Kraftlyftingadeild Breiðabliks

Blikar halda kosningadaginn á morgun heilagan með því að halda Íslandsmeistaramót öldunga í klassískum kraftlyftingum í Digranesi. Keppni hefst kl. 11 og stendur fram eftir degi. Við verðum með heitt á könnunni og lofum Blikaanda!

TÍMAÁÆTLUN – Laugardagur 16. maí
Vigtun kl. 09.00 – Allir keppendur
Keppni kl. 11.00
Holl 1:
KK: -105, -120, +120 (M1-M4)
Holl 2:
KK: -66, -74, -83, -93 (M1-M4)
KVK: -84 (M2 og M3) og +84 (M1-M4)
Holl 3:
KVK: -57, -63, -69, -76 (M1-M4) og -84 (M1)

KRAFT
Maxeffort.is

Aðalfundur Kraftlyftingadeildar Breiðabliks fer fram miðvikudaginn 8. apríl kl. 21:00.

Fundurinn verður haldinn í veislusalnum á annarri hæð í Smáranum.

Aðalfundur Kraftlyftingadeildar Breiðabliks - Breiðablik Aðalfundur Kraftlyftingadeildar Breiðabliks fer fram miðvikudaginn 8. apríl kl. 21:00. Fundurinn verður haldinn í veislusalnum á annarri hæð í Smáranum. Framkvæmd og dagskrá fundarins er skv. lögum Breiðabliks og er […]

Evrópumeistaramótið í klassískum kraftlyftingum er hafið á Möltu 🇲🇹
Við Blikar eigum tvo geggjaða keppendur mótinu, þau Alexander Örn og Birgit Rós 🇮🇸💚
Birgit keppir í -76kg flokki
Alexander keppir í -105kg flokki
Þau stíga á pallinn á föstudaginn 20.mars kl 10 á íslenskum tíma. En Birgit er í holli 1 og Alex í holli 2. Ljóst er að það er hrikalegur föstudagur framundan, fullur af anda og bætingum! 🤠

Hægt er að fylgjast með beinu streymi hér:
https://goodlift.info/live.php

LETS GO! 🇮🇸🦍

Kraftlyftingakona og -karl Breiðabliks 2025 eru þau Agnes Ýr og Guðfinnur Snær. Þau tóku við viðurkenningu á íþróttahátið Breiðabliks þann 7.janúar 😌 Þau áttu bæði frábært ár og því vel verðskulduð viðurkenning fyrir árangurinn!

Blikinn Guðfinnur Snær Magnússon er Kraftlyftingakarl ársins hjá KRAFT! Gúffi á frábært keppnisár að baki og á þetta sannarlega skilið. Til hamingu! 💚💚

Breiðablik

Kraftlyftingafólk ársins 2025

Stjórn Kraftlyftingasambands Íslands hefur valið Kristínu Þórhallsdóttur og Guðfinn Snæ Magnússon kraftlyftingafólk ársins 2025.

Kristín keppir í -84 kg flokki og er í Kraftlyftingafélagi Akraness. Þetta er í þriðja skiptið sem Kristín hlýtur þennan titil. Á árinu náði Kristín 4. sæti í samanlögðum árangri á Evrópumeistaramótinu í klassískum kraftlyftingum eftir hörkubaráttu um bronsið. Á mótinu tók hún 3. sætið í hnébeygju. Kristín varð Íslandsmeistari í klassískum kraftlyftingum á árinu og var þar hæst á stigum yfir bæði kvenna- og karlaflokk.

Guðfinnur keppir í kraftlyftingum með búnaði í +120 kg og er félagi í kraftlyftingadeild Breiðabliks. Þetta er í annað sinn sem Guðfinnur hreppir þennan titil. Á árinu tók Guðfinnur þátt í bæði Evrópumeistaramótinu og Heimsmeistaramótinu. Á Evrópumeistaramótinu tók Guðfinnur silfrið í samanlögðu auk þess að fá silfur í hnébeygju og brons í bekkpressu. Á Heimsmeistaramótinu varð Guðfinnur í 7. sæti og tók þar nýtt glæsilegt Íslandsmet í hnébeygju.

Helstu afrek ársins hjá Kristínu:
Stigahæsta konan í klassískum kraftlyftingum árið 2025 með 107,86 IPF GL stig
Evrópumeistaramótið í klassískum kraftlyftingum
4.sæti í samanlögðu – 527,5 kg
Bronsverðlaun í hnébeygju – 202,5 kg
Íslandsmeistaramótið í klassískum kraftlyftingum
1.sæti í samanlögðu – 570,5 kg
Íslandsmet í bekkpressu (þrílyftumót) – 125,5 kg
Stigahæst yfir bæði kvenna -og karlaflokki – 107,86 IPF GL stig
Menningarbikarinn í bekkpressu
Í klassík: 1.sæti – 128 kg
Íslandsmet í bekkpressu – 128 kg

Helstu afrek ársins hjá Guðfinni:
Stigahæsti karlinn í kraftlyftingum með búnaði árið 2025 með 93,21 IPF GL stig
Heimsmeistaramótið í kraftlyftingum með búnaði
7. sæti í samanlögðu – 1075 kg
Íslandsmet í hnébeygju – 440 kg
Evrópumeistaramótið í kraftlyftingum með búnaði
2. sæti í samanlögðu – 1030 kg
Silfurverðlaun í hnébeygju – 420 kg
Bronsverðlaun í bekkpressu – 310 kg
Menningarbikarinn í bekkpressu
Með búnaði: 1.sæti – 320 kg / Í klassík: 1.sæti – 185 kg

Agnes Ýr Rósmundsdóttir okkar er í valinu til Íþróttakonu Kópavogs! Íbúar Kópavogs geta tekið þátt í valinu með rafrænni kosningu í Þjónustugátt Kópavogs. 💪💚

Rafræn íbúakosning um íþróttafólk Kópavogs 2025 Kópavogsbúar 18 ára og eldri geta haft áhrif og kosið um íþróttafólk ársins 2025.

Heimsmeistaramótið í kraftlyftingum 2025 er hafið í Rúmeníu 🇷🇴
Við Blikar eigum tvo keppendur mótinu og einn þjálfara/aðstoðarmann 🇮🇸💚
Agnes Ýr keppir í +84kg flokki.
Guðfinnur (The spa guy) keppir í +120kg flokki.
Þau stíga á pallinn á sunnudaginn 16.maí kl 8 á íslenskum tíma 🤝🏻
Hjálmar fylgir þeim út sem þjálfari og aðstoðarmaður 🫡
Hægt er að fylgjast með beinu streymi hér: https://m.youtube.com/watch?v=xt0TZ193Xt4

Þau lofa hrikalegum anda og stefna á hrikalegar bætingar 😈

LETS GO! 🇮🇸🦍

Kraftlyftingadeild Breiðabliks býður öll velkomin í Digranesið næsta laugardag á Íslandsmeistaramótið í klassískum kraftlyftingum. Mótið hefst kl. 11 og stendur yfir fram eftir degi. Margir sterkustu lyftarar landsins mæta og Blikar lofa hörkuanda og sjóðheitum vöfflum. Maxeffort.is og SBD - Ísland verða á staðnum með sölubása.

Kraftlyftingadeild Breiðabliks stendur fyrir helgarnámskeiði í búnaðarlyftingum.

Allir fá tækifæri til að æfa hverja grein og fá fræðslu um öll grunnatriði sem koma að búnaðinum, þ.á.m.:
💥Almenn tækni og hvernig skal hámarka nýtingu búnaðar.
💥Hvernig skal velja sér búnað og stilla hann af.
💥Fræðsla um æfingar í búnaði og aukaæfingar í kringum það.

Fyrir lengra komna verður velkomið að koma með sérhæfðari fyrirspurnir og nálganir fyrir þau.

Kjörið tækifæri fyrir alla sem hefur langað að prófa búnaðinn eða komast lengra með eigin tækni og getu.

Það verður hægt að fá lánaðan búnað á staðnum til þess að prófa en einig hvatt lengra komna til að mæta með eigin búnað og fá þjálfun í honum 💪

Þjálfari er Hjálmar Andrésson en hann hefur margra ára reynslu sem keppandi og þjálfari og hefur m.a. þjálfað Sóley Margréti sem er Heimsmeistari 2024 og tvöfaldur Evrópumeistari í íþróttinni.

Hægt að nálgast frekari upplýsingar með því að senda skilaboð hér eða tölvupóst á: [email protected]

SKRÁÐU ÞIG HÉR: https://xps.is/shop/breidablik/activities/27

Kraftlyftingadeild Breiðabliks kynnir byrjendanámskeið í Kraftlyftingum.

Um er að ræða 4 vikna námskeið þar sem æft verður 2x í viku.

Farið verður yfir:
💥Tækni og framkvæmd við allar keppnisgreinar.
💥Aukaæfingar og annað sem við kemur því að æfa Kraftlyftingar.
💥Almenn fræðsla, vafið inn í æfingatíma.

Kjörið tækifæri fyrir alla sem hefur langað að prófa íþróttina til þess að gera það undir handleiðslu reynlsumikils þjálfara.

Þjálfari er Gabríel Ómar Hafsteinsson en hann hefur margra ára reynslu sem keppandi, heima fyrir og á alþjóðamótum, ásamt því að hafa sinnt þjálfun byrjenda jafnt og lengra komna með frábærum árangri.

Hægt er að nálgast frekari upplýsingar í gegnum skilaboð hér(Instagram) eða með því að senda tölvupóst á: [email protected]

SKRÁÐU ÞIG HÉR: https://xps.is/shop/breidablik/activities/27