Hlaupahátíð á Vestfjörðum

Núna í ár fagnar Vesturgatan 20 ára afmæli sínu en þetta hlaup fór fyrst fram sumarið 2006. Það varð síðar, ásamt Óshlíðarhlaupinu, hryggjarstykkið í Hlaupahátíð á Vestfjörðum.

Einn af stofnendum Vesturgötunnar var Ingvi Gunnarsson, Ísfirðingur sem lengst af hefur verið búsettur syðra en ætíð sýnt heimahögunum mikla ræktarsemi. Ekki alls fyrir löngu greindist Ingvi með krabbamein í heila og hefur síðan verið í meðferð við meininu bæði hérlendis og erlendis. Það er auðvitað gríðarlega krefjandi að fá svona verkefni upp í hendurnar, verkefni sem enginn myndi kjósa sér að verða þátttakandi í. Í viðbót við allt annað sem Ingvi og fjölskylda hans þurfa að ganga í gegnum þessi misserin þá er svona barátta óhemju dýr.

Vinir og velunnarar Ingva hafa stofnað bakvarðasveit til stuðnings honum og fjölskyldu hans. Hlaupahátíð á Vestfjörðum ætlar að styrkja bakvarðasveitina með því að láta 10% af öllum skráningargjöldum renna til hennar. Ef einhver óskar eftir því að styrkja bakvarðasveitinga enn frekar þá er hægt að gera það á www.netskraning.is

Fyrsta útiæfing vorsins hjá Riddurum Rósu.
Þriðjudaginn 5. maí ætlum við að starta hlaupasumrinu með æfingu frá Torfnesi kl 17:15.

Allir eru hjartanlega velkomnir og bjóðum við nýliða og þá sem vilja byrja hlaupaferilinn aftur sérrstaklega velkomin.

Við þjálfum undir prógrami frá mjög reyndum þjálfara undir leiðsögn meðlima í RR. Prógramið er sem fyrr þrískipt og miðar að því að allir geti tekið þátt, sama hvert geturstigið er.

Endilega breiðið út fagnaðarerindið og bjóðið sem flestum með ykkur.

Sjáumst á Þriðjudaginn