09/09/2026
🟡 Gulur september er hafinn 🟡
Í september sameinast félagasamtök, stofnanir og fjölmargir samstarfsaðilar um að vekja athygli á geðheilsu, geðrækt og sjálfsvígsforvörnum. Í ár er sérstök áhersla lögð á ungt fólk og mikilvægi þess að ræða líðan, sýna umhyggju og leita stuðnings þegar þörf er á.
Í íþróttahreyfingunni skiptir andleg vellíðan ekki síður máli en líkamleg heilsa. Í gegnum íþróttir myndast sterkt samfélag þar sem iðkendur, þjálfarar, foreldrar og sjálfboðaliðar geta lagt sitt af mörkum til að skapa jákvætt og uppbyggilegt umhverfi þar sem öllum finnst þau tilheyra.
Á morgun, 10. september, er Alþjóðadagur sjálfsvígsforvarna og Guli dagurinn. Dagurinn minnir okkur á mikilvægi þess að taka samtalið og hlusta af athygli þegar einhver þarf á því að halda. Við hvetjum því alla í íþróttahreyfingunni til að klæðast gulu og sýna samstöðu með þessu mikilvæga málefni.
Nánari upplýsingar um dagskrá og fræðsluefni má finna á 👉 https://gulurseptember.is/ 💛
💛
Vitundarvakning um geðrækt og sjálfsvígsforvarnirÍ Gulum september er lögð áhersla á að auka meðvitund fólks um mikilvægi geðræktar og sjálfsvígsforvarna með kærleika, aðgát og umhyggju að leiðarljósi. Hvar er hjálp að fá?Hvað er Gulur september ?1. Af hverju september?Þ...
