Stjarnan körfubolti

18/09/2026

ÁRSKORTIN ERU KOMIN Í SÖLU!

Við ætlum að vera með tilboð á árskortunum út september og hvetjum ykkur eindregið til þess að nýta ykkur það 🔥

Árskortin eru til sölu í gegnum Stubb: https://stubb.is/stjarnan/passes

SKÍNI STJARNAN 💙

Árskort

18/09/2026

Minningarmót Óla Jó

Stelpurnar okkar taka þátt í Minningarmóti Óla Jó sem fer fram í HS-Orku höllinni í Grindavík dagana 16.–19. september. Ásamt Stjörnunni leika Grindavík og Keflavík á mótinu.

Óli Jó, sem lést árið 2025, átti mjög stóran sess í sögu körfuboltans og sérstaklega í Grindavík. Heiður fyrir okkur að taka þátt í mótinu og minnast framlags hans til félagsins og körfuboltans og slípa saman liðið fyrir veturinn.

Stelpurnar spila á föstudagskvöld kl 19 við Keflavík og á laugardaginn kl 14 við Grindavík.

Það styttist í tímabilið, við hvetjum Stjörnufólk til að mæta til Grindavíkur og styðja við stelpurnar.

Skíni Stjarnan!

17/09/2026

Æfingar fara frábærlega af stað hjá minnibolta 6–7 ára hópunum okkar!

Við erum afar stolt af viðtökunum í haust, en nú þegar eru 77 iðkendur skráðir í 6–7 ára karla og 42 iðkendur í 6–7 ára kvenna, auk þess sem margir nýir iðkendur eru að koma og prófa.

Til að mæta þörfum hópsins og veita sem besta þjónustu höfum við tekið upp nýtt fyrirkomulag hjá þessum aldri í samstarfi við hinar deildir Stjörnunnar:
-Hverfisæfingar: Ein æfing á viku fer fram í hverfi iðkenda.
-Helgaræfingar: Ein stór helgaræfing þar sem allir hóparnir koma saman.

Skráning fer fram í gegnum Abler en við hvetjum alla áhugasama krakka til að mæta og prófa!

Í boði eru skemmtilegar og gefandi æfingar undir stjórn reynslumikilla þjálfara. Við hlökkum til að sjá ykkur!

Hér má sjá æfingartímana hjá hópnum:

MB.6-7 ára. KK - 2019-2020
Þriðjudagar 15:00-16:00 - Urriðaholt(Urriðaholtsskóli)
Miðvikudagar 15:00-16:00 - Mýrin(Hofsstaðaskóli)
Fimmtudagar 15:00-16:00 - Ásgarður, gamli salur(Flata-, Sjálands-, Alþjóða- og Hjallaskólinn)

Laugardagar 10:30-11:30 - Ásgarður, stóri salur( Allir skólar- 6 ára 2020)
Laugardagar 11:30-12:30 - Ásgarður, stóri salur( Allir skólar- 7 ára 2019)

MB.6-7 ára. KVK - 2019-2020

Þriðjudagar 14:00-15:00 - Urriðaholt(Urriðaholtsskóli)
Miðvikudagar 14:00-15:00 - Mýrin(Hofsstaðaskóli)
Fimmtudagar 14:15-15:15 - Ásgarður, gamli salur(Flata-, Sjálands-, Alþjóða- og Hjallaskólinn)

Laugardagar 09:30-10:30 - Ásgarður, stóri salur (Allir skólar- 6-7 ára, 2019-2020)

SKÍNI STJARNAN 💙

14/09/2026

Við minnum á æfingaleikinn í kvöld!

Strákarnir taka á móti Keflavík í ÞG Verk Höllinni í kvöld. Leikurinn hefst kl. 19:45 og vonumst við eftir að sjá ykkur sem flest á svæðinu!

SKÍNI STJARNAN 💙

11/09/2026

ÆFINGALEIKUR GEGN KEFLAVÍK 🏀

Strákarnir mæta Keflavík í æfingaleik á mánudaginn 14. september í ÞG Verk höllinni.

🎟 Miðaverð
Fullorðnir: 1.500 kr.
Börn: 500 kr.

Fjölmennum á völlinn og styðjum strákana í undirbúningnum fyrir komandi átök! 💪

SKÍNI STJARNAN 💙

08/09/2026

Það gleður okkur að segja frá því að Dino Stipcic hefur verið ráðinn sem þjálfari hjá körfuknattleiksdeild Stjörnunnar.

Dino mun leiða elstu strákahópa félagsins í vetur, stýra liði KFG í 1.deildinni ásamt því að vera aðstoðarþjálfari meistaraflokks karla.

Dino hefur mikla reynslu af þjálfun, hefur þjálfað við góðan orðstír hjá okkur í Stjörnunni, Hetti og Breiðabliki.

Hann hefur auk þess verið aðstoðarþjálfari u20 ára landsliðs karla og aðalþjálfari U16 ára landsliðs drengja sem náði frábærum árangri í sumar.

Okkur hlakkar til samstarfsins og bjóðum Dino hjartanlega velkominn.

SKÍNI STJARNAN 💙

05/09/2026

Valdis Helga Alexandersdóttir semur við Stjörnuna✍️

Valdís Helga hefur skrifað undir tveggja ára samning við Stjörnuna og mun leika með liðinu í Bónus deildinni í vetur.

Valdís Helga er fædd árið 2010 og hefur spilað upp alla yngri flokkana með Snæfell, og þrátt fyrir ungan aldur spilaði hún stórt hlutverk með Snæfell í 1.deildinni í fyrra, og skilaði um 16 stigum og 7 fráköstum að meðaltali í leik..

Valdís Helga hefur verið í yngri landsliðum Íslands, bæði U15 og núna síðast með U16 liðinu sem tók þátt í Evrópukeppni í Grikklandi þar sem Ísland endaði meðal 22 efstu liða Evrópu

Við bjóðum Valdís Helgu velkomna í Stjörnuna og hlökkum til að fylgjast með henni í ÞG Verk höllinni í vetur.

Til hamingju Valdís Helga – Til hamingju Stjarnan

Skíni Stjarnan💙

04/09/2026

Yngri flokka starfið er komið af stað! ⭐🏀

Æfingar eru nú hafnar hjá öllum hópum og það stefnir í enn eitt öflugt og spennandi tímabil hjá yngri flokkum Stjörnunnar.

Þjálfarateymi yngri flokkanna er að mestu komið á hreint og þar er sannarlega kominn saman afar öflugur og reynslumikill hópur þjálfara. Óskar Þór Þorsteinsson hefur tekið við sem yfirþjálfari yngri flokka og mun leiða starfið í nánu samstarfi við þjálfara og aðra sem koma að uppbyggingu og umgjörð yngri flokkanna.

Hér má sjá þjálfara flokkanna eins og staðan er núna en nánari kynning á þjálfarahópnum kemur á næstunni:

Drengir

Ungmennaflokkur: Ögmundur Árni Sveinsson
12. flokkur: Dino Stipcic og Ögmundur Árni Sveinsson
11. flokkur: Ögmundur Árni Sveinsson
10. flokkur: Óskar Þór Þorsteinsson
9. flokkur: Ingi Þór Steinþórsson
8. flokkur: Óskar Þór Þorsteinsson
7. flokkur: Marvin Valdimarsson

Minibolti drengja

MB 11 ára: Bjarni Guðmann Jónsson
MB 10 ára: Snorri Örn Arnaldsson
MB 9 ára: Elías Orri Gíslason
MB 8 ára: Benedikt Björnsson
MB 6–7 ára: Dagur Kár Jónsson, Ögmundur Árni Sveinsson og Óskar Þór Þorsteinsson

Stúlkur

10.–12. flokkur: Hörður Unnsteinsson
8.–9. flokkur: Auður Íris Ólafsdóttir
7. flokkur: Auður Íris Ólafsdóttir

Minibolti stúlkna

MB 10–11 ára: Eva Wium
MB 8–9 ára: Bára Björk Óladóttir
MB 6–7 ára: Kjartan Atli Kjartansson, Árni Ragnarsson, Telma Björk Fjalarsdóttir og Óskar Þór Þorsteinsson

Yngstu iðkendurnir

5 ára: Elías Orri Gíslason
Krílabolti: Elías Orri Gíslason

Nánari upplýsingar um æfingatíma og skráningu má finna á Abler og á heimasíðu Stjörnunnar.

Við hlökkum til að taka á móti bæði nýjum og núverandi iðkendum í vetur og eiga með þeim metnaðarfullt, uppbyggilegt og skemmtilegt körfuboltaár 🏀

SKÍNI STJARNAN 💙

03/09/2026

Berglind Katla Hlynsdóttir til Bandaríkjanna 🤝

Berglind hefur spilað fyrir Stjörnuna frá barnsaldri, spilað síðustu tvö tímabil í Bónus deild kvenna og lék í haust sína fyrstu A-landsleiki eftir að hafa spilað stórt hlutverk með bæði U16 og U20 ára liðum Íslands sem áttu bæði góðu gengi að fagna í sumar.

Berglind gengur til liðs við Long Island Lutheran sem er öflugur menntaskóli í New York.

Við óskum henni góðs gengis í Ameríku og hlökkum til að fylgjast með henni í vetur.

SKÍNI STJARNAN 💙

31/08/2026

Heiðrún Björg Hlynsdóttir til Svíþjóðar 🤝

Fleiri af okkar ungu leikmönnum halda erlendis.

Heiðrún Björg hefur lengi verið hluti af Stjörnunni, spilað í þrjú ár í Bónus deildinni ásamt því að hafa spilað fyrir öll yngri landslið Íslands, nú síðast fyrir U20 ára lið Íslands sem náði frábærum árangri í A-deildinni í sumar.

Heiðrún hefur samið við Brahe Basket í Svíþjóð sem spilar í sænsku úrvalsdeildinni og frábært tækifæri framundan.

Við óskum Heiðrúnu góðs gengis í Svíþjóð og hlökkum til að fylgjast með henni í vetur.

SKÍNI STJARNAN 💙