لێژنەی ئۆڵۆمپی هەرێمی کوردستان

پرسەنامەیەک لە لێژنەی ئۆلۆمپی هەرێمی کوردستانەوە

بە ناوی خوای گەورە و میهرەبان

بەدڵێکی پڕ لە خەم و پەژارەوە، هەواڵی کۆچی دوایی (تاهیر سابیر خۆشناو) پاڵەوانی پێشووی ئاسیا و کەسایەتیی دیار و ناسراوی وەرزشیی هەولێر و هەرێمی کوردستان و عێراقمان پێگەیشت، کە دوای ململانێیەکی زۆر لەگەڵ نەخۆشییەکی کوشندە، ماڵئاوایی لە ژیان کرد.

خوالێخۆشبوو تاهیر سابیر خۆشناو، لە ژیانی وەرزشیی خۆیدا خزمەتێکی گەورە و پڕ بایەخی پێشکەش بە بواری وەرزش کرد و وەک پاڵەوانێکی مێژوویی ناوی بە گەورەیی لە یادی هەموواندا دەمێنێتەوە.

بەم بۆنە خەمناکەوە، پرسە و سەرەخۆشی و هاوخەمیی قووڵی خۆمان ئاراستەی بنەماڵە و کەسوکار و هاوڕێیانی و سەرجەم وەرزشکارانی هەرێمی کوردستان دەکەین. لە خوای گەورە داواکارین ڕۆحی کۆچکردوو بە بەهەشتی بەرین شاد بکات و سەبووری و دڵنەوایی بە هەموو لایەک ببەخشێت.
یادی بۆ هەمیشە زیندوو و ڕۆحی شاد بێت.

لێژنەی ئۆلۆمپی هەرێمی کوردستان
2ی 9ی 2026

Tahr Sabr Khoshnaw

کارو بەرنامەی پاڵەوانێتی گۆڕەپان و مەیدانی یانەکانی کوردستان کەلەسەر ئاستی کوڕان و کچان لە پارێزگای سلێمانی لە 4 ، 5 ی 9ی 2026 لە کۆلێژی پەروەردەی وەرزشی زانکۆی سلێمانی بەرێوەدەچێت..

کوردی ـ عربی
لێژنەی ئۆلۆمپی هەرێمی کوردستان پیرۆزبایی لە یانەی سلێمانی و هەولێر دەکات

لێژنەی ئۆلۆمپی هەرێمی کوردستان گەرمترین پیرۆزبایی ئاراستەی سەرۆکایەتی و یاریزانان و جەماوەری یانەی وەرزشی سلێمانی دەکات بەبۆنەی بەدەستهێنانی نازناوی پاڵەوانی جامی تۆپی دەستی کوردستان. دوای ئەوەی ئێوارەی ئەمرۆ لە یاری کۆتایی سلێمانی بە ئەنجامی 31 ـ بەرامبەر 27ی هەولێر سەرکەوتنی تۆمارکرد و بووە پاڵەوان..
هەروەها پیرۆزبایی لە هەڵبژاردەی هەولێر دەکەین بۆ بەدەستهێنانی پلەی دووەم و نیشاندانی ئاستێکی بەرز. دەستخۆشی لە تەواوی ئەو یانانە دەکەین کە بەشدارییان کرد و هیوای سەرکەوتنیان بۆ دەخوازین لە چالاکییەکانی داهاتوی یەکێتی ناوەندی تۆپی دەستی کوردستان.
پێزانینی زۆرمان هەیە بۆ بەڕێزان (سەرۆک، جێگر و سکرتێر ) و تەواوی ئەندامانی یەکێتی ناوەندی تۆپی دەستی کوردستان کە دڵسۆزانە و ماندوونەناسانە ئەرکیان کێشا بۆ سەرکەوتنی جامی کوردستان. هەروەها سوپاسی تیمی ناوبژیوانان و سەرپەرشتیاران دەکەین کە دادپەروەرانە یارییەکانیان بەڕێوەبرد.
لە کۆتاییدا، سوپاسی تایبەتمان بۆ کەناڵی کوردستان تیڤی و کۆمپانیای مۆڵتن کە وەک سپۆنسەرێکی دڵسۆز هاوکار و پاڵپشتی ئەم جامە بوون.

لێژنەی ئۆلۆمپی هەرێمی کوردستان
21ی ئابی 2026

اللجنة الأولمبية لإقليم كوردستان تهنئ ناديي السليمانية وأربيل

تتقدم اللجنة الأولمبية لإقليم كوردستان بأحر التهاني والتبريكات إلى الهيئة الإدارية ولاعبي وجماهير نادي السليمانية الرياضي، بمناسبة تتويجهم بلقب بطل كأس كوردستان لكرة اليد.

كما نبارك لنادي أربيل حصوله على المركز الثاني وتقديمه مستويات فنية رفيعة خلال البطولة. وفي الوقت ذاته، نثمن مشاركة كافة الأندية التي ساهمت في إنجاح هذا الحدث
الرياضي، متمنين لهم دوام التوفيق والنجاح في النشاطات والبطولات المقبلة للاتحاد المركزي الكوردستاني لكرة اليد.

ونعرب عن بالغ تقديرنا للسادة (رئيس، ونائب، وسكرتير) وكافة أعضاء الاتحاد المركزي الكوردستاني لكرة اليد، لجهودهم المخلصة والدؤوبة التي بذلوها في سبيل إنجاح
منافسات كأس كوردستان. كما نتوجه بالشكر لطواقم التحكيم والمشرفين الذين أداروا المباريات بكل مهنية وعدالة.

وفي الختام، نتقدم بشكر خاص لقناة "كوردستان تي في" وشركة "مولتن" (Molten) لرعايتهما الكريمة ودعمهما المتواصل الذي كان له أثر كبير في دعم هذه البطولة.

اللجنة الأولمبية لإقليم كوردستان
21 آب 2026

یاری کۆتایی جامی تۆپی دەستی کوردستان:
هەولێر ـ سلێمانی
هۆڵ ـ یانەی هەولێر
5:30 ئێوارە
هەینی 21 ی ئاب

https://www.basnews.com/so/babat/917770
راگەێندراوی ئۆلۆمپی لە باس نیوز

لیژنەی ئۆلۆمپی كوردستان سەركۆنەی هێرشە درۆنییەكەی سەر ئۆفیسی سەرۆكی حكومەتی هەرێم دەكات لیژنەی ئۆلۆمپی كوردستان سەركۆنەی هێرشە درۆنییەكەی سەر ئۆفیسی سەرۆكی حكومەتی هەرێم دەكات

ڕاگەیەندراوێک لە لێژنەی ئۆلۆمپی هەرێمی کوردستان بۆ ڕای
گشتی

ئێمە لە لێژنەی ئۆلۆمپی هەرێمی کوردستان، بەناوی سەرجەم وەرزشوانان و یەکێتییە ناوەندییە وەرزشییەکانی کوردستانەوە، بە توندترین شێوە سەرکۆنەی ئەو هێرشە تێکدەرانە دەکەین کە کرایە سەر ئۆفیسی تایبەتی جەنابی سەرۆکوەزیران (مەسروور بارزانی) سەرۆکی حکومەتی هەرێمی کوردستان و شوێنی حەوانەوەی بەڕێوەبەری ئاژانسی پاراستن.

ئەم کارە دوژمنکارانەیە، هەوڵێکی نەزۆک و ترسنۆکانەیە بۆ تێکدانی ئەو ئارامی و سەقامگیرییەی کە بنەمای سەرەکییە بۆ ژیان و گەشەسەندنی هەموو سێکتەرەکان لە هەرێمی کوردستان.

وەرزشوانانی کوردستان کە هەمیشە لە مەیدانەکاندا بۆ بەرز ڕاگرتنی ناوی کوردستان تێدەکۆشن، لێرەوە بە دەنگی بەرز ڕایدەگەیەنن کە ئەم جۆرە هێرشانە نەک هەر ناتوانن ئیرادەی خۆڕاگریمان بشکێنن، بەڵکو سوورترمان دەکەن لەسەر پاراستنی
دەستکەوتە نیشتمانییەکانمان. مێژوو سەلماندوویەتی کە هیچ پیلانێکی گڵاو نەیتوانیوە و ناتوانێت ئیرادەی گەلی کورد و دامەزراوەکانی پاشەکشە پێ بکات.

وەک لێژنەی ئۆلۆمپی هەرێمی کوردستان، پشتیوانی تەواوی خۆمان بۆ جەنابی سەرۆکی حکومەت و دامودەزگا ئەمنییەکانی هەرێمی کوردستان دوپات دەکەینەوە. داواکارین
لە هەموو چین و توێژەکان، بەتایبەتی لاوان و وەرزشوانان، یەکدەنگ و یەکگرتوو بن لە بەرانبەر هەر هەڕەشەیەک کە ئاسایشی نیشتمانیمان بخاتە مەترسییەوە.

سەربەرزی بۆ گەلی کورد و پارێزراو بێت هەرێمی کوردستان.

لێژنەی ئۆلۆمپی هەرێمی کوردستان
۱۷ی ئابی ۲٠۲٦

له گەڕی چوارەمی جامی تۆپی دەستی کوردستان
سلێمانی 32 ـ 15 سەڵاحەددین

ئەمڕۆ 16ی ئاب، لە گەڕی 4ی جامی تۆپی دەستی کوردستان: سلێمانی ـ سەڵاحەددین ـ 4ی ئێوارە، هۆڵ ـ یانەی سلێمانی

ئەمڕۆ لە جامی تۆپی دەستی کوردستان:
خاک 15 ـ 0 کەیوان