17/09/2026
HEILSUVIKA SNÆFELLSBÆJAR HJÁ CF SNB
Við hjá CF SNB erum að sjálfsögðu með í Heilsuviku Snæfellsbæjar í ár, líkt og undanfarin ár! 🎉
Dagana 23.–30. september verður áherslan á hreyfingu, heilsu, samveru og það að gefa sér tíma til að hugsa vel um sjálfan sig.
Við viljum því nota tækifærið og bjóða öllum í Snæfellsbæ og nágrenni að koma til okkar og prófa það sem við höfum upp á að bjóða í stöðinni okkar 🏋🏼♀️
ALLIR ERU VELKOMNIR! 💙
Það skiptir engu máli hvort þú hefur verið að æfa lengi, hefur aldrei æft hjá okkur, ert að koma aftur eftir langt hlé eða ert einfaldlega að leita að skemmtilegri leið til að hreyfa þig.
Allar æfingar eru aðlagaðar að einstaklingnum og við finnum leið fyrir þig til að taka þátt, sama hvert þitt getustig er.
Markmiðið er ekki að allir geri það sama eða lyfti sömu þyngd, markmiðið okkar er að allir geti hreyft sig, haft gaman og upplifað sig velkomna.
Í tilefni Heilsuvikunnar verur frítt í CF SNB dagana 23.–30. september.
Þetta er því fullkomið til að koma sér aftur af stað eða taka skrefið að hreyfingu!
Sjáumst á Heilsuviku Snæfellsbæjar 23.-30. september 💙
