Skotíþróttafélag Kópavogs

Núna er komin sumarlokun hjá okkur. Flestar almennar æfingar liggja niðri þar til í haust.
Það verður opið á mánudagskvöldum í loftsal áfram.

Sunnudaginn 10. maí var haldið íslandsmót í frjálsri skammbyssu. Mótið var haldið af skotfélagi Reykjavíkur www.sr.is . Við hjá skotkop áttum okkar keppendur þar. Skemmst er frá því að segja að hann Adam Ingi kom sá og sigraði, hann hefur aldrei æft, hvað þá keppt í þessari skotgrein. Til hamingju Íslandsmeistari. Gaman er að segja líka frá því að Elís Huga var boðið að keppa sem gestur og stóð sig lika alveg svakalega vel. Hlökkum til að sjá þá báða á þessum æfingum.

Hèr koma myndir frá honum Guðna frá mótinu í gær í staðlaðriskammbyssu. Takk fyrir frábært mót, kæru keppendur!

Í dag fór fram síðasta skammbyssumót vetrarins, íslandsmeistaramót í staðlaðri skammbyssu. Skemmst er frá því að segja að Íslandsmeistari varð Björgvin Sigurðsson, Skotdeild Keflavíkur, annar varð Karl Kristinsson, Skotfélag Reykjavíkur, en þriðji varð Adam Ingi Höybye Franksson, skotíþróttafélagi Kópavogs.
Frábær dagur og allir keppendur sælir.
Takk fyrir okkur!
Myndir: Bjarni Sigurðsson - Skotdeild Keflavíkur.

Búið er að skipa í riðla og brautir fyrir Íslandsmeistaramót í Standard Pistol sem haldið verður næsta laugardag í aðstöðunni okkar í Digranesi.

Keppnisæfing verður á föstudeginum fyrir mótið frá klukkan 18:00-19:00

Húsið opnar klukkan 08:00

Sjáumst á laugardaginn!

Benchrest
1.sæti Jón Ingi
2.sæti Jón B
3.sæti Guðni

Þá eru síðustu innanfélagsmótin að detta í hús, hérna eru úrslitin og myndir frá veiðiriflamótinu og benchrest mótinu sem haldið var sunnudaginn 3.maí
Veiðiriflar
1, sæti Ævar
2.sæti Magnús
3.sæti Birgir

Minni SFK-liða á að skrá sig í íslandsmeistaramót í staðlaðri skammbyssu, næsta laugardag. Gaman væri að sjá sem flest ykkar þar.
Styttist í að tímabilið klárist - eitt mót eftir. Klára með stæl, SFK!
Keppnisæfing á morgun kl.
19.

Íslandsmótið í loftskammbyssu fór fram í Egilshöll í dag 2. maí.

Keppendur frá Skotíþróttafélagi Kópavogs stóðu sig með mikilli prýði, og áttum við helming keppenda í final í bæði kvenna og karlaflokki!

Sigurvegari í karlaflokki eftir æsispennandi final var Adam Ingi Höybye Franksson með 225.9 stig eftir harða baráttu við Bjarka Sigfússon sem var með 217 stig, en þeir eru báðir í Skotíþróttafélagi Kópavogs. Þriðji var síðan Bjarni Sigurðsson úr Skotdeild Keflavíkur Hjörleifur Hilmarsson og Jóhann Jónsson úr SFK voru síðan í 4. og 5. sæti.

Í kvennaflokki eftir final var Maria Lagou önnur og þriðja var Tatjana Jatsuk, báðar úr Skotíþróttafélagi Kópavogs, en sigurvegarinn þar var Aðalheiður Lára Guðmundsdóttir úr Skotfélagi Snæfellsnes. Laura Sofia Valero Vargas úr SFK var síðan í fimmta sæti.

Elís Hugi Dagsson úr SFK stóð sig einnig mjög vel í flokki hreyfihamlaðra, þar sem hann skaut 515 stig.

Auk þessa tóku SFK liðarnir Tatjana Jastsuk gull í öðrum flokki, Jóhann Jónsson gull í þriðja flokki, Hjörleifur Hilmarsson silfur í öðrum flokki, Jóhanna Berentsdóttir silfur i þriðja flokki, Reynir Örn Jóhannesson silfur utan flokka og Rósey Reynisdóttir brons í þriðja flokki

Í liðakeppninni voru síðan a lið SFK í öðru sæti, og b liðið í því þriðja, eftir harða baráttu við a lið Skotfélags Reykjavíkur þar sem einungis munaði 1 stigi á fyrsta og öðru sæti.

Þökkum Skotfélag Reykjavíkur fyrir gott mót!

Úrslit í Íslandsmeistaramóti STÍ í 50 m liggjandi riffli og 50 m þrístöðu.

Núna á sunnudaginn fór fram Íslandsmeistarmót í 50 m liggjandi riffli og 50 m þrístöðu í aðstöðunni okkar í Digranesi. Alls voru 17 keppendur í liggjandi riffli og 6 keppendur í þrístöðunni.

Í kvennaflokki í liggjandi rifflinum var Jórunn Harðardóttir í Skotfélagi Reykjavíkur hlutskörpust með 605,3 stig, önnur var Aðalheiður Lára Guðmundsdóttir úr Skotfélagi Snæfellsnes og þriðja var Íris Eva Einarsdóttir úr Skotfélagi Reykjavíkur.

Í karlaflokki skaut Jón Þór Sigurðsson í Skotíþróttafélagi Kópavogs manna besti en hann skaut 626,2 stig, annar var Valur Richter með 616,4 stig, og þriðji var Leifur Bremnes með 609,5 stig en þeir keppa báðir fyrir Skotíþróttafélag Ísafjarðar.

Úlfur Sigurbjarnarson í Skotfélagi Reykjavíkur skaut svo 590,1 stig í drengjaflokki og Karen Rós Valsdóttir í Skotíþrottafélagi Ísafjarðar 545,1 í stúlkuflokki.

Í liðakeppninni var lið Skotíþróttafélags Ísafjarðar stigahæst, lið Skotíþróttafélags Kópavogs í öðru sæti, og lið Skotfélags Reykjavíkur í því þriðja.

Í þrístöðunni skaut Leifur Bremnes manna best, en hann skaut 514 stig, en Valur Richter og Sigurbjörn Jón Gunnarsson (SR) voru jafnir með 512 stig í öðru og þriðja sæti. Í kvennaflokki var Aðalheiður Lára Guðmundsdóttir hæst með 519 stig, en Jórunn Harðardóttir önnur með 509 stig. Úlfur Sigurbjarnarson skaut svo 546 stig í drengjaflokki, og var þannig hæstur allra keppanda sem verður að teljast vel gert fyrir keppanda í hans flokki.

Þökkum öllum keppendum kærlega fyrir þáttökuna!