Ungmennasamband Eyjafjarðar

Hlauparar athugið! Elsta utanvegahlaup á Íslandi verður 4. júlí n.k.

Þorvaldsdalsskokkið 33. Þorvaldsdalsskokkið 4. júlí

Það styttist í Landsmót 50+ 😄

Þátttakendur í ringó-hópi Virkra efri ára og EBAK eru komin með glænýja búninga fyrir Landsmót UMFÍ 50+.

Skráning hafin á Landsmót UMFÍ 50+ - Ungmennafélag Íslands Opið er fyrir skráningu á Landsmót UMFÍ 50+ sem fram fer í Hrafnagilshverfi í Eyjafirði, á Akureyri og Dalvík dagana 26. – 28. júní. Þátttakendur geta valið úr hátt í 20 greinum og skráð sig í eins margar og áhugi er á fyrir eitt verð. Flestar greinar eru fyrir 50 ára og e...

Þorvaldsdalsskokkið verður 4. júlí! Elsta skipulagða utanvegahlaup á Íslandi! Forskráning á netskraning.is

Þorvaldsdalsskokkið 33. Þorvaldsdalsskokkið 4. júlí

Frábært, til hamingju!

Landsmót UMFÍ 50+ verður haldið í Hrafnagilshverfi í Eyjafjarðarsveit, dagana 26. – 28. júní á næsta ári. Þorgerður Guðmundsdóttir, formaður Ungmennasambandi Eyjafjarðar, Hermann Ingi Gunnarsson, oddviti sveitarstjórnar Eyjafjarðarsveitar, og Jóhann Steinar Ingimundarson, formaður UMFÍ, undirrituðu samning um mótahaldið á fimmtudag í síðustu viku.

Kvittuðu upp á Landsmót UMFÍ 50+ 2025 - Ungmennafélag Íslands Landsmót UMFÍ 50+ verður haldið í Hrafnagilshverfi í Eyjafjarðarsveit, dagana 26. – 28. júní á næsta ári. Þorgerður Guðmundsdóttir, formaður Ungmennasambandi Eyjafjarðar, Hermann Ingi Gunnarsson, oddviti sveitarstjórnar Eyjafjarðarsveitar, og Jóhann Steinar Ingimundarson, form...

Valgerður Reykjalín hefur verið ráðin í starf framkvæmdastjóra UMSE. Valgerður er íþróttafræðingur og kennari, sem flutti nýverið aftur heim til Dalvíkur ásamt fjölskyldu sinni eftir að hafa búið á Höfn í Hornafirði síðustu ár. Valgerður verður í hálfu starfi hjá UMSE en þar eru næg verkefni framundan, m.a. undirbúningur fyrir Landsmót 50+ sem verður haldið í Eyjafjarðarsveit í lok júní 2026.
Við bjóðum Valgerði hjartanlega velkomna til starfa! Hér er mynd af henni ásamt Þorgerði Guðmundsdóttur formanni UMSE.

BLAK BLAK BLAK 🏐 🏐🏐

Loksins er komið að fyrstu blakæfingu haustsins í kvöld kl 18!

Bjarkirnar eru hressar konur í blaki hér á Svalbó og viljum endilega bæta við okkar frábæra hóp.

Allar velkomnar að prófa, bæði vanar og óvanar!

Æfingar verða á þriðjudögum og fimmtudögum kl. 18-19:30

Þjálfari er Olga Siminyakina

Íþróttavika Evrópu er haldin núna í 10 skiptið og er Eyjafjarðarsveit virkur þátttakandi í verkefninu í ár eins og undanfarin ár.

Íþróttavikan er haldin víðsvegar um álfuna í september ár hvert. Markmið hennar er að kynna íþróttir og hreyfingu fyrir almenningi í Evrópu og er hún ætluð öllum óháð aldri, bakgrunni eða líkamlegu ástandi.

Einstaklingum og félagasamtökum sem bjóða upp á hreyfi- og vellíðunarúrræði er boðið að skipuleggja viðburð í íþróttavikunni og hafa íbúar Eyjafjarðarsveitar brugðist vel við eins og áður.
Ungmennafélagið Samherjar er með fyrirferðarmikla dagskrá í íþróttavikunni og býður upp á fjölda opinna æfinga í ýmsum íþróttagreinum fyrir alla aldurshópa. Sérstök athygli er vakin á íþróttatímum 60+ en þar er boðið upp á kynningar í Boccia, styrktaræfingum, vatnsleikfimi og Ringo.

Eyjafjarðarsveit er þekkt fyrir öfluga og vandaða jógastarfsemi og mun ýmislegt verða í boði fyrir almenning á því sviðinu hjá þremur jógakennurum. M.a. verður boðið upp á Gong-slökun í sundlauginni og verður aðeins bætt í hitann af því tilefni.

Skógræktarfélag Eyjafjarðar hefur nýverið tekið í notkun nýtt bílastæði við Garðsárreit og munu þau taka á móti fólki og opna reitinn sem er afar fallegur og með stórfenglegt útsýni yfir glúfur Garðsárinnar.

Erla Guðmundsdóttir heilsumarkþjálfi, ráðgjafi, kennari og íþróttafræðingur mun halda fyrirlestra fyrir unglinga í félagsmiðstöðinni og eldri borgara og almenning í Félagsborg. Erla heldur úti vefsíðunni heilsuerla.is og vinsælu hlaðvarpi sem heitir Með lífið í lúkunum.

Stærsta nýjungin þetta árið er svo kallað „virkniþing“ þar sem þeir sem bjóða upp á hreyfi- og vellíðunarúrræði í sveitarfélaginu kynna sína dagskrá í íþróttahúsinu laugardaginn 27. september kl. 11 – 14. Í anda verkefnisins Bjartur lífsstíll, verður kynning á Pokakasti og Boccia og verður gestum boðið að taka þátt. Þá ætla kvenfélögin að sameinast um kaffi- og vöfflusölu til fjáröflunar, Lionsklúbburinn Sif verður með kynningarbás og þetta verður því sannarlega kynning bæði á andlegri og líkamlegri næringu.

Virkniþingið verður nánar auglýst strax eftir helgina.

Það er fullt í boði í sveitinni okkar og ástæða til að lyfta því upp og vekja athygli á. Við vonumst til að íbúar taki íþróttavikunni fagnandi og kynni sér það sem er í boði í hreyfi- og vellíðunarúrræðum án allra skuldbindinga eða kröfu um líkamlegt- eða andlegt atgervi.

Knattspyrnumót UMSE var haldið á Hrafnagili fimmtudaginn 4. september, fyrir 4.-8. flokk. Aðalmarkmið mótsins er að allir sem vilja geti mætt og skemmt sér saman í fótbolta - í sönnum ungmennafélagsanda. Rúmlega 100 þátttakendur frá fimm félögum mættu til leiks, en það voru Umf. Samherjar, Umf. Smárinn, Umf. Þorsteinn Svörfuður, Umf. Æskan og Magni Grenivík. Mótið fór vel fram í ágætu veðri, þó vissulega hefði sólin mátt láta sjá sig. Að leik loknum fengu allir keppendur pítsu, svaladrykk og þátttökuverðlaun.
Stjórn UMSE þakkar framkvæmdastjóra Umf. Samherja og sjálfboðaliðum fyrir sitt framlag og fyrir samstarfið, en það gerði það að verkum að þetta mót yrði að veruleika.