Ég býð upp á einkatíma í jóga og jógaþerapíu með áherslu á að aðlaga æfingar að ein En jóga er bara svo miklu meira en það sem við sjáum.
Ég hef ástundað jóga frá árinu 2016 þegar ég tók skrefið og skráði mig í jógakennaranám í Jóga og blómadropasóla Kristbjargar. Ég hef frá þeim tíma lokið þrem stigum kennaranáms eða 800 tímum, undi rhandleiðslu Kristbjargar Kristmundsdóttur og Shri Swami Ashutosh Muni, hér á landi og í Bandaríkjunum. Að skrá mig í þetta nám, var það besta sem ég hef gert fyrir sjálfa mig. Þegar námið hófst var ég
lituð af því sem sýnt var á samfélagsmiðlum, fallegar jógastöður í fallegu umhverfi- yfirleitt stöður sem eru óaðgengilegar fyrir flesta. Jóga er lífsstíll sem nýtist manni til að læra betur á sjálfan sig, verða betri útgáfan af sjálfum sér. Jóga færir okkur ótal verkfæri til að vinna með sjálf okkur, læra á okkur og komast nær okkar kjarna, enda þýðir "yoga" eining, og má yfirfæra sem einingu líkama og sálar. Við verðum fyrir svo miklu áreiti allt í kring um okkur allan daginn að flest gleymum við að sinna sjálfum okkur. Jóga er raunverulega fyrir alla, það eina sem þarf er að vera til staðar, það er alltaf hægt að finna leið fyrir þann sem vill. Jóga er stöðugur lærdómur, eins og lífið er allt. jógað hefur hjálpað mér mikið síðustu ár þó allra mest til að takast á við sjálfa mig, sem hefur verið mitt stærsta verkefni.
Ég hef kennt hópum á námskeiðum í sal og einnig á netinu. Í dag býð ég upp á einkatíma í jóga ásamt jógaþerapíu. Jógað sem ég kenni byggir á áttfaldri leið Patanjalis, sem er það sem mitt nám hefur byggst á, þekkist einnig undir nafninu Hatha, eða Rajayoga. Tímarnir eru fjölbreyttir og lagaðir að þörfum hvers og eins. Geta hentað byrjendum og lengra komnum, fyrir þá sem vilja fá betri innsýn inn í jógað til að hefja sjálfstæða ástundun. Ég fer vel yfir grunnstöður þar sem ég kenni hverja og eina, öndunartækni og aðferðir, hugleiðslu og slökun og kynni yömur og niyömur sem eru undirstaða jógaástundunar. Jógaþerapían er meðferðarform af jóga, þar sem jógastöður eru notaðar til að losa um stíflur í orkustövum líkamans. þessar stíflur geta verið tilfinningalegar eða líkamlegar. Jógaþerapían krefst ekki neins af þiggjanda nema að vera til staðar og gefa eftir á meðan unnið er með líkama viðkomandi með því að setja hann í ákveðnar stöður fyrir hverja og eina orkustöð. Best er að koma í nokkur skipti til að finna ávinning jógaþerapíunnar.
Ávinningur þess að ástunda jóga, er mikill, jóga getur veitt okkur slökun, vellíðan og hugarró, bætta athygli, betri líkamlegan styrk og liðleika og bætta líkamstðu og líkamsvitund. Undanfarin ár hafa áhrif jóga á andlega og líkamlega líðan verið töluvert rannsökuð og sýnt jákvæarð niðurstöður gagnvart andlegri og líkamlegri heilsu. Frekari upplýsingar er hægt að fá með því að hafa samband við mig hér á síðunni eða í netfangið [email protected]
Hafið í hugar að jóga eða jógaþerapía eru ekki lækningameðferðir koma ekki í stað þeirra.
09/02/2024
