Shreeji. Gulacha Chaha

आयाध्या नरेश"
महाराजा सियावर प्रभू श्री रामचंद्र कि जय ॥

चहा प्रेमींच्या उर्जेचा स्त्रोत म्हणजे श्रीजी गुळाचा चहा..!




Shreeji Jaggery Tea
Address- Tasgaon - Sangli Road, Kavthe Ekand
संपर्क: 8271040404, 093251 24558
Instagram: https://www.instagram.com/shreeji_gulacha_chaha/?hl=en

शेळगांव (आर ) ची कन्या कु. संचिता सचिन सपाटे हिची महाराष्ट्र क्रिकेट संघात निवड झाल्याबद्दल श्री जी गुळाचा चहाकडून मनःपूर्वक अभिनंदन. तिला क्रिकेट खेळण्यासाठी बॅटिंग पॅड बक्षीस म्हणून देण्यात येत आहे. तसेच संचिताच्या पुढील वाटचालीसाठी लाख लाख शुभेच्छा....

Sending our heartfelt best wishes to Team India as you step onto the grand stage of the Cricket World Cup final! Your skill, determination, and sportsmanship have brought you to this moment, and the entire nation stands proudly behind you. May each player shine on the field, and may the spirit of teamwork lead you to victory. Go out there, play your hearts out, and make the nation roar with joy. Best wishes for the final battle. Best of luck, Team India!

International Men’s Day 2023 is a global observance that celebrates the positive contributions and achievements of men while addressing important issues affecting men’s health, well-being, and gender equality. This day provides an opportunity to promote discussions and actions that support men’s physical and mental health, encourage positive role models, and advocate for a more inclusive society. The themes associated with International Men's Day include promoting mental health awareness, addressing challenges faced by men and boys, fostering gender equality, and recognizing the positive contributions men make to society. On this special day, let’s honor and appreciate the men who make a difference in our lives and communities. Happy International Men's Day!

आज (१५ नोव्हेंबर) भाऊबीज / यमद्वितीया...

आज कार्तिक शुद्ध द्वितीया (यमद्वितीया) अर्थात भाऊबीज. बहीण-भावाच्या नात्याची वीण घट्ट करणारा सण. भावाला दीर्घायुष्य मिळावं या इच्छेने बहिणी या दिवशी यम राजाची पूजा करतात. त्याच्या पाशातून आपला भाऊ सुरक्षित राहावा अशी त्यामागील भावना आहे. या दिवशी यम आपली बहीण यमुना हिच्या घरी भोजनास गेला, म्हणून या दिवसाला यमद्वितीया संबोधले जाऊ लागले, अशी मान्यता आहे.

या दिवशी बहीण आपल्या भावाला घरी बोलावून त्याला मिष्टान्न भोजन देते, त्याचे औक्षण करते. भाऊही प्रिय बहिणीला रक्षणाचे आणि आयुष्यभर तिच्या पाठीशी राहण्याचे वचन देतो. हरियाणा, गुजरात, महाराष्ट्र आणि गोवा या राज्यांमध्ये भाऊबीजेचा सण मोठ्या उत्साहात साजरा केला जातो. नेपाळमध्ये देखील हा दिवस ‘भाईतिहार’ म्हणून साजरा होतो.

भाऊबीजनिमित्त सर्वांना मन:पूर्वक शुभेच्छा...




#भाऊबीज #पवित्रसण #शुभेच्छा

आज (१४ नोव्हेंबर) दिवाळी पाडवा / बलिप्रतिपदा

अश्विन महिन्यातील अमावस्येला लक्ष्मीपूजन झाल्यानंतर कार्तिक शुद्ध प्रतिपदेचा दिवस हा बलिप्रतिपदा आणि दिवाळी पाडवा म्हणून साजरा केला जातो. आपल्याकडील कृषिप्रधान संस्कृतीमुळे पौराणिक महत्त्व दिले गेलेले आपले सर्व सण-वार निसर्गावरच प्रामुख्याने आधारलेले आहेत. पौराणिक महत्त्व असलेला आणि कृषिप्रधान संस्कृतीचं प्रतिबिंब दाखवणारा कार्तिक महिन्याचा हा आरंभदिन अतिशय महत्त्वाचा मानला गेला आहे. विक्रम संवत कालगणनेचा प्रारंभ याच दिवशी होतो.
वैशिष्ट्य म्हणजे साडेतीन मुहूर्तांपैकी एक असा हा दिवस अतिशय शुभ मानला जातो. याच दिवशी रांगोळीने बळीची प्रतिमा काढून तिचे पूजन करतात. 'इडा, पीडा टळो आणि बळीचे राज्य येवो', अशी प्रार्थना या दिवशी केली जाते. बलिप्रतिपदा ही व्यापाऱ्यांसाठी आर्थिक हिशेबाच्या दृष्टीने नववर्षाची सुरुवात मानली जाते. लक्ष्मीप्राप्तीसाठी नव्या वह्यांचे पूजन करून व्यापारी वर्ग नववर्षाचा प्रारंभ करतात. जमा-खर्चाच्या नवीन वह्या या दिवशी सुरू केल्या जातात. वह्यांना हळद-कुंकू, गंध, फूल, अक्षता वाहून पूजा केली जाते. या दिवशी मुहूर्ताने व्यवहारसुद्धा केले जातात. तर घरोघरी सकाळी पाटाभोवती रांगोळी काढून पत्नी पतीचे औक्षण करते व पती पत्नीला ओवाळणी स्वरूपात काही भेटवस्तू देतो.

सर्वांना दिवाळी पाडवा आणि बलिप्रतिपदेनिमित्त मन:पूर्वक शुभेच्छा...




#पाडवा #बलिप्रतिपदा #शुभेच्छा #शुभमुहूर्त

आज (१२ नोव्हेंबर) लक्ष्मीपूजन...

लक्ष्मीपूजन हा दीपावली उत्सवातील महत्त्वाचा दिवस. प्राचीन काळापासून श्री लक्ष्मीला ‘समृद्धीची देवता’ मानले जाते. तिथीनुसार नरकचतुर्दशीच्या दिवशी अथवा दुसऱ्या दिवशी आता लक्ष्मीचे पूजन केले जाते. श्री लक्ष्मी ही फार चंचल असते, असे मानले जात असल्याने हिंदू धर्मशास्त्राप्रमाणे लक्ष्मीपूजन हे स्थिर लग्नावर करतात. यामुळे घरात लक्ष्मीचे वास्तव्य अक्षय राहते, अशी हिंदू धर्मीयांची श्रद्धा आहे.

लक्ष्मीला घरात पसारा, अस्वच्छता आवडत नाही. जिथे टापटीप असते, तिथेच ती वास करते. वैज्ञानिक दृष्टिकोनातून पाहिले तर केवळ टापटीपच नव्हे, तर ज्या व्यक्तीचे आचरण शुद्ध असते, मनात कपट, मोह विकार व अवगुण नसतात, जी व्यक्ती व्यवहार प्रामाणिकपणे करते ती व्यक्ती लक्ष्मी व कुबेरला प्रिय असते. घरामध्ये धनसंपत्ती, ऐश्वर्य व आरोग्य सतत नांदत राहावे, अज्ञानाचा नाश व्हावा अशी भावना लक्ष्मीपूजन करण्यामागे आहे. आपल्याला पैसा कमविण्याची कला साध्य असते. पण कमवलेला पैसा कसा जवळ राखावा, कसा जतन करावा हे कुबेर शिकवतो. म्हणून या लक्ष्मीपूजनाच्या दिवशी कुबेराचीही पूजा केली जाते. याच दिवसापासून व्यापाऱ्यांचे हिशोबाचे नवीन वर्ष सुरू होते. त्यामुळे व्यापारी लोक आपल्या हिशेबाच्या वहीची पूजा करतात.

आपल्या सर्वांवर लक्ष्मीमातेचा कृपाशीर्वाद राहो, धन-धान्य आणि ऐश्वर्य समृद्ध आयुष्य लाभो या सदिच्छा..!




#दीपावली #श्रीलक्ष्मी #श्रीकुबेर #पूजन #समृद्धी #कृपाशीर्वाद

आज (१२ नोव्हेंबर) नरक चतुर्दशी म्हणजेच दिवाळी.

दीपावली (दिवाळी) हा प्राचीन काळापासून साजरा होत असलेला सर्वांत मोठा उत्सव. अंधारावर प्रकाशाच्या, अधर्मावर धर्माच्या, दुष्ट प्रवृत्तीवर सुष्ट प्रवृत्तीने विजय मिळविल्याचे प्रतीक म्हणून हा उत्सव साजरा केला जातो. हा हिंदू धर्मियांचा उत्सव असला, तरी सध्या अन्य धर्मीयही तो साजरा करू लागले आहेत.

प्राचीन काळात यक्षरात्री, दीपमाला, दीपप्रतिपदुत्सव आणि आता याला दीपावली अथवा दिवाळी संबोधले जात आहे. चौदा वर्षांचा वनवास संपवून प्रभू श्रीराम लक्ष्मण आणि सीतामातेसह अयोध्येला परत आले, त्या वेळी प्रजेने दीपोत्सव साजरा केला. त्याचप्रमाणे भगवान श्रीकृष्णांनी हजारो स्त्रियांना बंदिवासात ठेवणाऱ्या नरकासुराचा ज्या दिवशी वध केला, तोच दिवस ‘नरकचतुर्दशी’ म्हणून प्राचीन काळापासून साजरा केला जातो.

अभ्यंगस्नान, घर-अंगणात दिव्यांची रोषणाई, आप्तेष्ट व स्नेहीजनांच्या भेटी, वस्तू, दागिने यांची खरेदी, मिष्टान्नाचे सेवन, नवीन प्रकल्पांची सुरुवात असे या सणाचे उत्साही स्वरूप आहे. परंपरेनुसार व संस्कृतीनुसार घरोघरी तयार केले जाणारे पदार्थ आणि हिवाळ्यात आयुर्वेदानुसार खायला सांगितलेले पदार्थ एकमेकांशी तंतोतंत जुळतात. आयुर्वेदशास्त्र आणि भारतीय संस्कृती यांची सांगड या सणाच्या प्रत्येक बाबतीत अनुभवास येते.

ही दिवाळी सर्वांना सुख, समृद्धी प्रदान करणारी आणि आरोग्यदायी जावो, हीच सदिच्छा...




#दीपावली #दीपोत्सव #नरकचतुर्दशी #शुभेच्छा