Skotveiðifélag Íslands Skotvís

BLÝBANN - UMFANG OG HVAÐ GERIST NÆST.

Tillagan beinist nú eingöngu að blýhaglaskotum. Riffilkúlur hafa verið alfarið felldar út úr gildissviði tillögunnar, sem þýðir að centre-fire, rimfire, slugs fyrir haglabyssur og blýhögl fyrir loftbyssur verða ekki fyrir áhrifum og má áfram nota við veiðar og skotíþróttir, að því marki sem landslög hvers ríkis heimila. Skotfimi innanhúss, notkun í hernaði og varnarmálum, hjá lögreglu, til sjálfsvarnar, við tæknilegar prófanir, skotfræðilegar rannsóknir, svo og kveikjur og forhlöð (wads), falla einnig utan gildissviðs tillögunnar.
Tillagan gerir ráð fyrir sjö ára aðlögunartímabili, sem er veruleg framlenging frá upphaflegri tillögu framkvæmdastjórnarinnar um þrjú ár. Jafnframt er rétt að hafa í huga að áhættumatsnefnd ECHA lagði til 18 mánaða aðlögunartímabil. Að loknu sjö ára aðlögunartímabilinu verður notkun blýhagla við veiðar og skotfimi utandyra bönnuð. Á sama tíma fellur úr gildi núgildandi REACH-takmörkun á notkun blýhagla í votlendi samkvæmt reglugerð (ESB) 2021/57.
Tillagan felur jafnframt í sér undanþágu fyrir ákveðnar greinar leirdúfuskotfimi utandyra. Að loknu sjö ára aðlögunartímabilinu geta virkir félagar í skotíþróttasamtökum áfram notað blýhögl á bilinu 1,9–2,6 mm á útiskotvöllum sem uppfylla tilskildar kröfur um áhættustýringu.
Kröfurnar fela meðal annars í sér:
- að a.m.k. tvö kerfi séu til staðar til að halda eftir blýi (t.d. jarðvegsmanir, veggir, net, skottjöld eða yfirborðsþekjur),
- að notuð blýhögl séu endurheimt að minnsta kosti á þriggja ára fresti,
-að fylgst sé með sýrustigi jarðvegs og því stjórnað,
- að frárennslisvatn sé vaktað og stýrt,
- að land innan skotvallarsvæðisins sé ekki nýtt til landbúnaðar,
og að haldið sé utan um skráningu á notkun og endurheimt blýhagla.
Aðildarríkjum verður einnig gert skylt að birta lista yfir þá skotvelli sem uppfylla þessar kröfur. Framkvæmdastjórn Evrópusambandsins mun endurskoða þessa undanþágu tíu árum eftir að reglugerðin tekur gildi.

HVAÐ GERIST NÆST?
Nú tekur við þriggja mánaða tímabil rýnis þar sem Evrópuþingið hefur heimild til að andmæla tillögunni. Þingið getur hins vegar ekki lagt fram breytingartillögur við einstök ákvæði hennar.
Berist engin andmæli verður reglugerðin birt formlega og tekur þá gildi. Frá þeim tíma hefjast þau aðlögunartímabil sem kveðið er á um í reglugerðinni. Því má gera ráð fyrir að allt að s*x mánuðir líði þar til reglugerðin tekur formlega gildi og frestir til innleiðingar og framkvæmdar hefjast.
Hugsanlegt er að fram komi andmæli á Evrópuþinginu frá báðum endum hins pólitíska litrófs, þar sem ólíkir stjórnmálahópar kunna að vera óánægðir með þá málamiðlun sem náðist í REACH-nefndinni. Sumir vildu ganga lengra, aðrir styttra.

SKOTVÍS mun halda áfram að vakta framvinduna.

ESB OG ALÞJÓÐLEGIR SAMNINGAR

STEFNA ESB UM LÍFFRÆÐILEGA FJÖLBREYTNI

BLÝ BANNAÐ Í HAGLASKOTUM - Aðlögunartími 7 ár.

Nefnd REACH innan Evrópusambandsins hefur samþykkt tillögu framkvæmdastjórnar Evrópusambandsins um að takmarka notkun blýs í haglaskotum.
Undanfarna 18 mánuði hafa aðildarríki ESB unnið markvisst að því að endurskoða upphaflega tillögu framkvæmdastjórnarinnar. Lokaniðurstaðan er verulega frábrugðin fyrstu drögunum. Mikilvægasta breytingin er að aðlögunartími fyrir bann við blýhöglum hefur verið lengdur úr þremur árum í sjö ár. Jafnframt hefur verið fallið frá fyrirhuguðum takmörkunum á blýkúlum, sem endurspeglar breyttar pólitískar áherslur Evrópusambandsins, meðal annars á sviði varnarmála og öryggis.
Flestar af helstu tillögum FACE (Samtaka evrópskra veiðimanna og skotíþróttafólks) hafa verið teknar til greina í endanlegri tillögu. Niðurstaðan er því mun hófstilltari og raunhæfari fyrir veiðimenn víðs vegar um Evrópu.
Tillagan fer nú í þriggja mánaða athugunartímabil hjá Evrópuþinginu og ráðherraráði ESB. Í ljósi þeirra umfangsmiklu breytinga sem aðildarríkin hafa þegar gert á tillögunni er talið ólíklegt að Evrópuþingið muni gera athugasemdir eða hafna henni.
Nú beinast verkefnin fyrst og fremst að framkvæmdinni. Mikil vinna verður lögð í að styðja veiðimenn við yfirfærsluna yfir í blýlaus haglaskot. Mikilvægt verður að byggja á reynslu þeirra landa sem þegar hafa lokið þessari breytingu með góðum árangri t.d. í Danmörku og jafnframt tekist að viðhalda öflugri þátttöku í veiðum.

Þessi breyting á líka við um Ísland í gegn um EES samninginn.

Þá er komið að fuglatilskipun ESB.
Best að hafa svona disclaimer eins og sagt er á á góðri íslensku.
Þessar myndir eru unnar í AI uppúr kynningu sem við fengum frá besta sérfræðing FACE og NHA. Þannig að efnið er frá þeim en útlitið frá AI. Við treystum ekki í blindni AI frekar en aðrir ættu að gera.

Búsvæðatilskipun II
Best að hafa svona disclaimer eins og sagt er á á góðri íslensku.
Þessar myndir eru unnar í AI uppúr kynningu sem við fengum frá besta sérfræðing FACE og NHA. Þannig að efnið er frá þeim en útlitið frá AI. Við treystum ekki í blindni AI frekar en aðrir ættu að gera.

Við byrjum á Búsvæðatilskipun ESB.
Best að hafa svona disclaimer eins og sagt er á á góðri íslensku.
Þessar myndir eru unnar í AI uppúr kynningu sem við fengum frá besta sérfræðing FACE og NHA. Þannig að efnið er frá þeim en útlitið frá AI. Við treystum ekki í blindni AI frekar en aðrir ættu að gera.

Kæru félagsmenn, undanfarið hafa félaginu borist fjölmargar fyrirspurnir varðandi mögulegar samningaviðræður Íslands við ESB og hvaða áhrif slíkt gæti haft á skotveiðar og hagsmuni skotveiðimanna. Stjórn félagsins fylgist náið með þróun mála og er í góðum samskiptum við FACE og NHA. Markmiðið er að tryggja að sjónarmið íslenskra skotveiðimanna komi skýrt fram ef til samningaviðræðna kemur.

Það eru ákveðin atriði sem mikilvægt er að halda til haga, og mun stjórn félagsins leggja ríka áherslu á að hagsmunir skotveiðimanna verði hafðir að leiðarljósi við mótun samningsmarkmiða, ef niðurstaða kosninga verður sú að hefja viðræður við ESB. Meðal þeirra mála sem félagið mun fylgjast sérstaklega með eru áhrif mögulegrar innleiðingar ESB-regluverks á fuglavernd, skotvopnalöggjöf, notkun skotfæra og íslenskar sérlausnir tengdar sjálfbærri nýtingu villtra fuglastofna. Sérstaklega er mikilvægt að hafa í huga að aðstæður á Íslandi eru að mörgu leyti sérstakar í samanburði við mörg aðildarríki ESB. Þar vegur þungt að hefðir og fyrirkomulag sjófuglaveiða hér á landi eru um margt ólík því sem almennt tíðkast innan ESB. Einnig hefur verið til umræðu innan ESB frekari takmörkun á notkun blýs í skotfærum, auk reglna sem snúa að fuglavernd og verndun búsvæða. Stjórn félagsins mun áfram fylgjast grannt með framvindu mála og upplýsa félagsmenn eftir því sem tilefni gefst.

Á næstu dögum munum við birta upplýsingar um möguleg áhrif inngöngu í ESB á skotveiðar á Íslandi og taka við fyrirspurnum.
Svörin verða síðan unnin í nánu samstarfi við okkar færustu sérfræðinga hjá FACE í Brussel ásamt okkar kollegum í NHA(Nordic Hunters Alliance).

Misstir þú af málstofu um íslenska refinn?
Hér er upptaka.

Málþing um íslenska refinn Á málþinginu verður fjallað um ýmsa þætti sem tengjast líffræði ísl...