Aries Kalanilayam Arts & Theatre Pvt Ltd

കോട്ടയ്ക്കലിലേക്ക് അവൾ എത്തുന്നു.....
കാത്തിരിക്കു .....

ഇടുക്കി അണകെട്ടിൽ നിന്ന് വൈദ്യുതി ഉല്പാദിപ്പിക്കാൻ തുടങ്ങിയത് 1976 ൽ. സന്ധ്യ കഴിഞ്ഞാൽ മണ്ണെണ്ണ വിളക്കിൻ്റെ ഒരു തിരി മങ്ങിയ വെളിച്ചത്തിൽ കേരളം പഴമ്പായിൽ ചുരുണ്ട് കൂടി ഉറങ്ങുന്ന കാലം. മാടനും മറുതയും പ്രേതവും ഒടിയനേയും പിശാചിനേയും പേടിച്ച് മനുഷ്യൻ കുടിലിന് പുറത്തെറങ്ങാത്ത രാത്രികൾ. കൈയ്യിലെ ചൂട്ട് കത്തി തീരുന്നതിന് അനുസരിച്ച് നടപ്പിൻ്റെ വേഗത ക്രമീകരിച്ച ജനങ്ങൾ. സ്വന്തം കയ്യിലെ ചൂട്ടിൽ നിന്ന് ഉയരുന്ന പുക ചുരുളുകളെ പോലും ഭയപ്പാടോടെ മാത്രം കണ്ടിരുന്ന നാളുകൾ.
ഈ ഒരു ഭീതിയുടെ കാലഘട്ടത്തിലാണ്, വൈകിട്ട് 6 മണി കഴിഞ്ഞാൽ അത്യാവശ്യ കാര്യത്തിന് പോലും ജനം വീടിന് പുറത്തിറങ്ങാൻ ഭയക്കുന്ന യാമങ്ങളിൽ "രക്തരക്ഷസ്സ്" പോലൊരു നാടകത്തെ കുറിച്ച് കലാനിലയം കൃഷ്ണൻ നായർ ആലോചിക്കുന്നത്. ആശയം സുഹൃത് വലയങ്ങളിൽ ചർച്ച ചെയ്തു. പക്ഷേ ആരും തന്നെ ഈ ആശയത്തെ പിന്തുണച്ചില്ല എന്ന മാത്രമല്ല പിന്തിരിപ്പിക്കാനും ശ്രമങ്ങൾ നടന്നു. പക്ഷേ തൻ്റെ ആശയത്തിൽ തനിക്ക് പൂർണ്ണ വിശ്വാസം ഉള്ളത് കൊണ്ട് നാടകത്തിൻ്റെ പ്രാരംഭ നടപടികളുമായി മുന്നോട്ട് പോയി. ജഗതി എൻ കെ ആചാരി മനോഹരമായ തിരനാടകം ഒരുക്കി. പാപ്പനംകോട് ലക്ഷ്മണൻ എഴുതിയ മനോഹര വരികൾക്ക് ദക്ഷിണാമൂർത്തി സ്വാമികൾ മാന്ത്രിക സംഗീതമൊരുക്കി. അങ്ങനെ 1973 മെയ്യ് 23 ന് കലാനിലയം കൃഷ്ണൻ നായരുടെ സംവിധാനത്തിൽ "രക്തരക്ഷസ്സ്" എന്ന ഭീകര നാടകം അവതരിപിക്കപ്പെട്ടു.

ഇന്ന് 53 വർഷങ്ങൾക്കിപ്പുറം അതേ രക്തരക്ഷസ്സ് നാടകം ജനങ്ങളെ ഒരു മാന്ത്രിക വലയത്തിലെന്ന പോലെ തന്നിലേക്ക് ആകർഷിക്കുന്നു. ഇന്ത്യൻ നാടക ചരിത്രത്തിലെ വിസ്മയ ഇതിഹാസമായി മാറി "രക്തരക്ഷസ്സ്". ബാറ്റൻ കൈമാറും പോലെ തലമുറകൾ കൈമാറി കൈമാറി ഇപ്പോൾ നാലാം തലമുറ ഈ നാടകം കാണാൻ എത്തുന്നു.

1976 മുതൽ ഇടുക്കിയിൽ നിന്നുള്ള വൈദ്യുതി കേരളത്തിന് ലഭിച്ചു തുടങ്ങി. ഭയം, ഭീതി, പേടി പതുക്കെ പതുക്കെ വിട്ടകന്നു. പക്ഷേ 1973 ൽ രക്തരക്ഷസ്സ് തുറന്ന് വിട്ട ഭീതിയുടെ കരിമ്പടം ഇന്നും ജനങ്ങളെ ആകർഷിക്കുന്നു. ഇന്നത്തെ ഈ ദിവസം, രക്തരക്ഷസ്സിൻ്റെ പിറന്നാൾ ദിവസം കോഴിക്കോട് കോൺവെൻ്റ് റോഡിലുള്ള കലാനിലയം എ സി ഓഡിറ്റോറിയത്തിൽ ദിവസവും 6 നും 9 നും മെയ്യ് 31 വരെ രണ്ട് അവതരണങ്ങൾ. ടിക്കറ്റുകൾ www.arieskalanilayam.com സൈറ്റിൽ നിന്നും ബുക്ക് ചെയ്യാം. അന്വോഷണം 87140 888 50

സൂക്ഷിക്കുക ഈ രക്തരക്ഷസ്സ് നിങ്ങളെ ആകർഷിക്കും...... അവളിലേക്ക് ആവാഹിക്കും.....

ഏരീസ് കലാനിലയത്തിൻ്റെ രക്തരക്ഷസ്സ് - നാടകത്തിനും അപ്പുറം .....