Ishwar Thakare's Fitness Mantra

संवेदनशीलता हवी ट्रोलिंग नको...!

Ishwar Thakare's Fitness Mantra या माझ्या यूट्यूब चैनलच्या निमित्तानं फिटनेस क्षेत्रातील प्रसिद्ध अशा IFSA अर्थात, Intellectual Fitness and Sports Academy चे सर्वेसर्वा श्री. पराग परुळेकर सर यांची सदिच्छा भेट झाली. अवघ्या २ ते‌‌ ३ विद्यार्थ्यांपासून सुरू झालेली ही अकॅडमी आज शेकडो विद्यार्थ्यांना फिटनेसचे धडे देत आहे. जिम ट्रेनर होण्यासाठी सर्टिफिकेशनच किती महत्व आहे यांसह विविध विषयांवर पराग सरांसोबत सखोल चर्चा झाली. बऱ्याच जिम या लोकांना आकर्षित करण्यासाठी मनाला वाटेल ती मेंबरशिप देत आहे. जिम मालकांमध्ये एकता नसल्यामुळे एक प्रकारे फी साठी स्पर्धाच सुरू असल्याची खंत ही परुळेकर यांनी यावेळी व्यक्त केली. सोशल मीडियाच्या अतिवापरामुळे शारीरिक हालचाल कमी होत असल्याने लोकांमध्ये आजारपण वाढलं आहे. आपल्या मुलांसह १ तास का होईना व्यायामासाठी वेळ काढावा असं आवाहनही यावेळी परुळेकर यांनी केलं. चूल आणि मूल एवढ्या पुरतच मर्यादित न रहाता महिलांनी सुद्धा फिटनेस इंडस्ट्री मध्ये स्वतःची वेगळी ओळख निर्माण करावी असंही त्यांनी यावेळी सांगितलं...!






‌

Ishwar Thakare's Fitness Mantra या माझ्या यूट्यूब चैनलच्या निमित्तानं नाशिक मधील नामवंत शरीरसौष्ठवपटू श्री. हबीब सय्यद यांची भेट झाली. क्रांतिवीर वसंतराव नाईक शिक्षण संस्थेमध्ये हबीब यांचं इलेक्ट्रॉनिक इंजिनिअरिंगचे शिक्षण पूर्ण झालय. आंतरराष्ट्रीय स्तरावर त्यांनी शरीरसौष्ठव स्पर्धेत चमकदार कामगिरी केलीय. शांत व संयमी शरीरसौष्ठवपटू म्हणून त्यांची सर्वत्र ओळख आहे. खेळाच्या माध्यमातून असंख्य युवकांना सरकारी नोकरी प्राप्त झाली आहे परंतु, मला पाहिजे तसं मार्गदर्शन न मिळाल्यामुळे मी या नोकरीपासून वंचित राहिल्याची खंत त्यांनी यावेळी व्यक्त केली. जेवढी जास्त मस्क्युलर बॉडी तुम्हाला बनवायची असेल तेवढा जास्त खर्च हा शरीरावर करावाच लागतो. शरीरसौष्ठव स्पर्धा खेळायची असेल तर आर्थिकदृष्ट्या सक्षम आणि परिवाराचा पाठिंबा असणं अतिशय गरजेचं असतं असं या भेटीदरम्यान हबीब यांनी सांगितलं...!






‌