KLVSP Boxing Club Pune

23/09/2026

22/09/2026

21/09/2026

🥊 #पुणे_फेस्टिवल_बॉक्सिंग_स्पर्धा_उत्साहात_संपन्न

पुणे फेस्टिवल २०२६ अंतर्गत क्रांतिवीर लहुजी वस्ताद साळवे बॉक्सिंग प्रशिक्षण केंद्र, जनरल अरुण कुमार वैद्य स्टेडियम येथे आयोजित करण्यात आलेल्या जिल्हास्तरीय बॉक्सिंग स्पर्धेमध्ये मुलींच्या गटात काव्या जाधव हिने तर मुलांच्या गटात विप्लव मिश्रा याने बेस्ट बॉक्सर हा मानाचा पुरस्कार फटकावला.

क्रांतिवीर लहुजी वस्ताद साळवे एकता प्रतिष्ठान व पुणे शहर ॲमेच्युअर बॉक्सिंग असोसिएशन यांच्या संयुक्त विद्यमाने आयोजित पुणे फेस्टिवल जिल्हास्तरीय बॉक्सिंग स्पर्धा २०२६ रविवार, दिनांक २० सप्टेंबर २०२६ रोजी जनरल अरुणकुमार वैद्य स्टेडियम, भवानी पेठ, पुणे येथे उत्साहात पार पडली.

या स्पर्धेमध्ये पुणे जिल्हा पुणे शहर व पिंपरी चिंचवड शहर येथील तब्बल ३१७ बॉक्सरनी विविध वजन व वयोगटांमध्ये सहभाग नोंदविला. अतिशय चुरशीने झालेल्या सर्व लढतींना खेळाडू, पालक, प्रशिक्षक तसेच क्रीडाप्रेमींचा उत्स्फूर्त प्रतिसाद मिळाला.

पुणे फेस्टिवलचे अध्यक्ष श्री. कृष्णकुमार गोयल यांच्या शुभहस्ते व सांस्कृतिक कार्यक्रम समन्वयक डॉ. सतीश देसाई, महाराष्ट्र ऑलिंपिक असोसिएशनचे उपाध्यक्ष श्री. मनोज भोरे आणि पुणे फेस्टिवलचे समन्वयक श्री. प्रसन्न गोखले, ॲड. राजश्री खैरे व ॲड. अंबादास बनसोडे यांच्या प्रमुख उपस्थितीमध्ये उद्घाटन सोहळा पार पडला.

स्पर्धेचा पारितोषिक वितरण समारंभ महाराष्ट्र राज्याचे माजी गृहराज्यमंत्री तथा पुणे शहर ॲमेच्युअर बॉक्सिंग असोसिएशनचे आजीव अध्यक्ष श्री. रमेशदादा बागवे यांच्या शुभहस्ते पार पडला.
याप्रसंगी महाराष्ट्र बॉक्सिंग संघटनेचे महासचिव श्री. भरतकुमार व्हावळ, शिवछत्रपती पुरस्कार विजेते श्री. विजय यादव, श्री. सलमान शेख व श्री. रेनॉल्ड जोसेफ, पुणे शहर बॉक्सिंग संघटनेचे उपाध्यक्ष श्री सुरेशकुमार गायकवाड, श्री. अशोक मेमजादे,
पुणे जिल्हा बॉक्सिंग असोसिएशनचे सचिव श्री. अभिमन्यू सूर्यवंशी, पिंपरी-चिंचवड बॉक्सिंग संघटनेचे सचिव श्री. मनोज यादव, तसेच पुणे शहर ॲमेच्युअर बॉक्सिंग असोसिएशनचे सचिव श्री. विजय गुजर प्रामुख्याने उपस्थित होते.

स्पर्धेच्या यशस्वी आयोजनासाठी पुणे शहर बॉक्सिंग संघटनेचे उपाध्यक्ष श्री. जीवनलाल निंदाने, वैद्यकीय अधिकारी डॉ. राहुल पाटील, श्री. असिफ रु. शेख, श्री. प्रदीप वाघे, श्री. कुणाल पालकर, श्री आसिफ अ. शेख, श्री. रवी गायकवाड, सौ, चेतना वारे, सौ. स्नेहल पवार, श्री. केतन जामदार, श्री. अमोल धनावडे, श्री. रुपेश दसगुडे, श्री राकेश भानू, सनी लोखंडे ,यांच्यासह सर्व रिंग ऑफिशियल्स व के. एल. व्ही. एस. पी. क्लबचे स्वयंसेवक यांनी मोलाची कामगिरी बजावली.

*विशेष पुरस्कार:-*

▪️बेस्ट बॉक्सर – मुली: काव्या जाधव – KLVSP Boxing Club

▪️ बेस्ट बॉक्सर – मुले: विप्लव मिश्रा – Ex-Services Club

▪️ बेस्ट प्रॉमिसिंग बॉक्सर – मुली: अनुष्का राय – AK Boxing Academy, वाकड

▪️ बेस्ट प्रॉमिसिंग बॉक्सर – मुले: सक्षम कदम – महाराणा वॉरियर्स

▪️ बेस्ट चॅलेंजर – मुली: वैष्णवी घुले – वीरा मल्टी स्पोर्ट्स अकॅडमी, वडकी

▪️बेस्ट चॅलेंजर – मुले:
ओम पाटील – Maval Boxing Club

17/09/2026

🥊 #पुणे_फेस्टिवल_जिल्हास्तरीय_बॉक्सिंग_स्पर्धा_२०२६ 🥊

📅 रविवार, दिनांक २० सप्टेंबर २०२६
⏰ स्पर्धेला सुरुवात : सकाळी ११.०० वाजता
🏆 बक्षीस वितरण समारंभ
⏰ सायंकाळी ५.३० वाजता

#मा_श्री_रमेशदादा_बागवे_माजी _गृहराज्यमंत्री, महाराष्ट्र राज्य यांच्या अध्यक्षतेखाली बक्षीस वितरणाचा कार्यक्रम संपन्न होणार आहे.
या कार्यक्रमास पुढील मान्यवर प्रमुख पाहुणे म्हणून उपस्थित राहणार आहेत:

#श्री_ऋषिकेश_रावले_साहेब
IPS, DCP – Zone 1, Pune City Police

#श्री_जगन्नाथ_लकडे_साहेब
जिल्हा क्रीडा अधिकारी, पुणे

ौतम_चाबुकस्वार_साहेब
माजी आमदार
अध्यक्ष, पुणे जिल्हा बॉक्सिंग असोसिएशन

या मान्यवरांच्या उपस्थितीत विजेत्या व उपविजेत्या खेळाडूंना पारितोषिक वितरण करण्यात येणार आहे.
आपली उपस्थिती खेळाडूंचा उत्साह वाढविण्यासाठी निश्चितच मोलाची ठरेल.

#आयोजक:
#अविनाश_रमेशदादा_बागवे
अध्यक्ष, पुणे शहर ॲमेच्युअर बॉक्सिंग असोसिएशन
उपाध्यक्ष, महाराष्ट्र बॉक्सिंग असोसिएशन

#विजय_गुजर
आंतरराष्ट्रीय बॉक्सिंग प्रशिक्षक
सचिव,पुणे शहर ॲमेच्युअर बॉक्सिंग असोसिएशन

29/08/2026

#राष्ट्रीय_क्रीडा_दिवस_२९_ऑगस्ट_२०२६
#हॉकीचे_महान_खेळाडू_भारताचे_क्रीडा_प्रेरणास्थान #मेजर_ध्यानचंद_यांच्या_जयंतीनिमित्त_त्यांना_
#विनम्र_अभिवादन!

रिंगमध्ये उतरणारा बॉक्सर केवळ प्रतिस्पर्ध्याशी लढत नसतो, तो स्वतःच्या मर्यादांशीही दोन हात करत असतो. प्रत्येक ‘पंच’मागे असते मेहनत, प्रत्येक हालचालीमागे असते तांत्रिक तयारी आणि प्रत्येक विजयामागे असतो प्रशिक्षक, पालक व संपूर्ण क्रीडा व्यवस्थेचा हात.

मेजर ध्यानचंद यांनी आपल्या कर्तृत्वातून भारतीय क्रीडा क्षेत्राला जगभरात मानाचे स्थान मिळवून दिले. त्यांची जिद्द, शिस्त, समर्पण आणि देशासाठी खेळण्याची भावना आजही प्रत्येक खेळाडूसाठी प्रेरणादायी आहे. त्यांच्या कार्यातून प्रेरणा घेत पुणे शहरानेही अनेक वर्षांच्या क्रीडा परंपरेतून गुणवंत खेळाडू घडविण्याचे कार्य सातत्याने सुरू ठेवले आहे.

पुणे शहराने गेल्या अनेक वर्षांत अशाच जिद्दी बॉक्सरना घडवत महाराष्ट्राच्या आणि देशाच्या बॉक्सिंग नकाशावर आपले नाव ठळकपणे उमटवले आहे. पुणे शहर बॉक्सिंग असोसिएशनच्या २४ वर्षांच्या वाटचालीत राज्य, राष्ट्रीय आणि आंतरराष्ट्रीय स्तरावर चमकलेले हजारो खेळाडू ही या समृद्ध परंपरेची मोठी साक्ष आहे.

राष्ट्रीय क्रीडा दिवस हा केवळ एक दिवस साजरा करण्याचा दिवस नसून, खेळाडू घडविणाऱ्या प्रशिक्षकांचा, पालकांचा, क्रीडा संघटनांचा आणि खेळासाठी योगदान देणाऱ्या प्रत्येक व्यक्तीचा सन्मान करण्याचा दिवस आहे.

या राष्ट्रीय क्रीडा दिवसानिमित्त पुणे शहरातील सर्व खेळाडू, प्रशिक्षक, पालक, क्रीडा संघटना आणि क्रीडाप्रेमींना मनःपूर्वक शुभेच्छा!

“खेळा, जिंका आणि देशाचा गौरव वाढवा!”
🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳

श्री. अविनाश रमेशदादा बागवे
अध्यक्ष, पुणे शहर बॉक्सिंग असोसिएशन
उपाध्यक्ष, महाराष्ट्र बॉक्सिंग असोसिएशन

विजय गुजर
आंतरराष्ट्रीय बॉक्सिंग प्रशिक्षक
सेक्रेटरी, पुणे शहर बॉक्सिंग असोसिएशन

21/08/2026

🥊🇮🇳 विशेष सन्मान व अभिमानाचा क्षण! 🇮🇳🥊

😊🏆 पुणे शहरातील नामांकित बॉक्सर तसेच क्रांतिवीर लहुजी वस्ताद साळवे एकता प्रतिष्ठान बॉक्सिंग प्रशिक्षण केंद्राचे खेळाडू आणि शिवछत्रपती राज्य क्रीडा पुरस्काराने सन्मानित श्री. रेनॉल्ड राफेल जोसेफ यांना स्वातंत्र्य दिनानिमित्त विशेष सन्मान प्राप्त झाला. 🇮🇳✨

😊🎖️ जिल्हा क्रीडा अधिकारी कार्यालय, पुणे यांच्या वतीने विभागीय क्रीडा संकुल, येरवडा, पुणे येथे आयोजित करण्यात आलेल्या स्वातंत्र्य दिनाच्या ध्वजारोहण समारंभासाठी श्री. रेनॉल्ड जोसेफ यांची प्रमुख पाहुणे म्हणून निवड करण्यात आली होती. 🇮🇳

😊🇮🇳 या मानाच्या प्रसंगी श्री. रेनॉल्ड जोसेफ यांच्या हस्ते भारतीय तिरंगा ध्वज फडकविण्यात आला. हा क्षण त्यांच्या क्रीडा क्षेत्रातील उल्लेखनीय कामगिरीचा आणि योगदानाचा गौरव करणारा ठरला. 🫡🏆

😊🥊 त्यांच्या क्रीडा क्षेत्रातील उल्लेखनीय कामगिरीची आणि योगदानाची दखल घेत जिल्हा क्रीडा कार्यालयाने त्यांना हा बहुमान दिला, ही संपूर्ण पुणे शहर बॉक्सिंग परिवारासाठी अभिमानाची आणि आनंदाची बाब आहे. ❤️🇮🇳

👏😊 हार्दिक अभिनंदन आणि पुढील वाटचालीस मनःपूर्वक शुभेच्छा! 🥊🏆🇮🇳

16/03/2026

पुणे महापौर चषक बॉक्सिंग स्पर्धा – 2026 यशस्वीरीत्या संपन्न..!!

पुणे महानगरपालिकेच्या वतीने आयोजित “पुणे महापौर चषक बॉक्सिंग स्पर्धा – 2026” ही स्पर्धा दि. 12 ते 15 मार्च 2026 या कालावधीत जनरल अरुण कुमार वैद्य स्टेडियम, पुणे येथे यशस्वीरीत्या पार पडली.
या स्पर्धेची तांत्रिक जबाबदारी पुणे शहर ॲमॅच्युअर बॉक्सिंग असोसिएशन यांच्याकडे सोपविण्यात आली होती, व पुणे महानगरपालिकेच्या वतीने स्थानिक नगरसेविका सौ. अर्चनाताई पाटील यांची स्पर्धेच्या समन्वयक म्हणून नियुक्ती करण्यात आली होती.
अत्यंत कमी कालावधीत उत्कृष्ट नियोजन करून ही स्पर्धा यशस्वीपणे पार पडली. या स्पर्धेमध्ये सुमारे 350 मुला-मुलींनी उत्साहाने सहभाग नोंदविला.
स्पर्धेसाठी खेळाडूंचे वजन मोजणी, वैद्यकीय तपासणी व ड्रॉ (भाग्यपत्रिका) दि. 12 मार्च 2026 रोजी घेण्यात आली.
स्पर्धेचे उद्घाटन दि. 13 मार्च 2026 रोजी सकाळी 11.30 वाजता स्थानिक नगरसेविका सौ. अर्चनाताई पाटील यांच्या शुभहस्ते करण्यात आले. यावेळी पुणे शहर ॲमॅच्युअर बॉक्सिंग असोसिएशनचे अध्यक्ष व महाराष्ट्र बॉक्सिंग संघटनेचे उपाध्यक्ष श्री. अविनाश बागवे, तसेच श्री. तुषार पाटील आणि महाराष्ट्र बॉक्सिंग संघटनेचे महासचिव श्री. भरतकुमार व्हावळ, महाराष्ट्र शासनाचे शिव छत्रपती पुरस्कार विजेते आंतरराष्टीय बॉक्सर श्री. सलमान शेख, मातंग एकता आंदोलन या राज्यव्यापी संघटनेचे पदाधिकारी दयानंद अडागळे, सुनील जी बावकर, आदित्य जी गायकवाड, शिवसेना उद्धव ठाकरे गटाचे श्री. राहुल जी चिंधम, काँग्रेस पक्षाचे पदाधिकारी हुसेनभाई शेख, व ईतर मान्यवर यांच्या प्रमुख उपस्थितीत उद्घाटन सोहळा पार पडला.

स्पर्धेचा पारितोषिक वितरण समारंभ रविवार दि. 15 मार्च 2026 रोजी सायंकाळी 4.30 वाजता पार पडला. या कार्यक्रमात पुणे शहर बॉक्सिंग असोसिएशनचे अध्यक्ष श्री. अविनाश बागवे तसेच श्री. तुषार पाटील यांच्या हस्ते खेळाडूंना पारितोषिके प्रदान करण्यात आली. याप्रसंगी महाराष्ट्र बॉक्सिंग संघटनेचे महासचिव श्री. भरतकुमार व्हावळ, शिवम फाउंडेशनचे अध्यक्ष श्री. प्रकाश रेणुसे, तसेच पुणे शहर बॉक्सिंग असोसिएशनचे उपाध्यक्ष श्री. अशोक मेमजादे, श्री. सुरेश कुमार गायकवाड आणि पुणे जिल्हा बॉक्सिंग संघटनेचे सचिव श्री. अभिमन्यू सूर्यवंशी व पुणे जिल्हा बॉक्सिंग संघटनेचे उपाध्यक्ष प्रा. कृष्णदेव क्षीरसागर , पुणे शहर संघटनेचे सचिव व आंतरराष्ट्रीय प्रशिक्षक विजय गुजर हे मान्यवर उपस्थित होते.

स्पर्धेचे तांत्रिक अधिकारी व रिंग ऑफिशियल म्हणून प्रदीप वाघे, कुणाल पालकर, मनोज यादव, मंगेश यादव, आसिफ शेख आणि विनोद कुंजीर, राकेश भानू, योगेश भोरे, अमोल शर्मा, यांनी उत्कृष्टरीत्या काम पाहिले.

या स्पर्धेमध्ये मुलांच्या गटात क्रांतिवीर लहुजी वस्ताद साळवे प्रतिष्ठान यांनी 32 गुणांसह सांघिक विजेतेपद पटकावले, तर मुळशी तालुका संघाने 24 गुणांसह उपविजेतेपद मिळविले.

तसेच मुलींच्या गटात पुरंदर तालुका संघाने 36 गुणांसह सांघिक विजेतेपद मिळविले, तर क्रांतिवीर लहुजी वस्ताद साळवे एकता प्रतिष्ठान यांनी 27 गुणांसह उपविजेतेपद मिळविले.

स्पर्धेतील सर्वोत्कृष्ट: मुले

▪️बेस्ट बॉक्सर: बोर्डन डाइमर (एस.एस.पी.एम एस)
▪️मोस्ट प्रॉमिसिंग बॉक्सर: आयुष दातार (महाराणा वॉरियर)
▪️बेस्ट चॅलेंजर: अरिंजय वाघे (KLVSP)
स्पर्धेतील सर्वोत्कृष्ट: मुली
▪️बेस्ट बॉक्सर: समीक्षा महाडिक (पुरंदर तालुका)
▪️मोस्ट प्रॉमिसिंग बॉक्सर: आरोही तानपुरे (आदिनाथ अकॅडमी )
▪️बेस्ट चॅलेंजर: प्रणाली लोखंडे (एक्स सर्विसेस)
▪️ बेस्ट रेफरी: सनी परदेशी (पुणे शहर)
▪️ बेस्ट जज: रवी गायकवाड (मुळशी)

🇮🇳🇮🇳🇮🇳🇮🇳🇮🇳

मा. रमेशदादा बागवे
मा. गृहराज्यमंत्री, महाराष्ट्र - राज्य
──────✧❁✧──────
अविनाश रमेशदादा बागवे
नगरसेवक, पुणे मनपा
कार्याध्यक्ष, मातंग एकता आंदोलन, महाराष्ट्र राज्य
──────✧❁✧──────
सौ. इंदिरा अविनाश बागवे
अध्यक्ष, मुक्ता फाउंडेशन