UMFS Dalvík - Yngri flokkar Knattspyrna

Reycup fór fram 22.- 26.Júlí í Reykjavík og var 1 lið frá KF/Dalvík á mótinu í 4.flokki karla. Strákarnir stóðu sig gríðarlega vel og fóru ósigraðir í gegnum sinn riðil og alla leið í undanúrslit þar sem þeir töpuðu í vítaspyrnukeppni, þeir sigruðu svo ÍBV í leik um 3.sætið og luku því leik með bronsi. Frábær árangur hjá þessu flotta liði.

Nú fer að síga á seinni hluta sumarsins, lítið eftir af íslandsmóts leikjum og aðeins eitt stórt mót eftir sem fer fram um helgina á Akúreyri þegar 6.flokkur kvenna spilar á N1 Mótinu með 3 lið.

https://dal.is/ fjallaði gríðarlega vel um mótið á síðunni sinni og samfélagsmiðlum, birti myndir og uppfærslur. Hægt að skoða það á síðunni hjá þeim og einnig þökkum við þeim fyrir að sína liðinu áhuga.

Strandarmótinu 2026 lokið. 430 keppendur úr 11 félögum léku alls 230 leiki við frábærar aðstæður á Dalvíkurvelli. Mótið fór gríðarlega vel fram og vill stjórn senda kærar þakkir á alla keppendur, foreldra, þjálfara fyrir daginn og síðast en ekki síst þakka sjálfboðaliðum sem aðstoðuð okkur við að láta hlutina ganga upp.🥳💙🤍

Strandarmótið fer fram á morgun í frábæru veðri. um 400 keppendur taka þátt og ljóst er að mikið stuð verður á Dalvíkurvelli. Erfitt er að spila án dómara og okkur vantar 4 aðila til að taka að sér dómgæslu milli 14 og 16. Það er fátt betra en að standa út á fótboltavelli í frábæru verði og fylgjast með frábæru krökkum í fótbolta :D Hafið samband í skilaboð ef þið getið aðstoðað okkur

Við Dalvíkingar eigum 3 glæsilega fulltrúa í ár í Bestu deild karla, einnig þó nokkra leikmenn sem stigu sín fyrstu skref í meistaraflokki með Dalvík/Reyni.

Í KA eru 2 Dalvíkingar í stóru hlutverki. Markús Máni Pétursson hefur vakið verðskuldaða athygli fyrir vasklega framgöngu í hjarta varnarinnar. Þá skoraði Sveinn Margeir Hauksson 2 mörk í síðasta leik í endurkomu sigri á ÍA. Sveinn leikur með KA á láni en hann er samingsbundinn Víking Reykjavík og hefur verið að ná sér á strik eftir erfið meiðsli síðasta vetur.

Með Stjörnunni leikur Þorri Mar Þórisson, hann hefur leikið 6 leiki og skorað 1 mark það sem af er tímabili.

Frábærir fulltrúar Dalvíkur og fyrirmyndir fyrir okkar iðkenndur.

Áfram Dalvík 💙🤍

Mikil, stór og eftirminnileg vika hjá stelpunum okkar í 4. 5. Og 6.flokki.

4.flokkur KF/Dalvík hélt til Finnlands þar sem tekið var þátt í Helsinki Cup. 16 stelpur ásamt þjálfara, farastjórum og foreldrum áttu frábæra daga á þessu stóra og flotta móti. Stelpurnar léku 5 leiki gegn firna sterkum þrem finnskum liðum, einu sænsku og einu spænsku liði. Úrslitin voru þeim ekki í hag en mikil og dýrmæt reynsla og ógleymanlegar minningar. Liðið lék í glæsilegum bleikum búningum sem sérstaklega voru gerðir fyrir mótið.

5. og 6. flokkur léku á Símamótinu í Kópavogi þar sem heildarfjöldi keppanda var um 3100 í íslensku sumarveðri.

5.flokkur mætti með 2 lið til leiks með KF. Lið 1 komst í undanúrslit í sínum styrkleika og Lið 2 stóð sig með stakri prýði.

6.flokkur var með 3 sameiginleg lið með KF. Lið 1 kom heim með gullverðlaun eftir frábæra frammistöðu á mótinu, Lið 2 og 3 stóðu sig feykna vel.

Heilt yfir getum við verið gríðarleg stolt af öllum þeim frábæru stelpum sem við eigum. Allar sem ein voru félaginu til mikils sóma innan sem utan vallar, uxu sem lið og einstaklingar og það sem er mikilvægast af öllu er að þær fylltu minningarbankann af ógleymanlegum augnablikum.

Áfram Dalvík!💙🤍

Fótbolti er æðisgengið áhugamál…sérstaklega á sumrin. Iðkenndur okkar hafa undanfarnar vikur leikið allt frá Egilsstöðum til Vestmannaeyja. Íslandsmót í 5.flokki og 4.flokki í fullum gangi og mót í gangi hverja helgi.

Félagið átti 2 lið á N1 mótinu í 5.flokki karla og 2 lið á Norðurálsmótinu í 7.flokki í Júní. Sem fyrr stóðu okkar menn sig með mikilli prýði, sýndu dugnað og eljusemi ásamt því að hafa einstaklega gaman, það sem þetta snýst allt um.

Núna um helgina eru 6.flokkur og 5.flokkur kvenna staddar á Símamótinu þar sem rúmlega 3000 keppendur eru skráðir til leiks.

Strandarmotið okkar er svo haldið 18.Júlí næst komandi.

Strandarmótið | Mótamiðja UMFS Dalvík – Fótbolti. 18. júlí - 18. júlí, Dalvík.

Sumarið er komið á fullt skrið og okkar iðkenndur eru víðsvegar um landið þessa daganna. Um síðustu helgi fór TM mótið fram í Vestmannaeyjum fyrir 5.flokk kvenna. KF/Dalvík var með 2 lið á mótinu og stóðu bæði lið sig gríðarlega vel í hörku leikjum allt mótið. Allir iðkenndur, þjálfarar og foreldrar voru félögum sínum til mikils sóma.

Þessa helgi er Norðurálsmótið í gangi á Akranesi og þar er Dalvík með 2 lið skráð til leiks í 7.flokki karla. Kraftmiklir og flottir strákar þar á ferð og verður spennandi að fylgjast með helginni hjá þeim

Áfram Dalvík🔵⚪️

Sumartafla 2026

Gildir: 8.Júní - 24. ágúst

Opnað verður fyrir skráningu 1.júní á Abler og skrá þarf iðkenndur fyrir 15.júní.

Ef einhverjum vantar aðstoð eða hefur spurningar varðandi skráningu er hægt að senda okkur skilaboð hér á Facebook

Starf yngri flokka UMFS Dalvík byggir á þeirri hugmynd að allir eigi rétt á að taka þátt og fá verkefni við hæfi. Við viljum leggjum áherslu á jákvætt og uppbyggilegt umhverfi þar sem iðkendur læra að bera virðingu fyrir sjálfum sér, liðsfélögum, andstæðingum, dómurum og samfélaginu í kringum félagið.

Knattspyrnudeildin vill vera staður þar sem gleði og metnaður fara saman. Við viljum að iðkendur mæti á æfingar af áhuga, upplifi öryggi innan hópsins og fái tækifæri til að þróast bæði sem leikmenn og einstaklingar.

Við hlökkum til að sumarsins með iðkenndum, þjálfurum og foreldrum ⚽️