Sunandan Lele

महेंद्रसिंह धोनीला क्रिकेटने चेपॉकवर शेवटचा सामना त्याच्या लाडक्या चेन्नई सुपर किंग्स संघाकडून खेळून दिला नाही का हि शंका मला भेडसावत आहे. वर्षभर क्रिकेट न खेळता फक्त एक महिना सर्व करून थेट IPL खेळायला जाण्याचा प्रकार म्हणजे क्रिकेटला गृहीत धरणे होते असे मला वाटते. तुम्हाला काय वाटते मला कॉमेंट करून नक्की सांगा.

वैभवला ह्या सुधारणा कराव्या लागतील

वैभव सुर्यवंशीची फलंदाजी बघून सगळे चकीत होत आहेत. नामांकित गोलंदाजांना तो ज्या विश्वासाने आणि सहजतेने टोलवतो आहे ते बघून त्याच्यासाठी लवकरच टी२० भारतीय संघाचे दरवाजे उघडावे लागतील असाच सगळ्यांचा होरा आहे. मला वाटते की दोन बदल किंवा सुधारणा केल्या तरच वैभवला भारतीय टी२० संघाचे दरवाजे खुले होतील. त्या कोणत्या सुधारणा आहेत ते या क्लीपमध्ये बघा.

पंतचे मानांकन घसरले

एकीकडे फलंदाज गोलंदाजांना नामोहरम करत असताना भारतात विकेटकिपर फलंदाजांचे अमाप पिक आले आहे. २०२४ सालचा टी२० विश्वचषक जिंकणाऱ्या संघातील खेळाडू रिषभ पंतने आपल्या तंदुरुस्तीत लक्षणीय बदल घडवले. तरीही त्याच्या फलंदाजीच्या अतरंगी आणि बऱ्याच वेळा स्वघातकी शैलीत बदल झालेला दिसत नाही. परिणामी रिषभ पंतचे विकेटकीपर फलंदाज म्हणून मानांकन चांगलेच घसरले आहे.

हा पर्याय बेस्ट आहे
एकीकडे पुण्यातील रस्त्यांवरील गर्दी भयानक प्रमाणात वाढली आहे. दुसरीकडे चालू असलेल्या अस्थिर परिस्थितीमुळे इंधनाचे भाव वाढत चालले आहेत. मग पर्याय काय आहे. एकतर चांगला पर्याय आहे मेट्रोच्या वापराचा. आणि दुसरा पुढे आला आहे तो आधुनिक तंत्रज्ञानाच्या Eसायकलचा. माझ्या भाच्याला सायकलची भेट देताना मी हाच पर्याय निवडला. एकदा या दुकानात चक्कर मारून एकाहून एक सरस सायकलचे पर्याय तपासून बघा म्हणजे तुम्हांला कळेल काय मजा आहे ती.

भवितव्य गोलंदाज ठरवणार
छोट्या सीमारेषा, नवे चेंडू, क्षेत्ररक्षणाच्या मर्यादा आणि फलंदाजीला पोषक खेळपट्ट्या या सगळ्याचा अंतर्भाव असल्याने बऱ्याच लोकांचा असा समज आहे की टी२० क्रिकेट म्हणजे फक्त फलंदाजांचे राज्य. तरीही जितके सामने जवळून अभ्यासता येतात तेव्हा समजते की सामन्याच्या दोऱ्या गोलंदाजांच्या हाती असतात. फलंदाजांचे चौकार षटकार किंवा शतके अर्धशतके नजरेत भरतात तसे गोलंदाजांचे मोल आकडेवारी बघून कळत नाही. त्यासाठी जरा जास्त खोलात जाऊन बघावे लागते. गोलंदाजाने मोक्याच्या क्षणी जम बसलेल्या फलंदाजाला बाद केले तर नाट्यमय कलाटणी मिळते. किंवा एका षटकात अचूक मारा केल्याने जास्त धावा दिल्या जात नाहीत ज्याने धावगती आणि परिणामाने फलंदाजांवरचे दडपण अचानक वाढते. तेव्हा कुठे विचार करता गोलंदाजाचे महत्त्व कळते. बघायला गेले तर २४ चेंडू म्हणजे चार षटकाच्या माऱ्यात गोलंदाजाने काय करामत केली ते सामना संपल्यावर जास्त जाणवते.

अशक्य काही नाही
लेले काका तुम्हांला भेटायचे आहे, असे बरेच जण म्हणतात. प्रितेश आंग्रे त्याच्यातलाच एक होता. भेटल्यावर तो कसा वेगळा आहे हे समजले. मनावर घेतल्यावर कितीही अडचणी असल्या तरी माणूस स्वत:मध्ये कसा बदल घडवून आणतो त्याची ही कहाणी आहे.