Kvartmíluklúbburinn

Kvartmíluklúbburinn var stofnaður 6. júlí 1975 júlí 1975, og var stofnfundurinn haldinn fyrir fullu húsi í Laugarásbíó. Keppt er í mörgum bíla og hjólaflokkum.

Strax þetta sama ár fór klúbburinn að halda bílasýningar og sandspyrnukeppnir. Sandspyrnurnar voru haldnar að Hrauni í Ölfusi og mættu þar allir helstu spyrnubílar landsins ásamt miklum fjölda áhorfenda. Sýningarnar voru fyrst haldnar útivið en fljótlega voru þær fluttar inn og þá í laugardalshöllina og síðar í Sýningarhöllina (nú Húsgagnahöllin/Krónan/Intersport). Á þessum árum 1975 til 1979 var

verið að undirbúa byggingu keppnisbrautar, og fór ágóðinn af sýningunum í sjóð til að standa straum af byggingu brautarinnar. Reykjavíkurborg úthlutaði Kvartmíluklúbbnum lóð við spennistöðina á Geithálsi, og var farið að mæla út fyrir braut þar. Það kom hins vegar fljótlega í ljós að mjög dýrt yrði að byggja braut á þessum stað vegna þeirra umfangsmiklu jarðvegsskipta sem þyrftu að fara fram.
Þegar þetta kom í ljós þá var þegar farið að leita að öðrum stað til að byggja braut á. Það endaði síðan á því að klúbburinn gerði samning við Skógrækt Ríkisins sem átti land í Kapelluhrauni sunnan Hafnarfjarðar. Áður en byrjað var á byggingu brautarinnar þurfti meðal annars að athuga með grunnvatn í nágrenninu vegna hugsanlegrar mengunar, og var Jón Jónsson jarðfræðingur fengin til að meta þann þátt. Eftir að hann hafði gefið grænt ljós gáfu bæjaryfirvöld í Hafnarfirði líka grænt ljós á byggingu brautarinnar. Hafist var handa við bygginguna 1978 og var það verktakafyrirtækið Aðalbraut sem sá um vinnuna. Lokið var síðan við lagningu brautarinnar 1979 og var fyrsta keppni áætluð 28 október sama ár. Ekkert varð þó af henni þar sem að morgni þess 28 október var 20cm jafnfallinn snjór yfir öllu og þar með var að fresta þessu til næsta vors. Það var síðan vorið 1980 sem brautin var formlega opnuð og byrjað var að keppa á henni, en þá var hún eina sérbyggða spyrnubrautin í Evrópu.
Þann titil ber hún ennþá að vera fyrsta sérbyggða spyrnubraut Evrópu. Kvartmíluklúbburinn hefur frá stofnun haldið úti félagsheimili þar sem menn hafa getað komið saman og spjallað. Klúbburinn hefur haldið íslandsmeistara keppnir frá 1980 til dagsins í dag. Meðlimir eru núna árið 2010 um 1000 talsins. Á síðustu árum hefur gríðarleg uppbygging verið á svæði klúbbsins og er þar komið 160 fm félagsheimili auk bættrar aðstöðu fyrir keppendur og áhorfendur. Markmið Kvartmíluklúbbsins og slagorð hefur alltaf verið „Hraðakstur af götunum og á inn á lokuð svæði“
Kvartmíluklúbburinn er í aðili að Íþróttabandalagi Hafnarfjarðar og ÍSÍ. Fullt nafn: Kvartmíluklúbburinn
Kennitala: 660990-1199
Heimilisfang: Pósthólf 16
Pnr. 222 Hafnarfjörður
Vefslóð: www.kvartmila.is

10/06/2026

Keppni á íslandsmótinu í kappakstri mótorhjóla 2026 fer fram á Kvartmílubrautinni laugardaginn 13. júní kl. 12:15

02/06/2026

Tímaat á miðvikudag kl. 19:00

01/06/2026

Skráning í 1. umferð Íslandsmóts í kvartmílu er opin!

Linkar á skráningu:
AKÍS: https://mot.akis.is/keppni/555
- Skráningu lýkur 3. júní kl 17:00
MSÍ: https://msisport.is/keppni/147
- Skráningu lýkur 4. júní kl 22:00
Samhliða þessari keppni verður prófa að keyra bikarmót í áttungsmílu.
Skráning í kvartmílukeppnina gefur sjálfkrafa aðgang að 1/8, vilji keppandi keyra báðar keppnir. ATH ekki kvöð.
Skráning í bikarmót fer fram í sömu keppni/síðu en velur þá keppandi annað hvort flokkinn "Bikar yfir " eða "Bikar undir" í stað tímaflokks 1/4. Tveir tímaflokkar eru í bikarnum og eru þeir undir og yfir 6,50 sek í 1/8 mílu, valinn kennitími.
Sú keppni er hugsuð sem breytt/einfölduð útfærsla af FIA ET bracket (handicap racing, sportsman regulations) og fer það eftir fjölda skráninga hvenær dags keppni verður keyrð (samhliða 1/4 eða eftir).
Vonum að þetta sé áhugavert og hlökkum til að sjá sem flest hress 6. júní! 😁
Einnig óskum eftir sjálfboðaliðum til að keyra keppnina því eins og við vitum þá er engin keppni án sjálfboðaliða

01/06/2026

Framundan í vikunni hjá Kvartmíluklúbbnum
https://racecontrol.is/publish/nationalcalendar/list?context=kk

30/05/2026

Frábær dagur með Lowish á kvartmílubrautinni í dag, þó að brautin hafi verið blaut þá var pitturinn fullur af flottum bílum, fólki og frábærri stemningu. Um 500 pulsur grillaðar. Við þökkum fyrir daginn og þakkir til allra sem mættu.

Minnum á fyrstu umferð í Íslandsmóti í Kvartmílu 6.Júní næstkomandi, skráning fer fram á akis.is

30/05/2026

Í kvöld verður bílasamkoma í pittinum hjá Kvartmíluklúbbnum í samstarfi við Lowish. Grillaðar pulsur í boði meðan birgðir endast, Red bull mætir og dreifir red bull. Ef ekki rignir þá stefnum við á að opna brautina 18:00-20:00. Ekki missa af þessu 😎 Sól í hjarta ! 🌞

25/05/2026

Framundan í vikunni hjá Kvartmíluklúbbnum
https://racecontrol.is/publish/nationalcalendar/list?context=kk

23/05/2026

Sumarið heldur áfram með STÆL!!!
LOWISH X KK bjóða öllum bílaáhugamönnum á alvöru kvöld uppi á kvartmílubraut þar sem verður bæði bílahittingur og hægt að spyrna! 🚗💨
Við ætlum að fylla pittinn af flottum bílum, góðri stemningu og fólki sem hefur alvöru áhuga á bílamenningu. Hvort sem þú ætlar að mæta á projecti, daily, spyrnubíl eða bara koma að skoða og njóta þá eru ALLIR velkomnir!
📍 Hver sem er getur lagt fyrir utan svæðið og komið niður í pitt að skoða bílana,
Starfsmaður hleypir bílum inn á svæðið eða vísar í stæði.
🌭 Grillaðar pylsur í boði meðan birgðir endast!
⏰ TÍMI
17:00 – 22:00 ca.

🏎️ BRAUTIN OPNAR
17:50 Öryggisfundur
18:00 – 20:00 ca.
Til þess að keyra þarf að:
VERA MEÐ HJÁLM
VERA MEÐ ÖKUSKÍRTEINI
BÍLLINN ÞARF AÐ VERA MEÐ SKOÐUN
BÚINN AÐ FARA Á ÖRYGISFUND OG FÁ LÍMMIÐA Í RÚÐU.

(Tímarnir eru sveigjanlegir ef mæting og stemning er góð 🔥)
(Veðurfar stýrir opnun brautarinar. ef að rignir verður ekki hægt að spyrna vegna gripleysis)

💥 FRÍTT INN 💥
💥 FRÍTT AÐ KEYRA 💥

HORFA – EN EKKI SNERTA
Við hvetjum alla til að sýna virðingu — bæði fyrir fólki og ökutækjum.
Gættu þess að hegða þér af kurteisi og mæta með rétta viðhorfið. Virðing byrjar á smáatriðunum.
HÖLDUM STEMNINGUNNI GÓÐRI!
Samkomurnar okkar byggjast á góðri og afslappaðri stemningu þar sem allir geta verið þeir sjálfir.
Öruggt rými fyrir vini, vandamenn og nýliða — það er það sem við viljum skapa.
Verum í góðu skapi og gefum frá okkur jákvæða orku! 🔥
VIÐ HÖFUM SKÝR MÖRK:
• Enginn hraðakstur eða glannaskapur utan brautar
• Engar sýningar eða spól í pitt eða bílaplani
• Ekkert vímuefna- eða áfengisbrölt á svæðinu
• Farið eftir leiðbeiningum starfsmanna og skipuleggjenda
Ef þú getur ekki virt þessar einföldu reglur, þá er þetta einfaldlega ekki rétti staðurinn fyrir þig.
Við byggjum þetta saman á virðingu, ástríðu og alvöru bílamenningu.
Hlökkum til að sjá ykkur öll! 🏁🔥

Kvartmíluklúbburinn

Photos from AKÍS - Akstursíþróttasamband Íslands's post

03/11/2025

AKÍS lokahóf 2025 - viðurkenningar
Sjálfboðarliðar ársins eru Guðni Sigurðsson og Ari Halldór Hjaltason.
Silfur merki AKÍS fengu Baldur Haraldsson, Katrín María Andrésdóttir, Jakob Cecil Hafsteinsson og Ingimundur Helgason.
Gull merki AKÍS fengu Guðbjörn Grímsson og Ingólfur Arnarson.
Akstursíþróttakona ársins er Sigurbjörg Björgvinsdóttir.
Akstursíþróttamaður ársins er Hergill Henning Kristinsson.

Want your business to be the top-listed Gym/sports Facility in Hafnarfjörður?

Click here to claim your Sponsored Listing.

Location

Hafnarfjörður

Website

http://www.kvartmila.is/

Address

Reykjanesbraut 200
Hafnarfjörður
222

Kvartmíluklúbburinn

Share

Location

Website

Address