SÊMÊL SPORT CLUB

ئەگەر ڕەوشا دارایی یا یانەیا سێمێل بڤی ڕەنگی بیت ئەم پشکدارییێ د خولا نایابا کوردستانێ ناکەن

ل سەر بنەمایێ ڕاستگۆیی و شەفافیەتێ، و ژبۆ پاراستنا وێ دەستکەفتێن ب ڕەنج و ماندیبوونا خۆ هەوە دگەل مە دروستکری و دەربازبوون بۆ خولا نایاب، پێدڤی دبینین هەوە ژ ڕەوشا نۆکە یا یانەیێ ئاگاهدار بکەین، کو مخابن د قۆناغەکا گەلەک هەستیار و بەرتەنگ دا دەرباز دبیت.

دیارکرنا ڤان خالان نیشاندانا ڕاستییەکا تاڵ یا ڕەوشا یانەیێ یە:

پشتی ١٤ سالێن ڤەقەتیانێ ژ خولا نایاب و دەربازبوونا مە بۆ خولا نایابا کوردستانێ ، یانە تووشی قەرەکێ مەزن بوو. ئەڤ کۆژمە ل سەر بنەمایێ هندەک سوزێن فەرمی ژ لایەنێن پەیوەندیدار هاتبوو قەرکرن کو دێ هێنە چارەسەرکرن. بەلێ هەتا ڤی چرکەیی، چ پێنگاڤێن کریاری بۆ دانا ڤان قەران دیار نەبووینە، کو ئەڤە ژی ڕێگرەکێ مەزنە د کارێ مە یێ کارگێڕی دا.

تنێ نێزیکی 2 هەیڤا بۆ دەستپێکرنا خولا نایاب ماینە. د دەمەکێ دا کو پێدڤی بوو نۆکە پێکهاتەیێ تیمێ ب تەمامی ئامادەبا و گرێبەستێن نۆی دگەل یاریزانان هاتبانە گرێدان، ژبەر نەبوونا چاڕەسەریێن دارایی، مە نەشیا چ ڤەگوهێزتنان ئەنجام بدەین بۆ دروستکرنا تیمێ .

یا ژ هەمیێ دڵگرانتر، یاریگەها یانەیا سێمێل ب تەمامی ژ کار کەفتییە و کارێن تەمامکرنا یاریگەها نۆی ڕاوەستیاینە. بڤێ ڕەوشێ، یانەیا سێمێل دێ ژ مافێ پێشوازیکرنا یارییان ل سەر ئەردێ خۆ بێبەش بیت، کو ئەڤە ژی زیانەکا مەزنە بۆ جەماوەرێ مە.

کارگێرییا یانێ ئەڤ ڕەوشە گەهاندییە هەمی ئالیێن پەیوەندیدار بەلێ هەمی ل سەر ڤی بابەتی بێدەنگ بۆینە و هیچ پێنگاڤەک نە هاڤێتیە بۆ چارەکرنا ڤان ئاریشان، ئەگەر ئەڤ ڕەوشە بڤی ڕەنگی بەردەوام بیت یانەیا سێمێل پشکداری خولا نایابا کوردستانێ نابیت

⁨ کارگێرییا یانەیا سێمێل پیرۆزباهیێ ل کاپتن عیماد یونس دکەت

بناڤێ کارگێرییا یانەیا سێمێل یا وەرزشی پیرۆزباهیێ ل کاپتن عیماد یونس دکەین پشتی کو پشکداری د قارەمانیا جیهانی یا تایکواندویێدا کری ب پشکدارییا ٦١ وەلاتان شیا ڕێزا پێنجێ بدەست خوڤە بینیت دوبارە پیروزبیت کاپتن هیڤیخوازن سالێن بهێت ڕێزبەندییێن پێشیێ مسوگەر بکەی⁩

ب خەم و کۆڤانەکا کوورڤە، نووچەیێ وەغەرکرنا وەرزشڤانێ دێرین و بەرنیاسێ دەڤەرێ (حسین محمد حاجی - ئەبو نوفێ) گەهشتە مە.

ب ڤێ هەلکەفتا خەمگین، ئەم ل کارگێڕییا یانەیا سێمێل یا وەرزشی ب ناڤێ هەمی یاریزان و جەماوەرێ یانەیێ، پرسە و سەرەخۆشیێن خۆ یێن ژ دل ئاراستەی بنەمالا خودێ ژێ ڕازی دکەین.

ژ خودایێ مەزن دخوازین کو گیانێ وی ب بەهەشتا بەرین شاد بکەت و سەبر و هەدارێ ب دەتە بنەمالا وی یا بەرێز .

کارگێڕییا یانەیا سێمێل یا وەرزشی

ئەڤرۆ مە دەستپێکر هووین دشێن هەر نۆکە ناڤێن خوە تۆماربکەن 💛🩵💛

ژمارێن پەیوەندی کرنێ

07507718049 - 07504948512⁩⁩

ببە ستێرا پاشەرۆژێ، ئەکادیمییا یانەیا سێمێل دەرگەهێن خۆ ڤەکرن 🩵💛🩵

وێنەیێن ئەڤرۆ یێن سەرەدانا کارگێرییا یانەیا مە دگەل ستافێ راهێنەر و یاریزانان بۆ مەکتەبا رێکخستنا پارتی دیموکراتی کوردستان ل دهۆکێ