Stjarnan körfubolti

Yfirlýsing – vegna frétta af félagaskiptum Hilmis Arnarsonar

Í gær birti visir.is frétt um félagaskipti Hilmis Arnarsonar frá Álftanesi yfir í Stjörnuna.
Vegna þeirrar fréttar viljum við koma á framfæri leiðréttingu, því þar er sagt að Stjarnan hafi keypt leikmanninn frá Álftanesi. Það er rangt.

Leikmaðurinn samdi við Álftanes um að greiddi hann ákveðna upphæð myndi hann losna undan samningi við félagið og gæti samið við annað lið
Stjarnan greiddi upphæðina inná reikning Ungmennafélags Álftaness og félagaskiptin ganga í gegn eins og um var samið.
Það var samkomulag að Stjarnan myndi greiða þessa upphæð til að flýta fyrir félagaskiptunum og kostnaður við þau verði dregin af umsömdum kjörum leikmannsins á samningstímanum.

Stjarnan vill ítreka að haft var samband bæði við þann sem skrifaði fréttina og yfirmann hans, Henry Birgi fréttastjóra hjá SÝN og bað þá að leiðrétta fréttina, en þeir töldu sig vera með undir höndum sannanir fyrir því að Stjarnan hafi keypt leikmanninn af Álftanesi.

Hvorki fréttaritarinn né Henry Birgir höfðu samband við Stjörnuna né leikmanninn til að sannreyna þá yfirlýsingu sem þeir halda fram í fréttinni.

Körfuknattleiksdeild Stjörnunnar harmar svona fréttaflutning og að ekki skyldi hafa verið rætt við alla aðila málsins til að kanna heimildir, sérstaklega sökum þess að deildin hefur átt gott samstarf við starfsmenn SÝN sem hafa unnið kraftaverkastarf til að lyfta körfuboltanum á Íslandi á þann stall sem hann er nú þegar á.

Körfuknattleiksdeild Stjörnunnar

Viktor Jónas endurnýjar samning við Stjörnuna✍️

Viktor Jónas hefur endurnýjað samning við Stjörnuna og mun leika með liðinu í Bónus deildinni í vetur, eftir að hafa spilað 15 leiki með liðinu í fyrra.

Viktor Jónas er fæddur árið 2006 og spilaði stórt hlutverk nú í sumar í U20 landsliði Íslands, og var valinn í úrvalslið keppninnar, þegar landsliðið tryggði sig í A-deild.
Það er mikill styrkur að Viktor Jónas verði áfram í Stjörunni, og verður gaman að fylgjast með honum í vetur í ÞG verk höllinni.

Til hamingju Viktor Jónas – Til hamingju Stjarnan

Skíni Stjarnan 💙

Hilmir Arnarson semur við Stjörnuna

Hilmir hefur skrifað undir tveggja ára samning við Stjörnuna og mun leika með liðinu í Bónus deildinni í vetur.

Hilmir er fæddur árið 2005 og spilaði 22 leiki í deildinni í fyrra og skilaði 6 stigum og tæpum 3 fráköstum að meðaltali í leik.

Hilmir var valinn besti ungi leikmaðurinn þegar hann spilaði með Haukum í Bónusdeildinni 2024-25, en er uppalinn í gegnum yngri flokkana hjá Fjölni.

Við bjóðum Hilmi velkominn í Stjörnuna og hlökkum til að fylgjast með honum í ÞG Verk höllinni í vetur.

Til hamingju Hilmir – Til hamingju Stjarnan

Skíni Stjarnan💙

Bára Björk Óladóttir semur ✍️

Bára Björk hefur skrifað undir nýjan samning við Stjörnuna. Hún hefur æft og spilað körfubolta frá unga aldri með Stjörnunni og verður gaman að fylgjast með henni í ÞG verk höllinni í vetur.

Til hamingju Bára Björk - til hamingju Stjarnan 💙

Skíni Stjarnan!

Í sumar hafa fulltrúar Stjörnunnar verið áberandi með yngri landsliðum Íslands og staðið sig með mikilli prýði. Landsliðin hafa átt góðu gengi að fagna og okkar fólk sömuleiðis.

U16 landslið drengja vann til bronsverðlauna á Norðurlandamótinu í Finnlandi og U16 landslið stúlkna hafnaði í fjórða sæti.

Þar áttum við s*x fulltrúa.

Kormákur Nói Jack
Baltasar Torfi Hlynsson
Úlfur Týr Ágústsson
Jón Breki Sigurðarson
Kristinn Sturluson
Eva Ingibjörg Óladóttir

U18 landsliðin stóðu sig einnig vel á Norðurlandamótinu í Svíþjóð. Bæði stúlkurnar og drengirnir unnu til bronsverðlauna. Þar áttum við fjóra fulltrúa.

Steinar Rafn Rafnarsson
Jakob Kári Leifsson
Daníel Geir Snorrason
Sigrún Sól Brjánsdóttir

U20 ára liðin stóðu sig frábærlega.

Stelpurnar náðu frábærum árangri í A-deild Evrópumótsins í Litháen með því að halda sæti sínu í A-deildinni, strákarnir sömuleiðis í B-deild Evrópumótsins í Slóvakíu, þeir enduðu þar í öðru sæti og tryggðu þannig sæti í A- deild á næsta ári .

Við áttum fimm fulltrúa.

Berglind Katla Hlynsdóttir
Elísabet Ólafsdóttir
Heiðrún Björg Hlynsdóttir
Viktor Jónas Lúðvíksson
Atli Hrafn Hjartarson

Einnig má geta þess að Emil Barja þjálfari mfl.kk þjálfar U-20 ára stúlkur og Ögmundur Árni Sveinsson og Sigurður Friðrik Gunnarson er aðstoðarþjálfarar hjá U16 drengjum

Við erum afar stolt af öllum fulltrúum Stjörnunnar sem hafa tekið þátt í verkefnum yngri landsliða Íslands í sumar.

Sumrinu er þó ekki lokið.
Enn eiga U16 og U18 liðin eftir að fara í Evrópukeppnir og U15 liðin fara á mót í Kisakallio í Finnlandi en þar eigum við sömuleiðis flotta fulltrúa.

Björn Skúli Birnisson semur ✍️

Björn Skúli hefur skrifað undir nýjan samning við Stjörnuna. Hann hefur æft og spilað körfubolta frá 5 ára aldri og alla tíð fyrir Stjörnuna. Björn Skúli er 19 ára og verður gaman að fylgjast með honum í ÞG verk höllinni í vetur.

Til hamingju Björn Skúli - til hamingju Stjarnan 💙

Skíni Stjarnan!

Körfuknattleiksdeild Stjörnunnar og ÞG VERK skrifuðu undir nýjan tveggja ára samning og verður ÞG VERK áfram aðal styrktaraðili deildarinnar.

Skrifað var undir samninginn í nýrri glæsilegri þakíbúð ÞG verks í Þorraholti og voru það Þorvaldur Gissurarson forstjóri ÞG Verks, Einar Karl Birgisson formaður körfuknattleiksdeildar Stjörnunnar og Hrefna Þorvaldsdóttir framkvæmdastjóri sölu og markaðsmála ÞG Verks sem skrifuðu undir samninginn.

„Það er mikill styrkur fyrir okkur að ÞG Verk geri nýjan samning til tveggja ára, og styðji þannig áfram við það góða starf sem við höfum byggt upp á síðustu árum” segir Einar Karl Birgisson formaður körfuknattleiksdeildar Stjörnunnar.

„Við erum stolt af því að halda áfram sem aðal styrktaraðili Stjörnunnar í körfubolta og leggja hönd á plóginn í vegferð félagsins. Við hlökkum til að fylgjast með árangri liðsins á næstu tímabilum“ segir Þorvaldur Gissurarson forstjóri ÞG Verks

Skíni Stjarnan 💙

Ísabella Fjeldsted Magnúsdóttir semur við Stjörnuna ✍🏻

Ísabella hefur gert tveggja ára samning við Stjörnuna, en hún er uppalin hjá Haukum og hefur spilað þar upp alla yngri flokkana. Hún var í U15 landsliðinu fyrir tveimur árum og í æfingahóp fyrir U16 nú í fyrra.

Við hlökkum til að sjá Ísabellu á gólfinu í ÞG Verk höllinni í vetur!

Til hamingju Ísabella – Til hamingju Stjarnan!

Stjarnan hefur gengið frá samningi við sjúkraþjálfarateymið sem hefur verið með okkur undanfarin ár, þau Agnesi Sjöfn Reynisdóttur, Hilmar Þór Hilmarsson og Jóhannes Má Marteinsson.
Þau hafa verið með meistaraflokk karla og kvenna og er það okkur mikilvægt að halda sama teymi áfram.

Eins munum við leggja áherslu á með þeim í vetur stuðning við yngri flokka iðkendur, til að fyrirbyggja og leiðbeina þeim í gegnum meiðsli.

Við allt utan um hald okkar á meistaraflokkunum og yngri flokkum þá spila sjúkraþjálfararnir stóra rullu, og erum við þakklát fyrir að hafa þetta teymi hjá Stjörnunni.

Skíni Stjarnan 💙