20/09/2026
“சுத்தமான, வளமான தமிழகம்” என்ற இலக்கை முன்னிறுத்தி, நமது We The Leaders அமைப்பின் சார்பில் இன்று காலை நடைபெற்ற வைகை நதி தூய்மைப் பணியில் கலந்து கொண்டது பெருமையளிக்கிறது.
மாணவர்கள், இளைஞர்கள், சமூக ஆர்வலர்கள் மற்றும் பொதுமக்கள் என பலரும் ஒன்றிணைந்து இந்தப் பணியில் ஆர்வத்துடன் பங்கேற்றது, சுற்றுச்சூழல் பாதுகாப்பில் மக்கள் கொண்டுள்ள அக்கறையையும், மக்கள் இயக்கத்தின் வலிமையையும் வெளிப்படுத்துகிறது.
தொடர்ந்து ஏழாவது வாரமாக நடைபெற்று வரும் வைகை நதி தூய்மைப் பணியின் மூலம், இதுவரை சுமார் 160 டன் குப்பைகள் நதியிலிருந்து அகற்றப்பட்டுள்ளன. மக்கள் ஒன்றிணைந்து செயல்பட்டால், நிச்சயம் மாற்றத்தை உருவாக்க முடியும் என்பதற்கு இது ஒரு சிறந்த எடுத்துக்காட்டு.
நதிகள் நமது வாழ்வாதாரத்தின் அடித்தளம். வைகை போன்ற வரலாற்றுச் சிறப்புமிக்க நதிகளைப் பாதுகாப்பது அரசின் கடமை மட்டுமல்ல; ஒவ்வொரு குடிமகனுக்கும் உள்ள சமூகப் பொறுப்பும் கூட. நமது நீர்நிலைகளைத் தூய்மையாகவும் பாதுகாப்பாகவும் வைத்திருப்பதே எதிர்கால தலைமுறைகளுக்கு நாம் வழங்கக்கூடிய மிகப்பெரிய சொத்து.
சுற்றுச்சூழல் பாதுகாப்பு, நீர்நிலைப் பாதுகாப்பு மற்றும் தூய்மையான தமிழகத்தை உருவாக்கும் நோக்கில், நமது We the Leaders அமைப்பின் சார்பில் தொடர்ந்து களப்பணிகள் முன்னெடுக்கப்படும். அரசியல் எல்லைகளைக் கடந்து, நமது மண்ணையும் இயற்கையையும் பாதுகாக்க அனைவரும் ஒன்றிணைவோம். நமது நதிகளைக் காப்போம். நமது நீர்நிலைகளைப் பாதுகாப்போம். வருங்கால தலைமுறைக்காக பசுமையான, தூய்மையான தமிழகத்தை உருவாக்குவோம். K.Annamalai We The Leaders - K V Kuppam We The Leaders Foundation
