Íþróttamiðstöðin Hrafnagilshverfi

30/09/2026

MIðvikudagur í íþróttaviku - síðasti dagurinn.

Í dag er hægt að kynna sér Boccia-íþróttina kl. 11.20 og síðdegis tekur badmintontrimmhópurinn á móti áhugasömum í opnum tíma.

Frítt í sund í dag - síðasta dag Íþróttaviku Evrópu 2026.

29/09/2026

Þriðjudagur í íþróttaviku.
Í dag er opinn tími hjá Ringo-liðinu okkar magnaða kl. 11.20 og seinni partinn er svo mikið um að vera þar sem unglingarnir geta sótt opna æfingu í hnefaleikum og bæði Gaia-hofið á Leifsstaðabrúnum og Vökuland Wellness bjóða upp á opna tíma kl. 17. Athugið að bóka þarf pláss á hjá Vökulandi Wellness netfanginu [email protected]. Botninn er svo sleginn í dagskrá dagsins með opnum tíma í fótbolta karla.
Áfram frítt í sund.

28/09/2026

Mánudagur í íþróttaviku.
Í dag er hægt að skella sér í vatnsleikfimi í sundlauginni, og í körfubolta í opnum tíma ungmennafélagsins kl. 18.
Þá mun félagsmiðstöðin sjá um íþróttafjör hjá unglingastigi mill kl. 17 og 18.

25/09/2026

Íþróttavikan heldur áfram um helgina. Okkar minnsta fólk fær sannarlega eitthvað til að skoða því það eru opnir tímar bæði í kríladansi og leikjaskóla á vegum UMF Samherja.
Á Vökulandi Wellness verður boðið upp á blandaða upplifun í Yurtinu þeirra, en athugið að þar er takmarkað pláss og þörf á að bóka á netfanginu [email protected].
Ungmennafélagið mun svo standa fyrir fjölskyldufjöri á laugardaginn milli kl. 16 og 18 en þar geta fjölskyldur sameinast í allskonar leikjum, keppt sín á milli í ýmsum þrautum og átt virkilega góða stund saman.

24/09/2026

Föstudagur til fjörs og fimi.

Vertu með í íþróttavikunni, áhersla föstudagsins er á aldurshópinn 60+.

23/09/2026

Það er fjölbreytt og skemmtileg dagskrá í Íþróttaviku Evrópu á morgun fimmtudag. Allir með sko!!!

22/09/2026

Dagskrá Íþróttaviku Evrópu hefst á morgun miðvikudaginn 23. september.

17/09/2026

Íþróttavika Evrópu fer að hefjast - eitthvað fyrir alla :)

11/09/2026

10 ára starfsafmæli í íþróttamiðstöðinni

Ásta Heiðrún Stefánsdóttir á um þessar mundir 10 ára starfsafmæli í Íþróttamiðstöð Eyjafjarðarsveitar. Ásta hefur staðið vaktina allt frá því í september 2016 og af þessu tilefni var skellt í smá kaffisamsæti henni til heiðurs.

Við óskum Ástu til hamingju með þessi tímamót.

10/09/2026