23/07/2026
*पुणे ते बारामती राष्ट्रीय सायकल स्पर्धेचा मानकरी ठरला मणिपूरचा अथोकपाम बाईक सिंगे*
*राष्ट्रीय घाटाचा राजा ठरला कर्नाटकचा श्रीनिवास राजपूत*
*पुणे ते बारामती राष्ट्रीय व राज्य स्तरीय सायकल स्पर्धा संपन्न*
महाराष्ट्र राज्याचे माजी उपमुख्यमंत्री व पुणे जिल्हा शिक्षण मंडळाचे भूतपूर्व अध्यक्ष अजितदादा पवार यांच्या जयंतीनिमित्त पुणे जिल्हा शिक्षण मंडळाच्या वतीने सायकलिंग फेडरेशन ऑफ इंडिया व सायकलिंग असोसिएशन ऑफ महाराष्ट्र यांच्या सहकार्याने आयोजित पुणे ते बारामती राष्ट्रीय व राज्य स्तरीय सायकल स्पर्धेचे आयोजन करण्यात आले आहे. या स्पर्धेचे उद्घाटन शनिवारवाडा येथे खा. सुनील तटकरे यांच्या हस्ते झाले. याप्रसंगी सावित्रीबाई फुले पुणे विद्यापीठाचे कुलगुरू डॉ. सुरेश गोसावी, स्वामी रामानंद तीर्थ मराठवाडा विद्यापीठाचे कुलगुरू डॉ. मनोहर चासकर, भाजप प्रदेश उपाध्यक्ष मा. राजेश पांडे, विधानसभा सदस्य आ. बापूसाहेब पठारे, आ. शंकरभाऊ आल्हाट, माजी आमदार व राष्ट्रवादी कॉंग्रेस पुणे शहर अध्यक्ष मा. सुनील टिंगरे, माजी आमदार विलास लांडे, राष्ट्रवादी कॉंग्रेस महिला आघाडी शहराध्यक्ष मा. कविता आल्हाट, आजीव सदस्य मा. अशोक खळदकर, मा. के. टी. सोनवणे यांच्यासह पुणे जिल्हा शिक्षण मंडळाचे उपाध्यक्ष मा. राजेंद्रजी घाडगे, सावित्रीबाई फुले पुणे विद्यापीठाचे अधिसभा सदस्य व मानद सचिव ॲड. संदीप कदम, खजिनदार ॲड. मोहनराव देशमुख आदी मान्यवर उपस्थित होते.
राजकीय, सामाजिक, आर्थिक, क्रीडा, शिक्षण या विविध क्षेत्रात अजितदादा पवारांनी दिलेले योगदान अतुलनीय असून त्यांच्या अकाली जाण्याने राज्याचे मोठे नुकसान झाले आहे. आपल्या राजकीय कारकिर्दीत प्रखर इच्छाशक्ती, सहनशीलता, दूरदृष्टीने कार्याचा ठसा उमटवला. अजितदादा पवार यांच्या मार्गदर्शनाखाली पुणे जिल्हा शिक्षण मंडळाची वाटचाल गौरवास्पद आहे . येणाऱ्या काळात विद्यार्थ्यांचा सर्वांगीण विकास करत दादांच्या विचारांचा वारसा समर्थपणे पुणे जिल्हा शिक्षण मंडळ चालवेल, असा ठाम विश्वास महाराष्ट्र राज्य राष्ट्रवादी कॉंग्रेस पक्षाचे प्रदेशाध्यक्ष व खा. सुनील तटकरे यांनी व्यक्त केला.
या मुख्य स्पर्धेचे उदघाटन हडपसर येथे महाराष्ट्र राज्याचे कृषीमंत्री मा. ना. दत्तात्रय भरणे यांच्या हस्ते झाले. या प्रसंगी आ.मा. चेतन तुपे, अल्ट्रा मॅन आंतरराष्ट्रीय सायकलपटू मा. दशरथ जाधव, फुरसुंगी-उरूळी नगरपालिकेचे नगराध्यक्ष मा. संतोष सरोदे, रा.कॉ. पक्ष महाराष्ट्र प्रदेश उपाध्यक्ष मा. सुरेश घुले, माजी महापौर मा. राजलक्ष्मी भोसले, माजी. महापौर मा. वैशाली बनकर, माजी उपमहापौर मा. निलेश मगर, नगरसेवक मा. अजित घुले, नगरसेवक नितीन गावडे, नगरसेविका उज्ज्वला जंगले, नगरसेवक गणेश ढोरे, नगरसेवक अमोल कापरे,नगरसेवक चंद्रकांत ढमाळ, नगरसेवक मा.निवृत्ती आण्णा बांदल, माजी नगरसेवक मा. फारूख इनामदार, माजी नगरसेवक मा. सुनिल बनकर, रा. कॉ. हडपसर विधानसभा अध्यक्ष मा. शंतनू जगदाळे, रा. कॉ. हडपसर विधानसभामहिला अध्यक्ष मा. वैष्णवी सातव, फुरसुंगी-उरूळी नगरपालिकेचे उपनगराध्यक्ष मा. अॅड. ओंकार कामठे, रा.काँ. हडपसर विधानसभा कार्याध्यक्ष मा.अमर तुपे, सोनाली घुले, संजय घुले, प्रवीण पाटील, नानासाहेब गायकवाड उपस्थित होते.
पुणे ते बारामती राष्ट्रीय व राज्यस्तरीय सायकल स्पर्धेच्या निमित्ताने दादांच्या आठवणी जागवल्या. सायकल स्पर्धेची दादांना विशेष आवड होती. ती पुणे ग्रँड टूरच्या निमित्ताने आपण पाहिले. दादांची दूरदृष्टी, कामाची पद्धत, आदर्शवत शिकवण या सर्व गोष्टी समोर ठेऊन आम्ही काम करत आहोत. दादांनी केलेली विकास कामे कायम स्मरणात राहतील. त्यांची कारकीर्द आदर्शवत आहे. असे मत महाराष्ट्र राज्याचे कृषीमंत्री मा. ना. दत्तात्रय भरणे यांनी केले.
*बारामती येथे ‘गदिमा’त पुणे ते बारामती राष्ट्रीय व राज्यस्तरीय सायकल स्पर्धेचा बक्षीस वितरण सोहळा*
*पुणे ते बारामती राष्ट्रीय सायकल स्पर्धेचा मानकरी ठरला मणिपूरचा अथोकपाम बाईक सिंगे*
*राष्ट्रीय घाटाचा राजा ठरला कर्नाटकचा श्रीनिवास राजपूत*
या स्पर्धेचे बक्षीस वितरण महाराष्ट्र राज्यविधानसभा उपाध्यक्ष मा. ना. आण्णा बनसोडे यांच्या हस्ते बारामती येथील गदिमा सभागृहात करण्यात आले. कार्यक्रमाचे प्रास्ताविक पुणे जिल्हा शिक्षण मंडळाचे मानद सचिव ॲड. संदीप कदम यांनी केले.
आदरणीय अजितदादा पवार हे शेतकरी कष्टकरी फुले शाहू आंबेडकर यांचा पुरोगामी विचार पुढे घेऊन जाणारे नेतृत्व होते. दादा शेतकरी, कष्टकरी यांच्या पाठीशी खंबीरपणे उभे राहणारे, स्वतःसाठी नव्हे तर समाजासाठी सतत झटत राहिले. त्यांच्या अडीअडचणीत रात्री अपरात्री उभे राहून अश्रू पुसायचे. जाती पातीचा कधीच विचार न करता वंचितांच्या मदतीने धावून जायचे. दादांनी केलेला विकास पिंपरी चिंचवड शहराकडे पाहिले की कळतो. माझ्या सारख्या सामान्य कार्यकर्त्याला त्यांनी मोठी संधी दिली. असे मत महाराष्ट्र राज्यविधानसभा उपाध्यक्ष मा. ना. आण्णा बनसोडे यांनी व्यक्त केले.
ही सायकल स्पर्धा आदरणीय अजितदादा पवार यांच्या प्रेरणेने सुरू झाली आहे. स्पर्धेचे हे दहावे वर्ष आहे. या स्पर्धा चार गटात घेण्यात आल्या देशभरातील राष्ट्रीय, आंतरराष्ट्रीय पातळीवरील ४२५ स्पर्धक सहभागी झाले. या स्पर्धेचे सूक्ष्म पातळीवर नियोजन करण्यात आले. स्पर्धेसाठी आवश्यक असणाऱ्या सर्व तांत्रिक बाबी सायकल असोसिएशनच्या पदाधिकारी यांनी सांभाळल्या. त्यामुळे ही स्पर्धा यशस्वी झाली. ही स्पर्धा अनेक युवकांना प्रेरणादायी ठरत आहे. असे पुणे जिल्हा शिक्षण मंडळाचे मानद सचिव ॲड. संदीप कदम यांनी प्रास्ताविकात सांगितले.
*स्पर्धेचा निकाल पुढील प्रमाणे* (कंसात कि.मी. व वेळ)
*घाटाचा राजा* (दिवे घाट) - राष्ट्रीय स्पर्धा- कर्नाटकचा श्रीनिवास राजपूत (८. मी. ३२ सेकंद )
*घाटाचा राजा* (दिवे घाट) - राज्य स्पर्धा - महाराष्ट्राचा निहाल नदाफ ( ८ मी. ४०सेकंद )
१) पुणे ते बारामती पुरुषांसाठी राष्ट्रीय स्तर (१२२ कि.मी.), प्रथम क्रमांक - मणिपूरचा अथोकपाम बाईक सिंगे (२.२९.००), द्वितीय क्रमांक - तामिळनाडूचा जोएल सुंदराम (२.२९.३७), तृतीय क्रमांक - गुजरातचा ध्रुव दिया (२.३०.३०) याने पटकावला.
२) पुणे ते बारामती पुरुषांसाठी राज्यस्तर - (१२२ कि.मी.)
प्रथम क्रमांक - महाराष्ट्राचा अमन तांबोळी (२.३७.३३), द्वितीय क्रमांक -महाराष्ट्राचा हनुमान चोपडे (२.३८.२७), तृतीय क्रमांक - महाराष्ट्राचा रेहान शेख (२.३९.४८) याने पटकावला
३) सासवड ते बारामती MTB सायकल खुली स्पर्धा पुरुषांसाठी राज्यस्तर (८५ कि.मी.)
प्रथम क्रमांक - महाराष्ट्राचा ओंकार खेडकर (२.४१.०९), द्वितीय क्रमांक - महाराष्ट्राचा स्वराज कराळे (२.४१.१२), तृतीय क्रमांक -महाराष्ट्राचा वेदांत टिळेकर (२.४१.१५) याने मिळवला.
४) माळेगाव ते बारामती महिलांसाठी राष्ट्रीयस्तर (१५ कि.मी.)
प्रथम क्रमांक - कर्नाटकच्या गंगा दांडीन ( २२. ११. ०८२ मिनिटात), द्वितीय क्रमांक- महाराष्ट्राच्या योगेश्वरी कदम(२२.१२.८१५ मिनिटात ), तृतीय क्रमांक -महाराष्ट्राच्या राजनंदिनी सोमवंशी (२२.१२.९२० मिनिटात) यांनी पटकावला.
सासवड - बारामती सायक्लोथॉन (८५ कि. मी.)
प्रथम क्रमांक - महाराष्ट्राचा अनुप पवार (२.१५.५४), द्वितीय क्रमांक- महाराष्ट्राचा अक्रम देवकाते (२.१६.०४), तृतीय क्रमांक - महाराष्ट्राचा खदुस शेख (२.१८.२७)याने पटकावला.
कार्यक्रमाच्या सुरुवातीला माळसकांत विद्यालयाच्या विद्यार्थ्यांनी योगासनांचे सादरीकरण केले.
या प्रसंगी पुणे जिल्हा परिषद अध्यक्ष मा. विरधवल जगदाळे, स्वामी रामानंद तीर्थ मराठवाडा विद्यापीठाचे कुलगुरू मा. डॉ. मनोहर चासकर, सावित्रीबाई फुले पुणे विद्यापीठाचे प्र-कुलगुरू मा. डॉ. पराग काळकर, बारामती नगरपरिषदेचे नगराध्यक्ष सचिन सातव, उपाध्यक्षा श्वेता नाळे, राष्ट्रवादी कॉंग्रेस पक्ष पुणे जिल्हा अध्यक्ष मा. संभाजी होळकर, बारामती तालुका खरेदी विक्री संघाचे चेअरमन मा. रमेश जगताप, माळेगाव सह. साखर कारखान्याचे व्हा.चेअरमन मा. संगीता कोकरे, मालेगाव नगर पंचायत नगराध्यक्ष मा. सुयोग सातपुते, राष्ट्रवादी कॉंग्रेसपक्ष बारामती तालुका अध्यक्ष संदीप बांदल, राष्ट्रवादी कॉंग्रेस पक्ष बारामती शहर अध्यक्ष अॅड. किरण इंगळे, प्रवीण पाटील, प्राचार्य देविदास वायदंडे, जेष्ठ नेते विश्वास देवकाते, आचार्य अत्रे प्रतिष्ठानचे अध्यक्ष विजय कोलते, राष्ट्रवादी कॉंग्रेस पक्षाचे हडपसर विधानसभा अध्यक्ष डॉ. शंतनू जगदाळे, आजीव सदस्य अशोक खळदकर, विद्या प्रतिष्ठानचे प्राचार्य भरत शिंदे आदी मान्यवर उपस्थित होते.
पुणे जिल्हा शिक्षण मंडळाचे उपाध्यक्ष राजेंद्र घाडगे, मानद सचिव ॲड. संदीप कदम, खजिनदार ॲड. मोहनराव देशमुख, उपसचिव एल.एम. पवार, सहसचिव ए. एम जाधव तसेच सायकल असोसिएशनचे सचिव संजय साठे , दिपाली पाटील, श्रीनाथ थोरात, सुदाम रोकडे यांच्या मार्गदर्शनाखाली सायकल स्पर्धा यशस्वी होण्यासाठी पुणे जिल्हा शिक्षण मंडळाच्या सर्व शाळा व महाविद्यालयांचे प्राचार्य, मुख्याध्यापक, क्रीडा शिक्षक, शिक्षक, विद्यार्थी व शिक्षकेतर कर्मचाऱ्यांनी परिश्रम घेतले. या स्पर्धेस विद्या प्रतिष्ठान बारामती व एन्व्हॉर्यमेंटल फोरम ऑफ इंडिया या संस्थांचे सहकार्य लाभले.
सूत्रसंचालन प्रा. नितीन लगड व प्रा. संध्याराणी आटोळे यांनी केले तर आभार प्रदर्शन नगराध्यक्ष सचिन सातव यांनी केले.
29/08/2026
15/08/2026
12/08/2026
23/07/2026
21/07/2026
11/06/2026
09/06/2026