Taekwondo Keflavík

Drekaævintýri dagur 2

8 dagar í fyrsta Drekaævintýrið!

Viktor Berg fer upp um 38 sæti eftir gull a Luxembourg og 5. sæti á Grand Prix Open og er í 24. sæti Evropulistans í -37 cadet. Heiða Dís upp um 4 sæti eftir silfur og gull á sömu mótum. Vel gert!

Viktor Berg og Heiða Dís kepptu á Grand Prox Open um helgina en það er mót ætlað cadet og junior aldursflokkum. Mótið er í E-6 styrkleikaflokki og er jafnframt úrtökumót fyrir lokamót Grand Prix Open sem er í Bosníu í lok árs. Viktor Berg byrjaði sterkt og vann fyrstu tvo bardagana gegn Ítalíu og Króatíu. Því næst keppti hann við sterkan Búlgara sem er með mjög mikla reynslu. Bardaginn var fram og tilbaka þar sem Búlgarinn vann fyrstu lotu en Viktor náði geggjuðu hringsparki í 2. lotu og stal lotunni. Búlgarinn hafði svo betur í 3. lotu og Viktor rétt svo missti af verðlaunum en hefur sýnt og sannað að hann er ótrúlega fær bardagamaður. Heiða Dís sigraði fyrsta bardaga gegn Ítalíu og þann næsta gegn Búlgaríu og vann gull og keppnisrétt á lokamótinu í desember. Til hamingju með flottan árangur og góða reynslu!

Við viljum minna alla á að sumaræfingarnar byrja í næstu viku, þann 1. júní. Það þarf EKKI að skrá sig sérstaklega á þessar æfingar. Æfingarnar verða á eftirfarandi tímum á mánudögum, miðvikudögum og fimmtudögum.

1-3. bekkur kl 16
4-6. bekkur kl 17
7. bekkur + kl 18

Allar æfingar eru 55-60 min. Komið klædd eftir veðri þar sem við munum stundum vera úti.

Svo er Drekaævintýrið sem er fyrir 6-11 ára krakka. Það eru tvö námskeið í boði. Þetta námskeið hentar öllum krökkum vel, líka þeim sem eru nýjir.
22-26 júní kl 9-12
29. júni - 3. júlí kl 9-12
Skráning á Drekaævintýrið er á abler
https://www.abler.io/shop/keflavik/taekwondo

22. júní - 3. júlí verður Afrekscamp. Þetta er fyrir þá sem hafa náð a.m.k. bláu belti og vilja bæta sig enn meira. Þessar æfingar eru kl 12-13:30 virka daga.
Skráning á Afrekscampið er á abler
https://www.abler.io/shop/keflavik/taekwondo

Hlökkum til að vera með ykkur í sumar!