15/09/2026
LOKAHÓF HAMRANNA 2026⚫️🟡🏆
Lokahóf Hamranna var haldið síðastliðinn laugardag eftir úrslitaleikinn þar sem liðið tryggði sér 5. deildar bikarinn.
Eftir langt og viðburðaríkt tímabil var svo sannarlega tilefni til að fagna. Liðið skemmti sér konunglega heima hjá Gunnari Þóri, framkvæmdastjóra, stofnanda og leikmanni Hamranna. Þar beið okkar frábær matur sem kokkurinn töfraði fram fyrir liðið og voru allir bæði saddir og alsælir.
Kvöldinu lauk svo með verðlaunaafhendingu þar sem veittar voru viðurkenningar fyrir frábært tímabil í 5. deildinni.
Það var svo sannarlega ekki auðvelt að velja í ár þar sem hópurinn er fullur af öflugum leikmönnum sem allir hafa lagt sitt af mörkum til að gera þetta tímabil að því sem það varð.
