Golfklúbburinn Vestarr

20/09/2026

Bændaglíma Vestarr var spiluð i flottu veðri í dag.

Bændur voru þau Anna María Reynisdóttir og Ásgeir Ragnarsson

13 leikmenn tóku þátt í skemmtilegu móti.

Lið Önnu Maríu vann keppnina og var vel fagnað að keppni lokinni.

Öllum var svo boðið upp á hamborgara og pulsur í skála.

Þær Steinunn og Nikkí stóðu vaktina í skála á meðan mótinu stóð og Heimir Jóns kom og grillaði fyrir keppendur og gesti.

Garðar, formaður fór yfir líðandi starfsár, framkvæmdir , mót og árangur í Sveitakeppni GSÍ en Vestarr sendi 3 lið til keppni. Hann þakkaði starfsfólki, sjálfboðaliðum og velunnurum fyrir allt það frábæra starf og framlag á árinu.

Anna María, gjaldkeri sagði frá því að síðasta greiðsla á láni vegna kaupa á Grundarfjarðarvelli hafi verið greidd 18 september og væri því Vestarr skuldlaus.

Var því vel fagnað af viðstöddum.

Stjórn Vestarr þakkar öllum fyrir gott starfsár.

19/09/2026

Opið verður fyrir skráningu í bændaglímu til kl. 09.00 í fyrramálið .
20 september.

19/09/2026

Opið verður fyrir skráningu til kl. 09 í fyrramálið.
Hvetjum kylfinga til að skrá sig.

Bændur draga í lið að lokinni skráningu.

Flott veður fyrir golf á morgun.
Að móti loknu eru grillaðir Hamborgarar og pulsur, nóg til fyrir gesti og alla þá sem langar í góða hamborgara. Bara að mæta á Grundarfjarðarvöll.
Golf.is

16/09/2026

15/09/2026

Bændaglíma á sunnudaginn. Klukkan 13.00
Mæting 12.30 í skála
Skráning á Golf.is

Eftir mót er boðið upp á hamborgara og sumarið gert upp.

Félagar skrá sig í mótið.
Bændur, Anna María Reynisdóttir og Ásgeir Ragnarsson, draga í lið.

Ræst út á öllum teigum, holukeppni með texas fyrirkomulagi. Tveir saman, með forgjöf.

Félagar hvattir til að skrá sig sem fyrst,

Stjórn Vestarr

13/09/2026

Bændaglíma Vestarr 2026

Verður haldið Sunnudaginn 20 september og mótið byrja klukkan 13:00.

Skráning í mótið í golfboxinu. Félagar skrá sig, bændur draga í lið

Bændur eru Anna María Reynisdóttir og Ásgeir Ragnarsson.

Leikinn verður 18 holu holukeppni, spilað eftir texas fyrirkomulagi, tveir saman, ræst út á öllum teigum kl. 13.00. Mæting í skála kl. 12.30

Eftir mót verður boðið upp á grillaða hamborgara og sumarið gert upp

Þátttökugjald 3000

Stjórn GVG

04/09/2026

⛳️ Pálínuboð í golfmóti hjá Golfklúbbnum Vestarr! 🏌️‍♀️🏌️‍♂️

Við ætlum að hafa smá pálínuboð að loknu minningarmótinu á morgun og langar okkur að fá félagsmenn til að leggja hönd á plóg og koma með eitthvað gott á sameiginlegt veisluborð. 🥳

Þið megið koma með hvað sem ykkur dettur í hug – heimabakað, salat, snittur, köku, brauð, eitthvað sætt eða bara uppáhaldið ykkar. 😋
Hugmyndin er að allir komi með eitthvað smá, þannig að saman myndum við eitt glæsilegt veisluborð fyrir félagsmenn.

Engin krafa um að vera kokkur ársins – bara mæta með eitthvað gott! 😉

Hlökkum til að sjá ykkur á vellinum og við veisluborðið! 💚⛳️

Afsaka stuttan frest en ég hef fulla trú á því að við getum græjað þetta 🥰

Skráningin er ennþá opin 🤩

Mótanefnd Vestarr

22/08/2026

Íslandsmót golfklúbba 50+ 2 deild kvenna var spilað á Grundarfjarðarvelli 20 og 21 ágúst.

9 sveitir kepptu, keppni skemmtileg og góð
Golfklúbbur Akureyrar stóð uppi sem sigurvegarar, þær unnu rétt til að spila í 1 deild að ári.
Sameiginlegt lið GHD og GFB voru í öðru sæti
Heimakonur í Vestarr voru í þriðja sætinu og
Golfklúbbur Borgarness í fjórða sæti.

Liðin sem tóku þátt voru.
Golfklúbbur Kiðjabergs
Golfklúbur Akureyrar
Golfklúbbur Setberg
Golfklúbburinn Vestarr
Golfklúbbur Öndverðarness
Golfklúbbur Húsavíkur
GHD - GFB sameiginlegt lið
Golfklúbbur Selfoss
Golfklúbbur Borgarness

Spilaðar voru þrjár 18 holu umferðir í holukeppni og fjögur efstu liðin fóru í umspil um 1 til 4 sæti.
Vegna veðurútlits á laugardaginn, þegar fimmta og síðasta umferð átti að spilast, ákvað mótsstjórn að 4 og 5 umferð væru spilaðar 9 holur. Og voru þær báðar spilaðar eftir hádegi á föstudag.

Mikil ánægja var hjá keppendum með framkvæmd mótsins, umgjörð vallar og veitingar í skála.
Mótsstjórn þakkar keppendum, starfsmönnum og sjálfboðaliðum fyrir þeirra framlag í mótinu.