in the middle is the face, Panchakshara is His eye, Siva which is in the centre of the ‘Namassivaya’ is the apple of the eye. He who does Japa of this Panchakshara is freed from births and deaths and attains eternal bliss. This is the emphatic declaration of the Vedas. This Panchakshara is the body of Lord Nataraja. This is the abode of Lord Siva. If you add ‘Om’ to the ‘Namassivaya’ in the beginning, then it becomes Shadakshara or six-lettered Mantra. ‘Om Namo Mahadevaya’ is the eight-lettered Mantra or Ashtakshara.

- Swami Sivananda

To be continued......

20/10/2026

Mantras are like asanas for the mind, giving it stillness and concentration, removing negative thoughts and emotions.

- David Frawley

20/10/2026

ఒక 50 ఏళ్ళ క్రితం మాట. తాడేపల్లి రాఘవనారాయణ శాస్త్రి గారనే గొప్ప బాలా త్రిపురసుందరి ఉపసాకులు గుంటూర్ జిల్లా చందోలులో నివసించేవారు. వారినే చందోలు శాస్త్రి గారని కూడా అనేవారు. తరుచూ వీరు గురించి బ్రహ్మశ్రీ చాగంటి కోటేశ్వర రావు గారు చెప్తూ ఉంటారు. బ్రహ్మశ్రీ సామవేదం షణ్ముఖ శర్మగారు వారి గురించి ఒక ప్రవచనంలో చెప్పిన మాట. 'శాస్త్రి గారు ఒక కాలంలో తీవ్రమైన పేదరికం అనుభవించారు. తినడానికి తిండి లేని పరిస్థితి. అటువంటి పరిస్థిలో కూడా వారు అమ్మవారి ఉపాసనను విడిచిపెట్టలేదు. రోజుకు 27 సార్లు లలితా సహస్రనామం పారాయణ చేసి, అమ్మవారికి నివేదన చేయడానికి ఏమీ లేకపోతే, చెంచాతో మంచినీళ్ళు నివేదన చేసేవారు. ఎంతటి తీవ్రమైన వ్యతిరేక పరిస్థితులు ఎదురుకొన్నా, అమ్మవారి యందు నిశ్చలమైన, అచంచలమైన భక్తిని వీడలేదు. ఇది చూసి అమ్మ పొంగిపోయింది. ఒకానొకనాడు బాలా అమ్మవారు శాస్త్రిగారికి ప్రత్యక్షమై "శాస్త్రి! ఇంకా చాలు. ఎన్నాళ్ళు అనువభిస్తావు. ఇక అయిపోయిందిలే" అన్నది. అక్కడితో వారి పేదరికం అంతరించింది. అటు తర్వాత వారు మరణించేవరకు వారి ఇంట అనేకమందికి అన్నదానం చేశారు. బాలా త్రిపురసుందరి దేవి పై వారికి ఎంత భక్తి అంటే, ఆయన పనిలో ఉన్నప్పుడు, వారి ఇంటికి ఎవరైనా వచ్చి, శాస్త్రీగారిని పిలిస్తే, బాలా అమ్మవారు చిన్న పిల్లా రూపంలో ఇంట్లోంచి బయటకు వచ్చి, 'మా నాన్న గారు పనిలో ఉన్నారండి. కాసేపు ఆగండి' అని చెప్పేది. ఆఖరికి వారి మరణం తర్వాత దేహం చితిలో కాలుతున్న సమయంలో, ఆ చితి మంటలపై #అమ్మవారు కనిపించింది. ఇది ఫోటో తీసి పత్రికలలో కూడా వచ్చింది.

అమ్మ దయ ఉంటే అన్నీ ఉన్నట్లే అనే మాటకు ఇదే ప్రత్యక్ష ఉదాహరణ. అమ్మవారిని ప్రేమతో, నిశ్చల భక్తితో, అచంచల విశ్వాసంతో పూజిస్తే, పొందలేనిదంటూ ఏం ఉంటుంది?

ఓం శ్రీ మాత్రే నమః

Veda samskruti

20/10/2026

విజయ దశమి ప్రత్యేక అలంకారంలో కొల్హాపూర్ శ్రీ మహా లక్ష్మీ అమ్మవారు

20/10/2026

కంచి పరమాచార్య స్వామి వారి అమృత వచనాలు - గణపతి (60)

స్త్రీల శత్రుత్వం

వివాహానంతరం కుంతితో పాండవులందరూ లక్క గృహంలో బూడిదపాలయ్యారనే వార్తను విన్నాడు కృష్ణుడు. వారు బ్రతికి యున్నారు తెలిసి కూడా లోక మర్యాదను పాటించి ధృతరాష్ట్రుడి పరామర్శ చేయడానికి హస్తినాపురానికి వెళ్ళాడు. అవతార పురుషుడు అట్టి మర్యాదలను పాటించాడు.

ఇతని నిర్గమనం, సత్యభామకు కష్టాలను తెచ్చిపెట్టింది.

యాదవులలో శతధన్వుడనే దుర్మార్గుడున్నాడు. యాదవ వంశంలో కృతవర్ముడు, అక్రూరుడనే ముఖ్యులూ ఉన్నారు. వీరిద్దరు కృష్ణునకు దాసోహం అనేవారే. అక్రూరుడు, పరమ భాగవతోత్తముడు. అతడే బలరామకృష్ణులను బృందావనం నుండి మధురకు తీసుకొని వచ్చాడు, ఈ పై ముగ్గురూ సత్యభామనే వివాహమాడాలని ఎవరికి వారే నిశ్చయించుకున్నారు. ఎవరడిగితే వారికే తన అమ్మాయిని ఇస్తానన్నాడు సత్రాజిత్తు. కాస్త సమయం కావాలన్నాడు. కాలం గడుపుతున్నాడు. తర్వాత శ్యమంతక మణి రావడం వల్ల భగవానునికి తన కుమార్తెనిచ్చాడు.

ఈ సంఘటన చిచ్చుపెట్టింది. మానవమనః ప్రవృత్తులు ఎంత మోసపూరితంగా ఉంటాయో వివరించింది పురాణం. ఈ ముగ్గురూ సత్రాజిత్తు పై కక్ష కట్టారు. కృష్ణునిపై నింద వేసినపుడు అక్రూరుడు, కృతవర్మలిద్దరూ కృష్ణుణ్ణి వెనకేసుకొని వచ్చారు. ఇది సత్రాజిత్తు నాకు కోపం తెప్పించింది. ఇప్పుడు కథ తారుమారైంది. వీరిద్దరి మనస్ఫూ మారిపోయింది. కృష్ణుని పట్ల భక్తి దూరమైంది. స్త్రీ పట్ల కామం, శత్రుత్వం ఇవన్నీ అహంకారం యొక్క వికారాలే కదా! ఇక భక్తికి తావెక్కడ? అని ఈ కథ యొక్క సారాంశం.

20/10/2026

శ్రీ హనుమద్భాగవతము (52)

ఆంజనేయుని అశ్రుప్రవాహమునకు విరామము లేకపోయింది, కంఠము గద్గదమయ్యింది. ఎట్లో ధైర్యము వహించి, చేతుల జోడించి ఇట్లా ప్రార్థించాడు. 'దయోనిధివైన ప్రభూ! పామరుడైన నేను నిన్ను గుర్తింపలేకపోయాను; ఇది స్వాభావికమైన విషయము, కాని నీవు అజ్ఞునివలె ఇట్లా ప్రశ్నించితివేమి? నీవు నన్ను మరచితివా? మూడులోకములకు రక్షకములైన నీ చరణకమలములు తప్ప నాకింకొక ఆధార మేమి ఉన్నది. దయానిధీ ! నాపై దయచూపు, నన్ను నీవానినిగా చేసుకొనుము'

నిజంగా లోకత్రయ పవిత్రుడైన శ్రీ రాముడు దయా నిధియే. మిక్కిలి పవిత్రములైన ఆయన పాదపద్మముల పరాగముచే కరుణావారిధి ప్రతిక్షణము ఉప్పుంగుతునే ఉంటుంది. కాని అతనికి మోసమన్న గిట్టదు. ఆవరణముచే అతని దర్శనము సంభవముకాదు. పరమోదారుడగు సీతావల్లభుడు ఎల్లపుడు నిష్కపటునిగాను, సరళహృదయునిగాను కనిపిస్తాడు. పవనకుమారుడు బ్రాహ్మణ వేషమున వచ్చినాడు, ఆయన తన వాస్తవిక స్వరూపమును కప్పివేసినాడు. అందువలన కమలనయనుడైన శ్రీరాముడు ఆయనవైపు కనులార్పకుండగా చూస్తూ పూర్తిగా మౌనముగా ఉన్నాడు.

మారుతాత్మజుని అధైర్యము పెరుగుచుండెను. వ్యాకుల చిత్తుడై రోదిస్తూ అతడిట్లా ప్రార్థింపసాగాడు - ప్రభూ! నేను మోహగ్రస్తుడను, అజ్ఞానాంధకారంలో పడియున్న వాడను, కుటిలహృదయుడను, పైగా నీవు నన్ను విస్మరించావు. ఇక నా స్థితి ఏమని చెప్పను? దయామయా! నాపై ఇక దయజూపు -

ఏకు మైఁ మంద మోహబస కుటిల హృదయ అగ్యాన\ |
పుని ప్రభు మోహి బిసారే ఉ దీనబంధు భగవాన ॥

( రామచరితమానసము 4-2 )

ప్రభువు ఎదుట అశాంతచిత్తముతో ప్ర్రార్థించు హనుమంతుడు తన్ను తాను మఱచిపోయాడు. అతనికి తాను ధరించిన వేషమును గూర్చిన జ్ఞానము కూడా లేకపోయింది. అతని బ్రాహ్మణ వేషము తొలగిపోయింది - అతడపుడు వాస్తవమైన తన వానర రూపముతో ప్రభువు చరణములపై బడి రోదిస్తూ ప్రార్థించుచున్నాడు.

20/10/2026

శ్రీ కంచి మహాస్వామివారి శంకర విజయం - 227 వ భాగం

కొంతకాలం తరువాత వీరు శంకరులను సమీపించి అయ్యా! మీకు గురుదక్షిణ ఈయాలనుకుంటున్నానంటూ ఒక తాళపత్ర సంపుటిని వీరి ముందుంచారు. అదే నైష్కర్మ సిద్ధియనే గ్రంథం అది నిష్క్రియత్వాన్ని చెప్పే గ్రంథం, అనగా మోక్షాన్ని చెప్పేది. శంకరుల సంకల్పం వీరిలో ప్రవేశించి వ్రాయించి ఉండవచ్చు.

సురేశ్వరులకు ఆ విధంగా ఆటంకం వచ్చి శారీరక సూత్రాల వార్షికం వ్రాసి యుండకపోవచ్చు. కాని శంకరులు రెండు ఉపనిషత్ భాష్యాలకు వార్షికం వ్రాసేరు. తైత్తిరీయము అనేది; కృష్ణ యజుర్వేదానికి చెందింది. బృహదారణ్యకం శుక్ల యజుర్వేదానికి చెందింది. దక్షిణాదిన ఎక్కువగా కృష్ణయజుర్వేదం ఉత్తరాది శుక్ల యజుర్వేదం వాడుకలో ఉన్నాయి. శంకరుల దక్షిణామూర్తి శ్లోకాలపైన మానసోల్లాసం వ్రాసేరు.

కంచి, శృంగేరి, ద్వారక మఠాలవారు సురేశ్వరులను ఆచార్య పరంపరలో చేర్చారు. సురేశ్వరులకు పీఠాధిపత్యానికి అర్హత ఉన్నా, సర్వజ్~ణాత్ముడనే బ్రహ్మచారి, శాస్త్ర సంబంధ విషయాలను చూస్తూ ఉండేవాడు. సురేశ్వరులు సిద్ధి పొందిన తరువాత ఇతడు పీఠాధిపతి అయ్యాడు.

సురేశ్వరులను అన్ని మఠాలకు ప్రధాన వ్యక్తిగా, పర్యవేక్షకునిగా నియమించి ఉంటారు.

ఎందుకిట్లా వీరికి ప్రాధాన్యం ఇచ్చి యుంటారు? పూర్వాశ్రమంలో గొప్ప మీమాంసకులు, వయస్సులో, విద్యలో అందరికంటే పెద్దవారు సంపదనంతటినీ త్యాగం చేసి వచ్చినవారు. కనుక వారికి తగిన స్థానం ఈయాలని పై మూడు మఠాలపై పర్యవేక్షణ చేసే బాధ్యతను వీరికి అప్పగించి యుంటారు. వారి తరపున బ్రహ్మచారిని నియమించి యుండవచ్చు.

మఠాధిపతికి కొన్ని లౌకిక కార్యకలాపాలు ఉంటాయి. అంటే నిత్య కృత్యంలో కార్యకలాపాలు జరగాలి, వాటిని చూసే సురేశ్వరులకు బాధ్యత అట్లా ఉంచగా, వైదిక కార్యకలాపాలకు బ్రహ్మచారియై వచ్చిన సర్వజ్ఞాత్మునకు పీఠాధితిపత్యాన్ని ఇచ్చి యుంటారు. బ్రహ్మచారియై తరువాత సన్న్యాసించిన వ్యక్తిపై ఎక్కువ పూజ్యభావంతో జనులు చూస్తారు.

కంచిలో ఒక వీధికి మండన మిశ్ర అగ్రహారం అనే నామం ఉంది. వీరికి ఆశ్రమ స్వీకారానికి ముందు జరిగియుంటుంది. మాహిష్మతి నుండి రెండు వందల బ్రాహ్మణ కుటుంబాలు ఇక్కడకు వచ్చాయని యుంటారు.

20/10/2026

శ్రీ గరుడ పురాణము (304)

స్వచ్ఛ హృదయులై ఉపవాససహితంగా ఒక సంవత్సర పర్యంతం యథాక్రమంగా ఏకాదశి, అష్టమి, చతుర్దశి, సప్తమి తిథుల్లో విష్ణు, దుర్గ, శివ, సూర్య పూజలను గావించిన వారికి అన్ని నిర్మల అభిలాషలూ తీరుతాయి. దేహాంతంలో దేవలోక ప్రాప్తి ఉంటుంది. వ్రత కాలంలో ఏకభుక్తంగాని, నక్తవ్రతం గాని, ఆయాచితంగాని, ఉపవాసం గాని పాటించాలి. పైన చెప్పిన దేవతలందరినీ శాకాదులతో పూజిస్తే భోగం, మోక్షం రెండూ అబ్బుతాయి.

పాడ్యమినాడు కుబేర, అగ్ని, నాసత్య, దస్ర నామక దేవతలనూ, విదియ నాడు లక్ష్మినీ, యమధర్మరాజునూ, పంచమినాడు పార్వతీదేవిని నాగగణాలనూ పూజించాలి. అలాగే షష్ఠినాడు కార్తికేయునీ సప్తమినాడు సూర్యదేవునీ, అష్టమి నాడు దుర్గనీ, నవమినాడు మాతృకలను తక్షకునీ పూజించాలి. అదేవిధంగా దశమి నాడు ఇంద్రునీ, కుబేరునీ, ఏకాదశినాడు సప్తర్షులనూ, ద్వాదశి నాడు హరినీ, త్రయోదశినాడు మన్మథునీ, చతుర్దశినాడు మహేశ్వరునీ, పున్నం నాడు బ్రహ్మనీ, అమావాస్యనాడు పితృదేవతలనూ పూజించాలి.

(అధ్యాయం -137)

సూర్యవంశవర్ణన

రుద్రదేవా! ఇక భరతఖండాన్నేలిన మహారాజ వంశాలను వర్ణిస్తాను. ముందుగా సూర్యవంశ వర్ణన గావిస్తాను.

విష్ణు భగవానుని నాభికమలం నుండి బ్రహ్మ, ఆయన అంగుష్ఠ భాగము నుండి దక్షప్రజాపతి ఉద్భవించగా దక్షపుత్రిగా దేవమాత అదితి జనించింది. అదితి నుండి వివస్వతుడను పేర సూర్యుడు, ఆయనకు వైవస్వతమనువు జనించారు. మనువునకు తొమ్మండుగురు కొడుకులు. వారు ఇక్ష్వాకువు, శర్యాతి, నృగుడు, ధృష్ట, పృషధ్రుడు, నరిష్యంతుడు, నభగుడు, దిష్ట, శశకుడు (కరషుడు).

మనువుకు ఇల అను కూతురూ, సుద్యుమ్నుడను కొడుకు కూడా కలిగారు. ఇలకు బుధుని వల్ల పురూరవ మహారాజూ, సుద్యుమ్నునికి అతని పత్ని ద్వారా ఉత్కళ, వినత, గయ నామకులయిన పుత్రులూ జనించారు.

గోవధ చేసిన పాపానికి మనుపుత్రుడు పృషధ్రుడు శూద్రుడైపోయాడు. కరుషుని నుండి క్షత్రియుల ఉత్పత్తి జరిగింది. వారు కారుషులుగా విఖ్యాతి నందారు. దిష్టపుత్రుడైన నాభాగుడు వైశ్యుడైనాడు. అతని కొడుకు పేరు భలందనుడు. వాని వంశమున వరుసగా వత్స ప్రీతి, అతనికి పాంశుఖ నిత్రులు, ఖనిత్రునికి భూపుడు, అతనికి క్షుపుడు, అతనికి వింశుడు, అతనికి వివింశకుడు కలిగారు.

వివింశకుని వంశములో వరుసగా ఖనినేత్రుడు, విభూతి, కరంధముడు, అవిక్షితుడు, మరుత్తు, నరిష్యంతుడు, తముడు, రాజవర్ధనుడు, సుధృతి, నరుడు, కేవలుడు, బంధుమానుడు జనించారు.

బంధుమానుని వంశంలో వరుసక్రమంలో వేగవానుడు, బుధుడు, తృణబిందువు, విశాలుడు, హేమచంద్రుడు, చంద్రకుడు, ధూమ్రాశ్వుడు, సృంజయుడు, సహదేవుడు, కృశాశ్వుడు, సోమదత్తుడు, జనమేజయుడు కలిగారు.

20/10/2026

శ్రీ వజ్రేశ్వరి అమ్మవారు - హిమాచల్ ప్రదేశ్